華園餃子館

Open Now

Now Closed

之前曾經因為米芝蓮到過北角阿鴻小食，試過一款芥抹雞腳筋，做法特別個味道麻麻，今天與朋友到寵物街勝利道，路過一間餃子店，發現有款叫酒醉雞腳筋的小食，於是入去試試。座低後發現原來間舖雖然細，但食物有好多選擇，首先點了酒醉雞腳筋，然後加兩個酸辣湯，一牒羊肉酥餅，再加個十三么餃子及一個鮮茄餃子。先試雞腳筋，相信絕對比用芥抹做好得多，酒味十分濃，咬落彈牙，非常好。然後試個酸辣湯，比一般所謂的上海舖做得出色，用料多兼酸辣比例啱啱好。跟住試個羊肉酥餅，因即叫即整，上枱時還是熱辣辣，最啱呢種咁凍既天氣試，朋友不大喜歡食羊，試過後亦覺得好味，不太酥，不食羊的人亦可以接受。最後試餃子，太多款關係，已經不記得邊款打邊款，不過可以食得出唔同味道，啱想試新嘢既朋友。另多再加的鮮茄餃子，雖然清淡，但原來番茄做既餃子又幾好味，於是臨走時加咗外賣買俾屋介人試。因為唔多好意思影相，所以無相俾各位睇。不過下星期會去試多次，因為問過老闆娘，原來佢地都有款麵同阿鴻小食既蝦籽撈麵差唔多，不過用既蝦籽正好多，因為食次已經試得太多嘢，所以留番下次再試。呢餐價錢雖然貴，但以呢個區啲舖租嚟講亦自合理，值得推介。

尋晚同行過, 諗住佢叫得餃子店, 餃子應該唔錯點知....食左佳之選水餃咁叫左一個京蔥羊肉餃, 西洋菜肉餃配薯粉, 拍青瓜京蔥羊肉餃蔥佔左七成, 得蔥味, 食唔到羊味餃皮勁厚, 又硬西洋菜肉餃又係食唔到西洋菜薯粉著得太耐, 冇左薯粉應有既質感, 太軟拍青瓜勁細碟, 收左我$10仲要唔好食全程好似食緊佳之選水餃咁, 懷疑佢d 水餃真係買返黎好心佢唔好叫自己做水餃店啦

有日落開去果頭,見到我之前在元洲街食過既華園餃子館, 旺角勝利道都有第二分店咁我就入去試下叫左個紅油粉皮,個汁係用紅油抄手既汁,凍凍地幾特別酸辣湯面個湯OK....D麵口感幾好..自家製既麵係唔同D..羊肉餃同茴香餃都係我鍾意..所以都試..皮又唔會太厚..D餡新鮮..山X餃子館我食過一次串燒..佢比D熟左再番燒果D比我..我問佢!唔係即叫即燒既咩!!佢話係..不過咁樣快D..咁就唔係即叫即燒啦一食落口就好似食紙皮咁...唉!!跟住我就咩都無食走左...但我覺得都係元洲街總店好食D同地方又大D我問老闆娘山X餃子館同佢地有無關係..佢話無..佢話只得元洲街總店同第二分店

男友想吃餃子所以來到這裡吃,點了一個我平時好喜歡吃的香蒜紅油粉皮...唉~D 粉皮林到好似一咬即溶....散散碎碎....真係好難食,凍食....但又唔凍,天氣又熱,好似室溫咁....好怪...夾硬食哂...西洋菜豬似餃,本身D料真幾多幾好味,可惜皮厚身地方煲得唔熟,仲係少少粉狀.不過OVERALL都OK啦煎餃子...唔知係咪人多,煎兩野就上台,一點都不脆....本身隻餃係好味既,真係哂哂~叫左個汽水, 無雪過一樣...無哂氣..點知無冰....最後都唔知點飲整體黎講係望

收工經過這間專賣餃子的小鋪,因想起在台灣吃過很好吃很回味的蒸餃,便入來看看,在相片看到一款叫十三么的干餃子,有十幾個唔同味道,叫了一試,從第一只到last都分唔到是什麼味,因為Ｄ皮太厚,口中只有麵粉味,以一間以餃子做招徠的鋪頭黎講就真係唔合格,價錢都唔平,一碟餃子加一杯豆漿41元貴過食晚飯,無下次

今日沒相....但都好想寫.媽媽想試試這裡的餃子..好啦我通常都會遷就她.我的素餃子蕃薯粉: 第一眼就覺得好油......湯面浮著一層油, 另再繞一圈麻油. 份量頗generous. 無法啦, 都要吃. 先試蕃薯粉, 太淋了. over-cooked. 根我平常吃過的蕃薯好不同, 這個想河粉多點. 我是不吃河粉的... 素餃子皮也同一特徵: 太淋!! 幾乎爛喇.....所以好難夾. 要用"畢"來吃. 素餡有菜, 菇....其實不太吃得出還有什麼. 味道淡淡其實沒問題, 反正是素呀, 可是餡加了太多油啦.....真是油(湯)上加油(餃子餡). 不太想吃, 但怕媽媽"哦".....最後都是吃凈一點粉. 感覺好膩好膩.....跟飽不同. 就是. 好heavy....羊肉烤餅: 媽媽的. 味道不知怎樣. 但我知道的是, "烤"餅不是烤的, 而是炸的. 酸辣餃子: 媽媽原以為是酸酸辣辣的上湯底, 原來是杰身的酸辣湯! 沒關係她都覺得味道不錯. 但單是看也覺得頗油膩.....因為繞了麻油和很多的辣油! 最後都剩下半碗湯底. 坐位較窄我都覺得沒問題. 但大廚拚拚在開油鍋, 我實在受不了那陣油"益"

聽聞勝利道開了一間新的餃子店，剛巧最近午飯喜歡吃較清淡的東西，故很有興趣一試....店子一如其他食友所說般的細小，但我只是一個人來，而且並不是在繁忙時間光顧，因此要找個位置，並不困難....款式跟一般餃子店大同小異。除餃子外，還有小籠包等小點供應。是日一個人吃不了那麼多，就簡單地點了碗白菜馬蹄豬肉水餃麵就算了....未吃水餃先喝口湯底，味淡如開水，不喝也罷；麵條是普通上海麵，淥得頗淰身，水準不高。還是專心吃水餃吧....餃皮不算太厚，菜切得不算太幼細，而且吃不到太多的馬蹄粒，肉味也不算很突出。是一碗平平無奇的水餃....肚子太餓，故明知食物水準不太夠，還是要叫多一味才能填肚。見有個羊肉酥餅挺吸引，就來一個....何謂羊肉酥餅 ? 便是以炒過的莞茜羊肉碎放在油酥餅之上。兩者皆弄得熱辣辣的，油酥餅真的夠油夠酥，吃落挺鬆化的；羊肉稍嫌不太夠羶，但勝在即叫即炒現吃，味道不錯....雖則如此，但不能挽回主食的平庸

同事介紹來試午飯，店子真小，看看餐牌，款式卻不少。雪菜肉絲麪，有些像番薯葉伴食，有特色。「十三么」餃子,據說一碗有齊十四種不同既餃子口味,有茴香的爽脆口感，肉質就一般。拍青瓜也很好，濃濃的麻油加蒜泥配爽脆的青瓜，口感一流。下次可以試羊肉酥餅和小籠包。可惜冷氣不足，扣分。總括來說是可以一試的。

有一日落街揾野食,行行下见到一间并不显眼的饺子馆,就入去食野,当然叫得饺子馆主打一定系饺子啦!先来一客蕃茄饺子+ 一个羊肉酥饼+醉鸡翼+鸡丝拌面1) 蕃茄饺子: 夏天食呢个饺子好迎合呢o的炎夏天气,入面好多蕃茄同多汁, 出面食到o的饺子一味得个大字, 好似食面粉,唔驶食好多只已 经比o的饺子皮塞饱, 而呢间o的皮好滑又有烟UN, 好食!! 正!2) 羊肉酥饼: 好香口, 羊肉因有京葱好野味, 两样配合简直绝配,食完一块真 系想黎多一块, 不过都系下次先再食, 试下食第二样野吗?3) 鸡丝拌面: 有好多鸡丝, 呢o的真系手功钱, o的汁好味好大碟, 正!!4) 醉翼 : 因我好钟意食醉翼, 所以一定要食, 估唔到花绍酒味好浓, 老板娘 话系用最靓花绍酒去做, 当然有少少密方我住系附近都没有一间较有水准的饺子馆, 现在有了我一定会再来食!!

公司附近真沒有什麼食肆可揀，見到新開的餃子店，仲唔拿拿淋試，食過幾次之後唔係好頂得住，唔再食了，唔係唔好食，又唔係好食到唔食唔得，但份量就真係超袖珍，半碗麻辣著粉要$18+半件豬扒$10共$28，食完完全冇料到，$20十隻超細水餃，食完又都係唔夠聶牙喇，餔頭超小，份量亦小，價錢又唔見小！！

琴日同班ｆｒｉｅｎｄ一齊去左一間新開鋪無幾耐的餃子館食野！！　聽班ｆｒｉｅｎｄ講ｏ的食物都唔錯，　所以一試！去到間鋪感覺真係好細，坐落後第一樣比我嘅好感就係佢地服務真是一流，ｏ的ｗａｉｔｅｒ服務超好，　有禮貌！！根住介紹左本店招牌野比我地食，　當然要試試啦！１）羊肉酥餅：羊肉好香，餅身很鬆，簡直超好味！！２）至於餃子雖然唔係好大只，但係我鍾意，因為好適合女仕食，因為一碟１０只如果　　大大只根本食唔到其它野，ｓｉｚｅ適中，聽聞皮是自己做，果然同我係出面食唔　　同３）擔擔面：一黎到就聞到好香的麻醬味，雖然同邊食到的有所分別，　呢個係北方做　　煮法，但反而較喜歡呢個當我地食食下，　有客入來，原來是熟客，ｗａｉｔｅｒ即同熟客打招呼，安排坐位比他坐，熟客講今日專登帶朋嚟捧場，因為好食嗎？坐左半個鐘，原來呢間鋪都有好多熟客，一定有它的吸引力量！雖然價錢比總店為貴些，　但我會明白地點唔同可能租會比總店貴很多，　因總店始終係平民區，租金當然會平啦！分店食物貴左ｏ的都情有可原，　始終何文田區都是貴鋪租的地方，特別是狗仔街，　所以第日都會再幫襯

本來想堂食, 但地方實在太細, 坐唔落, 於是攞走, 只買左一種, 叫待應介紹, 佢話"白菜"個種最好食喎, 一盒十隻, 23蚊, 攞左翻上樓, 一人一件, 但係認真唔掂, 如果以一分錢一分貨, 頂多買十七蚊, 皮厚, 本來水餃係比較皮厚既, 因為唔係雲吞, 但佢個隻皮厚而淋, 完全唔咬口, 另外, 餡少, 只有丁小舊菜肉, 又無味, 本來係深水步賣還可以, 但係勝利道, 死梗啦, 呢到, 只能賣貴野, 你可以收貴些, 但一定要交足貨, 否則聽執!

午餐與同事共三人專誠坐的士去食,一心希望質素和其深水埗姊妹店至少一樣,雖然名不同至少她們招牌格式和餐牌都一樣 .......味道煎茴香鮮肉餃, 京蔥羊肉水餃2客因為有比較下,這裏實在差得很,皮厚肉少,整體又細粒.....建議可以改個潮D的名...一口餃或一口兩餃都得!!(PS煎餃加三蚊!!!!!!好貴呀)拍青瓜切到三尖八角,賣相輸咗之餘又冇味道,連小小麻油味都欠奉,以為改咗個正名就可以好D??香酥餅, 羊肉香酥餅普通..偏細件, 羊肉香酥餅少羊肉番薯苗本身番薯苗幾好味,少少爽,但師傅們沒有處理黑咗和壞了的葉........唉.....麻醬拌麵唯一好過姊妹店, 麵條自家製,又粗又有口感,麻醬比姊妹店更加有芝麻花生味,條條都沾滿麻醬,一流....死穴又係細碗咗D檐檐麵不提也罷環境 好細好迫, 少枱少位,有如其食物又少又細服務,衛生 OK抵食 一D都唔抵食!!!! 食物,格局餐牌,一切都明顯和山X餃子館是同一條根......但質素相差實在太遠了

午餐與同事共三人專誠坐的士去食,除了貪佢近D外一心希望質素和其深水埗姊妹店至少一樣,雖然名不同至少她們招牌格式和餐牌都一樣 .......味道煎茴香鮮肉餃, 京蔥羊肉水餃2客因為有比較下,這裏實在差得很,皮厚肉少,整體又細粒.....建議可以改個潮D的名...一口餃或一口兩餃都得!!(PS煎餃加三蚊!!!!!!好貴呀)拍青瓜切到三尖八角,賣相輸咗之餘又冇味道,連小小麻油味都欠奉,以為改咗個正名就可以好D??香酥餅, 羊肉香酥餅普通..偏細件, 羊肉香酥餅少羊肉番薯苗本身番薯苗幾好味,少少爽,但師傅們沒有處理黑咗和壞了的葉........唉.....麻醬拌麵唯一好過姊妹店, 麵條自家製,又粗又有口感,麻醬比姊妹店更加有芝麻花生味,條條都沾滿麻醬,一流....死穴又係細碗咗D檐檐麵不提也罷環境 好細好迫, 少枱少位,有如其食物又少又細服務,衛生 OK抵食 一D都唔抵食!!!! 食物,格局餐牌,一切都明顯和山X餃子館是同一條根......但質素相差實在太遠了

上星期六....我同老婆大人及兩個朋友放工後出左旺角行街街....乘van仔出到勝利道之後....好塞車....但係我地又有點肚餓....結果叫司機在勝利道口落車....我地就急速找arm心水既餐廳食野....我地發現有一間餃子店....個size好細....不過客仔就好多....我地就決定試一試啦....haha....估唔到喎....d野食都唔錯喎....我地叫左個十三么....醉雞翼....雲吞担担麵....酸辣湯面....小籠包同西洋菜餃.....我地四個人都有唔同既欣賞....我喜歡醉雞翼....好惹味架....我老婆就喜歡小籠包....她話有大公司水準....我朋友就話十三么好食好特別....有十四隻種不同既餃子....他話不過就唔知邊種打邊種啦....埋單只係一百四十幾蚊....平均每人都唔過四十蚊....good!!下次要專登再去食先得啦....不過希望下次去食間野寬敞d啦....因為真係好迫無乜空間