蜀府川鍋 (Closed)

記得三四個月前食過一次覺得好好食 朋友提起想食辣野 咁我建議去呢到 叫左個水煮牛肉同第一次食差天共地 牛肉又硬又鞋 雞煲 入面啲雞肉仲有陣雪味 薑蔥田雞啲田雞都唔知係咪冇醃過 好似清水白恰咁 唔知係咪廚房換左師傅定點 大家自行探討 唔會再去 係咁比朋友詐型 唉 早知係咁請都唔去

平時好少過九龍區食飯.......今日朋友話帶我去油塘工業區食四川菜....佢話依間川菜餐廳已經開咗8.9年, D雞煲好好食！雞煲一上枱已經好香.........一打開係我鐘意既乾身炒雞煲.....同出邊(某某大牌子雞煲)唔同係正宗四川雞煲真係好味！同時,朋友叫咗一碟炸大腸...都好正, 炸到啱啱好食咗一半再放一半落雞煲到簡直係一流另外值得食嘅就係(黑豚豬肉）好重豬味其他火鍋料都ok! 下次再過九龍區第一選擇都會再揀佢

孩子过生日，在open rice看到附近这家推荐很多好评很多，就决定他来尝尝川菜，结果让我失望，失望透顶！除了猪油拌饭和土匪鸡翼我觉得好吃，麻婆豆腐酸菜鱼和天下第一骨的都有失水准，特别是孜然羊肉，我第一次见做成葱爆羊肉的孜然羊肉！全是大葱段，看图吧，我醉了！

第一次黎試雞煲....果然好食雞煲炒得乾身,辣到啱啱好！朋友話加埋午餐肉炒......仲好味所以是侍應幫我們同師傅講做一個給我們吃！可能是平日冇乜人先肯幫我們做真係值得讚火鍋料.....侍應介紹我地食韓牛+黑豚肉真係好好食！韓牛入口即溶, 牛味重！抵讚黑豚肉好重豬味......同出邊食嘅黑豚肉唔同！佢哋比較重豬味......飲料朋友就叫左個（天地1號）我記得好似大陸先有！估唔到而家餐廳都有⋯⋯朋友話蘋果醋都好好飲下次會再試下佢地嘅（烤酸菜桂花魚眼見好多枱都係嚟食烤魚聽侍應講....都好好食

好食 啲野都好大碟 食辣既過引 吾辣既 都入味個牛真係引吾住 食左先影相 好淋 小朋友都搶住食 辣子雞送酒一流 重點係 一定要食豬油飯 個個都掛住食 都吾記得左影相 希望可一直keep住呢個水準

辣子肥腸，D肥腸好難咬開，唔夠淋，炸得唔夠脆，食到好多炸粉，而個椰菜回鍋肉，D豬肉系碎嘅，唔系一塊塊，我食呢間食左好多年，第一次咁難食希望星期五再去食嘅時候有改善啦，我明白依家以打邊爐為主，但川菜都希望可以兼顧到一樣水準，以前嘅川菜真係好好食！

未試過堂食，外賣試下喇，送到黎一拎上手，咁輕嘅😅 留意番，普通外賣盒裝到一半都冇😌  不過公平D，味道係OK嘅，個人覺得份量絕對 對唔住$120蚊一個小菜囉⋯⋯

前日OT到9點幾居然有朋友同我一樣咁夜收工咁就要一齊去食返餐好gar 啦！本身打算食返個雞煲點知原來蜀府川鍋出左個10點後任食卜卜蜆，每位只係$98，性價比咁高就梗係試下佢啦！雖然我地得兩個人，但個卜卜蜆煲都幾大個店員有提醒我地等到湯滾起，d蜆開左口就可以食啦。本身以為任食就會將貨就價，點知d蜆肉隻隻都非常飽滿，配上蒜蓉同辣椒，非常惹味。後面加左兩轉蜆都keep住呢個水準，而且d蜆洗得夠乾淨，唔駛怕食到沙。雖然個煲有配青瓜，但係我地兩個食肉獸見隔離檯叫左碟韓牛好似好靚，所以我地都忍唔住叫左一碟。韓牛一黎到我地都哇左一聲，因為真係幾大碟。牛肉油花均勻，厚薄適中，雖然唔係好似日本和牛咁入口即溶，但一放入口就充斥住濃濃ge牛肉味，完全可以滿足牛魔王ge胃。最後加上個熱辣辣ge綠茶芋泥餅做甜品，為呢個宵夜畫上一個完美ge句號。所以話OT駛mud驚，食飽再繼續加油啦！

今晚四人去咗呢間餐廳試食佢嘅麻辣雞煲同埋重慶酸菜魚， 好有驚喜😋😋雞煲夠辣非常入味， 份量亦非常足夠， 火鍋雞煲後再加佢嘅招牌四寶丸， 非常大粒加蛋呀酸菜魚亦都非常新鮮，埋單唔算貴非常好食， 一定再嚟

呢個疫情中成日係屋企食,已經悶到爆! 見咁耐冇幫襯蜀府....今次專登過嚟食🤪.....果然冇令我失望! 真係Keep到水準👍🏻！ 今晚重有個新優惠, 避風塘龍蝦半價....所以我即刻嗌左! 真係好好食🤣🤣🤣⋯⋯另外仲叫咗條烤酸菜桂花魚,個樣靚到即刻比我食咗! 所以冇影到相, 下次一定會影返相黎呃like🤣🤣🤣🤣另外重叫咗個安格斯牛肉嚟打邊爐! 兩個人食到飽! 真係好滿足🥰🥰⋯⋯希望疫情快D過!☺️咁就可以一大班人再黎食😂

食海鮮一般人都會想起鯉魚門，由於是遊客打卡勝地，價錢當然名符其實的海鮮價，所以本地人往往都會被嚇怕而為之卻步，但油塘有間名為《蜀府川鍋》，主打海鮮蒸鍋的食肆，一樣可以吃到海鮮，而且取價公道。 今晚點了一個$559四人套餐，由於怕辣，所以揀選了芫茜皮蛋湯底，食材相當豐富，四隻活鮑魚在海鮮盤內非常吸睛，龍蝦兩大隻，元貝，大蜆 ，沙巴龍薑，蟲草花蒸雞和粟米，份量十足，還送上熱騰騰的香脆綠茶芋茸餅。 我們額外點了一碟本地手切牛頸脊，牛肉片肥瘦均勻，入口嫩滑。與朋友邊談邊吃，享受了一頓美味抵食的海鮮蒸鍋。

朋友話油塘有間舖頭食蒸氣塔好抵食，今日就同老公來試試。門口已經見到個大魚缸，海鮮生猛。這間專營新派川菜，傳統川菜的菜館有好多選擇，好似麻辣雞煲，水煮魚，酸菜魚， 不同湯底嘅火鍋，火鍋配料，仲有好多熟食。但係我哋一心為咗蒸氣塔而來，所以就叫了海鮮鮑魚雙層蒸氣塔蒸發塔包括10個項目，蒜蓉蒸開邊龍蝦，大蜆王，九頭活鮑魚，蒜蓉粉絲蒸大元貝，放曬上蒸氣塔蒸，全部好鮮甜湯底三選一我哋揀咗芫茜皮蛋，將蟲草花雞，貝殼，粟米放曬落去打邊爐，雞件好嫩，仲有游水沙巴龍，又鮮又爽口。 意猶未盡， 額外加咗幾款火鍋配料，自家製韭菜餃雲吞，餡料十足，特大沙嗲醬爆豬肉丸，重慶薯粉，份量很大呀! 甜品係手工芝麻綠茶芋茸餅，喺第二度未食過，出奇地好食，芝麻炒得好香，包住裏面嘅芋茸，綠茶皮，外脆內軟，記得趁熱食滿足的一餐

今日朋友跑馬仔😬大獲全勝⋯⋯四個老友記約埋一齊去慶祝食火鍋粥底！近排都好流行食火鍋粥底！😬我D朋友非常鍾意食海鮮🦞真係志同道合⋯⋯仲有如果唔係新鮮嘅海鮮佢係唔食嘅！～～蜀府川鍋～～這間餐廳主打海鮮！係非常新鮮嘅海鮮！而且價錢便宜！份量超大！啱晒我呢班大食嘅男人⋯⋯四人叫咗一個海鮮鮑魚雙層蒸氣塔！仲送埋粥底！龍蝦每人半隻！超大隻！九頭活鮑魚每人一隻！非常生猛仲有啲郁緊添⋯⋯超級鮮甜！蒜蓉粉絲大元貝每人一隻！都幾大隻⋯⋯蟲草花蒸雞雞件非常嫩滑⋯⋯而且經過調味！超入味⋯⋯沙巴龍躉超級新鮮！食得出係啱啱喺魚缸拿出來🤩仲有貝殼一份和粟米🌽我哋放喺粥底內打邊爐🍲粥底會再甜啲！手打蟹子墨魚滑全份非常彈牙爽口又新鮮！加埋海膽喺粥底打邊爐仲甜😏👍

搬到調景嶺有半年左右，因為每天也會在附近午飯和每星期五也會跟老婆到外面晚飯，所以差不多把調景嶺和將軍澳附近的食市全試過，感覺附近是少了一些大排檔，打冷，雞煲等風味小店，大部份也是連所餐廳，講真的，我不是太鍾意，早兩日又為了星期五的晚飯上網搵野食，剛好比我搵到油塘這間蜀府川鍋，本來是睇中佢的海鮮蒸套餐，所以訂位去試。因為好少去油塘，所以用Google map 帶路，出地鐵行3-4分鐘就到，好易搵到。 入到去無咩人理你，自由搵位，好自在，點餐的哥哥也沒什麼介紹，就是舊式餐廳果隻，愛理不理，不過我唔介意，感覺好親切，海鮮基本上都唔錯，幾好食，阿姐也會話要蒸幾耐，我同老婆也飲了兩支啤酒和加了一份中的肥牛來打邊爐，整體感覺不錯，應該會常常來幫親

其實一家人食飯係最開心最美滿！開心時刻係要大家享受及珍惜！今日兩個乖囡都得閒啊⋯⋯我們一家四口相約一齊去食粥底火鍋🍲⋯⋯呢間係上次我個乖女😘帶我去食過，海鮮超級新鮮！ 🍲🍲🍲蜀府川鍋🍲🍲🍲我哋嗌左四人餐海鮮鮑魚雙層蒸氣鍋➕粥底有貝殼丶沙巴龍躉丶蟲草花蒸雞、大蜆皇每人一份🙆‍♀️蒜蓉開邊龍蝦🦞、蒜蓉粉絲大元貝丶活鮑魚每一種海鮮都非常新鮮！店員奉上仲🤩郁緊添⋯⋯瑤柱鮮竹排骨粥底最後我哋仲加咗海膽！粥底甜到一個點啊⋯⋯份量之多！基本上佢嘅套餐嘅海鮮非常足夠！仲有甜品送添⋯⋯價錢超值品質上乘本地手切牛頸脊油花分布均勻！牛味濃郁！入口即溶！份量仲好大添⋯⋯所有食材超級新鮮！回味無窮！👍👍