萬華糖水店

Open Now

Now Closed

排隊條隊橫跨711和住宅，反正超長，有點誇。作為芋圓控我當然要來check下啦。點了綜合仙草凍($25)，五粒芋圓地瓜圓， 勁大粒，真心可以當飯吃那種飽和結實。芋圓口感不像圓，像真的起沙的芋頭。仙草涼茶味濃，其他什麼紅豆綠豆只算正常，算是大件夾抵食，但不至於要排二十分鐘。反而如果要翻兜的話我想試綠豆沙湯圓，因為其實老遠就聞到紅豆沙綠豆沙的香味，而綠豆沙又好早賣完。湯圓目測是小小甜白湯圓，混進綠豆沙裏，好像很煙靭，反正我前面那叔買了最後一碗。

綜合仙草凍 $25難得到紅磡所以research定有咩美食 呢間萬華睇鋪面就知係傳統作派 我係俾芋圓吸引黎幫襯呢間芋圓特色係豆系 我食既呢份所謂綜合包括了西米 紅豆 綠豆 當然唔少得芋圓地瓜圓同仙草冰芋圓地瓜圓大大粒 幾有咬口 基本上我要撥開先見到底下既仙草 以前食既仙草冰有個尷尬位 一係就夠凍但係味道太淡 一係就夠味但就唔夠凍 今次呢份我覺得佢攞個平衡點幾好 放既冰量夠凍之餘又唔會稀釋到太淡味 等我以前食過幾次仲懷疑係咪所有仙草冰都係咁弱呢碗野另一特色頭先都提過下 就係多豆! 坦白講我個人鍾意西米 紅豆一般 綠豆更麻麻 不過撈左仙草食感覺比我想像中好 唔同豆唔同口感 比起齋食仙草果份好似食啫喱既口感又另一番感受 食完仲會飽肚啲總結一句 不枉我冒雨黎一場 即使因為無堂食座位要企係隔離七仔有塊瓦遮頭咁立食

以為終於有一間似樣的芋圓舖頭，可以品嚐台灣口味，但芋圓同地瓜圓完全冇嚼勁，大大團麵粉，第一次試綜合味道，＄25得一小碗，係好似好多料，但因為個發泡膠碗只得普通例湯size，每款也只得三數粒。第二次唔要芋圓、地瓜圓，只要小丸子及西米、薏米，點知就換左一個仲細過例湯碗一半的發泡膠碗，真的不知所謂，$20得三啖已經食晒，洗唔洗賺得咁盡？一定唔會再有第三次幫襯囉⋯⋯

新假期未介紹之前已經好想試，因為本身好中意食芋圓🤤🤤，介紹完之後就更加想食，行過嗰頭就即刻去試！.舖頭裝修好似台灣既街邊小店，幾懷舊，舖頭只有外賣甜品，主打芋圓。叫左個綜合仙草凍，貪佢乜都有啲，可以一次過試晒啲配料🤤。.$25一碗大大碗，有西米，仙草凍，紅豆，薏米等等，當然仲有主角 - 芋圓啦！老闆會問你要唔要冰同糖漿，自己覺得冰就一定要加(啲配料本身唔凍)，糖漿可以落少啲都得(配料已有甜味)。.一食落去，全部材料混埋一齊，大部分材料都好Q，好有嚼頭，超級滿足！但芋圓反而令我有啲失望，雖然係老闆每日新鮮人手製，真材實料，但係芋圓size偏大，而且芋頭味差少少，食落去有啲粉粉地既感覺，地瓜圓就唔錯，地瓜味幾出，亦都無粉粉地既感覺，好食！但加上咁多種Q彈配料，再有磨得幾細既冰，真係令我好滿足，而且份量十足，我食完一個都飽左7成，都只係$25！舖頭既其他組合都離唔開頭先講既配料，照顧唔食某種配料既客人！.整體感覺幾好，之後有芋圓癮都會黎呢到食一食佢！😋

經已忘記了，之前來過一次還是兩次，好像幾次都是看見其在準備關門，總是無緣。有天，某項工程又不成功😒，只好踱步來到紅磡，然後發現將近十時，但萬華還未關門，還有十人、八人在門口排隊，終於可以試試之前看到選項不太多，但看到這張好像又複雜化了。😆不要緊，由於天氣只是涼了少許，還未到動輒就要穿外套的天氣，因此我還熱中於吃凍的。兩名店員，估計是一對父子🤔，都十分辛勤。年輕的哥哥有禮而老實，沒半點滑頭的感覺。報道所見，這間店舖的芋圓，真是老闆自己買材料，在店裏一手一腳自制，新鮮做成的芋圓，因此，真材實料，味道香濃。我的綜合仙草凍，雖然打開後發現芋圓、地瓜圓不算排山倒海那麽多，但是也大大碗。芋圓、地瓜圓可能大約各只兩三顆，但用料非常充足。芋圓真的會吃到濃郁芋頭味，地瓜圓真的有濃香蕃薯味道🤪😲。友人的則比較多小丸子，小丸子彈力非常，實屬難得。小店樸素平實，貼地平價，襯未算太出名，人流不算極多，快點一試。鑒於只屬外賣店，估計人龍情況應不會那麽誇張🤪

上星期某一日，我路過差館里，見到一條長長人龍，已經好有興趣，可惜果日飯後去到（9點左右）已經賣晒。尋晚（8點半左右）再去碰運氣，幸運地仲有得賣呀！芋圓同地瓜圓都係我最鍾意食嘅台式甜品呀！外賣一碗返屋企先！對，呢度只有外賣，冇堂食位置架！熱綜合湯圓（$25）一碗有齊紅豆沙，紅豆、薏米、西米、芋圓、地瓜圓、同小丸子嘅糖水，份量十足，未食飯就咁食都半飽。配料多所以十分有咬口，芋圓同地瓜圓切得大大粒，有芋頭味同地瓜（蕃薯）味，食得出係真材實料呢！呢碗糖水值得久不久回訪！

當晚吃完晚餐就跟朋友相約特地走一轉紅磡品嚐這個在臉書上見到的芋圓糖水舖對於吃慣台灣芋圓的我對芋丸很是挑剔（本身是台灣人的關係）這家萬華的芋丸確實是很真材實料，芋圓夠大顆，但是卻沒有嚼勁！或許真是因為這家芋丸的size比平常台灣芋丸的size要大一倍，所以每一口吃起來都感覺像是在嚼麵團！另外我叫的是冰品，預期會有很多冰，類似挫冰的感覺，但是我另外要求加多冰，但到手的冰品還是乾到不行！這種感覺很像期待著一碗紅豆湯但是只剩紅豆卻沒湯，有點失望了！最後結論就是，連相片也不想提供了！也不會再有下次了！bye bye萬華！

喺黃捕站出發原來行吓行吓已經行到家維村😂😂😂可能都係晚上七時多，無咩人排隊，好快就買到只係提供外賣，冇得堂食～～我叫咗綜合芋圓仙草凍......由於唔鍾意食紅豆，所以叫咗走紅豆🙈勁大粒芋圓、地瓜圓🤣🤣🤣咬落暖暖的，彈牙有咬口，唔會1 pat pat勁痴牙的👍🏻👍🏻仙草都唔會好甜配料份量都足，食完好飽飽平時真係當晚餐都可以👻👻👻$25幾抵👍🏻👍🏻朋友仔食，綜合湯丸湯丸係小丸子嚟ge，只有熱食，如果有凍食我都會揀ge🙈🙈

「近水樓台先得月」台式糖水已經紅到入紅磡了😍最近發現我之前食既紅磡新開台式糖水被報導後，紅了，日日大排長龍！平時要出外面先食到咁完整的「綜合仙草凍」((凍)❣️👉🏻煙韌控緊係要試下佢芋圓‧地瓜圓😘😘👍🏻😈一碗有齊芋圓、地瓜圓、薏米、綠豆、紅豆、珍珠、仙草and 西米‼️底部材料爆多老闆會最後淋上黑糖水，再加小小冰！👉🏻芋圓非煙韌果隻，而係好厚粉同實，感覺有點未熟透，有別於康瑞果種煙韌彈牙的口感，不是人人喜歡👎🏻👎🏻👎🏻👉🏻配料比主角搶鏡，個底仙草、薏米紅豆果d 好食，口感豐富👍🏻個底本來的配料已有甜味，再加埋黑糖水過了，建議可以小甜或走糖水🙈🙈🙈------💰$25‼️咁既價位又食得過既👍🏻👍🏻會為個底encore，已食左3次!下次就要等紅過了先啦！注意⚠️外賣及立食，不設堂食！位於紅磡觀音廟對面‼️