蛇王兄 (Moved) New Location

之前食開對面的蛇王P，今次見蛇王兄團購，買來試下先。今日得番十三度，食蛇羹適合不過，便揹着仔仔搭小巴出觀塘，換兩客蛇羹套餐，慰勞今晚公幹返來的老公。團購中有一條款:「只限堂食，如需外賣，每個外賣器皿需另加$1」，所以加$$是預左的。點知去到個肥女人一聽到我要外賣就大大聲話:「只限堂食呀!!寫到明冇得拎走~」跟住有位大叔走過黎話「第一批團購是可以的。」但肥女人就聲大夾惡地話:「第一定二批都唔可以呀! 只准堂食，不得外賣!!」我跟她理論一番後，她才很晦氣地對着其他員工說:「比啦比啦~比佢拎走啦~每個膠腕計$1蚊，唔係每個餐計呀!」攪到我好似揹住個仔去乞食禁，我有比$$架，外賣加幾蚊比唔起咩? 縱使蛇羮味道如何，我也不會再貼$買難受，個人亦同情每天對住那肥女人的員工。

某group團購蛇王兄套餐，一向幫襯開對面友店的我，又上open飯查下，評價都ok，反正近來陪主老媽都要個個星期食1-2次，即管試下...晚上去到，隔離店舖就多人到係門口等，入到店內見幾枱都係團購，相信搬過舖都係有影響，將團購券交俾阿姐，就開始上菜，蛇羹係細蛇羹，真係幾細，比我吃開的細，size大約是酒樓個隻細碗，見對面枱叫中碗就同我於友店吃開差不多size，大約係吃飯碗，價格上比較差幾蚊; 開餐...藥材(當歸)味好重，芡比較稀唔係杰身個種，蛇肉同雞肉應該係對半左右，蛇肉絲切得比較細，由於藥材味重，會見到一片片當歸，因此好似無咁鮮甜，不整體味道不錯，蛇湯味道與蛇羹味道一樣，相信係同一個底；糯米飯對比對面友店就比較好，軟硬適中，不過老媽話不是純糯米，有溝其他米，我就唔多識分......；最後服務態度來講，街坊式服務，即係唔會當你神咁拜，但又不失親切個種，唔該前唔該後有嘅，我覺得ok啦~~團購價是HKD$28/set，店內原價係HKD$40，等於係7折，份量不大，女仔吃應該係岩岩好，男仔應該會差少少，7-8分飽啦我自己，以幾間蛇舖細蛇羹都係HKD$25-26送湯(份量問題自己斟酌)，糯米

近幾日天氣急降，一下子跌到十四度，又係時間出去食蛇進補。我食開既當然係觀塘既蛇王兄，裕民坊重建成條街既鋪都執哂，佢地搬左去宜安街再起風雲。路經宜安街，原來蛇鋪都有三四檔，好不容易找到蛇王兄，就在小巴站旁﹗鋪仔細細，約有五六張枱左右，除了蛇羹外，而家仲賣埋小菜添。小菜無興趣，點了個B餐，中蛇羹加糯米飯及蛇湯，$48。蛇羹依舊足料大碗，一個中湯碗滿滿的，啖啖蛇肉，還有雞絲、木耳、冬菇絲等。唔係講笑，食兩啖真係胃部有股暖流向上湧，不脫下外套必會成身大汗，蛇羹確係補暖禦寒名物。糯米飯煙韌，花生及蔥花下得多，夠香口，正﹗蛇湯原來係無限添飲的，飲完一唔夠喉可以再來，但小心補得太緊要吧﹗加$10有生菜，一個餐其實極豐富，食家直頭食唔哂添。秋冬進補來幾十年老字牌既蛇王兄，準沒失望。

九月上旬‧晴其實家陣天氣跟蛇的質素沒有多大的關係，因為很多店子用上的都是四時的東南亞蛇。不過秋風一起，就真的燃起吃蛇的興趣。不知何解，觀塘區的蛇店真的特別多，是日涼涼的，來這裡最好。要了碗細蛇，蛇湯底幾甜而蛇肉還算幼細，當然二十幾元一碗是不能苛求。至少冬菇絲、木耳絲及肉絲都下足的，算是這樣。還送一碗蛇湯，喝了周身暖。坐在路邊吃蛇，也特別有風味。不過因為社區重建，這一份風味相信不會還有幾多時間可保留了。

正月中旬‧晴都說過，觀塘真的密集式有好幾間蛇店，而藏在另一邊的小巴站後面的又有另一間，就是這裡。要了碗細蛇羹，看上去蛇肉、雞肉及肉絲都是粗條裝，蛇湯底帶鮮味也甜，熱熱的感覺上比同區的勝一籌。另送蛇湯一碗，上有幾粒杞子，醇且鮮也夠火侯，在這個翻風的天時喝，正好。值得一提的是薄脆是另上的，要提店家不要漏了拿來。

難得來到觀塘，四周逛逛，但見很多店舖都已重門深鎖（連開了廿一年的康寧道麥記也要關門大吉），鐵閘外貼上市區重建局的告示，在微雨下更顯得蒼涼。亦即是說，距離觀塘重建的日子，也愈來愈近了。因此一場來到，也想多試一點這區的舊食店，其中包括在小巴站旁，華苑印尼餐廳隔壁的蛇王兄。看其格局，只有三數張摺檯，店面有兩大個滾著的鋼煲，連有些蛇店常備的裝蛇的百子櫃，都是幾乎沒有的，不是店名寫著，都不覺是食蛇的地方。有蛇羹食，分大小，可做成套餐，包糯米飯的最貴都只是 60 塊，比市區的蛇店都便宜。我吃的細蛇羹只是 $25，還要有蛇湯送，真的很抵。照例是有薄脆和檸檬葉，前者我不吃，便猛加檸檬葉。看來不算太新鮮，香味也不太濃。蛇羹本身味道就一般啦，蛇肉雖多又大碌，卻有點韌。木耳絲不少，羹底不太鹹。反而送的那碗蛇湯就不錯，胡椒味很香，在又濕又凍的時候喝就正好。要把握時間，繼續發掘觀塘的好店！

寫番新年食評，不得不品題一下呢間蛇王兄，皆因一個月之內吃了五六次之多﹗蛇肉有行氣活血之效，吃完之後不知那裡來的神奇力量，體內引發出一陣又一陣既熱血，有點似穿上了保暖衣，功效神奇﹗蛇王兄我估在官塘都已經做左十幾廿年，細細個經過搭小巴，必定見到佢。去年十二月至一月不知不是世界末日即將來臨，成個月氣溫都在18度以下，有兩個星期仲連續得十二三度，我雖然體型胖過胖虎，不過最怕凍，又那可不進補呢？店子細細，靠擺出街的幾張大四方枱搵食，由於歷史悠久，入夜必座無虛席﹗就像呢晚得10度，同食家去完雲南風味食辣野，食完之後個身都仲係凍過雪條，難得食家到官塘，梗係帶佢試下最正既蛇王兄，大家進補一番﹗細蛇羹不便宜，$25送蛇湯，如果要埋糯米飯就$40。物有所值，睇相你就明，真係成碗都係蛇肉及雞絲，配上木耳，加入脆卜卜的薄脆，一碗細蛇已可以令你飽肚暖身﹗湯底濃稠得不得了，蛇肉切得大片實在，吃得的蛇肉鮮甜，給你有種真材實料的感覺，吃下兩羹已發揮其作用，渾身一陣暖和，這就是其可愛的功效。附上的蛇湯，胡椒味極濃，也是暖身之物，記住大啖大啖喝下，衫都可以著少幾件﹗吃後暖洋洋，買了外賣給老豆，大讚好吃，過兩日自己仲偷偷地

零九年十二月少數一年四季都有供應蛇羹的蛇店，當然最新鮮美味的時間，一定是秋風起後的季節。$25一碗的蛇羹，蛇肉大大條掛在湯羹上，是唔吃得都睇得下的平民演繹，湯底味濃有很重師傅味道，蛇肉粗鬆腍乏味，沒自家鮮蛇下，相信是內地煮理好運過來的熟蛇肉，愈吃愈唔對路，還是草草埋單去大孖訂醬油去好了。

今天逛完觀塘後，便到宜安街的蛇王娟品嚐蛇餐。雖然早前吃過工聯會主辦的蛇宴，但簡單地品嚐數味以蛇為主題的菜餚，還是第一次。蛇王娟提供的食品有散叫的蛇湯、蛇羹和臘味飯，但上述食品也有套餐的形式，就是分A餐和B餐，分別在於前者的蛇羹是大的（售價為$55）；而B餐的蛇羹則是小的（售價為$40）。我站在店舖外觀看時，女店員已熱忱地給我介紹產品，並歡迎我進來，加上有些饑意和寒意，乃欣然接納女店員的招呼。無論蛇湯、蛇羹和臘味飯均非常可口，環境衛生，舖面光猛。

前幾日同男友搭荃灣車經過宜安街,咁岩見到以前食開果間蛇舖'蛇王兄'既是頭婆'.於是落車行過去.......原來'是頭婆'搬咗,仲改咗名叫(蛇王娟)坐低叫咗2個B餐蛇羹好足料.....糯米飯好有'趙'口,好香......蛇湯好夠藥材味食到好飽.....好好味埋單$80仲有呀'是頭婆'好好人....蛇湯唔夠喉仲可以添飲呀而且仲平咗細蛇羹$23............大蛇羹$42,仲送蛇湯細蛇羹餐$40.........大蛇羹餐$55

e個觀塘蛇王兄我成日放工經過都會過去食一大碗補補下...雖然熱左d..但唔知點解食蛇係會上隱架...不過e排先知道. ..原本果老板娘搬左去第二條街做....唔怪得e排d人又唔同. ...食既蛇羹又唔同.. ..無平時噤多料啦！太淡啦....詢問之下..原來搬左去( 觀塘宜安街緻昌樓4D地舖 )之後第二日放工專登走過去食...見番老板娘....原來佢搬左一間大舖仲有冷氣...比之前坐得好舒服...又可以食番我最愛既蛇羹同糯米飯. ....正正正

羹稍稠, 勻起來有點似碗仔翅, 還好材料不欺場, 蛇肉木耳絲雞肉絲仍是長吃長有至碗底見光為止. 這玩意感覺從來是冬曰暖身補身先於味道, 論好吃此廿五蚊當然不及蛇王芬或蛇王二, 但至廿五蚊細蛇羹連蛇湯, 相信價錢論應該無敵手了吧?

主人與奴隸獸正打算搭小巴出佐敦，見此店甚多人光顧。既然不趕時間，於是決定試一試再出發。原來此店食蛇羹有蛇湯送，就點了一碗細的（HK$23）。蛇羹稀『杰』適中，但湯底味道太淡，肉質『鞋』口，味道勉勉強強，只屬一般。蛇湯則胡椒粉味勁濃，還有當歸及杞子味，可惜油膩及太多味精，奴隸獸不是太欣賞。其實論價錢，HK$23 有蛇羹又有蛇湯，確實幾抵食，但味道就不要強求喇！

時近年夜，肚子空空的，怪難受，想吃一點熱東西，忽然想起吃蛇羹。雖然大熱天時吃蛇，有點不合時宜，但有時想起吃時，就要吃，如不是，日日捱，為咩？先去小巴站那邊的蛇王兄，卻說熱天不賣蛇，只賣粉麵。再行過這裡，見仍賣著蛇羹，就來一碗細的，坐在路邊的位子，熱辣辣吃蛇羹。細碗的蛇羹，其實份量也不算小。芡汁很厚，吃落是杰杰的，感覺上就更燙口。平時最怕芡汁下得厚的羹類，不過是日要調解胃部不適，所以例外，反而感覺良好。蛇羹幾多料，除了蛇絲，還有不少的雞絲、肉絲、冬菇絲、木耳絲，也算是真材實料。蛇肉不用問也是雪藏貨色，沒有考究的菊花瓣及檸檬葉絲，但蛇湯底也頗鮮美，加上豐富的配料，及薄脆，雖然是天氣是熱了一點，也實在吃得滋味。值得一提的是薄脆，在這等又濕又熱的天時，仍然保持脆口，意料之外。吃細蛇羹，送蛇湯碗，味道卻不錯，雖然味覺已遲鈍，都喝得出甚醇香，不是附送的例湯這樣簡單。埋單33蚊，經濟抵食，水準不錯，不過當然，如果可以涼一點來吃，會更好。