賀苗記包點

Open Now

Now Closed

每次經過元朗大馬路ICAC, 都會去幫襯賀苗記， 買煎餃同生煎包。剛剛煎好的 煎餃， 皮底煎到脆卜卜， 肉汁必曬出嚟， 點豆瓣醬簡直好食到不得了生煎包大大個，肉汁很豐富， 如果啱啱煎好的話， 熱辣辣 ， 根據流曬口水🤤

元朗有一小鮮肉，往往令我不能抗拒！我會形容「賀苗記」是一個製作鍋貼、生煎飽和花卷的小廚房，皆因小小的店只能容下爐具和幹麵的空間，沒有給予堂食的餘地！而且店內只有一個圓鍋，每次均是在街頭角落等候出爐。先付錢，姐姐會告訴您大概出爐時間，到時到候出現就是不會錯過最佳品嚐的要訣。店內一盤盤包好的生煎包！名符其實的生煎出爐了，師傅和姐姐忙於分發予預訂的客人，然後再趕下輪上鍋！每次經過，只要肚子還有空間，便會來幾隻我最愛鍋貼，光是脹卜卜的賣相已受不了！皮薄餡靚、帶有菜碎和薑香的肉餡鮮香鬆軟。底部煎得脆香，每隻小小的鍋貼口感層次也十分豐富！難度的考驗是要趁熱呼呼的狀態用竹籤進食！一下不小心，皮肉分離，餡內豐美的肉汁全都流出來了，可見肉汁非常的澎湃！生煎包同樣擁有焦香的包底，包的鬆軟質感是我最欣賞的，對比不少名店的出品更有過之而無不及的水準！肉餡的湯汁不豐，富有淡淡的酒香，跟鍋貼的味道不太一樣！原來一直貼有教人翻熱的方法，不過對我來說，「賀苗記」的小鮮肉是不宜外帶，宜享受即叫即食的口樂！

睇住鋪頭開咗咁耐，一直行過都冇試過。今日終於試咗第一次喇！其實成日都見到師傅默默做包點，都覺得好有心機。似係家庭小生意。都好值得支持。今日買外賣返屋企食。店長好細心，係門口有寫左教你點樣返熱啲包點。加少少水煎返熱，好似出爐一樣咁好味。個包會腫返同埋個底仍然脆！一滴油都唔使落。買咗三個鍋貼同埋兩個生煎包，總共$25。兩個嘅餡料都完全唔油膩，亦唔會太咸。鍋貼每一個都有湯，皮夠薄，但係都唔會好容易爛。生煎包就冇乜湯，但係都好食。而家好少地方嘅生煎包會煎到脆口呢。

一早已經好想試呢間包點店嘅鍋貼同埋生煎包，因為成日都見到佢大排長龍～生煎包嘅外層煎得好香脆，咬落去仲有啲肉汁 ‘咇’出來😋內層的豬肉餡料又香又滑，非常值得一試👍🏻

之前想吃賀苗記包點的生煎包，但我不太知曉它的位置，直到數天前與閨蜜去牛more石燒專門店吃石燒牛，無意中經過發現賀苗記，我終於可以嚐到元朗街坊口耳相傳的美味生煎包，心情雀躍。生煎包和鍋貼全是店主親自包製及熱煎，故非常新鮮，而且生煎包只賣22元四個，蠻便宜的。生煎包超飽滿，包皮鬆軟，包底香脆，咬第一口時請注意，先咬一小口，嚐嚐肉餡的湯汁，肉餡十分鮮嫩扎實，肉味濃厚，吃完一個絕對會意猶未盡想再來一個。

位於元朗福星樓下面的小食店，在元朗這種買鍋貼和生煎包的店舖不算十分多，因為店舖面積不大所以只供外賣，在玻璃窗內可以看見店舖人員人手製作的包點，當晚叫了三個鍋貼和四個生煎包，生煎包和鍋貼底部煎得十分香膽，肉汁豐富！繼續支持小店

呢間賀苗記剛開業不久，已開始出現人龍，我當然要去試試佢係咪真係咁好食先！舖頭其實成間都係廚房，無得堂食，只可外賣，或者可以坐喺門外既枱仔食。隔住玻璃窗可以見到師傅好努力地包鍋貼、菜肉飽等，日日新鮮包製！全部野都係新鮮即做！佢只係賣4樣野，生煎包、蔥花卷、鍋貼同菜肉包。價錢非常親民！除左價錢，當然味道都係非常重要！因為係即蒸/煎，所以預唔啱出爐時間的話，可能要等三、四個字，我試左鍋貼同生煎包🔸手工鍋貼 ($12/3隻)啱啱出爐既鍋貼熱辣辣，真係好好食！煎得個皮脆，入面又有肉汁，雖然未至於多到啲汁爆哂出黎，但都好濕潤，好好食！🔸手工生煎包 ($22/4隻，$6/1隻)生煎包都幾大隻，煎到個底脆脆地，肉汁無鍋貼咁多，但都好食！Overall 黎講，呢個價錢有呢個質素，真係性價比好高！推薦！