華園餃子館

Open Now

Now Closed

好少見到蕃茄餡料餃子，所以就試一試。中午12:30人不多，姐姐友善。麵份量不算多，女仔食ok。而餃子餡和湯底偏清淡，食到一半要加辣椒醬調味。$44一碗都可以，如果兩個人不妨點個小食會飽肚D。

今天大伙兒入去食，碟蝦籽炒麵在三催四請下等了半小時才有，但食到底也見不到有蝦籽。不過已經因為天氣太熱及等了太耐而到唔記得追問番，食完只想快點走。以四十幾元只食了一小碟豉油炒麵和墊底椰菜加蔥，實在無奈。另外點了一碟椒鹽豆腐，廿幾蚊得8小粒。又係唔值。只不過是一般的炸豆腐，沒有食到椒鹽味。燕麥凍豆漿已是最好味和價錢合理的項目了。家人點了紅油抄手和炸翼。炸翼賣相一般，只得3隻。抄手個樣okay.應該唔會再來幫襯了。

7月14號晚上應該好熱鬧。出去應下節都不錯。幫襯幫襯一下食市。去到何文田搵下美食，經過條街名叫勝利道，見到有間門口貼有好多宣傳店舖的食物圖片，一見到有餃子🥟食就二話不說，進去試一試，餃子🥟我本人覺得最好味😋，都係韭菜豬肉餃子。味道最適當。店主的服務態度好好，又有測體溫。最意想不到就係粒餃子🥟形狀不大，但涵料好豐滿，味道剛好。個麵開始我以為係烏冬😅。如果喜歡食餃子🥟，下次可以唔要個麵，只要餃子。因為一碗餃子🥟就有10粒，但如果餃子🥟麵就只得5粒，對喜愛食餃子🥟的人黎說，應該唔夠喉😜😜😜

勝利道呢度都有好多餐廳小店，今日買完貓嘢就順便過嚟食埋晚飯啦。 呢間係第一次食，都想食下餃子， 跟住就行咗入嚟啦。睇咗個menu， 啲餃子十隻嚟講，最平46至50蚊。 另外有個叫十三么餃子價值70蚊。 但係呢度其實近旺角， 我覺得貴，喺中環食餃子都係呢個價錢。叫咗個小食，麻辣豬肚，好失望。一啲都唔辣，好淡同埋有啲乾，又細碟。一碗酸辣湯，超細碗，quality ok。但係呢兩樣嘢我都覺得份量少之餘又貴 ， 喺旺角食嘢嚟講唔值，其實都係啲快餐麵檔嘢。

華園餃子館菜式選擇多，包你睇Menu睇到花多眼亂，有選擇困難症🤣，而且好多菜式配搭都好新鮮香煎羊肉餃🥟($47) 餃子係王牌，細細粒，一啖食晒，就算睇相都應該感受到餃子個皮有幾脆，餃子皮算薄，羊肉一啲都騷，餃子好juicy👍🏻👍🏻👍🏻👍🏻豆腐芝士餅($44) 同想像中嘅味道有少少唔一樣，以為會好芝士(有啲似芝士年糕嗰種)，食落感覺似墨魚餅，但係豆腐質感，有淡淡芝士味，唔會咁膩，值得一試👍🏻👍🏻辣拌麵🍜($33)中辣，麵上面嗰啲係蒜頭加辣粉，辣汁有啲似紅油抄手嘅醬汁，帶少少甜，不過係會越食越辣😏😏紫背天葵($22)自家製，少少酸，一啲都唔甜，最緊要係好冰凍，解辣解消暑就最好不過所有菜式都做得好的骰，就算一兩個人去食都可以試好多款，而且餐廳好乾淨坐得好舒服，不過價錢就唔算好平

住勝利道12年 以前成日食 因為真係無味精但係呢幾年係咁加價... 加到一塊無加料嘅原味鬆餅由前幾年$10加到而家$24... 又越嚟越細塊 麻醬麵以前$23都仲覺得係貴嘅但合理地貴... 而家$33又細碗咗好多... 唉你咪去食囉... 食完唔好小我無提醒你如果話跟通漲其實就無問題嘅... 但係一邊加價一邊減份量 我一個魚柳飽餐都食唔哂啲薯條嘅女仔 食佢一個麵加小食豆漿都唔飽... 份量睇其他評論啲相就有... 我就唔貼喇 話哂食咗咁多年老闆認得我 我食乜果個配搭佢一睇就知係我 再講其他評論 寫呢篇之前睇咗好幾個睇吓其實係咪我自己醃尖 但原來大家寫嘅都大同小異真心想佢哋勿忘初衷 做好啲餃子就好了 其他華而不實嘅嘢真係只會拖垮佢ps服務點解得兩粒星呢... 話說我係熟客 當然無問題啦 有傾有講添... 不過有時見老闆娘佢哋對啲普通客嘅態度都真係睇唔過眼... 如果我係普通客我會俾一星

每次經過都有好多食客，仲見到好多食物相貼滿牆，以為好好食！叫咗個香芹鮮肉餃子麵$42，d 肉好「鞋」，衰過灣X碼頭水餃！另外，叫咗個牛肉包，見好多客都叫，以為係名物。。。點知個包皮咬落「痴」牙，d 肉仲奇食唔出係咩，一團粉咁，又無味！唔怪得隔離個男食客加大量辣椒🌶️醬！

路過見到有金剛小儀去食過以為有啲保證，啲菜名又好似用料豐富好好味咁，所以就被吸引過去試一試。但原來名不符實，聽落以為好好味，叫左個橋邊鵝油香蔥辣醬麵同香煎蟹粉餃，上菜好慢，等我以爲係細心炮製緊啲咩美食，點知出到嚟⋯普通到極點，個麵冇鵝油香，冇香蔥味，又話辣但完全唔辣我仲要自己另外加辣醬⋯仲要勁細碟賣70蚊；果三隻蟹粉餃完全冇蟹粉味，非常失望已，蟹粉味就冇喇，油味就重到不得了⋯完全無法理解點解會差成咁，以後唔會再幫襯。

勝利道呢頭好多寵物店，經過可以睇到好多好可愛o既喵仔🐱狗仔🐶，吸引左唔少人來呢條街，自然造就左不同o既食肆。今日午飯時間黎到，就試下呢間華園餃子館食下餃子。細細間，好有自家煮o既感覺，牆上貼滿食物o既相片，多到目不暇給，最後叫左一份西洋菜鮮肉餃配上海麵＄４０同一份淨韭菜鮮肉餃＄４５，配麵餃子會有五隻而淨餃就會有十隻。滿心期待但唔知點解我地果份西洋菜餃味道係苦ｏ既…. 而韭菜鮮肉餃味道尚可，但餃子🥟皮都係過於原身。另外我地仲叫左香煎牛肉包，包底煎脆了但整體味道好一般....

路經勝利道，見到店面門口同入面都貼滿菜式的照片，好奇入去試下。雖然叫餃子店，但有好多不同別出心裁的食物，有種自家研製既感覺。本人嗜辣，凍凍地加埋見到辛辣麵緊係流口水，不過呢碗黑椒牛筋丸辛辣麵成六十蚊...真係好貴牛筋丸彈牙、有咬口、有牛味，辛辣麵就係屋企自己都煮到咁囉..另外仲叫左個魚香餃子，即係咸魚豬肉餃，咬開係好有咸魚香味，而且肉餡好多好飽滿。不過成五十蚊，的確不便宜。總捨黎講，食物有心思，慢慢煮，唔係街邊速食野，但價錢貴、份量少。月頭手鬆可以一試🤣🤣🤣

以往係何文田某著名學院上完堂都會同同學們步行到山下面嘅華苑食酸辣湯，餃子同酥餅，適逢又到星期二，咁就不如重拾舊歡啦一去到，個餐牌真係震驚幾百萬人我係指個價錢小小嘅酥餅已經加到多過一盒排骨飯雖然想重拾舊歡，但係真係叫唔落去🤦🏻‍♀️最後叫咗京蔥羊肉餃面，因怕食剩餃會太飽影響表現個面一嚟到，我都嚇一嚇，比以往嘅份量細一大截😨，不論係面同餃子餃子皮太厚，食落口好似未煮熟咁，京蔥太老，就算切細咗都啖啖痴牙面條唔彈牙上湯好似清水加豉油牆上貼滿咗大大小小嘅剪報，大部分都寫住店主勇於創新試新菜，但係，於我而言，創新無罪，但希望店主毋忘初衷，做好餃子吧仲要真係食唔飽🤦🏻‍♀️

因為有長輩住在附近，我又喜歡趁聚餐前在附近亂逛，早就知道這個地方並且幫襯過。日子一久，喜歡與否我尚記得，箇中原因卻已徹底忘記。這麼多年，它變也說不定，我口味變也說不定，就讓我們放下過往，重新認識吧。這裏的餐牌大大張，放在桌上幾乎可以完全覆蓋桌面。我見不少項目都標榜採用貴價配料，似是有意營造出一種貴精不貴多、甚或有麝自然香的姿態。看着看着，腦海閃出了大角嘴一間來年將會結束營業的食店。既為餃子館，先試其餃子。上枱顆顆完整、的骰、緊緻，我選的是西洋菜豬肉餃拼南瓜豬肉餃。菜肉餃食味不錯，但無讓人驚艷之處。南瓜餃出奇地甘甜，本來南瓜甜是美事，但這餃子餡甜得有如南瓜甜點。如此一鹹一甜，我覺得是違和多於合襯。麻辣涼麵加雞絲，麵條尋常、稀鬆，麻辣我選了中辣，卻實在不麻也不辣。我明白辣度可能有少許主觀的成分，向店員反映，她先是拿出一枝辣油，她還未放在桌上我就疑惑地問她這辣油是麻辣的嗎？她喃喃自語的說「不麻辣的」，然後又走了開去，回來就帶着了像潮州辣油的物事，嗅上去不錯，我就用它拌和了麵條、吃下去了。到最後我也沒得到過半點麻辣，店員也選擇了不解釋，這我不敢苟同，但也不欲批評，就如實記錄好了。我又點了煎小籠

今晚晚餐唔想煮又唔想出街食，所以用urbereats叫左外賣。因為太耐無食餃子喇，所以今次食華園餃子館。今次叫左個西洋菜鮮肉水餃同南瓜鮮肉水餃。食完之後，覺得好失望，西洋菜餃好苦，同平時食既味完全唔同，南瓜鮮肉水餃都仲可以，但我相信我唔會再叫呢間外賣了

今日lunch就是食呢個水餃辛辣麵仲叫左個咸牛肉酥餅 ，兩樣都幾好食，個辛辣麵係貴左d $60 但又真係煮得出色（自己煮無佢咁好）餃子還好，個皮再薄少少就更好 ，可能係水餃既原故，感覺總係有d唔滿足！最驚喜係個酥餅 好重芝士味又唔濟 仲好香口😍😍真係好中意鹹牛肉加芝士😍但$42就貴左d 可能因為何文田地段啦 不過水準真係唔差🤣🤣😋😋朋友食XO擔擔麵都話好食 我懷疑餐牌上有👍🏻👍🏻都是好食🤣❤️

經過抱住中伏心理入去一試。叫左四樣野。油渣麵$46蠔油撈丁$35麻辣蔥油生腸$45羊肉煎餃$45其實佢個羊餃幾好食，不過嫌佢細隻。蠔油撈丁都好簡單。。。個蠔油無咩特別。油渣麵份量正常味道都帶辣。個生腸最驚喜。爽口。麻辣油重。不過呢區係食租貴。。。其實佢個 size 造番大啲多啲餡會吸引好多而且佢好多款餃子都令人好想試，例如粟米，津白餃等。點解唔乘住呢個優勢？上菜幾快 平日8點幾都無咩人。都有附近住客買外賣同做遊客生意。