誠記小籠包拉麵 (Moved) New Location

夜晚9點半心思思想食嘢，見到呢間有我鐘意食嘅生煎包就想試吓，但係怕太夜唔敢入去，係個哥哥熱情招呼我先入去。29蚊4個熱辣辣入面真係有湯汁嘅生煎包真係好耐無食過。食過啲好出名嘅生煎包，果啲係好食不過太油自己頂唔到，呢間果啲就正好唔過油。食埋個豆沙飛餅（鍋餅？），皮薄香脆唔過硬，個豆沙唔太甜，正好合口味。而且幾大份，難怪要48蚊。我等緊個四川麻辣麵……食完再講。