Video
Telephone
27714898
27714998
Opening Hours
Today
11:00 - 20:00
Mon - Sun
11:00 - 20:00
Above information is for reference only. Please check details with the restaurant.
天氣開始乾燥轉涼，相信懶過狗既香港友除左被竇之外，另一種會諗起既野就係食蛇，變相就係拍左1年烏蠅既食蛇業終於發市既日子來臨，但網上有一大堆雜亂無章既蛇宴推薦，實在難以得知邊間好食，邊間出色😞所以反正唔知去邊，個人就一定選擇去蛇店，因為絕大部分酒樓既菜單都係得1至3味係同蛇有關，其餘都係d咩羊腩煲，鱔，感覺真心想食蛇宴就應該味味都係同蛇有關先最過癮有見及此，今次就同同事去左位於旺角既食蛇老店《蛇王業》去試下60年不倒既手藝🐍先來蛇羹，講真就咁睇都見到十分足料，熱辣辣簡直救人一命，蛇肉同菇既比例剛剛好，份量仲要位位3碗仲有剩，老字號絕對唔洗擔心食緊以雞代蛇既蛇羹七彩炒蛇絲，蛇既份量差少少，椒絲幾多，加埋唔知點解存在既炸脆脆，扣分不少，但單論蛇絲就依然好味🤤椒絲同西芹單單帶來清爽口感炸蛇丸，估唔到只係半席都做到人人2粒，仲要唔細粒嫁喎，加埋你都睇到吸油紙都冇咩油，食落彈牙又味濃，一食就知冇味精，絕對唔係街外d濫竽充數既爛鬼蝦丸囉椒鹽蛇骨腩，當到呢一秒都仲擔心緊自己係咪真係食緊蛇肉既傻豬豬們終於可以放心，成舊蛇骨放你面前本身以為要「輪」骨，但一咬落去原來好多肉，簡單好似食緊豬仔骨咁啖啖肉，勁惹味咬開肉質絲絲分明，真係估佢唔到，真心推薦🥰🥰本餐第二最愛生扣蛇骨腩，全晚最愛😻！一眼望落去以為食火鍋炸魚皮，但原來塊蛇皮好似骨膠源咁彈滑仲要其實好多肉係入面，汶到好淋又冇骨，成舊食真係超級滿足，必食🤣🤣蛇汁時蔬，沒什麼特別，但我喜歡食菜加上成晚都係肉，硬生生一個人食左7成😙清清腸胃到左尾聲，再上蛇汁貴妃雞，當時都飽到反轉，食左1件感覺比較（鞋），但就同酒樓燒味差唔多，不過不失😗蛤蚧湯，不得了，姐係果d好似壁虎🦎既野味湯，藥材味幾重，有dd 甘但又幾好飲，飲完成個人暖起上黎，雄風都番埋黎🔥🔥🔥🔥🔥糯米飯，炒得幾乾身，又唔會痴到一大舊，上味唔錯冇話面果d先有味。煙煙韌韌寫上完美句號🤡🤡🤡其實中間仲有味燉山瑞，姐係水魚果d，但由於一下子就比人夾晒，我連食既機會都冇，相信味道都應該唔會差得去邊，大補之物失之交臂🥹總括來說，完美的一餐，過往係酒樓，公聯會既蛇宴完全同佢冇得比，加埋d店員好鬼親切有講有笑，仲要送左支50度既蛇膽酒，一飲立即(wing)但又好鬼好飲，行氣活血男人味出晒黎🥴將來齊腳絕對會再幫襯
continue reading
上週五約了三五知己聚一聚, 天氣轉涼+識射波一步所以當晚決定去深水埗尋寶小店一間裝修普普通通, 不過見到很多形形色色的蛇制產品, 例如一樽樽的蛇酒, 一包包唔知乜嘢. 店員介紹孖寶就係蛇羹加臘味飯, 有大小2個size 以供選擇. 蛇羹偏淡不過夠熱, 蛇肉亦都很足夠；臘味飯就普通不過以幾十蚊的價錢來講就想同經濟實惠了, 沒有投訴我見當晚店員亦都在小小的地方內準備開三席, 看來亦有識貨之人懂得搵呢個地方交通尚算方便, 可以再嚟
continue reading
近排天氣轉涼，同班朋友去食個蛇宴補下先.........一坐低就有枝蛇酒比我地，可惜小編吾飲酒。唯為交比朋友飲左佢首先黎係係蛇匙，超足料味道又吾會太鹹，非常好味！！！仲要每人食到2碗跟住就係七彩炒蛇絲，味道ok，蛇肉都多！呢個炸蛇丸，好味又彈牙！！接住更係椒鹽蛇碌，非常鬆脆！！味道剛剛好不會死鹹！呢個糯米飯炒得非常好味，吾會軟淋淋，非常乾身，而且配料超多！呢個蛇湯，湯料十分豐富，湯既味道十分濃郁，小編食完之後身體十分之暖蛇汁雞，隻雞肉質十分滑......而且肉質彈牙，十分好味。呢個係蛇汁煮水魚！！！小編只食左小小，口感爽滑.........蛇汁燴生菜，超多杞子。蛇汁味道濃厚！！
continue reading
同太太去旺角朗豪坊行街街，行完順便去斜對面一整條專賣新鮮生菓的街shopping下，見到呢間蛇舖，入去試下先，舖內招呼訂食蛇宴的客人，我們就拍住拖坐舖外，叫了一大$75，一细$45....食後感……好似今年冬天，oh 我食了蛇，無甚麼特別，當然係無乜驚喜啦……完！
continue reading
每次抵港都必須來打卡的地方，愛極了這裡的蛇羹，滿滿一碗都是肉，天氣冷的時候來上一碗感覺真的是很幸福。糯米飯的味道就有點意料之外，有點點硬，口感上沒有軟糯，吃起來比較乾。
continue reading