西鐵燒烤樂園 (Closed)

一時興起想bbq，貪呢到近近地...點知就中左伏。有d額外收費唔問唔知，佢地唔會主動講，想側側膊唔多覺。服務員冇禮貌，態度好差，一入去拎位就見到佢地已經黑口黑面。未食就已經成肚氣，飽晒。環境污糟到死，坐係到都見過幾次甲甴出黎..食物質素同人一樣咁差，唔新鮮，d肉好似放係室溫好耐咁，唔敢多食..唯有食d比較穩陣嘅熟食、面包、腸仔之類。食物種類都唔多，好普通，但因為質素唔好變相選擇好少。覺得呢餐好蝕...總括黎講呢個場真係好垃圾，冇下次

食物味道一般，服務等於0仲有價錢貴——食物嘅質素實在唔值咁貴價錢。質素差—— 好多排都無味，乾爭爭，唔juicy，有d仲食到雪藏味。無服務—— 入到去無人招呼，十問九唔應態度差—— 入到去燈光昏暗，唔見有侍應，無人招呼，問佢地開門未。佢話：「你見唔到有一台客坐系度咩？」期間都見佢串左另一台客。好多烏蠅，仲見到蟑螂，嚇到個女大叫。我地同個服務生反映，佢話燒野食係咁架啦，想點呀心諗喂我都係真金白銀黎燒野食！真係燒到一肚氣。呢間野，冇下次。

光顧了一次，以後不會再去。肉類重味精，非肉類選擇不夠多，在帳幕裡面燒烤，臭了幾天，除了方便外真的想不到有什麼吸引！我情願去西貢燒烤好多了！以後都不會再光顧了！請我也不會再去

職員態度差，食物難食到爆，永不光顧收取好多不合理附加費，錫紙一蚊一張,燒烤網$30.連食物嘅都要加錢租用，沒有明顯標示價錢呢樣又話要收錢嗰樣又話唔包，倒不如自己出去郊野公園燒烤場以後唔會幫襯呢啲垃圾鋪頭。

公司BBQ, 選擇了這家在元朗西鐵站旁邊的燒烤場地。真的从西鐵站出來行幾步就基本能看到這家的招牌了, 但似乎位置就已經是它的最大優點了。食物種類選擇不多， 調味麻麻，有工作人員幫忙夾，每次給的份量不多， 可能係怕浪費，要行多幾轉。旁邊見到有提供番薯，但要自己清洗同買錫紙，而錫紙就一蚊一張，大概A4紙大小，一定係逐張逐張買，沒得成卷買。另外入場費還包含一瓶水和一罐飲品，再多就要自費了。單作為場地來看，這裡還是過得去的，但若作為提供食物的餐廳來看，就非常一般了，建議大家可以自備更多優質食物，講到底BBQ都是為氣氛，被燒焦的食物其實味道都一樣。

晚上8:30到，買飛入場沒有提及要幾點last order，一行十多人，取了三碟食物，大約十時許，燒完想再取食物，突然見到取食物的檔口在未有通知及廣播下已關了門，連朋友未取飲品的飛尾也不能再取，員工也非常沒禮貌，問多兩句就話12 點要關門，完全阻住佢收工咁，令人失望

星期六lunchtime, 去到不用等已經有爐有位, 位置算方便. 食物還算新鮮, 款式齊全. 但最令人不滿的是有很多附加費用是官方網站沒有列明. 例如鍚紙要1蚊1張, 燒烤網也要$30, 就連食物夾也要加錢租用, 如同打劫. 沒有留意在收銀處有冇貼價錢出來, 就算有我都要去到先知. 打電話去也沒有人接聽唔係話唔賣得, 但覺得冇在官網列明很不合理. 如在官網列明, 我就可以事先準備. 我強烈建議各位如要光顧此燒烤場, 記得自己帶備以上用品, 或在附近商場超市買定先, 也沒這麼貴! 另外最好自己帶多點水和膠手套. 燒烤場只提供1支水(500ml)和1罐汽水(這個官網有寫), 但必定唔夠飲. 膠手套每人只得1隻, 好易穿, 可能想要多隻都要收費

一大幫人燒烤唔想買野去郊外燒烤，可以考慮一下呢個燒烤樂園。價錢來講可以接受，有好多野食選擇，地方又夠大，係西鐵元朗站隔離，行條橋就到。入到去唔洗自己開爐，舒舒服服BBQ。講返d食物，有一般正常既BBQ食材，腸仔雞翼牛肉金菇之類，仲有我鍾意既鴨胸，哇正！裡面有個大電視，燒燒下野食又可以一邊睇電視，野食供應都好充足。

早前看到他們把燒烤爐及冰箱都移走了，沒有營業幾天，還以為又是地價作怪，業主在這黃金地段蓋村屋，後來發覺枱櫈冰箱等生財工具再次歸位，遂問註場員工為何早前把所有生財工具都一概搬走？才知道早前他們只是裝修，還把場地擴闊了。未搬入元朗，即三年多前曾在這地方燒烤，只需百多港幣便可享用一切醃製的朳類香腸，亦有限量的免費飲品供應，閣下亦可自攜海鮮及肉類得進場燒烤，沒有額外收費。尤記得場內食物雖可無限添食，但性價比及可供選擇的食物種類尚算可以，以今時今日的物價，成人收費只HK$130，可以不限時任食任坐，夫服何求呢！

喺元朗西鐵站一出去1分鐘都唔洗就到嘅BBQ場，地點嚟講真係好方便！由G出口一出過埋天橋，就會見到佢地嘅門牌，所以好易認。入去前先要比$130蚊入場費(星期一至五收費)，價錢嚟講都唔算費。比咗錢之後，會拎到一張入場卷，除咗燒野食嘅食物之外，包一支水同一罐汽水，同埋無時間限制，呢點值得一讚。入到去有人幫我哋開爐，好輕鬆咁就可以燒得野食！環境方面，都算衛生同乾淨，仲有好多大電視比客人一邊睇電視一邊傾下計咁！唔錯！食物方面，選擇好多！一般嘅丸類﹑腸仔﹑牛豬雞扒﹑雞翼﹑牛仔骨等都會有，應有盡有！食物質素都唔錯，啲醃製食物唔會太咸，特別推薦喺雞翼同牛仔骨，麻辣雞翼唔會太辣得嚟又醃得好入味，牛仔骨嘅黑椒味都好香好入味！丸類方面，基本嘅魚蛋﹑墨魚丸﹑貢丸﹑牛丸同龍蝦丸都會有，唔會話好特別，但都過得去！出到去比個大碟你同佢地講要咩，佢地會幫你夾，可能因為驚會食剩嘅關係，所以佢地本身夾得唔多，可能食完之後要分幾轉出去再拎～不過另外有啲食物都可以自己拎嘅，例如麵包﹑茄子。所以都算係方便嘅！整體黎講都算唔錯！最滿意都係地理位置！真係好方便！

要求：就腳, 時間唔限制, 有大電視中選原因：以前都有一齊食過，方便元朗西鐵一落去行３分鐘到Saturday 跟老朋友BBQ，諗住地方就腳，一如以往都揀呢度．記得以前平至少2０蚊...仲要加收爐費...不過平時佢款式都唔多，所以我地自己要另外帶小小菇去燒（因為我係菇人XD），帶少少錫紙咁，因為之前都見其他客人一樣，呢方面唔方便．服務：年輕服務生，都不會先提點客人向開壚時行一行開... 我地早到，所以睇住隔離幾枱客都比個石油氣罐嚇一嚇，因為好大火，同埋有一個客係被困住向個位度，出唔到黎，Ｄ火超近，我地係隔離枱，都行遠左，以防安全!自助形式，其他都無特別服務．食物：以前好愛食佢D雞亦，而加變得好普通．整體已經無左以前既吸引度．係今次送多碗豆腐花．飲品：包１支水＋１款飲品．唔夠飲要加錢，都係 HK$10內飲到．環境：一般，晚上有一大果客人，非常嘈吵，以及有結他同食煙，影響到我地傾計要大聲講．今次真係好麻麻...　如果呢個價錢係今次咁情況，方便也好，真係考慮不回頭了．

公司雙11慰勞宴，盡慶狂歡！喺公司收6點由荃灣行去搭西鐵，到元朗站落車都係6：30，等齊人七點就買飛入場。老實講，基本食物齊全，推介雞翼有蒜蓉味和辣味，魷魚燒香夠爽脆，正！

成人130蚊位，無限時，包一支水+一罐飲品。可口可樂，忌廉嗰d係唔可以換，要另外比錢買。牛油、石紙都要另外比錢。食物都係一般大路嗰d，好食嘅有雞翼、腎、尤魚。如果佢有一兩款特別嘅食物，咁再去嘅機會就大d。呢度嘅優點係有大電視，就算少人燒都唔會on居居。而且極近西鐵站。廁所都唔算十分惡劣，可以接受。

星期日的家庭聚會有一共18人參與，來到位於元朗西鐵站J出口旁的西鐵燒烤樂園。$130/位燒烤沒限時間，可是服務與規則真的訂得奇怪，為何別人9個人可拿2包炭，我們18人也只可拿兩2炭? 其餘的只可付錢買每包$20元的5公斤炭。還跟我們說不能分3個爐，坦白說，你們的燒烤爐這麼細，18個人怎圍著2個小爐燒? 好的，那我們及後才來的3位成員說要加開第三3爐，也不行，說3個人不能開1爐，那我請問這西鐵燒烤樂園是否不招待3位或以下的顧客?經過一輪的爭拗才讓我們加開新爐，這樣的服務和規則讓我對這地方非常失望，難怪被其他食家稱為西鐵燒烤「墓」園，非常貼切。食物味道一般，就是用大量醃料醃製食物，遮蓋其冰鮮的味道，如豬扒、薄牛扒等等，質素比我們在街市買的差了一點點，所以味道只有2.5分，其中肉丸結實，例如結實的墨魚丸內裡竟是粉粉的口感，十分難食。咖喱魷魚算是十分正常，應要感恩。這是我最沒心機打的食評，環境及食物不多說，請自行看圖：

日抖去行完山, 夜晚幾個人返元朗再燒烤, 近近地就去西鐵燒烤樂園啦, 又加價了, 要$130一位, 但食物選擇少咗好多, 慶幸o既係..辣雞亦, 豬脾仔仍然存在, 其他食品如, 豬肉粒, 金沙骨, 丸類, 腸仔都係冇特別, 始終都係雞亦類最好味, 不管係蒜味雞全亦定中亦, 或辣雞中亦都非常入味, 好好食, 辣雞亦真係辣到好過引的, 豬脾仔就加咗孜然粉去"yip", 所以食起上嚟好香, 其實自助燒烤的話, 呢間真係唔係最好味, 但勝在夠方便lor. 下次都係要搵過第二間試下先得.