萬年華燒臘餐廳 (Moved) New Location

前陣子由細食到大里間燒臘店，在8月份因租金問題結業，以為食開三十多年的燒味以後都無得喇！好傷感！  點知...............過左個幾個月，原來佢地好辛苦另覓新舖位，係十月份初係西貢灣景街28號重開，出面面對公園，環境仲好左，成條街都有好多西式食店。新店裝修光猛左 young左，仲發現佢招牌寫住"Founded since in 1976"，原來仲大過我幾年。 剛剛女兒十月份生日 ，就攪攪新意思，訂隻燒乳豬賀女兒3生日歲 ！老闆知我女兒用黎開party，仲用左個靚靚錫紙盤裝隻生日乳豬，仲無額外收費，都係收$650 。預訂好時間， 要食之前去拎, 由於隻乳豬係舗後工場即燒即食 ，所以皮特別脆脆 ！ 因為多人鍾意食燒腩仔 ，原來依家特別係舗後工場即燒即賣，所以特別皮脆, 有肉汁，我都買了兩斤燒腩仔，燒鴨，燒骨，同我最愛蜜汁叉燒d 肉好爽， 又唔會太咸。 女兒同個個朋友見到隻生日乳豬加個生日牌&蠟蠋係乳豬都鬼咁興奮呀 !其實係西貢市的老店…….無論係食店又好，歷史由久的小商店都已經執下又一間，執下又一間 。其實除左想保留食物既味道， 還想保留一份人情味道。 因為大家都係日見夜見的街

到西貢碼頭釣魚前，先在萬年華燒臘餐廳吃午餐。甫坐下，便問店員嬸嬸有沒有下午茶餐牌，她的態度不太有禮，說：「未攞緊囉！拎都要時間架！」其實她只是在鄰桌拿給我們，不會花太多時間和心力嘛！ 二時已有下午茶，但價錢與常餐差別不大，粉麵餐要$27，常餐多了方包、煎蛋、火腿，也只是貴$1，精明的我當然選擇常餐喇！我吃了雞翼河粉，兩者並不搭配，可謂錯誤的選擇。河粉比預期厚，不夠滑，加上淡而無味的湯，很難吃。 唯有舉手問店員嬸嬸要辣椒油，可惜亦花了數分鐘才有反應。加了辣椒油，河粉也不能以美味來形容，唉！另外，方包內的牛油不多，不夠新鮮；火腿則是凍的。整個常餐較可取的是那炒蛋，算香滑。朋友吃的雞脾沙律餐($25)則屬正常質素，雞脾大而不嚡，沙律有自家製的感覺。餐茶方面，我喝的凍檸茶只有兩片檸檬，味道欠佳。總結而言，萬年華燒臘餐廳的服務、食物都令我不滿意，所以我不會再光顧。

(840)西貢，這個香港人後花園，也是Johnny常來之地，這天行程是由灣曲坑登上馬鞍山。早上來到西貢，首先要找地方早餐，在宜春街看見有間萬年華燒臘餐廳，從未來過 ，所以就選擇了這裡。要了豬扒、沙嗲牛肉米粉及熱奶茶。豬扒、沙嗲牛肉米粉，豬扒好味，沙嗲牛肉味道一般，米粉腍了些。熱奶茶，茶味不太濃，奶夠香滑，好飲。吃完早餐，去到集合地點，人齊後，便開始向馬鞍山出發了...。

六月下旬‧晴都說過這裡的叉燒在同區來說是比較好的了，是日又來買些來吃。選了一條靚的，只是四十元，不貴。不太甜，肉質不太腍有口感有肉味，算是不錯的了。再去吃涼粉至得。

今日雖然係父親節, 無父親的唔代表我唔洗食飯... hehe反正在西貢市中心, 多人嘅地方就真係唔想去..呢間地方都算大, 兩個舖位喎, 起碼得舒服d...唉, 中伏....星期日又係無炒粉麵下午茶餐叫**成個西貢大部份茶記星期六日下午茶都無炒粉麵餐算啦, 食個快餐叫咗個粟米斑脯意粉+凍檸茶 $36完全冇味, 淡到似食緊白烚意粉斑腩係似好多, 不過佔九成都係粉團, 並非魚肉基於唔想浪費食物, 唯有好勉強自己食咗半碟, 心情好沉重唔怪得出面咁旺, 呢間咁靜......總之食麥記好過.....

Came here again for Roast pork, however this time it tasted different.It still tasted nice however it was much softer than the first time.The meat was much leaner and it was not dry at all.The surface of the Roast pork was not burnt and had no crispy bits like the Roast you get from Joy Hing.

A good place for Chinese roast pork when it has just been roasted.It is very juicy and soft and the sauce is not as sweet as other places.I have dined here along time ago, but I found the menu confusing and expensive, so this time I just ordered plain roast pork.◎ⓢⓤⓟⓔⓡⓢⓤⓟⓔⓡⓖⓘⓡⓛ◎ⓢⓤⓟⓔⓡⓢⓤⓟⓔⓡⓖⓘⓡⓛ◎Price: $20Service: OKYummy factor: OKMSG levels: none◎ⓢⓤⓟⓔⓡⓢⓤⓟⓔⓡⓖⓘⓡⓛ◎ⓢⓤⓟⓔⓡⓢⓤⓟⓔⓡⓖⓘⓡⓛ◎

八月下旬‧陰天很多人來這裡是吃早餐或下午茶，又老實說這裡的外表是茶餐廳，但其實這裡的燒味很不錯，尤其是叉燒。又在這一區，在門外經過見到是日的叉燒很好，就選了一條脢頭肉。厚切，肉質鬆化。有肉味而蜜味不過甜，加上邊位焦香味十足，有水準。要了整條也只是半斤，盛惠40元。雖然不便宜，但吃得過。

萬年華, 其實也是一間細細過已經幫襯開既, 多年來服務西貢區居民既茶餐廳. 位於大街大巷的, 奇怪, 都今時今日, 才有我呢一篇首發食評.星期日, 一早入到西貢, 先停一停食個早餐先回村子. 講起, 若要係西貢食燒臘, 唔計街市果兩檔. 萬年華既燒味, 係西貢, 算是數一數二的了. 時候早, 本想叫他們的午餐叉燒飯, 因為仲未到11點, 仍是早餐時段, 除了散叫之外, 燒臘套餐未有. 所以, 改叫一份早餐. 而飯, 就買回村子, 俾老爸做午餐.早上, 最重要是一杯奶茶, 用Lipton沖的茶, 味道會比較淡. 雖然夠滑, 夠香. 就是濃度一般. 若是深夜睇波後, 靠佢黎提神, 力度也許未夠.$23一份早餐, 我要了一份叉燒煙肉奄列配上多士茄汁豆. 聽落非常之西式, 而我收到的作品, 的確與一份英式早餐無別, 多士, 烘得香脆, 唯一不好的是多士較硬身, 食落帶少少煙韌. 茄汁豆沒可能做得不好. 而奄列, 荷包蛋仲脹過我自己個荷包. 內裡是已經烘到香口脆口的煙肉, 同萬年華自製的明爐蜜汁叉燒. 煙肉咸香脆口, 叉燒蜜味好食, 就是這一個奄列, 令我的星期日早上, 充滿力量.之後評價的,