蛋記

Open Now

Now Closed

我認為既然去一個比較重人情味的大廈內進餐，本人而言，我會選擇較老字號的店舖。所以今次一個人午膳後甜品，去了蛋記。首先，當我到達店舖，老闆娘不知所終，只剩下店舖開著，大約等了5分鐘，老闆娘才紛紛走過來。雞蛋仔等待時間較長（因為要預熱爐），而且之前吃過他的雞蛋仔，味道及口感也一般，於是我選擇了格仔餅。等待格仔餅時間頗短，大約3分鐘就有得吃。大概舊時的格仔餅比較薄且脆，比現時新穎的雞蛋仔口感不一。由於我對甜食比較執着，尤其是格仔餅，只會要花生醬，其他煉奶、糖、牛油等等都免得就免。這間老字號的格仔餅，薄且脆，口感似窩夫waffle， 而它的花生醬也可見是被溝稀了，比其他花生醬較甜，幸好我一早就說齋花生醬。總結：這些老字號店舖，實沒有什麼服務可言，但自在兒時回憶的味道，這裏的格仔餅適合一些愛吃薄窩夫的人，我會給分數為7/10。

格仔餅太安樓真係越來越多好嘢食，但係咁多年都屹立不倒嘅有呢一間，格仔餅同埋雞蛋仔都好出名！張梁點餐👦🏻🧒🏻$18 《格仔餅》評分（10分滿分）：8️⃣食評💬：即叫即製，熱辣辣好鬆脆～喺嗰塊脆熱嘅格仔餅上面落牛油、花生醬、花生粉同埋煉奶，然後一啖咬落去真係好好味！店員亦都好細心，主動問我需唔需要切開一半同阿梁一齊食👍🏼不過我話一人一啖甜蜜啲，所以無分開一半～阿張仲試過叫嘅芝士雞蛋仔，有芝士鹹香，好特別亦都好好味！

好耐未試過嬲到想寫食評。-男朋友話細個都有黎呢間食下雞蛋仔，又有芝士味，芝士迷既我就試下蛋記啦。都幾多人排。大部份人都係黎買佢既格仔餅！-係女人整既！男朋友話佢個仔會整得好d，我比咗錢先講，玩野咩！都有d唔衛生，我見佢係咁用手收錢，但又徒手拎芝士粉，再徒手幫人地d格仔餅搽野。-呢底已經係我第二底，因為佢掛住整其他人d野完全無理到我個雞蛋仔。第一底乾到不行，我真係頂唔順要換過。廿二蚊喎。排我後面差唔多有十個人都拎晒野食走晒，我先得到第二底。-呢底都勁差，完全唔合格。首先佢一拎出黎已經爛晒，上下兩面可以係完全分離。咁唔合格既雞蛋仔其實好少有。打開中間個芯，係完全無任何厚度。一d口感都無。佢既蛋漿都係無蛋味。芝士都完全唔鹹香。-總結，我真係覺得呢廿二蚊買咗底垃圾，我唔會再比機會去試多次，完。

平日呢度都係排長龍既。但今日得兩個人。都等左一陣，可能因為未到放工時間。要左原味雞蛋仔。一向都鍾意d 野原味！平時唔等𠺢！今日見無咩人就排下啦！$18 底，比起細個果陣已經貴左好多！價錢都排得住銅鑼灣區。但好食的話又有乜所謂。等佢燒完，先放響風機都吹一陣，然後就入紙袋，紙袋係有孔既。唔會焗住排雞蛋仔。靚既雞蛋仔當然要中間有料𠺢啦！佢外脆內軟。實在好味！而且佢有蛋味得黎唔太甜。巴巴聲就食完一底。下次要試埋佢個夾餅。

今日黎到太安樓掃街上網見好多人推介既蛋記雞蛋仔格仔餅超中意食雞蛋仔既我梗係要試下啦檔口比較簡單 味道都係唔太多選擇咁我就order 左個雞蛋仔黎食既即叫即做 $18一底因為咁岩冇乜人等緊所以都好快有得食食落就口感好好好脆 可能因為係即叫即做啦但係就略嫌蛋味不足呢個就有待改善啦

太安樓出名多小食，而且雞蛋仔亦係必食之一，雖然太安樓入面唔住正間有賣雞蛋仔，不過我就次次去都要食呢間蛋記！因為呢間蛋記，永遠無令我失望，我係好鍾意佢夠滑同超脆既外皮！今次去到好好彩，未出現人龍排隊，即刻叫左一底雞蛋仔先，嬸嬸亦好好人，同我地講聲，因為即叫即整，個爐需要預熱番，所以等既時間要耐少少！不過都好快，大約15分鐘就有得食💖💖！雖然外皮係超脆，不過個心就唔算多料🤭，不過我主要係食佢個皮😊！如果著重料既可能要諗諗～不過都好有蛋香，加埋新鮮即叫即整，一粒一粒放入口，食一底真係話都無咁快就食完👍👍👍提提你：鍾意既都可以加錢加芝士係入面架😋

係屋企食完飯之後，覺得都仲係有啲口痕好想食嘢，就去咗附近的太安樓買小食吃，後尾就決定食雞蛋仔，順便當甜品，去到的時候前面有一個人，所以整個過程等了10分鐘左右，不過都寧願等待一陣但可以食新鮮的雞蛋仔，雞蛋仔的外邊很脆，而且都有蛋味，但中間就有些空心不夠蛋漿呢！

好耐之前都聽過蘇施黃介紹呢間雞蛋仔，今日難得咁遠嚟到太安樓掃街一於就試下佢！去到要排隊，不過因為我要雞蛋仔，所以佢話唔駛等就有！見到地下放咗一大筒蛋漿，仲要上面有個電鑽放咗喺度打緊啲蛋漿，電鑽打蛋漿真係第一次見，勁浮誇！攞上手雞蛋仔都仲係暖暖地，好輕身，食落外面好脆，但可惜冇乜蛋香味，好淡☹️👎🏻👎🏻👎🏻，食完又唔會覺得飽肚，因為入面唔係好實心，唔會再有下次！下次都係食返海南雞飯同魚蛋佬最穩陣！！

香港太安樓=台灣逢甲夜市=北京王府井=漢城弘大=倫敦covert garden 我相信呢一點上大家冇咩異議基本上香港講掃街，除左東裕民(已拆)、西葵廣、中菜街之外，就係南太安。掃街來講，小弟覺得雞蛋仔同格仔餅(格>雞)係必需的，咁但係點先叫做好吃？格仔餅來講，如果你見到間鋪講做夾餅，我麻煩你立刻擺食；如果有朋友話：「不如食件夾餅？」我建議你諗下呢個人仲值唔值得做朋友。講返呢間蛋記見到有牙so加持，唔知係咪好事，畢竟都好多人唔like佢(我係肥媽黨)格仔餅入面嘅煉奶、糖、牛油、花生醬嘅比例係1.5:1:1:1.5，呢個比例唔算最好但也ok，比較可惜啲餡係少得可憐。你地望下個格仔餅，一睇就知乾，原因好簡單，佢落蛋漿唔夠多，但又烘得耐就搞成咁呢個角度睇會覺得佢嘅厚度係參考左豬肉紙。唔夠厚，乾，皮薄涵唔靚，做到外脆，做唔到內軟(薄到冇內面)，搞到蛋味唔夠出，比較可惜。下次有機會會試太安樓另一間，同埋會寫小弟心目中top 3格仔餅之一嘅

來到太安樓想買雞蛋仔走了一圈發現只有兩家售賣一間叫極品雞蛋仔賣二十元一底這間蛋記賣十八元一底好吧就要一底原味試試阿姐問我要不要芝士味我斷然拒絕抬頭有阿蘇推薦的新聞剪報當時還在賣六元一底已知年代久遠見阿姐烘雞蛋仔手忙腳亂一時用刀叉挖黏底的麵漿一時用手指左挖左挖心知不念但奈何錢已付果然外皮脆得飲曲奇餅空心沒有軟糯的夾心完全沒有蛋味沒有蛋香放入口非常嘴即制但不消五分鐘就變涼恭喜他們成為我人生吃過最難食的雞蛋仔

本身睇到咁多人排又有傳媒推介咪試吓$17蚊底 雖然都有一部份脆脆地 但係個味真心唔好食同淡 真心食過大把好食過佢(個人推介炮台山福元街橋底/南山邨/北角利強記全部都好食過佢多多聲）但係佢可能多人買唔憂做啦 阿姨態度都真心有啲差 本身佢遞錯咗俾前面一個人 之後佢即刻隊俾我 我只係呆左一下反應唔到 佢開始鬧我動作慢 大佬呀本身你唔係遞俾我㗎嘛 突然乜都唔講一嘢隊過嚟未反應到就開始鬧 澳牛都冇你咁串以後唔會再幫襯呢間野 根本貼錢買難受

人人都話香港掃街熱點一定係太安樓，吹到果到所有野都係好食冇伏。Seafood癢，咁大個人都未去過西灣河，咪山長水遠同女朋友去睇下有咩好野食。 試左幾間野後，都還可以，諗住食埋個雞蛋仔做ending. 點知就中伏。。。伏到一個點E個雞蛋仔一試難忘，咁大個仔都未食過：完全冇蛋香又苦(太多粉) ，外表出哂窿窿(第一次見，月球表面？) ，入面粒粒空心既垃圾，根本不可以叫它做雞蛋仔。。。。真心建議請勿以身試伏，請珍惜生命。

今天特别想食鷄蛋仔，見排隊的人不多，當然買返一底，當鷄蛋仔出爐時，心知不妙，D色係啞沈色，一個一個细洞在鷄蛋仔表面，食落口是苦的，完全無蛋味，我懷疑泡打粉落多咗，差差差，以後真心不會再買！

呢間蛋記我成日幫襯，食咗咁多次都係覺得佢嘅雞蛋仔好味過格仔餅，因為佢嘅雞蛋仔真係做到外脆內軟！至於格仔餅，其實我覺得佢啲漿冇問題，因為雞蛋仔都係用嗰啲漿，但係入面啲醬就好一般，所以我都係推介大家食佢嘅雞蛋仔比較好！

我係一個好鍾意食雞蛋仔同格仔餅嘅人由細到大都食過唔少試過非常好食嘅，亦都試過好差質素嘅所以令到我對雞蛋仔嘅要求非常之高普通街邊嘅雞蛋仔我都唔會想試呢一日嚟到太安樓聽講有一間好出名嘅雞蛋仔，就梗係要去試一試啦本身都有啲卻步，因為實在太多人但嗰一刻因為自己未食嘢對好味嘅雞蛋仔又執著所以就繼續排落去最後買咗呢一底芝士雞蛋仔，比普通貴5蚊老實講都幾失望首先佢外面嘅質地係脆嘅，但都頗硬內裏有啲實淨，不過都ok但係味道就非常一般，蛋味唔夠濃連額外嘅芝士味都唔係好覺淨係食到少少鹹味可能期望越大，失望越大…