豆漿大王(粢飯) (Closed)

失望係因為豆漿大王一向比我感覺係平靚正，豆漿好飲、芝士撈丁又正，是我一個人出街食飯的首選，但今次因為要趕返屋企睇波而整個芝士撈丁外賣自取，點知一返到屋企發現麵就有好多，汁真係無乜，好似食淨麵咁，失望......希望以後可以做好D，因為須知道這間大埔老字號一向給人不錯的形象。

同朋友行過成日都看到這飯店, 是日終於嚟左食嘢 2 人都叫了炸野我就叫了吉列豬扒，同埋帶子吉列豬扒唔算十分薄身, 沒有「甩皮」但就一點酥脆都唔覺亦有好多油, 不過肉質都算鬆化; 好容易咬同埋入口，加埋玉米汁可以說是好食,玉米汁奶白色，好香，比較欣賞這點，比較濃，吃得出一D玉米特有的甜味，而且都幾多，可以餸埋一碟飯,至於帶子就真的不錯，第一次去餐廳吃到炸帶子的，炸到金黃色，咬落去脆脆地，出奇的吃的出帶子的鮮味，而且都好鮮甜，又夠香口，口感同埋味道都一流！但可惜的是，帶子都幾薄下，同埋只有3粒，唔夠吃！白飯就比得水太多，好黏同埋沒咩米香, 雖然幾多, 食晒卻覺得份量唔多夠。另外仲有一杯冰凍的豆漿，夏天可這個就最好，健康又好味,服務亦幾好, 環境其實亦乾淨但吾多企理又有點亂，不過坐低食餐飯,無謂要求那麼多了，吃了算。

其實豆漿大王的食物一向質素不賴，而且以它的價錢來講真的不是很貴個人喜歡他的餸比較多配搭，味道亦比較夠，所以午餐唔知道吃咩的時候就回來這裡吃。這天就是這樣下來吃了個飯，要了秋刀魚+雞扒+玉米汁。雞扒是個人最愛，雞肉煎出來不會變韌！可以連皮吃，個人很喜歡吃雞皮，貪它夠入味同連肉吃會令到雞肉更加滑同香，需然這樣會比較油，但食物好味我覺得也很重要！秋刀魚也是不錯的，成條魚上臺，分量真是十足，但秋刀魚都有一個問題，就是煎出來不夠香味，同味道不夠，魚的肉質硬了點。玉米汁配出來的味道很好，甜甜地，玉米香很出來，比出面的濃左小小，但餸飯就一流可能印象中豆漿大王是比較低的，所以平時都幾多人，環境是很嘈雜。以這樣的價錢享受不錯的食物，不錯吧

晚飯後, 兩口子出街散散步, 順道去超市看看. 回程時, 感覺有點餓. 淘氣的我們, 就決定食一食宵夜. 放縱一下自己. 我要食點心, 而她想飲豆漿. 剛好兩間鋪打正對面. 豆漿大王又肯好似大排檔咁serve去隔離. 咁樣, 我們就一嚐這兒的豆漿, 看看是什麼原因要稱王.不想飲生冷野, 兩個都同時要了熱豆漿. 用碗上的豆漿已覺得好有feel. 因為係台灣, 飲用熱豆漿時, 通常都係用碗上. 上的時候另加糖的, 店員阿哥叫我們攪一攪, 好讓沉底的沙糖溶一溶.一匙羹, 先試一下, 自稱王果然不簡單. 飲落豆味濃濃的, 當年在台中飲的靚豆漿, 就是這一個味道. 飲炖奶, 會起一層皮. 原來豆漿也會起一層皮. 據說, 腐皮就是這個出來的. 充滿豆味, 味道香濃. 不滑, 帶少少粉口, 豆既比重一定很多, 沒多隔渣亦是此碗豆漿味道香濃的原因. 太好飲了, 自稱豆漿大王, 果然是King of soyamilk. 而且$4一碗.....超值, 大陸都飲唔到.

同一班朋友去左大埔玩,玩到7點幾,有d口乾,就想買d野飲,見個名係豆漿大王先入去,因為我好鐘意飲豆漿,結果有個朋友想係埋呢度食飯,所以係呢度食埋飯先走,呢間店好細間,同老闆娘有講有笑,我叫左個秋刀魚帶子飯配蒜茸汁.帶子同秋刀魚味道唔錯,但蒜茸汁唔好味,唔岩配呢2樣餸,豆漿唔錯,雖然唔算好甜,但覺得新鮮!!

以前中學!!每日學校都會黎哩到坐返幾個鐘先走!!!但係因為中學零用錢不多!!!1每次都會叫最平既5蚊腸粉咁又坐一,個下午!!!今次黎到!!改變左唔少!!!叫左個煎釀豆腐::::少少魚肉,豆腐煎得燶燶香香....芝士豬扒撈公仔麵:::::算係有驚喜之作!!!豬排細塊!!!但係個芝士醬就好好味!!

近來喜歡到處找尋粢飯 小時候(幼稚園時)油麻地一間茶餐廳的粢飯是我經常放學後的小食可惜現在已面目全非 亦不知道店子的下落很想找回那種味道老遠一早走到這附近補習 在閒逛煩著買什麼「醫肚」時竟然走到這粢飯店 差不多十蚊有大大舊的粢飯 原以為一旁正忙著製作粢飯的阿姐會即時製一舊但收銀的卻打開那保溫箱 真叫人失望粢飯比普遍的為大 而粢飯內裡亦很足料 肉鬆 油條 醃菜可惜可能已放入保溫箱一段時間飯比較乾 油條亦變得硬飯亦多得吃不消希望下一間能有驚喜吧

近排愛上左食腸粉加車仔麵料,見到呢間有就同朋友入左去試....叫左一個腸粉+豬腸+豬紅+魚旦+燒賣($30),首先腸粉D皮厚到爆,唔知點解唔索汁;豬腸D蘇味比我之前食過既蘇十倍,蘇到臭!豬紅最正常...魚旦皮硬,但都算係咁....燒賣都冇野既,粉D同蒸過龍少少O者....朋友1號就叫左個三餸車仔麵(蘿蔔+豆卜+豬皮+粗麵)($21),蘿蔔中間生而且老;豬皮好似原塊冇切咁上,超大塊,又係硬既...好彩豆卜同個粗麵都正常朋友2號叫左擔擔麵(約$24)個阿姐落單既時候話有中辣,但食落一D都唔覺邊忽辣!個麵煮到OVER晒,好似一PAT野.....最後叫左三杯野飲(@+$5),其中一杯香芋珍珠奶茶,飲落糊口,好似D痰.....不過佢D珍珠值得一讚,彈牙有甜味,唔會太軟!

因為男朋友有事做要入大埔，所以就陪佢一齊入去~由於接近中午時間，所以有d肚餓...左諗右諗食d乜野好，突然諗起好耐無食過豆漿大王嘅嘅酸辣湯，一於要去食吓食飯時間到達豆漿大王...人都幾多，天氣又熱，我同男朋友就坐左係裏面有冷氣嘅位置~都唔駛諗...我實在太掛住呢度嘅酸辣湯，一定要叫呢個，男朋友今次試新野...."酸辣湯"...水準同舊時一樣，唔太大碗~急不及待要試吓久違嘅酸辣湯，味道真係唔錯，酸、辣味啱啱好，唔會太稀唔會太「杰」，仲有一樣野係...湯入面材料好多，全部切成絲狀，有木耳、紅蘿蔔、豬紅同冬菇，雖然種類唔多，但已經好足夠"餃子"...本身唔係叫餃子，係想食韭菜餃，但係自己叫錯左，算啦！依舊好大隻~一碗有4隻女仔未必食得哂餃子皮幾滑...唔太厚幾好餡係用豬肉加類似娃娃菜嘅菜黎整，味道一般...淡左d，豬肉唔夠滑有小小「鞋」韭菜餃會好食d..."芝士豬頸肉撈公仔麵"...賣相白色一片唔太好睇撈好左食落口味道都唔錯...咸味適中，個汁應該係用芝士加忌廉，感覺都幾cream豬頸肉...炒得幾好，味道都幾好味，咬落口感韌韌地...唔「鞋」口，好食！公仔麵...軟硬適中，份量唔太多，男仔

次次去都會叫酸辣雲吞 or 粢飯!!由細食到大la..真係好食....有時都會叫下其他野食...不過都係唔太惦..所以依+都係keep住叫果2樣其實我覺得間野係酸辣湯同粢飯吸引我去食only...所以去到記得叫依2樣野...咁既價錢, 其實都平牙 =]

記得在讀書的時候，最喜歡放學後和朋友食這個「酸辣」系列今天放假特登去回味一番，點了一個酸辣餃子米加豆漿!份量多多，味道沒有變~還是我喜歡的酸辣味道，湯的材料有雲耳、豆腐、紅蘿蔔絲、筍子&冬菇等...餃子是用白菜做的而且吃起來辣辣的，正!繼續支持!!!!!!!

係馬鞍山踏單車到大埔...搵左間有得拍單車的舖黎食黎左豆漿大王叫左酸辣湯 & 沙爹金菇肥牛撈公仔麵: 朋友話OK我食生菜魚肉: 幾好~ 清清地~ 唔會好油~ 份量都OK豆漿& 珍珠奶茶: 還可以

記得還在求學時期已經很喜歡這兒的酸辣餃子了自從上班之後會來的機會真的少之有少難得會出來購物,當然不會放過這個好機會,重拾一下舊時的味道!由於很餓的關係所以要了酸辣餃子米酸辣湯就跟以前吃的沒有變,不過這次的味道偏酸一點配料有雲耳 蘿蔔絲 筍子等等,但感覺上份量好像比以前少了喜歡吃這兒的餃子是因為他們是用白菜餃,另外餃子還有點點的胡椒粉味,吃上去有點辣辣的,很惹味!吃了這麼多年這兒的酸辣餃子味道一點都沒變,可惜他們的店子卻愈來愈小希望他們的店會跟餃子一樣,十年不變,好讓我可以隨時再三回味!

要返大陸做嘢, 想食一個飽飽早餐先出發!!一路行...本身想食 m 記, 見到有人食餈飯, 好耐都無食過, 就叫左一個, $9.5, 本身想飲凍豆漿, 但係中醫叫我介口, 凍嘢唔得, 唯有食餈飯啦就係...都好大個呀, 不過炸菜就小左 dd, 油條仲係熱既, 好多肉鬆囉!! $9.5 都 ok, 不過下次叫埋豆漿就 very good 喇!!p.s 唔知個女人係唔係日日都咁惡死既呢???

成日見到其他區都有著與這間同名同姓的店舖...fanling......kwun tong.....Sham Shui Po---豆漿大王. 但大埔這間最好食...之前最like他們的菜肉雲吞麵...上次聽隔離枱叫個粢飯，仲話要少飯...即係少d、溥d糯米...好似幾正。今日下晝去食反,心思思落街買外賣，係門口叫咗個粢飯(少飯),叫佢哋幫手開邊,熱辣辣.....他們係用膠袋包著.令人覺得d膠有機會溶係入面.返到屋企,打開時,竟然發現有d膠既物料係中間。不過應該無溶掛！當然先清除才吃啦.吃落真係gd wow,d肉鬆好好食...加上d甜炸菜(出面係用咸既)....和不乾不濕的糯米(少飯)..街邊個d實在太厚..簡直係絕配