蛇王濤蛇煲 (Closed)

第一次吃這個蛇羹時,是十多年前爸爸外賣回來給我,那時一吃就愛上了,因為他很夠料又美味,這是暫時吃過最喜歡的!昨天和老公去吃沒有失望,水準依舊,這次堂食點了蛇羹(大)+蛇湯(大)+糯米飯,三款總共120算便宜了!有些人說豬肉雲耳都比蛇肉多,但我覺得蛇肉雖沒有很多,但是足夠的,相對價錢也是合理!而蛇湯方面也是不錯,只是胡椒味少一點點會更鮮味,至於糯米飯我個人就不太喜歡,下次再去應該只點蛇羹+蛇湯!最後想說的是老闆很有禮,都很客氣,真是吃得開心又滿足

天氣急劇下降12度，一諗就梗係去食蛇啦！上網搵左間位於大角咀橡樹街嘅蛇王濤試下。夜晚7點幾，有3，4個食客，舖面都不算好大。餐牌上好簡單明確，其實就只有3樣野食。蛇羹 蛇湯 糯米飯配搭唔同嘅套餐呢間都有齊傳統檸檬葉同薄脆 任加。蛇湯睇落好清，無油蛇肉，都有數條 但飲落其實已經被濃烈胡椒粉味掩蓋晒所有味道。全部都係胡椒粉。糯米飯 含有腊肉，腊腸價錢方面可以，但不夠味道，唔係特別惹味果種。主角蛇羹（小）出場。料雖是充足沒錯，但蛇肉比例是很少。碗內大部分材料係木耳，冬菇，瘦肉。呢間蛇店比同區相應較平，但質素一般，無驚喜。

秋風起三蛇肥, 雖然已經春天了, 但間唔中食蛇都可以當補下身.蛇羹除了可滋補氣血外，還具強筋骨，通經絡, 所以唔駛等入秋, 平時間中食下都有益.臘味糯米飯, 有臘肉及蝦米,幾香口, 糯米飯煙煙韌韌但有少少硬蛇匙十份足料, 夠稠無水感, 多蛇肉加上木耳絲及冬菇片另可自行添加脆片及香草, 脆片非常脆!食完感到體入有股暖氣 $58

蛇王濤-由一間小舖食到對面開多間大舖至到今日得返一間大舖，其實做蛇，專就足夠！今天天氣超級寒冷，即刻想起你！唔駛講咁多～～～幫襯得十幾年就是因為超級足料，粗粗的蛇肉，足料無比，木耳絲也多，不稀不淡，配上無限薄脆，茲味十足！支持良心小店！

琴日見涼涼地, 走左去食蛇羮叫左個$100套餐, 有一碗(大蛇羮+蛇湯+糯米飯)。蛇羮好足料, 大大碗，啖啖蛇肉,幾足料，蛇湯幾好飲(蛇羮&蛇湯 份量足夠2個人食)糯米飯就麻麻地, 吾夠正宗。整體吾錯，平靚正!!!!

天寒地冬最岩食乜? 又補身又暖胃的選擇就是....蛇宴。記得細個時, 一家人參加工會的蛇宴, 當時年紀細, 食了乜都唔知, 只是知食到好飽, 因為蛇宴通常份量都好勁! 至此之後, 好耐都沒有再食過蛇宴, 一直都好懷念, 今年難得可集齊11位朋友仔成團, 當然要舉手參加啦! 我地一起走到大角咀引蛇出洞。環境這類菜館環境當然不太舒適, 摺枱摺櫈是必定的裝備。當日全場爆滿, 大家都要坐得親密一點, 常常企起身飛象過河當然唔出奇, 是另一種風味!服務雖然人客眾多, 但快上菜、執拾的速度都很快。食物我們11人預先訂了半圍蛇宴, 再當場散叫其他小菜, 可試多啲款式。半圍蛇宴包括：1) 太史五蛇羹一窩- 材料十足, 蛇肉多不勝數, 每條蛇絲都肉厚且有咬口, 正! 還有肉絲、木耳絲、冬菇絲、荀絲等等, 啖啖湯羹啖啖肉, 再配上薄脆和檸檬葉絲, 非常美味和滿足!2) 龍鳳煲- 即是蛇加雞煲。一煲內的材料豐富, 有爽口馬蹄、超甜粟米、清新蕃茄和白蘿蔔等等。由於用雞作湯底, 所以面層舖滿一層黃黃的雞油, 很誇張! 雞肉嫩滑, 蛇肉肥厚, 而連骨的肉質更美味!3) 手切肥牛- 每片薄薄的, 肥膏與肉分佈平均,

經常在蛇店買蛇羹,都未試過坐低食,今年聖誕就一行四人到來一嘗這裡的套餐;太史五蛇羹 -- 雖然係四人餐,但都可以分到六碗,但蛇肉比例明顯比以前減少,但其他料算多.龍鳳煲 -- 雞肉滑,蛇碌亦不錯,份量亦多.手切肥牛 -- 肥牛很淋,雪花肥牛,份量亦算多,有牛味.炆蛤蚧 -- 咁大個人第一次食蛤蚧,於是將牠勉強砌成一條,肉質煙煙靱靱,但不知是否心理作用,感覺好像苦苦的,尢幸還有燒肉及什菇一齊炆,燒肉亦不錯.椒鹽蛇 -- 幾惹味,不過偏辣.水魚 -- 很滑.翠綠什菜 -- 唐生菜,很大條. 是晚最好食的,可以說是另外叫的東山羊(半斤),上枱時並沒有其他配菜,羊肉質鮮嫩,亦非常有羊味,可算是直止目前為止吃過最好味的羊.

最近食蛇食得性起，今睌跟舊同學聚會又來蛇王濤吃蛇宴，剛好有六個人，預訂了半圍價值八百廿蚊的蛇宴，餐單如圖片中所示，不再在此贅述。太史五蛇羹可能加入了糯米酒來煲湯底，湯底味道偏甜，份量剛好足夠每人吃兩碗，蛇肉頗大件但不算好多，蛇肉又煲唔夠腍身，藥材味不太重，水準難以和蛇王燊或蛇王如的蛇羹相提並論，我在別處吃過的都比它好味，這裹的蛇羹只是好一般的味道。龍鳳水魚煲一大隻湯鍋放滿了蛇碌、雞件及自選的水魚，鍋裹面的配菜還有馬碲、甘荀、腐竹及粟米件，粗大連硬骨的蛇碌很難吃入囗，雞肉煲久了又會太乾身，幸好還有些碎了蛇肉絲及配菜可吃，較貴的水魚只得幾件，吃了一件連甲殼的群邊，有一陣膻澀味，最好食的群邊膠質又不夠厚身，可見店家的用料麻麻地，吃到最多的只有雞肉，個人唔係咁欣賞用火鍋大雜會形式來處理蛇。手切肥牛手切肥牛的賣相看來最對辦，肉片血色紅潤，網狀脂肪分佈平均，但輕涮過後牛肉味不算濃，肉味反不及新星任食的本地手切肥牛，但總算食得下啦！炸龍蛋龍蛋即是蛇丸，這龍蛋並非純用蛇肉來造的肉丸，蛇丸在現今的蛇宴中已不多見，通常都只有七彩炒蛇絲，這蛇蛋混和了些魚肉來做，不及多年前在印刷商會蛇宴吃過純蛇肉的肉丸獨有的

成個月無打邊爐,昨日個天氣又凍凍地,決定左收工去蛇王濤食個飽.在途中,心知會多人到爆場. 點知去到, 係誇張到D台開係路上, 人家舖頭門口.我地張台係距離蛇王舖有4-5個舖位之遠呀! 嗱嗱淋叫個亞姐落單SET架餐.呢間野d煲出名平夾大堆頭, 真係超抵食!!平時,我同男友一向只係order海鮮煲, 而今次我地試新野,order左個招牌煲+ 1碟大硯. 招牌煲裡面有雞,蛇,水魚.我地不停咁食, 一定有半隻雞,一隻水魚. 而蛇就特別多, 有蛇碌+蛇絲肉.我食都食左2條蛇尾, 可想而知,個煲真係唔洗加其他配菜,都已經好飽.最搞笑係, 雞丫,蛇丫,水魚丫 都係大大件咁, 我地食到中途, 都覺得揸筷子,揸到D手指無晒力, 男友索性用手食. 哈哈!!PS: 此店因得幾個亞姐做野,極決人手,order既野會慢,真係要有心理準備,耐心忍耐呀!!

又食蛇啦!已經唔係一年先食一次..食蛇身體好麻!不過今次係食蛇宴,超補!!同對面馬路係同一間人都幾多.鋪面風格係一貫大角咀打邊爐既食店一樣,有電視機,圓櫈同埋大量啤酒供應5個人叫左個4人餐加一鍋糯米飯蛇羮:好"傑",因為材料豐富.但係都係多返少少水會好d龍鳳煲:即係蛇,雞煲.d雞肉質幾滑,唔錯,蛇肉好多.仲有大量芫茜,粟米.都係好豐富,成個煲其實係打邊爐架.另外有一籃菜.肥牛:肥瘦適中,切得薄身,放落龍鳳煲度"碌一碌",好快熟!不過牛味欠奉炸龍蛋:其實食落好似係墨魚丸,食唔到有蛇肉= ="椒鹽蛇:最鍾意食呢味,味道好好.夠哂辣.不過就難咬d,因為好大條蛇骨.有幾舊中間d炸粉未炸透,= ="海蝦:其實員工極力推薦揀水魚,因為水魚來貨貴,不過朋友鍾意食蝦.毫揀左蝦.d蝦上枱時仲好生猛.會陏架無咩服務態度.不過呢d地方食野預左啦.食到好飽.成日影完相都無上載.仲有得一張,將就下啦!

心思思想食火鍋,近近地就決定來蛇王濤,一來到門口,老闆就态度好好照喚我哋.首先叫個豬骨煲(例)湯底,有大\例\小煲選.,等左8分鐘就來左,都ok快喔!點咪其他野都好快送到.d豬骨好大"旧"好多.雪花肥牛:唔知係放得耐d色好沉,可能雪得耐無牛味.雞子:隻隻都肥仔飽滿.蘿蔔\唐生菜\栗米\鳥冬\面(出前一丁)都算ok最好食係d栗米同蘿蔔.夠細鮮甜.今餐尚算ok.

　我們一行六人去吃蛇雞煲，叫了六人餐（$760），包蛇羹、椒鹽蛇碌、炒蛇肉、粉絲蒸帶子（可選魚蝦等海鮮）、一個蛇雞煲、羊肉、菜、糯米飯、蛇酒一瓶！蛇羹真係好足料，每人大概可吃到兩碗，而且有薄脆及檸檬葉，好味！糯米飯令人很失望，不像糯米飯，應該混了白米，但因為是最後上的，我們都已經很飽了，所以沒有所謂了！其他都好好味！另外我們叫了幾支啤酒及一碟雜菌。每人$150。好抵！架車就咁泊係門口，而我地亦係坐係門口附近，可以望住！服務算很不錯~~我和老公打算明天再去 >w<

之前曾聽朋友說，這裏的蛇羹幾好食，昨晚見凍凍，食蛇都唔錯，便決定來這裏試試。我們去到後看了很久後，便決定了叫大蛇羹一碗、臘味糯米飯一碗、椒鹽蛇和蒜蓉炒西洋菜。大蛇羹- 羔撻撻，雖然蛇肉都唔少，但完全沒有蛇味，味道又麻麻，和灣仔的蛇羹完全無得比。不吃也吧！臘味糯米飯- 不是炒的，就已經一早想到的了，完全沒有香味，色是由豉油加色(真係豉油撈飯)，臘味又韌又難食。完全唔合格！椒鹽蛇- 蛇肉死實實，又韌又少肉！難食。蒜蓉炒西洋菜- 完全沒有蒜蓉香，菜又韌又唔新鮮，只食了少部份，便放棄了。食完後要再找地方再食過的，真係再沒有下次！