萬華糖水店

Open Now

Now Closed

呢間糖水店係冇堂食，只有外賣自取~ 店舖細細間唔係好起眼，不過糖水幾好食！ 店舖主要都係買芋圓為主，餐牌上面有好多唔同嘅配搭，亦都有好多配料可以自己選擇~今次叫咗自選芋圓仙草底～揀咗綠茶凍，黑糖寒天，粉粿同埋必點嘅芋頭！綠茶凍，雖然唔係好重綠茶味，但係口感有啲似仙草啫喱幾特別！黑糖寒天就係爽脆嘅令到成碗嘢配埋仙草就有多重口感，粉粿好煙韌，芋頭就係偏甜少少嘅，加埋落啲唔甜嘅仙草度就啱啱好啦！芋圓就正正常常，但成個配搭起嚟幾好食！而且價錢幾抵食，份量都幾多，性價比好高！

幾年前經常會幫襯呢間芋圓糖水店， 今日路經此店，見到店面格局變化不大。芋圓糖水款式選擇不少，但大都是配料左搭右右搭左配搭不同款式出來。幾年前食過嘅味道確實忘記，買了碗芋圓地瓜西米露 （$30）回憶一下味道。芋圓地瓜西米露- 冰底配上芋圓，地瓜，西米，綠豆等配料， 加上大量椰汁上面。 好有地道感覺， 價錢上亦算合理。 配料味道正常，唔太甜，芋圓質地偏實。配上冰底食落會幾舒服。 老實講， 論整體味道跟很多其他芋圓糖水店比較， 確實有點差別, 可以改善。但這裹我是可找回另一種味道， 人情味道。 往往是小店只能找到的味道。

行過見到間專做外賣嘅糖水舖，望一望見到有芋圓即刻要試試佢😏🍡綜合仙草凍 $28(仙草凍+芋圓+地瓜圓+西米+洋薏米+紅豆+綠豆)唔洗三十有咁多料，依家真係買少見少🥹攞上手估唔到咁大碗，呢個價錢真係好足料🤩用料正常發揮，仙草凍比一般食到嘅甘苦，完全可以中和返糖水嘅甜，好正😋又發現到性價比美食，去開個頭會encore🥰附近有知名度好高嘅「蒙麵」車仔麵同好耐歷史「林記魚蛋」，呢頭都值得大家過嚟掃街🍢🍜萬華糖水店📍紅磡差館里17號聚賢大廈地下2C號舖(港鐵黃埔站 A 出口, 步行約6分鐘)

*大家記住呢間只係有外賣自取沒有堂食的哦！！.我地兩個小編都係成日去紅磡🥰呢間大推比大家🤣味道上就係正正常常幾好食😂冇話咩超突出😳但真心抵食同埋正常發揮🙌🏻#萬華糖水店.芋圓仙草7號 👅8/10 $25#芋圓 冇咩話特別大芋頭味不過幾煙靭😆#仙草 幾香💛幾好味#小丸子 幾煙韌 個人認為可以再淋番多少少#西米 正正常常 不過唔係好大粒果隻 個人應為可以再煙靭多少少😂😂😂不過真係好大碗我自己一個食唔晒🫣🫣.味道👅： 7.5/10賣相👀：7/10扺食💰：9/10

據屋企人講係兩個老夫婦開嘅 起紅磡區都已經好耐 起蒙面附近好似鮮芋仙咁有set好咗芋圓X款每款啲料其實差唔多 只係底唔同多數凍款 熱款有紅豆綠豆沙 可以經外賣平台叫外賣🥡▶️綠豆沙綜合 ($30)一大碗暖嘅綠豆沙 入面仲有小丸子🍡薏米 西米 雙式芋圓味道方面幾好食 好鍾意小丸子😍似之前許留山香芒小丸子入面啲小丸子 不過再大粒啲！薏米同西米混入咗緑豆 令佢口感更豐富但係如果可以再多啲綠豆 同埋減少少甜就完美！▶️抹茶6號 ($30)成個底都係抹茶果凍 成大舊彈下彈下咁🍮食真啲係有少少抹茶味嘅 勝在味道唔假另外都係有雙式芋圓 小丸子 西米 珍珠佢個雙式芋圓都好好食 雖然灰色同橙色係一樣味🍠但係口感好煙韌 尤其因為佢啲芋圓size好大粒❤️呢個相對其他兩個冇咁甜▶️芋圓3號 ($30)呢個加咗芋圓地瓜圓(+$10)同埋一份抹茶凍 (+$5)又係雙式芋圓 西米 珍珠 只係多咗芋頭同紅豆🫘芋頭大大舊 好夠粉之後紅豆食落起沙👍🏻呢個因為走咗甜所以冇咁甜-整體全部都好食😋尤其鍾意芋圓同小丸子🍡份量算大 可以同人share今次叫咗三個 又加左料 計埋外賣費 $132 還可以啦係紅磡區比較少人識嘅糖水外賣店

呢間成日有人講話平靚正老字號叫老公經過就買返黎試下因為佢只有外賣其實廿幾蚊一碗野黎講都唔可以要求咁多了只可以講性價比都算高既芋頭綜合凍$30有芋頭，抹茶凍，仙草凍，紅豆，綠豆，珍珠，我另外加左粉粿，好似都只係$3收呢個價錢真係比足料粉粿同芋頭大舊，佢仲另外拎多個碗黎放，冇因為咁而減少左其他野芋圓就冇咩特別，但都幾有咬口既我最鍾意佢個粉粿，好彈牙同埋個抹茶凍都幾得意第一次食芋圓地方又有抹茶野加埋一齊又幾夾wo成碗野加左花奶，不過記得要叫佢少甜感覺落糖水都幾重手下🥲另外叫多左碗芋圓仙草10號 $28料差唔多，不過呢碗主角係仙草所以仙草份量多好多不過其他野都係好足料去到唔知食咩，叫綜合就岩哂咩都有唔洗揀😁性價比高，經過都會再買黎食❤️

我已經幫襯左萬華好多年了。當初係一位朋友仔介紹我黎食嘅，但由於萬華離我屋企有點距離。因此，有一段時間都冇黎食過。 有一似機緣巧合，屋企附近開左間鮮芋仙，都食過幾次，但唔知點解每次食完都會想起萬華，於是就番左黎啦。 萬華糖水店係無座位的，因此大家可以買完到附近的公園仔食。大部分街坊都係拎走番屋企嘅嘅。萬華的外觀衰啲講有啲差，但同時間會令人聯想起台南鄉下的小店，風味都幾似。 而萬華的糖水，都係抵食夾大件，$30幾蚊就有大大碗的糖水。今次叫左芋頭綜合凍，入面有芋頭，珍珠，紅豆綠豆，地瓜丸，芋圓，燒仙草。而數到我最鐘意嘅，應該係綠茶凍，雖然綠茶凍的顏色有啲化學🤣 但清清淡淡的茶香味勁正，第二度幾乎搵唔到。 而佢地的地瓜丸同芋圓都係有味道的，可以食得出佢地的質感同香味，而且勁大粒，個人亦覺得煙韌。坊間好多鋪頭都只係追求點芋圓要有幾Q, 有幾彈。但好多時我地都未必知道我地放左啲咩入口。所以呢種反璞歸真的芋圓，就好合我胃口啦。 小店值得大家支持，不妨黎試下！

因為轉工，所以經過到萬華，作為芋圓控每天放工路過見到真係忍不住呢，其實今次是第三次光顧，幾年前已試過，印象中是不差的點了綜合仙草凍，有綠豆、薏米、芋圓、仙草、紅豆和大西米汁底有點像綠豆沙，甜度適中，仙草有點像香港的涼粉，口感爽了點，不夠台式仙草滑嫩，不過萬華的仙草是無糖的，感覺上健康點芋圓夠煙韌，都有點芋頭和地瓜的香氣，不太差～我覺得可以改良的是芋圓實了點，可以令它稍為軟糯點會更好不過這麼大碗足料也只是$25而已，真的非常抵食，沒太多要求了～

知道呢間一向出名芋圓，但礙於係外賣店，一直都一直都食唔到。今次決心買一碗返屋企食，試一試佢嘅芋圓。外賣碗好大，好似一碗牛腩麵嘅size，我叫咗啲碗裏面有綠茶凍、芋頭圓、番薯圓、芋泥、仙草凍、粉果同埋薏米。價錢唔貴而且份量超級多。芋圓同蕃薯圓比坊間嘅大粒，食完之後佢覺得失望嘅，因為實在太晏，做唔到應該有嘅煙韌感覺，一d咬勁都無，而且糖水偏甜，建議大家可以叫少甜。值得一講嘅係嗰舊淡黃色嘅粉果，識落有少少QQ，好似粉果出面陣皮。我諗食左一次我唔會encore了，係抵食但芋圓唔係我喜歡的質地。

聽人講呢度芋圓好食，開左咁耐都冇試過，食完飯經過就買左碗。 第一次食，碗野本身都幾大碗，入面好多料，d芋圓超大粒，同粒湯圓差不多大，除左芋圓仲有好多其他料：小丸子，西米，薏米。 個紅豆沙本身唔係好沙嗰隻，但勝在唔會太甜，夾住咁多料食都唔會太漏。 芋圓有淡淡芋頭/蕃薯味，質地都算煙韌，同埋佢咁大粒，都有6,7粒，小丸子都好多。 糖水黎講真係太飽，女仔食呢個做正餐都得，呢個價錢真係好抵。另外幫friend買左個芋頭3號，我落單時remark左走紅豆，最後佢真係有走，我都幾appreciate, 好多時叫d舖頭走乜走乜都冇理。

第一次是網上外賣平台落單試下，沒想到好驚喜，芋圓又大又Q, 大大個不粘牙，其他紅豆，薏米和珍珠都不錯。之後固定落樓自取，25蚊好大份，好抵食！鐘意芋圓一定要試！

呢間糖水舖已經開咗一段時間，bookmark咗好耐，終於有時間去食。佢主打芋圓，menu上面有好多唔同配料嘅配搭，我揀咗自選冰(芋圓+地瓜圓+粉粿+芋頭)😋 一拎上手就知好足料，底層放咗碎冰，上面鋪滿配料，芋圓地瓜圓夾夾埋埋都超過都十幾粒，另外有三舊芋頭同埋四大舊粉粿，算係抵食👍🏻芋圓同地瓜圓偏大粒，口感實淨彈牙，食得出微微原材料嘅味道; 粉粿滑溜煙韌，甜甜地，同我喺台灣食到嘅一樣; 芋頭亦都煲得夠淋而又未至於粉爛，保持質感。 但可惜成碗野對我嚟講實在太甜，芋圓地瓜圓本身浸緊係糖水入面，令天然材料嘅香味都被蓋過，芋頭亦都落咗太多糖，令到佢甜得好犀利。雖然我已經叫咗走糖水同少煉奶，但仍然過甜，連碎冰都減低唔到甜度😢 除非你係螞蟻人，如果唔係要慎選！

響香港食芋丸 試過自己買包裝好既返黎煮，點都係唔似出面食果隻味道。而出面食芋丸，我首選一定係紅磡觀音廟對面既呢間萬華糖水店，事關真係好大碗，好好味！！！！！＃ 芋丸綜合凍 ＃ ***** ***** 10/10係無得彈，無得彈！ 不過記得要少甜(半甜），已經好夠甜。入面好大碗既刨冰，好正。芋頭超鬆化，芋丸好有彈性，蕃薯丸係超正，好有蕃薯既香味，加埋啲綠豆都係超正，仲有一啲綠色果凍同埋涼粉，一定要一人食一碗先至夠滿足，唔好同人share呀！！！！！

朋友知道我最鍾意食芋圓，介紹呢間紅磡小店。去到發現原來只做外賣，但人流都好旺，要排隊。餐牌上面好多選擇！有唔同搭配。我就今次嗌咗有芋圓既啦。芋頭超好食，又軟又粉、芋圓都唔錯，另外佢仲有好多其他配料，例如珍珠、小丸子、粉果、綠茶凍，本人最鍾意食煙煙韌韌既嘢，所以真係愛不惜手。香港唔係好多地方有芋圓食，呢間仲要係好多配料一兜兜咁bud出嚟，好有台灣夜市風味！同埋都係三十幾蚊，超級抵食呀！經過記得試下喇！

夜晚食宵絕對唔少得嘅甜品店，佢地主打芋圓，不過只有外賣。嗌左個粉粿綜合凍，有仙草凍，抹茶凍，綠豆，紅豆，粉粿，珍珠，樣樣都超煙韌勁鐘意😍😍😍30蚊真係超值，一定會再幫襯，老闆娘都好親民好有人情味🙌🙌