裕富小廚 (Closed)

食左幾年, 以前飲完酒都會過隔離街食, 而家甚至在九龍飲完酒返沙田屋企都要在大圍停一停買外賣食鳳爪排骨飯唔知佢點整, 飯粒直情自己索埋D鳳爪同排骨味我真係想講係我食過最好食的其餘燒賣等例牌點心當然不在話下呢間野旺到嘔, 好多人排外賣, 但老細串串地(一時時)有時D野食晒就無架喇衞生黎講, 咁佢有D大排檔FEEL, 基本乾淨做得到既講煮野既實力, 有時我真係諗, 佢分分鐘係全港最佳, 比什麼國金軒可以更佳P.S. 這一刻剛買左外賣在家食緊, 邊食邊忍不住要讚嘆

今早起身, 突然不想飲奶茶, 想改飲中國茶, 不過一個人去, 只好幫襯街鋪吧。走到積信街, 這裡有一間通霄營業的食店, 並提供夜茶早茶。一大清早, 幫襯的都是老人家及中年男士居多, 走入店內, 見有位, 一個轉身就攝入去坐, 發現這張枱一共分開六張單, 8 位不同的人一同飲茶, 相信此情此景大酒樓一定無可能出現吧。我要了一壺水仙, 點了雞包仔 (小點 $11) 及鮮蝦腸粉 (腸粉類 $16), 點心好快就送到來。雞包仔包面有點硬, 少許凍, 或許已製作了一段時間吧。而鮮蝦腸粉剛從廚房捧出來, 新鮮熱辣, 美味。結帳連茶位 ($2) 合共 $29。不算貴, 這餐很滿意, 期望未來會多些來幫襯。

好老實我可以找番呢兩張相出來是異數，因為我完全唔記得自己有來過呢度食宵夜﹗以下資料為食家提供:睇完波飲完酒已是兩點，斷了片的我竟然大叫大嚷要吃宵夜，最後在酒吧過兩條街找到這間裕富。雖是凌晨兩點，不過來飲夜茶的多得出奇，成條街坐滿哂，好不容易找到位置坐下。點了籠燒賣再加個排骨飯。燒賣味道一般，面頭有倒汗水蒸得過腍﹔排骨飯用料夠多，兩個人食岩岩好。原來醉了也懂拍照，真係職業病。

看過報紙介紹這裡的鳳爪骨飯, 特地來試下佢有幾堅~~ 店員安排了我們坐在樓上.看看menu,可惜... 9時半後才供應... 餓親就黑臉的我... 在沒有"打底"的情況下...邊有能耐等到~再看menu, 便點了豉汁排骨煲仔飯~~gu gu----gu------------ 真係好餓....過了15分鐘還未上菜.... 這時看到店員端上3煲飯, 心想:"實有煲係我o家啦卦?!" ........well 原來是隔離枱的.... 看到流口水呢........因為嗅到很香呢!再過了5分鐘, 開飯~~豉汁排骨煲仔飯 (around $40) - 打開蓋, 便香味四溢~~飯不會太乾或濕, well done! 不出所料, 飯很有口感, 不會太黏身, 看到一粒粒的~~~ 而豉汁排骨是很安全的配搭, 味道很好! 好味!!吃飯途中, 看到阿姐端出一盤雞扎, 包得很飽滿呢~~下次會來試一下夜茶~~~~~

聽男朋友講，大圍有間飲夜茶嘅食店，所以果晚去試下。食物方面：我地叫咗燒賣、排骨、雞扎、鵪春蛋燒賣、蝦餃、牛肉、鳳爪。整體黎講，全部食物都超級油，好唔好食真係見仁見智。燒賣冇味；排骨好多肥肉，我個人麻麻地喇！雞扎普通啦；鵪春蛋燒賣近年又廣泛出現番，粒蛋都幾大粒架，算係最唔油膩嘅一個點心；蝦餃嘅皮互相痴埋一齊，除左呢樣，味道都ｏｋ嘅；牛肉應該係最難食，陣味怪怪地，好似好唔新鮮咁；鳳爪幾好。環境方面：大排檔本來冇咩問題，最唔好係本身唔係大排檔，佢只係擺左ｄ位出門口，我坐左響車路隔離，吸哂ｄ臭氣，其實果度唔係大馬路，可以接受嘅，只係有架車響我隔離停車但冇熄匙，好冇品。服務方面：唔好預有質素，但好搞笑，你唔可以叫乜就有乜食，而係有咩整好你先可以叫。價錢方面：$108/2位，唔貴！

跟朋友開枱完畢, 肚餓得交關, 幸好見有喜愛的點心食, 買左蝦餃同义燒包返屋企沖完涼慢慢歎!半夜買點心, 通常味道只係一般, 好的師父都去酒樓做啦, 半夜的點心有水準都係第一次遇到, 蝦餃皮薄, 蝦肉塞滿整件蝦餃, 皮薄但沒有弄破, 味道都不錯, 便知這裡的點心不會太差了! 义燒包都唔錯, 餡好多, 皮不會很厚, 點心有水準, 下次打麻將打到好夜就一定要到此店幫襯點心!

剛吃過了滿意的乳鴿和不少出色的小菜之後，本來打算吃甜品的我們，最後竟然心念一轉，改為到這家二十四小時營業的茶樓，來吃"一盅兩件"的點心。 自己光顧了這家酒樓也快十年了，樣子沒多大改變之外，點心水準一直都在合格之上。這裡廿四小時的酒店，對很多市民來說是個讚絕的好地方，因為不論那個時候，都到來慢嚐點心，再喝那芳香的熱茶，有甚麼比這更貼心更寫意呢﹖我們一行十人，在樓上閣樓的大圓檯找到了座位，大家也不用多想，立即拿起紙筆來寫想要的點心(如圖)，真的不像剛剛吃過了飯的樣子...先奉上來的不是點心，而是<<鹹雞粥>>。雞肉鹹而鮮味，粥底可以更棉但已達可接受的水平。味道有點貼近當年強記雞粥的味道，不過那邊用的當然不是鹹雞而是鮮雞...在我們吃粥之時，突然一口氣的把所有點心都奉過來，場面壯觀。先說<<大包>>，用料是其他點心的淨餘物資，對辦之餘亦材料十足，包身也算軟熟，讚﹗那麼<<鳳爪>>又如何呢﹖沒有煮至軟爛還帶少少咬口，煮得入味香濃帶少辣，頗惹味。"頭勁"不錯，中段的<<蝦餃>&

呢間裕富小廚...有晚飯同夜荼,我兩樣都試過...小菜OK,但夜荼就更好,越黎越多人幫襯夜茶...佢地D點心唔錯架...個人認為糯米雞同山竹牛肉最正....佢地仲有鵪鶉蛋燒賣..都係唔錯...晚市既羊腩煲都做得幾好... 有分上下層...但上上層既樓梯比較濕滑....夜茶要九點半開始,但起碼差唔多十點先最多野食...