誠記小籠包拉麵 (Moved) New Location

【深水埗誠記小籠包】 自家製 小籠包 芋圓 蟹粉小籠包 皮薄透明 每隻都是爆汁多湯誠記每一樣東西都做到好仔細 好貼心 最鍾意都係食佢哋個小籠包仙草奶凍 仙草，配上芋圓 地瓜圓 南瓜圓 口感煙韌 價錢親民 食返啲鹹嘢再食返啲甜嘢中和返 字丸甜度適中 唔會死甜 消暑整體來說乘機都係一間用心嘅餐廳每樣食品都做得好仔細二最推介都係小籠包好友上海嘅特色鄙薄喊靚多汁所以記住食嘅時候小心因為湯都係好多同好熱好飽滿誠記小籠包拉麵 服務還可以 鋪頭都幾舒服

叫左兩款小籠包 都係即叫即蒸 新鮮!但同對上一次食有差 今次個皮厚左 但湯汁依然都係有 蟹粉小籠包蟹粉味唔重但都叫有🤷🏻‍♀️雞絲面我略嫌清左啲 味道一般但勝在量多 以下午茶黎講係夠飽肚🤔

八寶冰 $26(芋圓，小丸子，南瓜圓，地瓜圓，薏米，紅豆，西米，珍珠，仙草，煉奶)平平地有甘多野都幾抵食不過個冰底好快溶一次塞晒唔同大細嘅波波係口咬落去唔同口感 幾過癮食得晒成個八寶冰都幾飽 當飯食都得除左糖水 其實佢仲有好多熱食不過因為太飽嘅關係 就冇試其他野

呢間上海菜餐廳係西九龍對面，成日經過都冇去食，今次就試下佢嘅招牌擔擔麵😼.招牌擔擔麵$42首先個麵好大碗，好香好濃郁🌟面頭有d花生加肉碎，底下有幾片生菜🙌🏻個湯試得出唔單止有花生醬，仲有d南乳嘅味道🤔我就唔係話特別好個隻南乳味擔擔麵索晒個湯，而且質感都係啱啱好唔會好淋👍🏻.上海排骨 加$10加十蚊有咁大碟係幾抵嘅，不過味道先係重點😼話佢係排骨其實更似豬扒😂食落係好酥脆，外面唔會淋晒咁，係啱啱熱辣辣炸起🤩肉都唔會乾柴。唔好睇佢麵頭同個碟好似好油，其實係個醬來，唔怪得食落好似甜甜地，令味道更加豐富🌟.呢度係有買芋圓呀甜品個d，不過個麵實在太飽，都係留返下次先🙈

普通餐廳的裝潢，勝在兩位年輕老闆都好有禮貌！係香港餐廳實在難得！我和男友主要食甜品，點了招牌的八寶冰，有芋圓、地瓜丸、鮮草、薏米、紅豆、珍珠，加上煉奶，只售$26！又好味又划算！芋圓有咬口彈牙得面得了，好像是手工做的！不吃冰的，還有其他熱的糖水供應！值得推介！

與友人原本打算去附近吃秶飯，怎料忘記了店鋪位置，路過看到此店就決定在此果腹，店面看來就是平凡小店，但原來相當有驚喜。下午茶時段價錢適中，當日為星期六也供應下午茶，抵讚手撕雞拌冷麵：一開始以為是普通的麻醬拌麵，平時的拌麵會因醬令麵糊掉，但這個拌麵完全沒有此情況，而雞肉上面的醬酸酸的，令人開胃北京水餃麵：以往很少吃水餃麵，因為很多食店的餃都做得不好，這次剛好一試，味道不錯，餃子飽滿多汁，麵也不會太淋追加了小吃涼拌雲耳，酸酸的，味道不錯總結：店面普通，位置算多，價錢合理，食物中上，可以再戰。

夜晚9點半心思思想食嘢，見到呢間有我鐘意食嘅生煎包就想試吓，但係怕太夜唔敢入去，係個哥哥熱情招呼我先入去。29蚊4個熱辣辣入面真係有湯汁嘅生煎包真係好耐無食過。食過啲好出名嘅生煎包，果啲係好食不過太油自己頂唔到，呢間果啲就正好唔過油。食埋個豆沙飛餅（鍋餅？），皮薄香脆唔過硬，個豆沙唔太甜，正好合口味。而且幾大份，難怪要48蚊。我等緊個四川麻辣麵……食完再講。

食物是可以接受的，但服務質素就不可接受，由於較多是叫自取外賣的，經常要等候20分鐘以上，亦曾試過等30分鐘以上，今午等了20分鐘，當然仍是沒有，竟然是遲來剛坐下不足5分鐘的堂食食客可以享用同一款午餐，即向店員表達，只話包緊，當然等了一陣再問另一店員，又話等多陣，老闆及各店員向廚工表示出錯，比堂食打尖外賣，完全冇誠意，可改名為誠記。最後要求退款不再等候

做完功課當然要醫肚啦，今日去了西九對面一間有甜品，有小籠包，有拉麵的誠記到食野。看過餐牌～先點個海晢拌麵，花鵰醉鷄翼同，重口味的榴槤飛餅。食物未到，看看鋪內大約可坐二十多人到，坐位都舒適，服務都好好有問必答而且又推介我試榴槤飛餅。海晢拌麵料好足，麵都爽口好味。花鵰醉雞翼酒味再重一點就更加一流。而依個榴槤飛餅真係幾好煎得不太濃又不會太油膩，加上黑白芝麻賣相一流。食落口好特別餅同榴槤合體都真係好好味。一定會要來

星期六，放假， 帶埋阿仔去咗西九龍中心行街街， 喺五樓蘋果商場， 近女厠側邊，嘅一間叫做 嘅鋪頭嗰度買咗幾個靚靚布袋，心情真係靚曬，心情靚就自然好胃口想食嘢， 咁就走到西九龍中心對面呢間 食嘢。雞絲拌海蜇，我滿心歡喜我仲以為係會有芝麻醬嗰隻雞絲拌海蜇，但事與願違，情況啱啱相反，呢個醬汁係有芫茜嘅，而我係唔食芫荽嘅，我一食都芫荽陣味就會有反胃嘅感覺，不過冇辦法，反正都叫咗，唯有硬著頭皮去食，海哲好爽好彈牙，無奈芫荽陣味我真係接受唔到。小籠包六隻，小籠包喺呢度招牌菜一定唔會差得去邊，真係包得皮薄餡靚，咬落去標汁，真係yummy！勁like！桂圓紅棗雪耳甜湯，可以叫熱又可以叫凍，我就叫咗個凍嘅，味道清甜又好味。

今日晚餐想食上海菜，呢間可以話經濟又實惠。平時見到鋪頭外都有人聚集等後入座，今日經過剛好冇人，即順利入座。最愛喜愛嘅雞絲粉皮，粉皮好滑雞絲有好香嘅胡麻醬味，搭配清瓜非常之清爽開胃。炒鱔糊，跟套餐。鱔肉彈牙。好多芽菜絲連韭黃，醬汁濃味，送飯一流。涼拌海蜇。海蜇同平時喺超級市場買嘅即食海蜇唔同，佢呢個係比較粗身和彈牙，但係就略為淡味。冇咩味嘅海蜇感覺上有點唔習慣。熱豆漿，豆味一般，比較甜。南翔小籠包。不過不失。小籠包來的湯頭夠多。下次會嘗試叫蟹粉味。總括來說兩個人吃，上海菜晚飯來說是經濟實惠，值得一試再試。

仲記得上次講到去咗舊鋪食呢個上海菜 然之後見到店員話其實佢哋仲有新鋪而亦都有啲舊舖冇嘅食物 覺得性價比真係好高而且地點又就腳 所以今次就決定再去食下呢間誠記！呢個就係舊舖冇既生煎包啦 店員係鋪頭嘅一個角仔度即刻煎出嚟！ 所以係好熱㗎 一咬開個皮嘅一個角仔 就見到佢入邊有一半都係湯 而且個外皮做得啱啱好小小脆又有咬口 之後叫咗兩個原味小籠包同埋兩個蟹粉小籠包 小籠包入邊都係好多湯嘅 但係就冇生煎包做得咁出色啦 不過呢個價錢有呢個質素都真係算係咁之後叫咗個水煮魚片 水煮魚片嘅味道其實唔係好夠 而且對我來講一啲都唔辣 但係魚就勝在夠滑身 而且側邊仲有啲粉皮同埋芽菜 比起個魚片嘅話我更加鍾意佢啲配菜😂之後叫咗個蔥油飛餅 比起上次嗰個榴槤飛餅 我覺得呢個比較遜色啲 overall 冇榴槤嗰個咁香同埋冇咁好食 所以食榴槤嘅朋友一定要試榴槤飛餅！

今日黎到深水埗 見到有間小店入面好多人 睇下餐牌又覺得幾平 所以就決定一試😋 一search就發現原來係 好出名既八寶冰既個間餐廳🤣原來已經有2間分店 menu好清晰 想食咩就搵返個個category 🤣今次叫左三樣野 叫左一個上海粗炒 蒜泥拍青瓜 同 榴槤飛餅 上海粗炒係一個午餐 之後就會送一個例湯😋 例湯正常 但我比較鐘意食d湯渣粗炒好夠味但好油 如果可以少d油既話會更好🤙🏼呢個就係榴槤飛餅入面有榴槤蓉 榴槤控必叫！😋😋蒜泥拍青瓜可以多d調味 就咁食淨係得青瓜味😂😂😂

👁‍🗨 招牌南翔小籠包（7/10）💲36/6隻呢個小籠包皮下半部份都頗為薄身，但係上到摺同埋轉位就會較為厚身少少🙃因為即叫即製既關係，咬開既時候啲湯汁熱辣辣，餡料味道亦都不過不失🙌🏻但係如果可以再多啲湯汁，同埋再多啲餡料，咁就更加好，至少唔會無穿窿但係就已經凹曬落去唔靚仔🤭👁‍🗨 雲吞擔擔麵 + 餃子擔擔麵（6.5/10）💲45 + 45呢兩個都係擔擔麵底，分別在於係雲吞定係餃子😂雲吞既摺位略嫌厚身左啲，入面就係白菜餡，餡既份量比較少，而餃子就比較大粒，入面係韮菜餡，個人比較鍾意後者☺️至於麵條軟韌度適中，可惜湯底一般，食落偏鹹，唔太夠花生味，同埋比較油同漏，食完感覺都幾飽濟，搞到本身仲想叫個甜品既我都逼住要放棄😭🔛 整體評分（7/10）

之前宵夜路過這店，座了很多年輕人，今天決定下午茶就試試誠記！因為肚子餓的關係，所以我點了一客“誠記當家牛腩飯”和一個小食“蒜泥白肉”。 牛腩飯分量十足，味道也可以，蒜泥白肉就不太像平時食到的味道。隔離枱的擔擔麵很吸引，下次再光顧！