豐味蒸食

Open Now

Now Closed

本身係個腸粉愛好者，偶然發現旺角有呢間皺皮腸粉，一食就愛上咗，仲介紹咗唔同朋友去食，個個都讚不絕口。雞蛋瘦肉腸粉同芫荽牛肉腸粉係我哋每次必叫，因為佢哋嘅蒜蓉辣椒醬好好食，我哋每次落好多，所以每人都要叫返杯豆漿送腸粉。腸粉皮唔算好薄，但係米漿整出嚟嘅腸粉好香，而且餡料好足，一人食一份都已經好滿足。如果多啲人去食仲可以試埋佢哋嘅蒸米粉，味道都唔錯，但係小鳥胃最好留返個胃嚟食腸粉😆次次去食都會聽到有人叫豬髀飯，我自己就麻麻地豬髀，大家有興趣可以試下。

Bad food quality and bad attitude I recently ordered a bowl of rice noodles from your establishment, and I was quite disappointed with the quality of the food. When my order arrived, I noticed that the soup had spilled all over the container, making a mess and affecting the presentation. Additionally, the rice noodles were overcooked and hard, which made them unappetizing and difficult to eat. I had high expectations based on your reputation, but this experience did not meet those standards. I h

疫情期間，一直返唔到內地～當然好想念家鄉食品～甘啱見到呢間有我個家鄉食品，所以就去試下啦，除左個蒸粿，皮厚料少。完全食唔到家鄉味外，其他都好滿足我思鄉之情🤣🤣芋頭飯真係必試👍👍佢會加埋紫菜湯、都好好飲😭😭石磨腸粉拉得好～足料好味

我同男朋友都好鐘意食腸粉 係OpenRice見到呢間評價都唔錯 就黎試下👫店面細細間 10點半am左右去到基本上都滿坐 需要搭枱，環境尚算可以接受因為諗住之後食其他，所以無叫到太多🍴豬潤腸粉◽️豬潤份量足◽️上到枱係已經冧咗豉油，出其地唔會太鹹 有少少甜甜地◽️賣相唔係好皺皮個種，腸粉皮未算好透薄，不過夠滑，仲有菜解下膩🍴菜包粿◽️入面大概有蘿蔔絲、椰菜、沙葛、芹菜、豬肉、花生等等🤔◽️皮比較厚身 食落有咬口，我男朋友覺得唔錯，不過我就麻麻地未食過都可以試下◾️腸粉比較出色，即叫即整熱辣辣唔錯，呢個價錢幾抵食👍🏻，食曬一碟腸粉都好飽肚~

本身係腸粉愛好者，見到呢啲細細間，冇乜裝修嘅小店會特別喜愛。叫左一客豬潤腸粉同一客韭菜餃。呢個價錢其實無乜期望，見佢放低比豉油浸住，諗住會好鹹，但係食落又唔覺。豬潤基本上每幾啖就有一嚿，都幾足料。加埋有兩條係夾住啲菜，感覺冇咁滯。另外叫咗客韭菜餃，呢個餃就麻麻哋，個皮好厚，但呢間野應該係腸粉主打，都係嗰句，呢個價錢其實又可以接受。另外佢個辣醬幾惹味，可以彌補下個厚皮。店面姐姐有禮貌，枱櫈亦坐得舒適，可以黎試下其他腸粉

或者係我抱有太高期望，見好多食評都話佢腸粉拉得好薄食落有米香咁作為一名澱粉類愛好者嘅我，一定要黎食下。佢位置原來係旺角街市入面，簡單d講就係朗豪坊後方兩三條街。鋪面細細，放到6張枱仔左右，都好企理嘅。叫左碟雞蛋豬肉腸＋辣菜莆（$26＋4），等左大約7分鐘就有。一睇就知佢粉皮好薄，餡料都幾多，仲有一兩片生菜包係腸粉入面。豉油都多，辣菜莆又咸，所有野夾埋都幾咸下我淨係用筷子食，一夾就散，好難將肉同腸粉一齊夾落口。食落口又主要得陣咸豉油味咁我夾d冇咩豉油嘅腸粉位食啦... 係食唔到味連少少米香味or麵粉香味都冇完全失左腸粉嘅真粹腸粉皮冇口感冇香味，唔好食。食左1/4我就放棄左。似食碎濕濕嘅河粉多過似食腸粉，失望

行行下旺角街市，冇期望地亂入叫左豬髀腸，牛肉腸，炒米粉====腸粉即拉，望落好薄皮一食好有驚喜勁好食好有米味同茶樓食開傳統勁厚皮腸粉兩回事豉油落得多可叫少/半豉油====反而 炒米粉同見其他人叫既 飯就冇咩特別

堂食本身唸住食到蒸嘅砵仔飯，點知堂食都係比錫紙裝比我。。。講番食物，豬手麻麻 ，d飯可能因為用錫紙，d飯好濕唔乾身反而配嘅紫菜湯ok，但都略嫌少少鹹。第一次食距地腸粉果陣覺得好好食，仲介紹比我d屋企人，點知慢慢就變得唔好食，唔知道係未唔同廚師問題？希望改進啦，之前真係好鍾意d腸粉㗎！

旺角真的是一個神奇的地方，在各个角落都藏匿着美食。今天来打卡的這家餐廳離公司很近，不過需要穿過一個超級市井的菜市場，禮拜五的下班時間市場特別熱鬧，按google map一路走过来位置很好找，店鋪不大所以一定需要拼桌。廣東話講得不好，沒關係，點菜的阿姨可以用普通話交流，點了最期待的鮮蝦腸粉➕辣菜脯 鮮蝦腸 還有一份 海丰小米 腸粉真的好好吃，除了加了辣菜脯後有一丟丟鹹，一個人把一整份都吃掉了好滿足。海豐小米等了好久以致於我一度以為給我漏單了，最後的最後終於蒸好端上來了，糯米外皮裡面加的肉餡，味道很特別值得一試。下次要來試試豬脾飯還有蒸餃

呢間鋪間中都會幫襯，因為d腸粉味道都ok，多數都外賣，以前網上外賣平台經常落單自取，堂食都試過嘅，店內就比較狹窄，位唔多，衛生都麻麻地，枱好多油無抹淨咁，之前都覺得d服務員態度都幾囂，好似獨市唔憂做咁。宜家就更不得了。前日特登過去買d牛肉丸，企係門口嗌，見到都扮🈚睇見，嗌又扮聽唔到咁，大佬啊，我過黎係俾💰消費吖，服務態度真係差到🈚人有，就算d野ok，但服務水準咁黎對d客，好極都有限，只能講，我唔會再幫襯

芫荽牛肉腸，呢間主打腸粉同埋小米，係潮州特色小食。感覺就好似石磨嘅腸粉，所以皮好薄好滑，同埋豉油都好充足每一啖都食到好香嘅牛肉味😊呢度差唔多係日常會食既餐廳，比起好出名嘅鳳鳴石磨拉腸，我更鍾意呢間😌

各位尋求美食嘅朋友.還記得我早前介唔土瓜灣石磨腸粉嗎？（早稻石磨腸粉）依家石磨腸粉店開到成行成市周街都係.真係好食的無幾多間.今日我亦都喺旺角找到一間食蒸餃及石磨腸粉店舖.佢哋嘅蒸餃及石磨腸粉.又好食😋又抵食👍.佢哋有好多品種美食😋.講都講唔哂！👍今日我介紹的全部都係我今次食過嘅美食.首先我介紹佢哋嘅蒸餃.韮菜蒸餃$20元.鮮蝦蒸餃$22元.每一款都有六粒.還可以叫雙拼.雙拼每一款都有三粒$22元.今次叫咗雙拼蒸餃招牌豬脾蒸飯.豬脾賣相唔錯.豬脾入味.入口即溶.在口裏散發一種咁香.還有青菜拌飯及紫菜湯😋😋😋👍👍👍豐味蒸食 (旺角)旺角廣東道1016號地舖

🌞旺角篇*～～～剛好來朗豪坊買波鞋，剛好晏朝時間覺得好似可以食個野，上網查了一下發現附近有間「丰味蒸食」人地話一定要試試佢地啲腸粉，喺香港呢個地方乜都冇就係腸粉最多，好好奇究竟佢地腸粉有幾特別，而且又平梗係要試下，店鋪外面是市場，搵嘅時候要仔細睇，唔好錯過了，本身以為會是破破爛爛的小店，估唔到都幾乾淨、幾明亮因為係第一次來所以嗌咗招牌😋今次嗌咗👇1.招牌豬髀腸粉原本以為酒樓的腸粉已經好好食了，估唔到石磨腸粉竟然可以咁好食，滑嘟嘟的腸粉口感帶有少少煙韌，豬髀都真係食到肉同埋豬皮，食得出豬腳都係燜得好淋好入味食材🐽🐽🐽🐽服務🐽🐽🐽價格🐽🐽🐽🐽🐽

今天到旺角逛街，在下午果時覺得有啲肚餓了，想到有許多很推薦旺角有間石磨腸粉，想說有咩特別不同的地方，就當點心吃一下，剛好在朗豪坊附近如果有來這邊可以試試今天點了～👇👇👇1.招牌豬髀腸粉石墨腸粉口感彈牙又滑嫩，腸粉本身做得很薄不會好似成個吃粉漿的感覺，豬髀煮得入味軟爛，一定要試的招牌非常出色。3.凍豆漿豆漿口感順滑，而且豆味濃厚，沒想過豆漿配上腸粉可以咁適合。如果想要加其他配料可以加錢就可以了，而且一份的份量都不少，看到其他顧客有的一人點一份就可以當一餐了呢！真的很推薦這間平價小食，真的好好味呀😆😆😆

今日我咁啱有一個外地朋友帶我嚟食呢一間豐味蒸食，我哋穿過左一個菜市場，周圍都係濕濕粒粒，好污糟。見到出面咁真係唔想入去試！但係我朋友特登要黎食，覺得算啦又唔貴，最多覺得有事唔食啦。入到去餐廳環境都正正常常，都算乾淨。店舖唔係好大，我諗都係做啲街坊生意多。因為之前冇食過嘅關係，我哋就叫咗佢哋嘅招牌腸粉，豬髀腸粉加芫荽🍴同埋帶咗兩杯凍豆漿🥛🥛其實佢哋生意都唔錯，都坐滿晒人。見到咁樣就突然之間安心左少少，應該唔會肚痛嘅。店員都好忙，整腸粉都需要少少時間，大概10分鐘度就黎到。1. 招牌豬髀腸粉+芫荽腸粉個皮好薄，好多芫荽同埋豬髀喺裏面，都幾足料！豬髀個味道有鹹鹹地既滷水味，咬落去都算幾軟熟，一啲都唔差。芫荽味既味道都重，食得出芫荽都新鮮。整體來講，都叫幾出色幾意外。2.冰豆漿豆漿嘅豆味唔係好重，甜甜地，本人就幾鍾意飲呢個味道。今日真係太熱，唔飲杯凍嘅嘢飲真係唔得。我睇到其他食評，話佢唔太好食，甚至有唔好既味道。本來都覺得有啲憂慮，食完之後我覺得其實都唔錯，鍾意食腸粉嘅可以嚟試吓！