豬大王 (昌明大廈) (Closed)

豬扒公仔麵，相信好多茶餐廳都有呢款菜式，但整得好唔好食就另一回事😅呢一間豬扒麵真心好食，誠意推薦俾大家皇牌豬扒湯麵（$47）豬扒外層炸得金黃香口，但內裏唔會乾爭爭，依然保持水份軟嫩🌟一上枱已經好香豬扒味，入口肉味濃郁，唔係用鬆肉粉醃到冇晒肉味嗰種👍🏻湯麵有米粉、公仔麵、粗麵、河粉等等多款選擇，不過我個人覺得豬扒都係襯返公仔麵最啱味🤤可惜唔係出前一丁，不過呢個價錢冇要求啦🤣推薦大家去試一試，豬扒永遠唔會令你失望❣️

中午工作到旺角，行到邊食到邊係我座右銘呢間叫得大王，應該有番咁上下掛！菜牌主力食豬，我好泡飯，一於叫個皇牌豬扒泡飯上桌，眼見個湯好濃稠，碗飯應該在滾湯時一齊滾過，唔似坊間所謂＂湯飯＂嘅一碗飯一碗湯咁上；呷啖湯，果然有米飯香，加上肉碎、蔥花、菜粒、香菜等，令豬骨湯頭味道層次更豐富，飯粒吸滿湯的鮮甜，阿媽煮嘅都冇咁好味！豬扒夠厚，係我鍾意嘅質感，唔太淋有咬口，越𡁻個口腔越多肉汁，咁大塊都好快食哂，想叫多塊，不過已經好飽好唔好食？望一下個碗🤭

見到都有其他食評講呢到服務好差真係無屈佢😂 我錯啦 以後唔會黎入黎消費好似欠左佢咁…不過算啦 又唔係食服務ge呢啲餐廳我都無乜所謂點知抺筷子嘅時候抹到成張紙巾勁污糟即刻同店員講話啲餐具唔乾淨佢竟然話返我轉頭 話我太大力 抹到甩色哇我真係唔知我大力到咁wo係咪要調返轉賠返比你啊😂其實呢我都好想見識下點樣抹到甩色啊真係即刻叫佢抹比我睇啦跟住佢死唔抹 死撐話自己無咁講過okok真係對唔住 仲屈埋你tim勁~~~ 👎🏻💩啲咁嘅餐廳我食唔起 多謝晒

今日無無聊聊行去黑布街，見到豬大王個名幾得意，於是入去試下入到去睇睇餐牌，價錢偏貴左d午市冇套餐，加凍飲都要9蚊小弟對內臟冇太多興趣, 最後決定食皇牌豬扒撈麵食物到左，賣相不太吸引感覺上豬扒還豬扒，烏冬還烏冬豬扒好厚，炸得乾左d烏冬冇咩特別份量幾多，但食落就唔太開心So far 有d似7仔小食檔出品凍檸茶正常，冇特別comment最後一個皇牌豬扒麵加凍檸茶67蚊埋單，呢個質素有d失望味道還ok, 但下次未必考慮再去了

係旺角做完野又肚餓，經過呢間門口大大隻🐷見多數食豬肉和不同豬內臟，就入去試吓。見餐牌仲有其他野選擇，不過入得嚟當然食豬啦！叫咗過鮮肉片泡飯，果然冇叫錯，個湯底好清甜，裡面仲有切碎菜心，肉片又煮到剛剛好，肉質軟腍，食完沒有口渴，証明湯底冇味精👍

全牛宴食得多…整間鋪食豬既真係好少有，今日同朋友係旺角行完街肚餓搵野食！見到呢間鋪既肥豬仔就入左去試下！坐底先知呢佢地係屯門都好響檔檔個喎！餐牌上每一項都離唔開隻豬架…當中有泡飯、湯麵湯米及淨食等等..小食方面就有油菜、炸雞翼、炸魷魚鬚及炸豬排三款！我份人比較三心兩意，金牌八寶真係啱哂「一碗入面有齊豬潤、豬肺、豬腰、豬肚、豬脷、豬肉丸、豬粉腸及豬肉片」標榜無味精既湯底好清甜！而豬腰最怕有（壓）味！！呢度既豬雜不單止無怪味仲好爽口美味！豬潤唔鞋口、粉腸夠棉、大大碗食完都幾飽！ 下次要黎食下出名既豬排撈麵先！

又係聴人講話好食，放假就去搵食先！鋪仔細細不過座位唔會逼夾，即刻叫個豬什先，可以改皮蛋芫荽湯😚份量好多味道唔錯，豬腰平時真係唔易食到好！佢都做得幾好有酒味！反而出名嘅豬扒就唔覺有幾好食

行開旺角，咁啱到食晏時間，見到呢間店外面貼左咁多剪報，就入嚟試吓 豬雜唔係咁多地方有，有又未必做得好，見呢度主打係豬，就叫黎試吓 ...豬潤、豬腰、豬肺、豬脷、豬粉腸、豬肚、豬肉丸、肉片 - 正！清理得宜，又唔會冇晒味，有料 見好多枱都叫豬扒，下次都要試吓

今日突然想吃豬膶，搵旺角附近好吃豬膶店，蘋果推薦豬大王。到店要左一個淨豬膶，一份豬扒。豬膶老實講真是好一般，薄切，硬身，一d爽口都無，唯一好就是無落嫩肉粉或蘇打粉去醃。豬扒味道不錯，但是肉質偏硬，亦是沒有落嫩肉粉或其他另到肉質變嫩的化學調味料，比較健康。總的來說本店價錢適中，味道十分一般，勝在食物處理方面較為健康。服務方面尚算可以，上菜速度，落單對客人禮貌都OK。人少少，吃飯時間都比較靜。普普通通粉麵點，好多媒體都話好吃真是名過其實。

沒來這間堪稱豬之專門店的「豬大王」多時，這一天正好路過，便即興地入內吃碗「招牌豬潤米線」（$43）做午餐。說這間「豬大王」是豬之專門店並不為過，這間本店在屯門，以豬扒和雞翼打出名堂的小店，其「金牌八寶湯麵」（$72）集豬潤、豬腰、豬肺、豬脷、豬粉腸、豬肚、豬肉片和豬肉丸於一身，可讓客人一次過品嚐到豬肉和不同的豬內臟，絕對是愛吃豬和不怕吃內臟人士的恩物，不過這「金牌八寶湯麵」實在太大碗了，要不是很肚餓，我根本就吃不下。所以這一天，我還是吃「招牌豬潤米線」好了。這米線的湯是清甜的，米線本身也甚滑，主角的豬潤雖沒有深水埗的「漢發麵家」那麼大件厚切有咬口般好吃，卻比另一間同樣在深水埗，豬潤今不如昔的名店「維記咖啡粉麵」的為佳。一碗有五至六片嫩而不嚡，毫無異味的豬膶、數條西生菜、不少的蔥花和少許炸蒜、份量適中的幼滑米線與清甜和帶有一點豬潤味的湯，已可令我吃得飽足和滿足。一碗「招牌豬潤米線」，配以一杯清涼怡神的「凍檸茶」（跟餐凍飲+ $9），都算是一個挺不錯的午餐。這裡的湯底只要另加 $15便可以有皮蛋與芫茜，下次幫襯，我想我會試試呢！

幾好😊。我地揀左一個金牌八寶湯麵 同埋 👑皇牌豬扒湯麵8️⃣寶入面有豬潤、肺、腰、脷、粉腸等等，豬雜的確比較少食到同見到呢間專門店夠專業，乾乾淨淨，唔會要食客又要食又要慌😂首先無奇怪味道同顏色或者腥臭味，都係人地帶路先知道，值得試下👍豬扒都大塊，又唔會好重油味，一定唔係一次過整十塊嘅求其野😌仲有其他組合，有興趣可以試下，整體唔錯，師傅的確好有心機出錢又出力🤩 香港人精神

👨🏽有日神神秘秘咁話帶中島食好野就睇下佢帶路食咩先—————————————————————原來係去黑布街食豬扒😂👨🏽話食過好好食所以帶中島過嚟最後中島揀左豬膶湯米線初頭都好驚啲豬膶會好粉中島最唔鍾意食粉膶點知擔心多餘左因為係爽脆無筋架 超正下次再去可以試下個撈麵😋豬扒都好值得推介新鮮熱辣炸起仲係熱辣辣好juicy😋—————————————————————🐽 豬扒麵 $46🐽 豬膶麵 $42

讚1.環境係旺角黎講算幾企理2.豬膶幾好，新鮮既，厚度都好，質感係幾滑既，湯底雖然有啲濁，但相當鮮甜；雞翼既外皮炸得好，香脆唔硬身，肉都入味，做得簡單但水準真係維持得好好3.服務好，雖然得一個姐仔，但好快咁理人同上野食彈無

終於可以一試朋友極力推嘅豬扒，味道果然非常出色！豬扒調味啱啱好，肉質鬆軟，啱啱炸起熱辣辣，一舊接一舊食唔停！豬膶米湯底帶豬骨味，豬潤份量唔太多但夠厚身又爽口！ 米粉就爭啲啲，質地有啲過林，下次會試吓其他面底！

朋友愛吃豬雜，竟被他發現了這家專吃豶的食店，他就高高興興地叫我陪他來吃豬雜。朋友點了八寶麵，八寶就是豬潤、豬腰、豬肺、豬脷、豬粉腸、豬肚、豬肉丸和豬肉片，真的集齊各項豬內臟。這麵湯頭不錯，各款豬食材新鮮味美，麵條質感也不錯，朋友大快朵頤。我點了豬脷撈粗麵，可能因為沒湯相伴，覺得豬脷味道較清淡，粗麵也煮得過軟，看來湯麵較好吃。另外我們也點了灼菜心，好吃，不過以$20來說份量較少。這店環境也不錯，服務也可以，朋友說定會再回頭。