貴香園

Open Now

Now Closed

食物一般，要熱飲，比凍飲，dirty 餐具，態品極差，粗聲粗氣，特別係果位拃馬尾亞姐……大聲+冇禮，隔離枱嚟錯野重大大聲講"益咗你啦！有雜丸食！"想體驗這待遇的巴打就請來啦！我就一定冇下次！

因為工作關係，係太子都食過好多唔同既餐廳，係油尖旺區食米線既話，貴香園會係簂既首選！貴香園地方唔係大，坐得都比較迫，但沙嗲米線真係好正😋呢幾年都去食過好多次，沙嗲湯底依然保持水準，雖然有時淡左少少，但都係咁好食。有時連個湯都飲哂😂以一個男性既食量，3餸都唔係咁足夠，而且一個餸都唔係平，夾夾埋埋都要成$50埋單。而麻辣酸辣湯底就未試過，因為唔好辣。係旺角有另一間家庭舖但係就唔同名，比較起上黎都係太子貴香園好食！

有怨冇路訴。明明嗌咗3樣餸，加埋外賣盒都嗌左45蚊，但竟然少咗樣，返到屋企先發現。返去又唔係，真係唔好彩😟21分入單，48分先拎到😭番屋企3分鐘，但唔知點解啲米線「霖」到一夾就斷。唉

第一次寫食評就俾左呢間垃圾好耐冇食，真係差左好多好多- 位窄：明既，鋪租貴- 等左半個鐘碗麵未黎- 未黎咪取消囉，俾阿姐鬧一大餐- 食完叫阿姐收野，阿姐企係隔離望住你搵錢但唔汁野- 明知張台窄，見到冇客跌左錢係咪應該要幫下手，你叫其他人讓下或者扮下做緊其他野，係要企係隔離望住乜都唔做- 成間鋪d阿姐一句唔該都冇總評：差差差差差Black list!

心情不佳，男友陪吃了1整日甜品！感覺他已溜得呆滯！於是晚餐便決定帶他吃喜愛的咸食！剛到步已有位了，我不太好湯，主打熱拌紅薯粉（包炸醬，花生，酸菜，莞茜等），男友點的是麻辣湯紅薯粉（包酸菜，小辣，蔥，莞茜等），由於我不愛辣，但大家又想share加料！於是便將所有加料都點在我那碗（豬潤，豬腸及紫菜），食物一上台我已急不及待分了熱拌跟的炸醬，加料的豬潤及紫菜給他！1入口已有辣感，完全低估了這裡的炸醬，下次一定要全走炸醬先得！薯粉煮得過林，令原先應有的彈牙感也埋沒了，有點失色！加料份量不小，豬腸最怕就是有陣'豬蘇'味，但這裡洗得乾淨，而且煮得入味，香味援援溢出，很出色豬潤薄切粉口，紫菜入味正常，與薯粉是絕配呢！

又凍返 食咩好🤔 不妨食返碗酸辣米線暖下胃🖖🏼貴香園果然有一手👅-腩肉豆卜雲南酸辣小鍋米線  ($38)腩肉份量好多 食極都仲有 而且食落唔柴口～米線煮得啱啱好 啊姐我唔太喜歡食太淋嘅米線 呢到米線食落軟硬適中 仲好滑口👅而且呢到湯底好濃郁 酸辣度調得不偏不倚 唔會俾其中一樣搶咗focus👍🏼 湯底仲有肉碎 盡吸湯底酸辣精華💓叫豆卜的意義就喺要嗦哂啲湯嚟食💓 呢到仲要唔留手 唔喺三兩粒😂 我起碼食咗5粒 好滿足❤-

「貴香圓」係我2nd choice 嘅米線餐廳～ 主要係佢地對煮米線嘅一份執著！用嘅係紅米線，特別軟滑唔粉質口感！除左材料店鋪選好嘅，佢地煮都一樣用心！即叫即煮！「「「講緊係你點乜湯底同餸即時連湯即煮！」」」單係依一點已經要俾高分！甘做真真正正令米線同餸熟度岩岩好而且超入味< 重要所以要特別注明！！！！你地知嗎？出面d預先煮熟好餸同米線放涼一邊，有人落單就拖下熱水就送落個湯底度《 你聽到都覺冇誠意啦！佢地嘅湯底都好多選擇嫁！款款都好好味絕對唔係味精味！QT最愛係雲南小鍋酸辣湯底！但我都超級推介大家要試佢地嘅沙爹湯底！配米線米粉紅薯粉都好正！我都想講佢地嘅紅薯粉都超Q軟又滑嫁😍餸方面大概都係個類，但個人覺得豬潤！豆卜！魚腐！魚皮餃必點！ 小食就必食「單山雞翼」超脆脆又入味😋 成日食三哥，星林有冇覺悶先？試下依間啦！QT誠意推介🙌🏼 包大家話正！但QT提提大家由於佢地好執著即叫即煮，都比較用時間，等食要d時間 ～ 爆場時更加可能要等30分鐘以上😅所以趕時間者就唔好考慮喇，等想品味人生享受食物個時先去啦～ 費時d人自己趕又話餐廳出菜慢走去同餐廳口角，食完又食得唔開心啦～ 甘趕就去食快

間唔中經過都會嚟食下個人偏好雲南小鍋酸辣米線，今日揀咗小辣，之前試過中辣，中辣正d不過頗為辣餸料揀雞絲、木耳料、牛肚絲（較少見米線舖有豬肚絲供應）！配料頗多，炸醬、韮菜、芽菜、腐竹、芫茜、酸菜，個湯底杰杰地，好濃炸醬味，唔多酸，小許辣米線正常，豬肚絲頗多同湯底好夾，雞絲唔算好絲，狀似雞肉多D，質感唔算膠，可以接受！碗米線整體ok, 唔貴，料都多，略太濃味

麻辣雞翼-個漿實在太大！！入邊啲肉有啲鞋~外面好多味粉~但係入邊係冇乜味道！成個雞翼就好似食緊炸漿 -Rating: 2/5麻辣豬大腸- 呢個整得好入味!!豬大腸好林~下面墊住嘅芽菜都好惹味~嗰個汁味道好似平時口水雞嘅味道~ Rating: 4/5腐皮紅薯粉(中辣，酸辣）-呢度唔係用扭紋紅薯粉而係用圓形嘅紅薯粉！食落去幾滑溜~唔係太過煙un湯底其實唔算好辣，好鍾意佢有好多配菜eg芽菜 - Rating 3/5

落大大大大雨，有傘都冇用～最好都係搵個地方落腳，食下野～希望出番去細雨d啦～唔駛問，我又係去尋辣吧！今次要試嘅係貴香園～18:30去到，好早，早到未係有太多食客～室內十分光猛，環境普普通通～Manu嘅選擇唔少，有個沙嗲湯底米線好似幾特別，不過麻辣先係我至愛～一如以往唔加餸，專注湯底同配菜，今次叫左大辣～湯底不算油膩！免費配菜份量比較少，至於湯底，個人認為唔夠香濃，唔有淡淡的麻味，唔夠刺激我味蕾～米缐林度適中～今次好醒！叫左少米缐～所以可以清光光，惜食咪做大嘥鬼！Yeah!叫左支豆漿（連麪叫）+$7！睇真d，係香港製造唔係大陸野黎！豆味幾香，甜度適中～如果濃郁度能提升更好～埋單$32，麪食完飲埋豆漿飽到呢⋯出番去，係細雨左wor～

如果依間鋪頭食物有4粒星(5星滿分)，環境同服務最多只有2星~先說食物，有8款米線/湯底讓人選擇，配料亦有40多種，相信可滿足大部分客人口味~叫了個2號酸麻辣紅薯粉，配料要豬頸肉同炸魚片~湯底酸辣平衡，不會過酸/辣，配送的炸醬分量足~ 紅薯粉煮得恰到好處，彈力十足~ 豬頸肉同炸魚片則大路貨色，不好亦不壞~ 整體食物味道不俗~遺憾環境同服務可用劣來形容，座位之間十分峽窄，我會理解不是去高級餐廳食野，但短短食個麵的時間俾待應阿姐撞到幾次感覺真的不好受~而且漏單送錯野時有發生，見到不少客人追問食物/飲品情況，這點希望多加改善

原本想吃連鎖米線的我今天因為這裡的撈米線而來了。結果大為失望。上桌時這個涼拌米線有點出煙，幸好米線是涼的，但餸是熱的米線偏稔，汁也超級咸，吃不到底餸是正正常常的，但其他都是敗筆。總之別貪新鮮啦

個人推介指數分 5 (10分為滿分) – 食物味道倘可, 但人手但嚴重不太足夠, 清潔枱面和上菜時間議要客人等待很久, 趕時間的朋友或許會火滾. 天氣直逼38度, 人在旺角簡直是火燒心, 本來和太太想去食蛋包咖哩飯, 但實在太熱了,完全沒有胃口, 於是 太太提議吃酸辣米線開開胃. 走了兩個街口, 真的忍受不了, 眼前剛好有間米線店, 我們便二話不說衝入 去. 坐位倘萛舒適, 可是滿枱上手留下的碗碟遲遲未有人執拾. 店子只有兩名服務員, 我也明白要兩人服侍當前二十數人是有點吃力, 不過理解還理解, 三吹四請下才有人拾枱, 客人首先的觀感也不太好. 食物價錢也是合理, 像車仔面一樣, 點弓湯底後, 每款食物一樣一樣樣加上去. 湯底上我今天選了涼伴木耳類, 希望能解解温, 太太就點了豬頸肉酸辣紅薯粉.涼伴木耳米線一心以為了涼浸浸, 結果上菜時米線是熱到出煙, 你可以說MENU寫着沒湯就是涼伴, 那為什麼會有個熱伴紅薯粉呢. 放涼了五分鐘我才去食, 因為我實在不想吃太熱的面條. 味道方面, 木耳炸菜加肉碎混在一起是很好的配答, 非常野味, 是今晚唯一的亮點. 豬頸肉酸辣紅薯粉豬頸肉醃得很入味,

去開始創中心拎野，經過見到間食薯粉，就入去試下啦。入到去冇咩人，可能因為下午茶時間啦。叫左個熱拌紅薯粉($24)配腐竹(+$5)雞翼(+$7)走花生，飲凍檸賓(+$6)等左幾分鐘就整好左我個餐，撈埋所有野先。腐竹夠滑，但冇咩味，要撈勻d汁再食。雞翼入味，但係有小小硬，不過都ok嘅，如果可以大隻d仲好。薯粉係普通個隻，如果有寬身個隻就好喇，我覺得烚得軟硬岩岩好，又滑又彈牙，撈埋個汁同小小配菜幾好食。杯凍檸賓超甜-0-，舊檸檬吉到爛晒都係甜到頂唔順，最後冇飲晒埋單42蚊，係杯凍檸賓唔係好值。

雲南食品，選左1號餐($25)，加魚皮餃同午餐肉($7+$7)！可選擇唔同辣度，個人唔太食點辣，所以就簡左小辣，唔算等得耐，好快就有得食，紅薯粉煮得合度好處，好有口感，凐凐銀銀，不過來個陣時太熱，要慢慢食，小辣真係做到小辣，都要讚！午餐肉唔係煎，反以用油炸，所以較乾身，失去午餐肉應有既獨特味道。魚皮餃唔腥，表皮唔會梅同粉，味道不錯湯底反以唔夠酸，如再酸d，效果更佳！