蒲仙味 (Moved) New Location

每次唔想食飯果陣，會想食下餃子餛飩麵食等，濕濕地，夠易入口，又較開胃。行暈深水埗黃金商場附近甘多鋪頭，次次最後都會揀翻蒲仙味我自己本來就就好中意食韭菜。所以次次都會嗌佢嘅韭菜餃。今次仲試埋佢嘅酸菜餃子。我覺得酸菜冇乜味，唔夠酸唔夠辣，冇酸菜果種野味。之前仲試過距嘅蝦仁餃子，佢嘅蝦仁餃子認真唔得。D蝦仁唔夠新鮮。最後作為女仔最中意食酸酸甜甜嘅食物。我每次都會嗌佢嘅涼拌木耳，今次就試下涼拌海帶啦！加多七蚊點多一杯豆漿，好正！簡單的快樂

海蜇頭很爽脆，味道調較得怡，清爽酸香紫菜炆飯，飯不會太爛，有少許咬口，有乾貝、蠔豉、冬菇蝦米，少許咸香，很好吃又不會感覺油膩。紫菜湯，不過不失，上時淋上炸蒜及香油，不會太清寡。

今日試左個炸雞翼同蒲仙滷麵真係真心正個麵好鮮味啲料佩合得好好味，個雞翼好入味好香口！個麵真唔係好多地方食到。平時食開扁食同滷肉面都已經覺得好食。希望餐廳好好保持水準長做長有。

從未去過福建，對福建菜的認識都是來自另一間連鎖餐廳，剛好經過深水埗見到有比較特別的菜系所以就儘管一試。店內裝修、餐廳、餐具都甚有大陸會見到的小店，也尚算乾淨。兩個人叫了一碗15粒的扁食，一份興化炒米粉配蟲草花烏雞燉湯。知道扁食是福建版細細粒的雲吞，想不到份量也很多夠飽肚，不會皮多過肉。湯底加了紫菜即時加添幾分福建菜的風味。炒米粉果然也是連鎖餐廳的那隻超幼身米粉，一直覺得很特別，炒得乾身、配菜雖不是甚麼名貴食材但份量很多，也很入味。簡單的一碟炒粉但令已令我印象深刻。加$20成套餐便有多一盅燉湯。當然滋補感覺是有的，但料未算很入味的那種，所以我覺得是不過不失，但論價錢算是超值。比起要排長龍吃旁邊的餐廳，這間小店坐得也算舒服（冷氣十足），又能吃些少有的菜式，值得一試。

超值下午茶 $35主食 炸醬麪麵條份量不少,但太過淋有2條菜作伴碟 重點炸醬都ok 麻醬、蔥、花生粒等等 咸香味小食 炸扁食即係炸雲吞 細細粒 每一粒都只係有好少餡料但炸得唔錯 脆卜卜~跟餐飲係2選1 但menu冇寫明到...揀左豆漿 都係ok總結以下午茶嚟講 都ok嘅

今日放工行下深水埗玩具街，見到有間舖有水餃同炒米粉食（男友至愛）就決定行完就去食。入到去無招呼的，得2個樓面；我地叫左兩個套餐 原盅滋補黨蔘燉排骨湯＋水餃及原盅花蟲草燉烏雞湯＋炒米粉，再加一個小食秘製酸辣海蜇頭。先黎湯，平時少湯水嘅我地覺得幾好，合格嘅😉；到小食，真係要讚👍，好味啊！勁爽口，酸度剛好，驚喜驚喜～跟住係炒米粉，比較濕同“淋“身，麻麻地。最後係水餃，可能我地食過太多水餃，依間d水餃唔叫好味，但可接受嘅，肉係新鮮嘅😃行過想飲湯嘅您，我覺得可以入去試下😁

深水埗這條街，還以為文記、周記、維記，應該都紮根多年，這條街難再有甚麽新店，豈料那西餐廳竟倒閉了，現在開張了這家中式食品，都好，對我而言，中式小型餐店比起西餐吸引入內發現，無論裝修、店員、桌椅、定還是餐牌、傢具、以致食品，全都非常中式的樣子，好像置身深圳、廣州的小型食店一般。看到餐牌寫上扁食(扁字有否貶義呢?)，都在沉思扁食是什麼，問一問店員，才得知扁食原來是「薄皮雲吞」的意思。雖然它說是薄皮雲吞，但是它的內容絕對沒有蝦肉，看看上圖就知道，因為打開之後，發現扁食內裏只有豬肉，但不是太差，因為內裏還算保留少許肉汁，而且皮薄，內裏只需少許肉汁，而且新鮮即炸，不會太乾，或是放涼了， 10粒的的色色，感覺不算太過肥膩，是剛剛好的，還配有少許泰式辣醬可加添酸甜辣味。另一個就是炸醬麵，這個質素就比較普通，麵條份量看起來不少，但吃起來其實還是剛剛好，可能加了一些麻醬、蔥、花生粒，因此吃着吃着，也感覺有點飽膩感，放涼了少許有點兒黏著一團。😯亦都是閒時日才可以遇到的機會，就是下午茶時段吃東西，下午茶提供汽水或豆漿優惠😬。

兩點嚟食，由於未到下午茶嘅時間，所以叫咗普通嘅嘢，聽講呢度嘅嘢食比較啱潮州人口味同比較特別所以就黎試吓由於想試吓呢度嘅湯就叫咗蚊飯同老鴨湯，飯就冇乜特別，但老鴨湯真係覺得營養豐富，鴨味夠，都唔錯好飲！叫咗蒲仙滷麵，呢個口感好特別，琳琳地，軟軟地，上面仲有好多青菜、蘿蔔、仲有啲豬肉，配料都好豐富味道好特別，加咗辣都唔算太辣，更加好食佢啲辣油好多芝麻仲叫咗蒲仙炒米粉，呢度嘅米粉好特別，因為佢真係好幼好幼，我真係未見過有呢啲米粉，唔知佢係點整出嚟嘅，呢度有蛋、有魷魚、有葱、有蘑菇、有青菜，配料都好豐富加辣油一流！熱檸蜜第一次見咁大杯嘅！

在ne間食過幾次lunch, 每次都覺得湯讚讚的，夠味又多bo。不過比起之前食好似加左價啦。今次我叫左滋補黨參炖排骨盅配海鮮荀乾燜飯，多謝$56。一盅湯都夠3位仙女（假仙）一人一碗品嚐，俺表示飲唔出味精，又幾好喝，重點係黨參補氣。到海鮮荀乾燜飯，荀乾比起以前食硬左不少 不負其乾之命，海鮮只記起有魷魚，蝦乾等，由於用油大方，飯又粒粒分明岩俺口味，基本上食曬成碗飯架me而另外2仙叫的等各位去番佢地食評睇啦。

好少見褔建菜既餐廳呀佢岩岩開業既時候  我有黎食過扁食可能因為我家鄉係福建既原因我覺得好好味因為真係無乜味精 (扁食係細細粒咁~)一啖吐落肚睇下啲餐牌先 同一開始相比 其實多左少少款莆仙炒米粉 $48睇圖都知道係少油少鹽系列但其實夠味 食完唔會口乾證明無味精米粉炒得乾身 又唔太油膩 配料都算豐富 有大量既菜 同埋仲有幾個魷魚圈份量都算多朋友仔叫左個滋補黨蔘炖排骨盅套餐平均分到3大碗有桂圓 黨蔘 排骨清清地 再次強調無味精 因為我無叫到野飲 但完全唔口乾飲得返啲配料既味道終於明白點解家母平時煮飯餸都咁清淡~仲成日強調真材實料 唔落味精睇黎真係福建人既習性黎

去開深水埗，想食啲嘢唔想太heavy，見個名幾特別就行去望下啱唔啱食，見都有幾多種類，有湯有麵有雲吞等等就入去試吓。睇完餐牌揀咗炒米粉同燉湯套餐，湯就揀咗黨蔘燉排骨，味道正常唔太差，但又無咩驚喜。米粉係好幼嗰種，配料有蛋、菜、洋蔥、蔥同少少肉，都係一般嘢無咩特別，分量亦唔算多。因為客人唔多所以都坐得濶落，服務態度亦友善，可惜唔知係唔係我揀錯食物，覺得無咩特別，搵唔到再幫襯嘅理由，如果鍾意福建食物嘅朋友可能會覺得吸引力大啲。

呢日同同事去福榮街搵食，行過好多間都好多人咁，見住呢間小店開都未食過，就入去試下啦，反正又有位。我自己都ok福建菜嘅，特別係炒米粉。餐廳無做午市套餐，所以都係得一個menu，食物定價就中等啦。食物主要分為餃子🥟、飯麵同燉盅套餐類別。我見佢遮住唔賣嘅套餐其實好似就係有我哋想飯嗰兩樣🤔。飲品要額外加錢。我其實就想食扁食，即係雲吞仔，但同事驚太細隻無乜肉，所以食返湯餃。要咗🥟B5全家福餃子10隻，$39，即係有齊原味鮮肉、香菇蝦皮同埋韭菜鮮肉餃。嚟到見到個樣plain plain哋，個碗寫住家的味道就最顯眼🤣，齋睇樣唔係好分到邊隻餃子係邊一款。餃子皮太厚了，麻麻地，唔好食但又未到難食，個餡亦都好普通，係香菇蝦皮嗰隻呢就特別少少，食得出有蝦皮🍤。整體好一般，個人唔會推介。另外就叫左D10莆仙炒米粉($48)，我鍾意食福建炒米粉，係因為多數都會用比較幼身嘅銀絲米粉，炒起嚟亦較為乾身，無咁膩。呢度嘅炒米粉都做到我所講嘅要求，但賣成呢個價錢，我expect份量會多啲或有多啲料炒。而家似一個小食多啲，味道亦唔稱得上好好食。總括嚟講，我唔會特別推介呢間食店，食物味道唔難食，但亦都唔係好食，性價比唔高。呢

經過見到店名好新奇，裝修仲好新淨；應該開咗唔太耐。一向鍾意食雲吞水餃類，就入去試試啦。睇個餐牌，有好多特別嘅菜名；查一查原來蒲仙係福建菜。2個人簡咗幾樣嘢嚟試，嚟到食物份量都唔細喎；好彩無叫好多唓...簡咗個套餐，扁食15粒＋特色筍乾燜飯。扁食其實係小雲吞，內餡唔似平時食嘅雲吞咁；會食到肉碎同其它材料粒。內餡豬肉打成蓉，所以唔使點咬就直接吞得。味道有d清淡，加埋檯面上嘅辣椒油就啱啱好。個辣椒油應該係自家制，食落唔算辣有芝麻嘅香同乾辣椒碎嘅脆。特色筍乾燜飯味道唔算重口味，本以為整個飯筍味會好重；但反而係食到蠔豉乾粒。炸春卷外皮偏油，好彩入面嘅粉線同蔬菜食落唔會；平衡番個油膩感。鍾意飲湯，見到個奇怪食材名；就叫你啦😝石橄欖燉老鴨盅。個湯好清完全無油，原來石橄欖無咩特別嘅味道；飲完之後唔會口渴相信無落味精。

係浦仙味食嘢，呢度啲餃子好鮮甜好好味，炸雞翼好香啊好脆啊，燉湯都唔錯哦！我最鍾意食佢呢度係扁食又叫做雲吞，仲有佢自己炮製嘅泡椒鳳爪，泡椒鳳爪大少少辣味又好爽，仲有嗰個味道超級正啊。鍾意食餃子的朋友可以過嚟試下係深水埗福榮街嚟嘅。

Discovered this new restaurant after dining at the restaurant nearby that serves Wedding Noodles.It is next to the famous liver noodles hence this place is easy to locate.They serve Fujian delights just like wufuyian nearby but the menu here has English and Chinese with some good pictures.As I just had a filling dinner at Wufuyuan, I decided to order the soup as shown on the wall and the SUGAR DOES NOT FLICK as stated on the menu.Old Duck soup:The soup didn't really have much duck flavour but I