蛇王業

Open Now

Now Closed

天氣開始乾燥轉涼，相信懶過狗既香港友除左被竇之外，另一種會諗起既野就係食蛇，變相就係拍左1年烏蠅既食蛇業終於發市既日子來臨，但網上有一大堆雜亂無章既蛇宴推薦，實在難以得知邊間好食，邊間出色😞所以反正唔知去邊，個人就一定選擇去蛇店，因為絕大部分酒樓既菜單都係得1至3味係同蛇有關，其餘都係d咩羊腩煲，鱔，感覺真心想食蛇宴就應該味味都係同蛇有關先最過癮有見及此，今次就同同事去左位於旺角既食蛇老店《蛇王業》去試下60年不倒既手藝🐍先來蛇羹，講真就咁睇都見到十分足料，熱辣辣簡直救人一命，蛇肉同菇既比例剛剛好，份量仲要位位3碗仲有剩，老字號絕對唔洗擔心食緊以雞代蛇既蛇羹七彩炒蛇絲，蛇既份量差少少，椒絲幾多，加埋唔知點解存在既炸脆脆，扣分不少，但單論蛇絲就依然好味🤤椒絲同西芹單單帶來清爽口感炸蛇丸，估唔到只係半席都做到人人2粒，仲要唔細粒嫁喎，加埋你都睇到吸油紙都冇咩油，食落彈牙又味濃，一食就知冇味精，絕對唔係街外d濫竽充數既爛鬼蝦丸囉椒鹽蛇骨腩，當到呢一秒都仲擔心緊自己係咪真係食緊蛇肉既傻豬豬們終於可以放心，成舊蛇骨放你面前本身以為要「輪」骨，但一咬落去原來好多肉，簡單好似食緊豬仔骨咁啖啖肉，勁惹

上週五約了三五知己聚一聚, 天氣轉涼+識射波一步所以當晚決定去深水埗尋寶小店一間裝修普普通通, 不過見到很多形形色色的蛇制產品, 例如一樽樽的蛇酒, 一包包唔知乜嘢. 店員介紹孖寶就係蛇羹加臘味飯, 有大小2個size 以供選擇. 蛇羹偏淡不過夠熱, 蛇肉亦都很足夠；臘味飯就普通不過以幾十蚊的價錢來講就想同經濟實惠了, 沒有投訴我見當晚店員亦都在小小的地方內準備開三席, 看來亦有識貨之人懂得搵呢個地方交通尚算方便, 可以再嚟

近排天氣轉涼，同班朋友去食個蛇宴補下先.........一坐低就有枝蛇酒比我地，可惜小編吾飲酒。唯為交比朋友飲左佢首先黎係係蛇匙，超足料味道又吾會太鹹，非常好味！！！仲要每人食到2碗跟住就係七彩炒蛇絲，味道ok，蛇肉都多！呢個炸蛇丸，好味又彈牙！！接住更係椒鹽蛇碌，非常鬆脆！！味道剛剛好不會死鹹！呢個糯米飯炒得非常好味，吾會軟淋淋，非常乾身，而且配料超多！呢個蛇湯，湯料十分豐富，湯既味道十分濃郁，小編食完之後身體十分之暖蛇汁雞，隻雞肉質十分滑......而且肉質彈牙，十分好味。呢個係蛇汁煮水魚！！！小編只食左小小，口感爽滑.........蛇汁燴生菜，超多杞子。蛇汁味道濃厚！！

同太太去旺角朗豪坊行街街，行完順便去斜對面一整條專賣新鮮生菓的街shopping下，見到呢間蛇舖，入去試下先，舖內招呼訂食蛇宴的客人，我們就拍住拖坐舖外，叫了一大$75，一细$45....食後感……好似今年冬天，oh 我食了蛇，無甚麼特別，當然係無乜驚喜啦……完！

每次抵港都必須來打卡的地方，愛極了這裡的蛇羹，滿滿一碗都是肉，天氣冷的時候來上一碗感覺真的是很幸福。糯米飯的味道就有點意料之外，有點點硬，口感上沒有軟糯，吃起來比較乾。

我係蛇王業超級fan，無論去咗第二度讀書，每半年返嚟一次都一定要去食蛇王業，夏天都唔例外！正題：感覺旺角分店冇深水埗分店咁足料，碗都好似細啲咁！之前去開深水埗店食，今日喺旺角返工又好想食，所以貪近先嚟呢度！之前每次喺深水埗分店食完，個身都會慶恰恰，好暖！喺旺角分店食完⋯⋯冇感覺😢真心有少許失望，下次都係去番深水埗食😅