華園牛腩專門店

Open Now

Now Closed

呢排係咁落雨 今日都無例外🥹☔️諗住經過搵d野食 發覺呢間位於勝利道既牛腩麵出乎意料地好食！心情都好的！🩶姊姊態度超級親切 好有人情味 有講有笑🪄唯獨要注意既係佢哋只係收現金💰牛腩豉油皇撈伊麵 ($59)🐄牛腩份量好多 唔係誇張 就黎同麵1:1 ö 牛肉肥瘦比例平均 側邊有少少肥肉 食落好juicy 而且好冧 牛味好香🫶🏻 伊麵非常爽口 配埋醬汁都唔會太鹹！味道：🎐🎐🎐🎐/5 📍華園牛腩專門店 (何文田)地址：何文田勝利道14F-14G號勝利大廈地下B2號舖

每次經開勝利道，除左可以睇下d得意既小動物係呀，其實呢條街仲有好多小店…有一間已經食過無數次，一入去店員超級熱情，就係華園！我最鐘意食佢既牛腩河，而家已經要$45一碗！次次都會同姐姐講，可唔可以要瘦d, 就算係瘦牛腩啲肉都唔柴，而家好好香牛味牛筋咬落去唔係好冧果種，而係口感好q彈但同時一d都唔韌，強烈推薦可以加少少紅醋，如果食到辣，可以加多少少辣油，更加帶到牛肉個鮮味食魚旦河牛腩粉 li d ,點可以少得炸魚皮，佢仲要份量超大，條條都有間尺甘長，認真誇張，香香脆脆浸湯好有魚味

早排食咗個咖喱薯仔牛腩飯，今日翻食，因為個汁啱我，雖然冇乜辣味，肉質亦好普通，不過我唔介意，我志在濕濕地撈下飯啫，食完，諗起都想家人一起分享下，立即比百四蚊買左一碗外賣，到手打開望下，想要多少少汁，當然盒內係有位置可加嘅，我唔會見到滿到瀉都要加，呀姐攞比煮房，入面個人話，如果要多啲汁，我要拎翻走D牛腩先可以比你，嘩！我幾十歲從未遇過呢種事，舖頭仔食嘢要多少少汁，周不時都有啦，又唔見佢話拎起舊薯仔？你一係就話唔得，再唔係你咪話要收錢囉，咁反而都合理d，我都會比，當時店內都多人，我亦唔想為嗰兩匙汁去拗，選擇回答「隨你啦」。真心唔會再去～

今日帶隻貓貓去左何文田睇醫生睇完就係附近搵野食最後揀左食評唔錯嘅華園-入面坐位唔算太多1:30pm去到幾乎坐滿我叫左個魚蛋麵 朋友叫左個牛腩米牛腩專門店 果然牛腩質素唔錯牛腩夠淋夠香 牛味好足另外佢嘅魚蛋麵有驚喜炸左嘅白魚蛋彈牙仲好有魚味麵亦做得好爽口值得一提嘅係華園仲有而家麵舖少提供嘅魚露👍🏻-華園嘅CP值唔錯推介大家都可以試下佢嘅魚蛋😋-牛腩米粉 $42 分數:8/10魚蛋幼麵 $42 分數:9/10

推薦小店！好好味！唔記得影相做record….夜晚經過第一次幫襯特別叫牛坑腩有𡁻口但唔黐牙，墨魚頭ok爽脆加湯伊面（個人喜好😍)不過雙拼，坑腩，伊底全都要加錢，－碗$79，其實食日本拉麵面都接近一百蚊啦，所以我都好接受，O底加罐裝可樂$12，朋友食一碟牛腩飯就一般般啦，樓面姐姐好nice,地方都企理算整潔，食客都好欺文。下次－定會再去試吓牛什，咖喱魚蛋魷魚羅白，沙嗲牛肉煎蛋飯🤤🤤🤤🤤仲有炸魚旦頭

📍 華園牛腩專門店 (何文田)〰今日午市12點半黎到都唔算多人🥰姐姐好人又有禮貌。落完單2分鐘已經有野食上枱，超快手。相比同區午市起碼$5x，平價午餐不二之選。位置上唔近地鐵站，小店經營別有一番人情味～🌟牛腩河 $45評分: 4.5/5牛腩大大舊，有6-7大塊，每舊都好腍又重肉味🤩河粉夠滑，條條分明。可惜冇午市套餐，飲品要加$12 但份牛腩質素高，性價比高👍🏻〰️環境: 3.5/5服務: 4/5地點: 2/5〰️

一場嚟到何文田睇吓有咩好食見到呢間專賣牛腩 身為牛腩愛好者 無理由唔一試粉麵一向少食 多數叫淨餸叫咗古法牛雜、崩沙腩同牛筋牛雜我朋友幾鍾意，而我就還好，因為啲牛腸太肥，成口都係肥膏。崩沙腩都係中規中矩，偏瘦肉質略為硬，我朋友覺得一般，可能我怕太肥膩，所以夠牛味我反而覺得可接受。牛筋可以叫，夠腍夠入味👌🏼唔知係咪因為好少成碗粉麵叫嚟食，反而真係會試真啲本身個餸 牛筋腩嘅質素。冇留意粉麵價錢，不過豐儉由人最緊要符合期望同合理啦。

在何文田這條勝利道附近，其實沒有那間可以食平過$50 ，不過這間都應該算唔錯，因為其他無論冰室定還是拉麵，都可能起碼要$60以上雖然$40多元的確不算便宜，不過它的牛腩份量還算充足，沒有十件都應該有八件，除了下邊口肉之外，上邊亦都有輕微脂肪，有少許皮以及肥，牛腩才好吃，起碼不算吃到舊舊都癡牙。只有幼麵及河粉等等，幼麵都算煮到爽身，不算太過軟林，功架還是不錯的。辣椒油味道都算香濃，但又不算一味死辣，帶點香氣，另外桌面亦都有魚露可給食客點用。

「馳名牛腩河」收工唔知食咩好 / 放假唔知食咩好就會去華園食碗牛腩河牛腩 好淋無渣 店面衛生 乾淨P.S. 雖然華園格離仲有間米線同餃子店 成日都諗住試，但最後都係會入左去華園

何文田勝利道華園牛腩專門店, 推門當刻, 清香牛湯味已經撲鼻而來.  店鋪氣氛親切.  推薦嘅古法鮮牛什河粉, 份量剛好, 牛肚同腸尤其鮮彈爽口.  秘制湯底和牛什色澤討好, 牛腩則軟腍入味. 好食.  至於咖喱三寶, 有魷魚, 墨丸同埋魚蛋.  自家咖喱汁惹味, 辣得到位. 反而三寶未算入味.  另一道小食, 腩汁甜蘿蔔無根而又清甜, 伴麵食也不錯.  價錢親民, 作日常午餐晚餐, 算是經濟又好味的選擇. 

之前去過食幾次，食物唔差。之前每次都係好好人既哥哥（叔叔）幫忙落單同收錢。今晚去到個阿姐落單慢，執枱慢，收錢慢仲要成程黑晒面咁。（明明餐廳入面得一枱客！）我明白呢間係小店但係咁樣既服務態度真係唔得囉！😡最後都講一句，牛腩係真心唔差，D河粉都多到永遠食唔晒。

經過勝利道快食一個🍜午餐, 選擇了華園牛腩專門店, 稱之為專門店的牛腩應該都有一定的水準😅 入座後, 叫了一碗牛腩河＆一碗牛筋粗麵, 分別各$40/碗, 價錢尚算合理牛腩河&牛筋粗麵, 本人覺得湯底比較鹹, 不過牛腩&牛筋質素都非常好. 牛腩很重牛味, 又夠淋, 有咬口. 牛筋夠大條, 夠淋&好黏口😋👍 加些紅醋&辣椒油更加惹味, 辣椒油夠香口&夠辣沒有叫其他小食, 因為看見隔離枱的小食份量較少, 價錢偏高, 不值. 下次若然再光臨, 我會嘗試食咖喱牛腩飯😬😬 不過這間的店舖冷氣較弱, 一邊食麵, 一邊流汗😕

曾幾何時Lunch經過諗住一試點知一試難忘佢嘅牛腩/牛雜真係好好好食呀久唔久lunch 買外賣佢地都keep到個水準👍👍👍 所以真心要比好評佢🌟🌟🌟🌟🌟 佢嘅牛腩牛雜全部都炆得好淋好入味，好多料唔吝嗇，43幾蚊大大碗，性價比好高我啲同事就好鍾意食佢嘅咖喱牛腩飯、肥牛撈粗丶牛坑腩米😋😋😋

星期六通常是我一個享受私人時間的日子，獨個兒來到勝利道覓食，完全按個人喜好，不需考慮別人的想法，一個人找餐廳、食飯、安安靜靜的…，蠻喜歡那刻的時光。今次來到華園牛腩專門店，今次已經不是我第一次來的餐廳，是食過翻尋味之選。原因很簡單，食物不花巧，主打牛腩，無論配飯、湯河、撈麵甚或乎單點都有一定水準。記得多年前隨心意點了餐牌上沒有的 – 咖哩牛腩湯米，一試難忘。但之後再光顧，店員說沒有這種叫法、或是沒有這種配搭，我也不太能理解為什麼會做不出來，既然店家有賣咖啡牛腩，又有賣湯河湯米，當然我也不會為難店家要做餐牌沒有的菜式。所以今天來實測下運氣 – 結果王天不負有心人，又可以再嚐咖哩牛腩湯米了! 牛腩做得非常入味又夠腍身，咖啡沒有太多香料味，倒合我胃口，咖啡汁和牛腩汁混合在一起再淋上湯米伴著吃，我就是喜歡這樣吃，謝謝店家。其實餐牌上的咖啡牛腩是配飯吃的，一定也很惹味吧!說到餐牌除了咖哩牛腩，還有古法牛腩、黑柏葉、牛三寶泡飯都相當吸引，有緣再試。

尋晚買咗個牛腩河同咖哩牛肉，牛腩咁多舊夾埋真係得一舊瘦肉，勁離譜，咖哩牛肉啲汁全部都係油，好誇張，當時食到好炆都唔記得咗影相😭。食到一半已經唔太舒服冇再繼續食，過幾個鐘就開始腸胃炎，肚屙又想嘔。好在食粒藥之後冇繼續嚴重。但呢間以後都唔去了。