贊和豆品

Open Now

Now Closed

學福頭老師話齋：夏日熱辣辣好熱好熱！！！😂最啱食碗涼涼地嘅豆腐花解暑👻呢間小店最平嘅豆腐花一碗只售3蚊，而且味香、口感滑溜唔散嘅豆腐花😱😱（要埋外賣兜都只係4蚊）仲要凍、熱兩食任揀，重抵過去附近玩鋪夾公仔三個字：平靚正！🤪

贊和豆品荃灣荃興徑6號昌泰大廈地下5A舖今日黎到荃灣做嘢，收工之後食埋嘢食返。黎到荃灣揾嘢食的重地，原來豆花大戰的價錢已經有5蚊打到3蚊，真係好耐無黎荃灣啦😅3蚊食豆腐花係咪概念? 會買到啲乜嘢食落肚? 仲要雙併都係3蚊…2間豆腐花都係同價錢，咁買間當時多少少人排隊架啦，羊群心理丫嘛，我是傻傻的羊~~天時暑熱，食豆腐花真係好大勇氣，所以叫左碗凍的桂花糖豆腐花($3)，豆腐花連碗喺雪櫃拎出黎，桂花糖係自己架咁解😅至於豆腐花的口感，質地，味道，因為呢個比加凍飲多少少的價錢，本身唔會有好多期望。所以唔難食已經係好驚喜，咁本身豆腐花質地比較實淨，可能係凍食的關係，豆味都對得住呢個價錢，路過可以食下，桂花糖反而幾開心，桂花味都好重，唔算太甜。不過個碗邊有少少上一手留低的跡😅 麻煩洗乾淨啲個碗先…

荃灣路德圍出名野食多選擇多而平價豆腐花亦都非常出名兩家豆腐花店雙連左右，衍生出鬥平爭生意得益就係我哋呢啲消費者👍👍由於係第一次黎都唔知邊間好食所以決定食多人排果間其實已經食得好飽見甘平，所以都決定外賣一碗番家食🤤🤤企係度即場食$3外賣+$1，即是4蚊其實4蚊都好平下平時街市都要最少8，9蚊喇食落都唔差，非常滑身豆味淡淡仲有薑汁， 桂花汁簡配糖水都一樣價絕對對得呢個價錢🤭🤭🤭下次要食埋隔離果間比較下先得

話說真係好少去荃灣嗰頭，之前一路見到IG瘋狂洗版，個個都特登去荃灣食$3豆腐花，難得去到荃灣冇你又唔試吓荃灣名物假咖去到荃興徑發現原來有兩間相連嘅鋪頭都賣緊$3豆腐花，口味其實都差唔多諗咗好耐終於揀咗讚和豆品，其實都係求其揀，諗唔到咩分別<桂花冰糖豆腐花$3>桂花冰糖豆腐花，豆腐花冇咩豆味，桂花冰糖有少少甜啦，其實都係冇咩味，建議落多啲黃糖，不過見佢$3就算啦<香草綠豆沙$12>另外叫咗個香草綠豆沙，唔係$3系列，不過$12都算抵但係呢個綠豆沙真係唔好食囉，冇咩味得來又要杰撻撻，真係麻麻地

新年假期長.都唔知做咩好.唔敢去人多地方.唯有去行下山.今次同朋友決定去城門水塘郊野一下.順便係荃灣食下好野🥳一落車轉入內街.嘩 .甘多人排隊.原來係💰3蚊豆腐花.勁多口味.紅豆沙豆腐花.薑味.桂花味都有.甘梗係要食😋🥣薏米白果豆腐花 💰3 （⭐️推薦）料好足.3蚊做到呢個效果.真心想問老闆賺d咩🥺🥺食完薏米白果.可以倒桂花冰糖水.嘩.3蚊做到二碗豆腐花口感.老闆🥺你人太好了.🥣紅豆豆腐花 💰3同樣勁多料.🥺老闆.有賺嗎？總結：經過一定要食.🥳呢個價值.唔食會對唔住自己😋

黎到荃灣，一定要食碗馳名中外既豆腐花!贊和豆品及亞玉豆腐花相繼推出平價豆腐花，只需$3，就可以食到大大碗豆腐花今晚，因為贊和豆品特別多人排隊，所以我就選左贊和豆品。排我後面既，係一對日本年輕情侶，相信他們是在網上看到宣傳而慕名而來。排了大約半小時，終於可以下單。可以選擇豆腐併薑汁、紅豆沙或黑芝麻等。另外，亦可選熱或凍，因為要拎住碗企係到食，考慮到食熱的話可能會燙到手，所以叫了凍的。不消一分鐘，香滑豆腐花配上香甜濃郁黑芝麻就放在桌上。用公雞碗盛住，很有懷舊的感覺。那些外國旅客一定會覺得很有香港風味。重點是沒有座位，只能站著食，更有風味。桌上有不同糖，如紅糖、蜜糖，免費供顧客添加。因為併了黑芝蔴糊，所以不用另外加糖。我和朋友急不及待品嘗，豆腐花由舌尖滑到喉嚨，再進入我倆的食道。食完感到皮膚又白又滑。朋友忍不住，再排隊多叫了一碗。食完把碗放在桶內便行。

三元一碗仲要係雙併豆腐花，走遍全港九新界應該只此一家，朋友是荃灣區之友、 今日作响導帶領我們一眾友人遊覧荃灣區特色美食，心情特別興奮。行近一間豆腐花店舖，己見人龍不絕，好彩不會排太耐。其實隔離舖都是三元一碗，聽講是競爭激烈，所以大家做到三元最抵價。受惠的是食客...呵呵！薏米併豆腐花，大大碗，豆腐花好滑溜，有豆香，薏米煮得濃稠有口感，兩者都是絕配。簡直大份夾抵食。食完豆腐花，跟著又去下一站的美食喔！

這家豆花店和旁邊的一家永遠排長龍！原因是兩家競爭十分激烈～排隊時間大約是10-15分鐘吧，但為了吃便宜又好吃的豆花也很值得我特別喜歡黑芝麻糊，口感滑，夠稠結。有濃郁黑芝麻味，略嫌有少許甜，但整體也很好吃。這個質素已遠超它的價錢水平，一碗才6元。另外豆花也很滑，有冷有熱選擇，旁邊更有自助區，給你自加黃糖或姜汁，多甜多濃味由自己調整。天冷時，吃一碗熱豆花，真的暖在心。大家也很自律，在旁吃完，會把碗收於桶內，很方便。下次才來會吃更多款式！

荃灣係一個天堂衣食住行一應俱全基本上講得出嘅連鎖店荃灣都一定有交通方便🤓兩個新界人九龍人約會嘅中間點所以小編久唔久就會嚟搵食而又每次都會去路德圍食小食😛唔知大家對兩間鬥到難分難解嘅豆花舖有無印象呢？🤣兩間條排隊龍其實就差唔多🧐亞玉同贊和兩間鬥平絕對係食客福音亞玉當日仲做緊$1碗芝麻糊豆腐花優惠添😆亞玉芝麻糊質素不嬲有保證 荃灣店紅磡店元朗店都食過👍🏻所以呢 今次就想試下贊和芝麻糊($6)😎芝麻糊係係電飯煲裡面保溫舖頭係無座位 現場立食食落係有沙沙口感嘅生磨但香味同味道都唔算濃相比小編評論過嘅其他店舖係比較遜色不過性價比相當高！🤪六蚊碗呀係！正常糖水舖最少都要二十蚊左右啦！綜合所有考慮 如果旁邊唔係有間咁強又同樣抵食嘅競爭對手贊和係絕對食得過😀

來到荃灣飯後甜品，必去食豆腐花，每天都大排長龍，因為實在太抵了，只需要$3！隨了豆腐花出名，又滑又香，還有其他中式糖水，例如：紅豆沙，綠豆沙，芝麻糊，白果腐竹糖水，渣渣，黑糯米…等等，每款都好抵食，而且價錢合理 ，今日我們叫了一碗豆腐花，一碗芝麻糊。程序：排隊 》叫野食 〉加自己喜愛的調味料 （糖水 / 桂花糖水 / 薑汁 / 糖粉）》享受美食 〉放回膠桶上溫馨提示： 可以揀2溝 。沒有堂食，只有在街食但並沒有問題，好多人一齊食

原味豆腐花、黑芝麻豆腐花、紅豆綠豆豆腐花、薏米豆腐花等等全部都係3蚊炸😱所以長期排長籠，風雨不改😎唔好以為平野無好野，老字號豆腐花豆味濃又勁滑，真係好抵食，次次經過都忍唔住食一碗🤪

荃灣路德圍兩間豆腐花店 真是益街坊，$3 一碗 豆腐花 或 雙拼可加紅豆沙、綠豆沙、芝麻糊 等等。前些時候吃了另一家的，今日試下贊和豆品的出品。叫了一碗 雙拼 豆腐花加紅豆沙，接到手聞到陳皮的味道，但這個豆腐花有太多水，好似水汪汪的，所以鎖不住糖水的味道，食到最後還有好多水留下。

見到見我最鐘意食既豆腐花, 我又餓了, 黑芝麻豆花我黎啦！【雙拼豆腐($3)】咁抵食既雙拼豆腐花去邊樹搵？要食一定要選呢間良心小店, 心念荃灣真係美食天堂, 講真既我無吹水, 而係好少食到呢個價錢嘅豆腐花, 重要豆腐花好滑、豆味重、芝麻味好香好滑、我排左隊都唔洗幾分鐘就排到啦, 唔算等好耐, 鐘意食豆腐花既您一定要黎呢間！無得輸！

呢兩間豆腐花店真係鬥到死，但係最大得益者，都係我哋😎我個人中意食贊和多過隔離個間，用紅豆豆腐花去做對比，呢間啲紅豆仲係一粒粒的，比較有口感，而且唔算太甜，配豆腐花啱啱好最重要嘅係，贊和可以免費任加桂花冰糖同埋姜汁，咁樣黎個3拼都係$3炸！

每次到荃灣都一定要吃的豆腐花雖然一定要排隊，但也不可以錯過$3 一碗 ,還是雙拼的有不同配料選，也是$3叫了一碗芝麻糊配豆腐花 另一碗叫了薏仁配豆腐花不要覺得便宜就沒什麼料吃一碗已經夠飽了芝麻糊很香 , 很滑而糖有桂花、薑和黃糖因應自己喜歡加配😄薏仁豆腐花裏面還有白果，真的蠻足料推薦這家芝麻糊😄