蒲仙味 (Moved) New Location

昨天一個人單人匹馬掃完玩具街，左一袋，右一袋，東西又重、又累、又熱、又餓之下，便在福榮街隨便找了個餐廳。經過維記，見到人又多，坐得又不舒服，位置又窄，冷氣又不涼，食物又普通，便決定行前少少再找。見到蒲仙味，位置寬闊，光猛，乾淨，便決定呢間，放下幾袋玩具，點了碗扁食，一食便覺驚為天人，非常好味。於是今天又帶了朋友來食，終於可以點比較多項菜，也試了餃子和炸醬麵，味道也不錯。不過個人最愛都是原味扁食，和家鄉味道相似，皮薄餡靚，喜歡餃子類的人不能錯過。

今日經過深水埗買野經過就行左入去試下,裝修唔錯原來先開左一個月，服務幾好即刻有人過來介紹有咩好食叫左個炒麵蟲草雞湯同自製鳳爪好有鑊氣值得推介,食到辣可以可埋佢地ge辣椒油，喺出面好少食到嘅味道落足料應該落左唔少心機好清甜,老闆娘仲叫我下次試埋個一品排骨湯見到好多人食緊我都點左分試下,酸酸辣辣好開胃啲配菜都好正好值得推介4]埋單都係食左74蚊 好滿足下次有機會一定帶埋朋友過來一齊試埋其他菜單😋😋😋

門面光鮮圖片只供欺詐d雲吞實物連圖片一半大都冇仲衰過灣仔碼頭D小雲吞煎餃優點係真係熱同脆但勁油但佢油得黎係得個皮油入面既餡係完全乾到好似紙皮咁請自行睇實物圖判斷我就永不再臨

在本地若要吃福建菜或小吃，通常都要跑到有福建人集中聚腳之地，好像北角馬寶道及春秧街一帶便是了。但若您想到別區去吃的話，那難度可真是甚高的....今天有事要到黃金商場走一轉，去之前先到食店林立的福榮街逛逛，赫然見到在大名鼎鼎的維記豬潤麵旁邊，竟開了一間賣福建小吃麵食的店子，小弟當然是不會錯過此機會入去吃一個午餐了....這新開不久的小舖，賣的主要是閩式的麵點小吃。其中少不了要試的，當然是所謂的扁食....偏食者，即乃袖珍小雲吞是也。一口可同一時間吞下兩三只亦是閒事....這兒的雲吞皮甚是滑溜，饀內基本上是全豬肉，其醃味雖足但就有點偏瘦且咬落帶筋，要扣分....之前未有聽過有福建式的炸醬麵的....今天一遇，肉末口味帶點鹹而微辣，還好，不過肉同樣是太瘦了，甚是嚡口；反而沾了醬汁的幼身麵條則充滿咬勁夠煙韌，好吃....這兩款合併成一個餐，盛惠五十大洋有找，實在夠晒經濟實惠....

扁食原來即係香港叫既雲吞仔，細細粒一口一粒，好味道。佢地個燉湯都飲得出有心去做，唔會好油膩，但飲到足料去燉既效果。姐姐好耐心咁介紹菜單上既選擇俾客人聽，呢樣真係飲食業黎講好難得的。

呢日同同事去左公司附近一間新開嘅餐廳食午飯～呢間餐廳係食福建菜嘅，菜式都幾特別～我同同事每人叫左一個套餐，可以試多幾款嘢食！我地試一品靚湯同蟲草烏雞燉湯。兩款燉湯都好鮮甜！我特別鍾意蟲草烏雞燉湯，因為充滿蟲草花香味，而且用烏雞熬製嘅湯特別鮮甜～另外我地仲食左特色筍乾燜飯、莆仙炒麵同雜醬麵。燜飯嘅材料有筍、肉片、蜆肉同蠔仔等，因為加左多款海鮮，所以味道特別鮮甜，而且飯仲keep到粒粒分明～好好食！莆仙炒麵味道比較清淡，但材料同樣豐富，味道都唔錯！我個人比較喜歡雜醬麵，麵上面加左辣辣地嘅肉碎，將肉醬同麵攪拌一齊食非常惹味！除此之外，我地仲食左扁食，即係小餛吞～我地order左冬菇蝦米同豬肉兩隻味，餛吞皮好滑，餡料味道鮮甜，我特別鍾意冬菇蝦米味，因為加左冬菇食落特別惹味～我地食左咁多野，每人都只係需要俾60幾蚊，而且老闆仲好好，送埋豆漿俾我地飲，認真抵食！！

見到深水埗開了間舖名好特別的餐廳-蒲仙味，自稱仙女團的我們怎麼可以錯過!首先我哋openrice 睇下有咩食，竟然仲未有餐牌🤣仙女就是嘗試世間物的勇氣，決定要做第一個食評店舖裝潢很新，地方闊落，坐得幾舒服，還能看到姨姨人手包🥟同雲吞。由於我們對這間新店太好奇了，問了侍應姐姐好多問題，才知道食福建嘢食得，餐牌上‘扁食’=雲吞，很感謝侍應姐姐耐心招待我們，服務態度讚👍，希望能一直保持下次！食物方面質素也是很好的！驚喜的是餐廳有送豆漿比客人！呢個超抵讚的😻我們點了四個經典套餐，份量對於女仔來講是有點多。冬菇雲吞，皮很滑，不會太鹹原味雲吞莆仙炒麵 鍋氣十足，賣相吸引，很足料，很惹味！一品湯=排骨湯蟲草烏雞湯 好鮮甜好滋補特色筍乾燜飯=炒飯 都很夠鍋氣最推薦的炸醬麵 要趁日撈均勻，稍稍辣的雜醬控制得很好，香辣可以讓唔食辣的朋友都讚好味道，樣子看起來不是很吸引，但炸醬才是精華！