蔡潤記

Open Now

Now Closed

假日浪費時間，平平無奇，認真的可以話唔好食，魚蛋細粒而無鮮味，入口欠缺咬口，牛腩直頭垃圾唔入流，坊間以訛傳訛，講到天下無敵，奉勸一句，如要求高，勿去！(炸魚皮過火燶夾黃，太硬而無味，明顯油漬超級萬年）

放工返到大埔下午兩點正到步，人山人海呀 ﹗好采剛好發現有個單丁位，一個人食野既好處咪係易搵位囉。廚房阿姐們內內外外都剛柔並重、不慌不忙、慢條斯理、中氣十充，您急佢唔急，等上十五、廿十分鐘都值回票價既。雖然等得耐，不過高質好味道就算啦 ﹗廚房阿姐慢工出細貨，繁忙時間等上半個鐘唔出奇，如果唔想等得太耐，最好十二點半前到場，而且佢地最遲下午三點左右就賣晒收檔喇 ﹗豉油湯底真係熱辣辣又清甜，忍唔住要飲多幾口先起動食麵。原來差不多一年無黎幫襯，多數去弟哥新蔡度食，質數滿意，出貨又夠快。魚蛋鴛鴦加底加皮走蔥，熱辣辣送到，香噴噴即時唾涎欲滴，抺都黎唔切。棉滑河粉溫柔地抱著嚥韌熟麵齊齊沐浴於濃濃甜湯之中，掛著湯汁直衝肚裡去，超美味 ﹗一棉一彈，雙重享受 ﹗湯汁混入大量辣椒油份外刺激甜美，越食越起勁 ﹗熱騰騰既濃郁豉油湯底加上嚥韌靚麵、棉滑河粉，拍案叫絕。雖然貪心，但份外好味道 ﹗河粉同熟麵均煮得剛好，應滑則滑、應嚥韌則嚥韌。從來無機會投訴既粉麵，煮得滑既滑、彈既彈，掛上大量香甜湯汁及香辣辣油，邊有得輸呀 ﹗魚蛋重魚味，美味非常 ﹗一粒又一粒、一束又一束不停輸送，轉眼整碗已消滅掉。湯底清甜略有冬菜香味，

門面完全唔起眼既粉麵檔，多年前都係朋友介紹先識黎食，你估唔到裝修咁普通既竟然食物質素OK.我每次黎都係點果樣，牛腩魚蛋粗，最正係牛腩，煮得好淋，好入味，唔會痴牙，完全唔鞋口，魚蛋都好爽滑同埋彈牙，粗麵質地我鍾意佢有口感，唔會過淋。總括黎講，水準依然保持到，希望呢間老店唔好出左名後就水準下滑。

食完新蔡潤記, 失望已回, 去蔡潤記再食過無做過research 唔知新蔡潤記跟這間有咩關係, 環境跟新蔡潤記差好遠, 坐位好迫, 一碗麵要$27 比新蔡潤記貴3蚊, 叫咗牛腩河及粉腸河, order 完望望周圍, 見到呢個牌等呀等, 等咗差唔多15 分鐘先有得食, 唔通真係慢工出細貨? 兩碗麵一齊到, 牛腩份量比較少又細塊試試湯先, 味道清清地, 再試牛腩, 味道幾濃, 軟熟無渣粉腸不過不失, 味道都可以.比較兩間蔡潤記, 我會選這一間, 但係應該都唔會專程來食 比拼結果:              蔡潤記     新蔡潤記價錢:       $27         $24環境:       舊同迫      新及寬闊衞生:       麻麻         Ok上菜時間: 15 分鐘    不用等太久味道：     略勝少少

河粉比一般麵店爽而彈牙。湯底挺濃，端來時熱燙燙，但由於店內沒冷氣太熱，風扇開得很大，太大風又會快速把湯吹涼。牛筋綿又融化，不錯，但一碗只有三兩件。粉腸較多，有四五碌，爽而不粉，挺自相矛盾，但爽的粉腸世上罕見。份量又是僅僅多於比勝利牛丸，兒童餐的感覺，吃一碗不會飽。這天試吃就剛好，因為有大埔當地居民帶領吾等一嘗地道美吃。

我上次去蔡潤記叫咗個牛根河,因為唔係繁忙時間所等咗一陣就有位.普通小店裝修,企企理理.服務態度唔算特別好但我覺得都叫合格.由落單到上菜嘅時間都真係可叫做係神級.講返碗牛根河,啲牛腩嘅硬度算係幾好,唔會話軟到好似食緊啫喱咁,但又唔會話硬到要好用力先咬得開.河粉雖然話間間差唔多,不過呢間啲河粉粗幼度適中,唔易斷開,配牛根啱啱好.

一早入大埔已諗住食群記，但原來下午1點先開。筆者有另文寫群記。剛好搜尋到蔡潤記已開又多人讚，入去坐底，老闆禮貌非常之好，難得。牛腩估唔到咁好味，夠腍但有彈性同爽。魚旦比一般見的細粒，都可以。湯夠鮮美，河粉唔會碎晒咁，夠滑夠彈。27元埋單。下次想試埋粉腸。記得唔好去錯大廣福道有間新蔡潤記。唔知兩間有冇關係。

你間野係大埔做左好多年， 傳統家庭式魚蛋粉 麵檔， 牛筋， 粉腸， 炸魚皮， 做得幾好 夠特別。 環境一般麻麻地啦， 服務就唔好期望太高， 價錢都算幾抵食30- 40蚊一位到啦 假期超多人要等位 同埋就好快就買曬d野。 平 日 去 好 d

久久來一次，每次他們的「服務態度」都「保持得非常統一」。😠😠😠已經沒期望有人招呼我，只好自己找個座位，走近檯，上家埋了單，但隔鄰食位霸櫈擺東西，店東大聲問：「點咩？」我回她：「櫈都未有，教我怎點呢？」店東竟答我一句：「咁即係唔點啦？你諗下先。」隨後人走開了。我依然無櫈坐。好！算！我肚餓，唯有自己找櫈。說到碗魚蛋粉，份量確實有點少，魚蛋細粒，河粉兩口吃完，但勝在品質不俗，夠彈性，有味道，不似別店子的魚蛋，只鹹無魚味。本人喜歡吃辣椒油，此店傳統喜歡分配一「小碟」他們矜貴的自製辣椒油而已，由於免自己像「乞食」一樣，所以放棄跟店東多問半句了。總之，過口癮想食他們「魚蛋粉」真要有爆燈好心情才進店吧。😪😪😪

久聞大名, 到大埔當然要去朝聖.時已二時, 但依然九成滿, 是日不是假期, 想在香港不用工作的人真多 招牌寫馳名原汁牛腩和自製魚蛋, 初次光顧, 那有不點的道理.牛腩不是十分出色, 有點瘦而且乾. 幸好湯頭也不錯, 味精不重, 喝起來也順喉! 可惜河粉偏硬, 不是我喜愛那種, 一點也不會掛湯. 但魚蛋雖是個子小小, 有點像樟腦丸, 一口一佪, 很是彈牙! 下次會試魚片....有是期待!

星期日中午一點。坐底要立即落單，諗一諗老細都大大聲倒數「3！2！1！」，然後頭也不回地走。又比我發現多一間同澳牛差不多service(應該話service嗎？)嘅餐廳。咁心急想take order，無非係想提升翻桌率賺多幾轉，但我居然等左個魚蛋河加炸魚皮二十分鐘。等到十五分鐘時我忍唔住催order，當然，呢種性格餐廳無人會幫你追單，只換來一句「輪到你就有㗎啦」。講返嘢食，好食嘅話好似九記咁寸我都忍。等咗二十分鐘換來豉油湯魚蛋河同萬年油炸魚皮，只講魚蛋本身其實過得去，個炸魚皮不得了，一入口，你就會食到D油嘅歷史，好懷舊。要食魚蛋河，食附近嘅新蔡潤記好過。

住在大埔十多廿年了，近數了搬離了但間中仍會回去逛逛，這次剛巧父親回港，就一起回去懷緬一番. 由於父親一直都很喜歡吃魚蛋粉的，所以回大埔又怎少得到位於東昌街的蔡潤記呢!平日早上十時多，蔡潤記客人亦很多，我們需要與別人搭枱呢!每人點一碗魚蛋河、炸魚皮，父親還要外加一枝可樂. 小時候每次到訪又怎少得一枝熱辣辣的麥精，可惜今次到來只有汽水供應，所以我就不喝了.魚蛋粉一如以往的深色豉油湯底，細細粒的彈牙魚蛋、香口的炸魚片及份量很少的河粉，說實在這些年來吃過太多美味的魚蛋河，這店的質素是很普通的，不過懷舊風味是別處感受不到的，所以間唔中回來吃一次都未嘗不可.炸魚皮以萬年油炸的超硬身魚皮不是我所鍾愛的.支裝可樂父親的支裝可樂.吃罷河粉後，就到火車博物館逛逛，回大埔沒事幹就這樣東走西走好了.

因為要去一田買野，所以有機會入去大埔，於是就問定朋友有咩好食啦，朋友就話有間野好出名，好多人，好有歷史，於是就黎試下。間野叫蔡潤記，晌一條唔起眼的巷仔，都唔易搵。去到坐低，果然係舊式店鋪，內部裝修好舊，但大約有五十個位（因為全部係圓枱要搭枱）麵位由二位女仕負責，反而男仕就寫單。佢話自己馳名魚蛋同埋牛腩，咁就一於試下魚蛋牛腩河啦。順便加多個汔水（聽朋友講話有奶茶…可能佢記錯啦）呢度煮野唔快，份量亦不多，魚蛋係細細粒果啲，咬落去無乜魚味，又唔彈牙，牛腩唔稔又唔香，最慘係佢個湯底，除左豉油水之外真係咩味都食唔到….實在睇唔到有咩咁突出，唯一好處係平（但又唔係超平）…只此一次，下不為例。

最近真係美味季節，食到好多好野！繼CAKE'S SECRET 同 CLUB CHOW既美食之後，來到大埔蔡潤記食到碗好香口既肥腩魚蛋河。河粉既份量十足，肥腩好香牛同脂肪香，河粉好有咬感，魚蛋就遜色一點，但都好好味！最重要係好抵食。HK＄24／碗。如果我無記錯既話新蔡潤記要HK$26／碗，裝修就差不多，但QUALITY都係舊既好味D。

從懂事開始，已經記得成日食呢間野，因為爸爸好like～去到中學之後搬遠左就少食左～呢間野由好似1款餸$16～加到依架$21～人氣高食材貴左無計la～我覺得呢間野最好食係牛腩，5會太肥，同精髓係d湯！我每次會連湯飲曬！因為真係好like～5會好膩，今次食魚蛋河，魚蛋我就覺得新個間好食d～另外d辣椒油好香5會好辣～我見好多人都會食豬腸，5知係咪好正？依來未試過！～呢間野太夜5開，有時想食下宵夜都無。。。舊時成家人一齊去蔡潤記一人一碗，依架都係好多時自己一個or同朋友去。諗起以前爸爸要牛腩牛根魚蛋面，媽媽仲有自己就食牛腩河，細佬妹妹要魚蛋河，，5知爸爸媽媽會5會懷念呢個地方呢。。。5知幾時一家人再去。。。