豆花妹撈米線 (Closed)

豆花妹撈米線 .... 不用再介紹吧 ~份量比想像中還要少 ! 對成年人來說, 或許只能當小點而已, 要飽肚的話, 看來就要吃多一兩碗 ~脆皮豬大腸, 就是不夠脆皮也不夠Q韌, 味道很鹹, 豆花夠滑卻又欠豆香, , 米線夠滑溜但略嫌有點虛浮, 有幻得幻失之感 .... 味道實在是偏鹹, 吃得太鹹對身體不好 ~本篇完 ~

經過看到豆花米線，心想這兩款食品能夠互相配搭？又加辣味？好奇的試試。米線是熱而軟的，豆花是冷而滑的，花生是香脆的，香葱是爽口的。本人不嗜辣，店員善意的給我BB辣級的辣醬。拌勻之後吃下，各種味道和質感相互碰撞，味道頗濃，雖然是BB辣，但我仍是覺得很辣。的確是有特色之作，但可能未必人人能適應，還是值得一試。

仲記得上年第一次係尖沙咀食豆花妹已經覺得好特別，今日行開好景，見到呢到仲有喎。而且仲多左好多唔同種類既野食。不過我都係鐘情原味豆花撈米線，叫餐都係$38,跟杯豆花奶茶同個小食。米線略軟，但個汁真係好正好香，加埋芫茜蔥超夾，而且醒埋暖熱既豆腐花又係另一種風味。加左$7要隻糖心蛋，比我想像中好食，個蛋仲有啲甜味。小食係鹽酥杏鮑菇，夠香脆，粉唔會厚。朋友要食雞翼，符乳雞翼好似好特別，不過唔多夠味。食咁多野兩個人都係$77,窮L恩物呀😍不過亦都係因為咁平，舖頭係無得坐住食架，側邊有張高窄枱，有幾個位可以企係到食，多人既時候唯有揸住黎食。

米線唔辣唔好食, 所以點左個小辣食!!! 米線到, 米線賣相都唔錯, 有好多蔥花&花生, 好鍾意!!! 個辣味好香, 食落唔惹小, 辣香撲鼻! 學呀邊個邊個話齋, 一個字”掂”呀!! D豆腐一片片望落去好滑, 原來食落去仲滑!! 諗諗下豆花撈米線, 差D唔記得左撈, 撈埋哂D醬, 出力撈, 係咁撈, 就變成左一碗豆花撈米線! 食落零舍不同!! 米線的爽, 豆花的滑, 花生的脆, 醬料的味, 辣香的濃! 正! 呢個價錢真係好貴抵!

以前路過好景，必定會聽到 ＜死仔死仔 包無格仔＞ 。現在雖已成絶響，但好景後面的大廈，還有很多男生們的至愛 ：WARGAME用品 及各款模型 。　　今天下午就來到這裡，陪朋友尋找其心頭好。　只是早了來到，又覺得好肚餓，想邊吃邊等。　就在大廈的入口，看到這家米線店。百聞不如一試，加上在這裡有位置，可以避開大街的行人慢慢食。　先看看餐牌，既然餐廳名字有＜豆花＞，於是點了1號常餐＝豆花米線+杏鮑菇+特飲。另外加錢，多添了2款小食。 付款後，邊等邊看著餐廳電視播影的＜我要做老闆＞。看到森美話辣到出汗，真的很期待這種麻辣的感覺。 先出來是炸好的小食：杏鮑菇及腐乳雞翼，以紙袋呈上。 一碗份量小巧的米線出來了！　果然如節目所講，份量真的剛剛好！自知胃口大，食左照計唔會太飽。幸好剛才追加小食！！！！　把這碗米線捧上手時，底部暖，上層凍。是底部剛焯熱的米線，及表面的凍豆腐花。豆花米線，表面放了拍青瓜。　先食拍青瓜做前奏吧！青瓜不太麻不太辣。　　撥開青瓜，終可看清豆花米線真面目。　有主角豆腐花，還有鹹酸菜，芫茜，蔥花，辣醬，花生。很像貴州遵義豆花麵，而這個是乾撈版本，蘸水則變成乾身的配料直接放在

呢間餐廳對大家絶對唔陌生，不過開咗咁耐，我其實一直都無試過難得今日晏晝去旺角，經過見到下午茶都幾抵，所以就下決心試下個豆腐花加米線食開辣野嘅人，如果唔食辣野硬係覺得無咁滋味嘅所以.......唔該要個辣嘅牛肉米線Y套餐仲包括埋野飲同一款小食，我就揀咗豆腐花奶茶同炸蓄薯~~ 蕃薯炸到好脆，再加上少少辣粉，非常野味而朋友就要咗個豆腐花加米線嘅餐，兩者嘅口感係幾新奇，但係最好味嘅係個微辣嘅汁，令到啲米線更加好味，而朋友就揀咗炸菇，外脆內軟~~~其實真係好抵，不過遺憾在無位坐，要企係到食我就選擇咗去咗附近嘅公園坐低食喇～

約左朋友睇戲，佢叫我買麥記入戲院食，我話費事畀人捉到又被人趕出去戲都睇唔成就無謂啦。我話睇戲前不如去食豆花妹「快、靚、正」快夾妥。去到我叫了套餐，牛尾撈米線，牛尾炆到又「林」又多汁，味道剛剛好，套餐包炸甘薯或杏鮑菇，我選了炸甘薯，質感和我們食開的炸薯條口感不同，這類會較為豐富。雖然時間緊黜還是要叫多兩個小食跟朋友分享，我叫了 「蜂蜜芥末一口雞」，蜂蜜味吃不到，倒是芥末味較濃，一口雞無骨，我最好此類。朋友叫了「腐乳雞翼」，吃前以為會好咸，但食落去可說是有驚喜。並沒有出現很咸的情況，味道剛剛好，有汁從飽滿的雞中翼中爆出來。以快餐來說可說是十分滿意。套餐小食餐牌套餐四十元左元，小食就九元一份。睇見就想食。腐乳雞翼是兩隻的，而一口雞的芥末是我最愛的調味汁。

已經不記得多久沒吃過豆花妹，這次突然很想再吃這特別的豆花米綫。就近旺角方便我，所以就打包個回家吃門面大大只字寫住豆花妹撈米綫，加上藍色的搶眼色調更容易看到要找這家店其實也並不難，就係仁安大廈裏面 看了看menu選擇太多，有選擇困難症的我，最後就選擇了個套餐最好了豆花肉碎米綫肉碎汁幾特別，面上的大蔥為肉碎添加了一番滋味。可惜肉碎汁能再多些會更惹味，最好是能蓋住豆花，讓綿綿的豆花能更有味道豆花加米綫，你可能覺得會奇怪，但其實甘樣的搭配，反而讓我更喜歡吃米綫。 不過豆花米綫還是趁熱吃會更好吃，涼了會失去原先的味道。

一直沒有試過這間豆花妹撈米線，上星期到旺角行街買了個普通豆花米線試試，不錯。麻辣肉醬，香滑的豆花，花生，香葱伴匀爽口的米線，味道不錯。不過麻辣醬真的幾辣，越食越辣，食到有麻痺的感覺，果然麻辣！

豆花妹深水埗店剛開業時曾幫襯，嚐過喜樂米線一試難忘，好開心呢日途經旺角可以再次品嚐由於唔太熟旺角都搵左一陣，其實位置在好景商場一路行過少少，門面都幾大，今次去到午飯時間都幾多人。旺角分店有小小立食位，岩哂我呢d等唔切要熱辣辣即食之人。食豆花妹米線必須撈混，撈混賣相的確麻麻但層次真係好豐富。由於約左人tea就只是點了我的舊愛 – 喜樂牛肉米線 with 豆花 (小辣)米線質感不俗，豆花好重豆味，配合特調咸、辣於一身，本身醬汁亦帶少少甜味，呢種複雜嘅味道唔識形容，於是乎我就叫佢做喜樂味道。吃罷豆花妹，大滿足，看電影去 ☺

食物份量雖然不多，但看看餐牌，套餐配搭都幾豐富，我揀左豆花米線配麻皮蛋，拍青瓜，小食杏鮑菇和飲品蜂蜜紅棗。雖然係小食，但是米線同配料份量剛好，好岩成日口痕既朋友，米線較稔，豆腐好滑，加上微辣醬汁下，真係幾好味，個人建議先用湯匙品嚐豆腐花，因為當撈勻後香味會被醬料稍為掩蓋，而拍青瓜都醃得好入味，凍凍地入口非常青爽，皮蛋味道都幾好，幾入味，仲有少少辣香，只係切得大左少少，杏鮑菇係酥炸既，灑上椒鹽作調味，外層鬆脆香口，內層菇香嫩滑，加上又係健康小食，真係多食幾啖都無妨，另外冰凍既蜂蜜紅棗凍飲就甜度適中，好解渴之餘，仲口感十足，因為當中仲夾雜著絲絲紅棗肉，真係好有口感，總括黎講份量真係幾多，所以唔建議大家飯前去食！

今日下午開旺角, 好耐都冇試過掃街了, 應該以年計啦! 見到呢間豆花妹岩岩開舖, 用豆腐花製作招來好似幾得意喎, 不過呢度無位坐, 要企係度食, 唔緊要啦, 好彩係商場裡面. 我叫左個豆花米線, 個醬有D似台灣肉燥味, 再加上蔥花, 豆腐花同米線一齊, 我都係第一次食! 又幾好食喎, 幾個味都好夾, 個豆花又夠香滑. 叫左杯柑桔話梅蜜, 真材實料喎, 真係有粒話梅, 生津解渴, 又唔太甜, 好飲!另外叫左小食, 分別有醉雞, 炸雞, 呢兩個味道OK. 再叫左甘薯條, 嘩, 呢個真係好得! 無得頂! 小妹係蕃薯怪, 真係唔係度度有得食呢個, 佢上面仲嬸左D調味粉, 好惹味呀!! 值得推介!

I ordered the basic tofu noodles($19). I really enjoyed it. I love the combination of noodles, tofu, ground meat, spices, herbs and bean sauce. I didn't mix my bowl well enough so it was a bit too salty towards the end. It was just spicy enough to bring out the flavors. The portion size is not big enough for a meal but it was perfect for me as I only wanted a snack. I would go there again if am in the area.

9點幾都仲有的食實在太正了可以做宵夜。點了個招牌豆花撈米綫套餐，可以選擇2款配菜，還有1款小菜。我選擇了溏心蛋和涼雞，小食就點左炸薯條食完上面D豆花再撈食米綫，口味好特別，豆花好嫩滑，而且神奇的是外賣拿回家，豆花還是完整的涼雞很棒像似滷水的一樣味道濃郁，肉質嫩而爽口。最喜歡的是小食薯條，薯條上面散了些香料，使薯條更野味。

朋友介紹這間米綫特別又好味。過來旺角便來嘗嘗。我將所有配菜同米綫均撈，食落口發現這樣會更入味，好濃郁。剛開始並不覺得很辣，但過後那種辣勁就會慢慢從喉嚨向上漫出整個嘴，如果不能吃辣，還是建議不吃辣。另外，豆花的口感好滑好綿。