貴香園

Open Now

Now Closed

This restaurant is famous for its sweet potato noodles, especially No.2!!It's just good that I've once had lunch in this restaurant for five days in a row LOLSo glad I could dine in this restaurant againOrdered a satay soup rice vermicelliThe satay soup is thick, flavorful and addictiveYet, its noodles has been overcooked and way too softFor those who couldn't eat spicy stuff, this one would be a good choiceAlways so crowded with students during peak hours, will be back again for No.2 noodles on

放學同同學去食宵夜，好熱鬧，我地一行6人，等了大概10分鐘才有位。但店員呀姨十分幫忙，主動幫我們點菜及安排座位。叫了沙嗲湯，很香又不會辣，再點了花枝捧和雞翼，好好味。

因為要行花墟年宵，所以我同另一半近近地去呢度食個晏。嗰日都一點幾先入去，遲少少都要等位。其實呢間都食過好多次，最好味係麻辣牛柏葉，今次都有叫。呢碟牛柏葉唔係好似其他四川菜餐廳做涼拌，而係熱嘅。啲牛柏葉唔細塊，每舊都好爽口。啲麻辣汁好惹味，辣多過麻。我同另一半都叫四川酸辣薯粉，我哋都有叫豬頸肉，印象中豬扒都係好食嘅。但佢嘅四川酸辣，酸味辣味係有少少嘅，不過佢成個湯底好甜呀其實佢啲豬頸肉都係，炸得幾好，但醃料都偏甜，另一半一向嗌開麻辣，佢覺得唔好味，以後都係唔叫酸辣。

次次去親旺角行街一定會食貴香園既米線，佢係我食過咁多間米線最好食既一間，湯底濃厚不在話下，真係連湯都可以飲埋，每次都會叫佢地既小鍋米線，配料會有葱，韭菜，酸菜，肉碎，芫荽等等，而我每次必點豬潤，份量好多，而家好軟滑，一啲都唔會老身，其次係雞絲，帶有麻油味又唔鞋，仲有就係腸仔，兩條打孖上，一啲都唔吝嗇，其他湯底未試過，剩係小鍋米線每次食都唔會厭，惟一就係坐得有啲迫，午飯時間可能要等等，上菜速度都叫快既，經開旺角不妨一試

一直認為佢地嘅酸麻辣紅薯粉好正😌相隔成年再去試，叫左豬潤同山根🙂豬潤依然軟滑但無左以前入味的感覺😩但是山根超吸湯，湯是十分濃厚的🤤雖然味精係不在話下嘅但實在太惹味😛可惜闊別呢段時間，唔知係換左紅薯粉牌子定煮耐左🤔⋯薯粉完全無左口感😩😩明明以前是煙靭有咬頭的⋯好味指數😋：7/10翻啅指數🙆🏻：7.5/10人均消費💰：10-99服務態度👨🏼‍🍳：6.5/10 乾淨指數🌝：6.5/10

尋日下午茶時段一個人入左去食叫左碗牛栢葉豆卜熱伴薯粉配豆漿仲叫左碟青瓜, 下午茶時段做特價, $10一碟 5點9落單,等到6點1都未有得食,遲過我嗌既兩枱客都已經食緊 (但佢地全部都係湯米線/湯薯粉),可能個姐姐見我都好疑惑, 佢行埋黎同我講: 就快有啦 唔駛心急errrr 真係唔知比咩反應佢好 最後碗薯粉6點09分到食左半碗 碟青瓜都未黎今次真係問姐姐啦佢無行埋黎, 直接係收銀位到大聲講:知道 爭你條青瓜 而家做咩叫而家做啊 我明明5點9就嗌真係唔明佢地咩玩法 最後成碗薯粉清哂碟青瓜先上枱

一直都愛食雲南米線，食黎食去都係米線，但黎到太子除左大連鎖店之外，其實呢間都好好味，又唔肥膩，大大個夠飽肚😌下午茶2:30開始，送豆漿或者加錢轉茶餐廳飲品，仲可以加$10小食。我緊係揀熱氣到爆瘡的雞翼，好邪惡！小鍋米線足料，配菜都唔小，唔會好似出面車仔麵果種hea走你❤️我自己本身都接受到淋豬皮，咁先索曬啲味咖嘛👍🏼如果你要食爽既，提提你，咁就唔好係呢間叫啦！另外腩肉係我朋友必叫既，但我覺得另外有一間醃得好味啲啦🙊

個人平時食米線只會叫麻辣好少會食酸辣今次試呢間平民米線無其他連鎖咁出名但味道絕對唔輸蝕最重要有豬肚豬耳呢d餸可以叫麻辣湯底真係會食到個口麻左但係個湯底好正 濃得黎唔係得個鹹字

行完街見到呢間嘢好多人入嚟試下啦麻辣米線好正呀 辣度適中 牛丸又好味 雞絲 又好味 再加多杯少冰嘅凍檸茶 正 下次嚟一定要試下嗰個炸腐皮角 同埋香蒜小青瓜 不過佢哋嘅花芝棒就麻麻哋另外仲有春卷都可以

突然想食酸辣薯粉，咁啱經過見到呢間，即刻入去坐低先menu我叫左肥牛響鈴酸麻辣紅薯粉（小辣）唔係好食得辣既我都覺得小辣唔夠辣另一碗係豬大腸牛肚絲麻辣米線（中辣）中辣就好好多

吖姐服務好差！未食已經被激飽！我一坐下即刻舉手叫嘢食！我叫咗麻辣湯底小辣米缐！雲吞、大腸！過了一會兒吖姐一會兒我見到吖姐把點才單放下！奇怪的是我見到張點菜單上寫中午肉、腩肉， 麻辣湯底中辣米缐！我以為吖姐放錯枱就無多理會！結果碗米放落枱、我見到腩肉、午餐肉！我立刻叫住吖姐說碗米線不是我的！跟住吖姐問我叫咗乜嘢！我重複一次我叫嘅嘢！個吖好大聲問我:''係咪麻辣湯底？''！我回答係！跟著佢走去電脑前㩒完一陣！之前拎走擺係前果碗米線！走到廚房前面大聲喊！整一份大腸同一份雲吞比我！此時我聽到即刻提醒提醒吖姐！啱啱錯果碗米線係中辣！唔好淨係同我換過D餸就算！因為我食唔到中辣!點知個吖姐死都不肯承認自己錯！仲要大大聲聲堅持說啱啱果碗米線係小辣！仲惡人先告狀問我到底食唔食？我此刻真的頂不順呢個吖姐！講真入得來食嘢緊係想幫襯喇！不過真的被呢個吖姐激飽了！最後沒有緊係食到無理由要迫一個食不到中辣的人去食中辣！太過分了！簡直趕客走！

之前朋友話要帶我去吃好東西,原來係貴香園!雖然之前已經食過但美食唔怕食多幾次!呢個係餐牌!咪睇個碗細細地,其實都幾多麵!響鈴好正好好食!吸哂D湯汁超級正!!D小食全部都好好食!仲有好多樣想試!好鍾意個湯!真係好好味!

1）麻辣米線，大麻辣，加雲吞2）沙嗲米線，加豆卜，牛丸下午茶優惠：·每惠顧一碗薯粉或米線，送豆漿一杯·仲有優惠價小食（6款），$10/2隻雞翼，香草或麻辣揀咗香草Total：$82我形容呢條街係太子麻辣麵街（短短1條街有成5、6間麻辣麵店）食過成條街嘅麻辣米線，呢間最合我口味，個湯底係豐富層次的有肉碎、韮菜、芽菜、腐皮等等（湯底配料視乎湯底），唔會淨係齋辣我真係好鍾意食麻辣，不過近排睇緊中醫，要我少食啲辣，所以無以前食咁多（早排一星期都食1－2次）講返個麵先，麻辣米線，我真係好鍾意個湯底，我可以淨係食淨米線，一啖米線一羮湯真係好正沙嗲米線係唔辣嘅，其實佢係唔食辣的，但要陪我食*^O^*除咗清湯，仲有呢個沙嗲湯係唔辣的湯底甜甜香香的，豆卜吸哂湯汁，正呀~雞翼係食得出即叫即做的香脆外皮，肉嫩juciy鍾意雞翼者必試但味邊係好香濃的，如果唔鍾意濃味嘅話要考慮一下至於豆漿方面，其實我鍾意食辣麵嘅程度已經係唔想飲嘢，唔係我唔怕辣，係唔想飲品冲淡咗我口入面嘅辣味我第一次嚟食呢間，係食無湯嘅撈薯粉，都幾好味架，鍾意食撈薯粉都可以試吓

為食貓一向食開譚仔，今日路經此店決定一試，貓叫了豬潤冬菇小鍋酸辣米線，友人叫了豬大腸腐皮豬潤小鍋酸辣米線，另加三隻麻辣雞翼。叫餐後，等待時間約15分鐘，食物及飲品先上枱，一貫港豬心態，覺得等咁耐睇你🈶️幾掂！話口未完飲品先到！值得一👍！凍🍋死小冰真係有小冰！依家d食肆冇乜邊間會回應訴求！ 至於小食，麻辣雞翼，入口酥脆，食得出炸醬有別於一般炸雞翼，炸醬帶有粟米味，口感特別，但味道一般。米線湯底香濃，米線有點過淋，冬菇很有驚喜，不是罐頭或鮮冬菇，很有誠意！整體來說不錯，會再幫襯！

去到西洋菜街，唔知食咩好🤔又唔想食咁多，諗住食清清地，見到幾間米線，就搵間多人嘅入去🚶🏻🚶🏻🚶🏻，入到去阿姐安排坐位，坐位迫迫地，不過都唔理了，睇吓有咩食🍜🍜🍜，米線紅薯粉湯底都有得揀，配料都好多款😋😋😋最後我揀咗食豬頸肉豬皮米線，配沙嗲湯底，沙嗲香濃，唔辣略帶甜😋😋；豬頸肉表面香脆，爽口👍🏼👍🏼👍🏼；豬皮大塊彈牙，難怪咁多人幫襯，以後就以呢個指標就無死😂😂😂