贊和豆品

Open Now

Now Closed

應該係全香港最平既豆腐花。$3 係香港應該唔會再買唔到d咩野食，但係呢度可以食到一碗雙併豆腐花。由之前既10蚊一碗食到而家只需要3蚊一碗既豆腐花~~感覺碗豆腐花比之前更加滑，但味道偏淡左，可能因為成本問題，又賣得噤平，之前食係有豆香味，而家已經無左lu~所以要加埋一隻糖水一齊食就最好喇~芝麻糊係我不二之選~芝麻糊嘅香濃，加上豆腐花既清~個味道就岩岩好喇！老實講，以噤既價錢有噤既質素同份量，真係好抵食！

今日好唔開心，我決定去食碗又平又有雙拼豆腐花，叫了一碗黑芝麻豆腐花，黑芝麻好香又滑，豆腐花真的好滑流，因為豆腐花本身冇味加入芝麻糊就不同感覺，食了心情也好了很多。其實還有很多選擇除了黑芝麻、意米白果、紅豆、綠豆、薑汁、花奶、桂花...等等。

荃灣路德圍一向都好多野食，見到街尾好多人排隊，原來有特價豆腐花，双併都係賣3蚊，真係好抵食呀！我叫咗黑芝麻糊溝豆腐花，d豆腐花好滑，芝麻糊好香，唔太甜，mix埋一齊好夾，下次再試吓第2款先！

由原價到10元……再到8元…………繼而到5元。當全世界也以為它和“旁“的同行大鬥法巳到尾數時。今天一見……只需3元！還可以選加一種味道！我選擇了意米 豆腐花。 意米好大粒，但味道有別正常的味道，但之後可以落其他味……我落了薑水+黃糖。豆腐花質感比之前滑了好多，不是死硬 ……用大量石膏粉所做成。 有微微豆香。份量比以前更多……現今比“旁”更大碗！！！！碗和匙也是十分清潔，全部反光冇污垢，環境在街站著食但冇任何臭味。以現今這個價錢有這水準！絕對有90分以上！

另一篇有提到，因為約咗朋友食飯未夠鐘，我同男朋友湊熱鬧排哂兩間$3豆腐花，比較下邊間更適合自己口味。$3一碗豆腐花仲可以揀配糖水，食兩碗都只係$6，係一個好好消磨時間嘅活動😂之前有睇過下佢哋兩間豆腐花嘅競爭新聞，詳細內容唔多清楚，邊個開鋪先，邊個挑戰邊個亦都唔太了解，有得食就得😂⭐️腐竹薏米豆腐花腐竹薏米有啲杰，味道唔錯，但係兩間舖比較之下，呢邊嘅豆腐花比較淡，冇咩豆味，食得落味道有啲寡，不過口感都係好順滑，而且同樣價錢呢邊嘅比較大碗。📝黃糖同糖漿都係自助。

🇭🇰#香港捐窿捐罅記食完三蚊果碗之後差少少啃死 但為左大家 唯有試埋隔離兩蚊果間 條隊都一樣咁長 排左十分鐘終於有得食 正所謂冇比較冇傷害 一食入口已經知道好過隔離果家 起碼唔鞋口 雖然豆味唔太重但起碼都有 骨就唔太骨 你當自己去左一間好普通既食店食豆腐花 就係果隻味 正正常常 我覺得最正果家都係亞婆豆腐花 不過喱家2蚊都值得一試既😌 太多人就咪排總結來說 正正常常 冇隊可去-🎈荃灣荃興徑6號昌泰大廈地下5A舖平均傷害：$2好味值：5/10...

24-2-2019 (Sun)晏晝,同老公喺來多碗食完晏後,因為口渴,就行嚟荃興徑搵嘢飲,幾乎間間都係賣珍珠奶茶同奶蓋,我拉老公嚟食碗豆腐花至再諗嚟到呢間同亞玉都有人龍,但呢間多啲.我哋排呢間,睇睇banner,豆腐花已經鬥到只賣$3.00,兩年幾前賣$5.00的(嗰個食評: https://www.openrice.com/zh/hongkong/review/%E8%A7%A3%E7%86%B1-e2699384),而且兩溝都一樣賣$3.00,咁我要熱綠豆豆花,老公要凍綠豆豆花,好快到我哋.熱嗰碗用碗口大嘅碗,凍就用細啲嘅.食吓先,豆花只有少少豆味,質地唔厚身,唔甜.臭草綠豆沙一樣唔甜,食到少少臭草味,我就加返蔗糖食.o衣o家睇返食評,原來我覺得亞玉好食啲(嗰個食評: https://www.openrice.com/zh/hongkong/review/%E9%AB%98%E4%B8%8B%E7%AB%8B%E8%A6%8B-e2899011)

一場黎到荃灣緊係要試豆花戰場 “贊和 vs 亞花”戰況已經發展到兩邊都賣 $3 平手喇結果：價錢 - 打和🆒🆗目測 ：👀路過2次，贊和都係長龍啲我前面約有20-25人，但都好快，排左約7分鐘有朋友傾下偈，笑兩笑，就排到喇😂🤣是日點餐：桂花糖豆花- 大碗過亞玉，幾大碗- 桂花糖好清香，夠甜- ok滑，以$3黎講， 物有所值😋番食指數：🌟🌟🌟🌟

荃灣路德圍已經成為荃灣覓食嘅好地方！呢度有不少老字號嘅食肆，仲有好多新來嘅過江龍。今日要為大家介紹嘅係贊和豆品，佢就係其中一間嘅老字號。其實我都有食過佢隔離嗰間，不過係比較下我都係鍾情於贊和今日食嘅係熱豆腐花拼紅豆沙，只需要$3 ，真係有食一次賺一次嘅感覺雖然係平，但絕對有品質嘅保證。熱辣辣大大碗嘅一碗，豆腐花夠滑拼埋紅豆沙就唔需要再落其他糖水。老實講$10 我都會食，希望佢同佢隔離間鋪頭只係良性競爭啦！

今日行過路德圍見到排曬長龍買贊和豆腐花， 我都排埋一份買咗一碗薏米白果拼豆腐花坐系度食~🤗🤗🤗好好味' 薏米白果濃軟綿綿 豆腐花滑食完買薏米白果拼豆花同芝麻糊拼豆花拎返屋企孝敬兩老🤗🤗

上年我已經聽到呢到啲豆腐花兩蚊或者三蚊一碗，好抵食㗎啦，咁啱嗰日我去荃灣食嘢咁個朋友就叫我去試下豆腐花啦，咁我去到呢其實呢間舖頭已經大排長龍啦，排喺我前面有20人左右啦，但係呢佢排隊嘅速度呢就好快嘅，咁大約排咗三四分鐘已經可以食到啦，咁我就要咗一碗花奶豆腐花， 花奶豆腐花係凍嘅，比我想像中係好食好多呀，啲花奶溝豆腐花又香又滑，唔同埋價錢都係三蚊一碗，我諗我以後都會多啲嚟食呀。 另外呢佢啲碗 係用咗懷舊嘅碗，我覺得好有特色呀

荃灣興起咗個豆腐花減價戰，真係不計成本益街坊今日經過荃灣一睇究竟，睇下係咪咁平去到真係有好多人排隊，一間超長龍，另一間完全唔使點排一睇究竟原來豆腐花減價戰只有一間繼續做緊3蚊，另一間已經唔再玩落去，賣$8蚊一碗所以人龍就集中在贊和豆品 。由於$3蚊同8蚊嘅分別，我當然都要跟隨民眾一齊排$3嘅豆腐花基本上排十分鐘左右就有，唔算好耐而且豆腐花大大碗，一啲都唔吝嗇，並冇因為減價而減少個份量，值得一讚 而且仲可以任加黃糖，我都加咗好多豆腐花食落去都算唔錯，雖然個豆味唔係超級濃，但係都可以接受，$3蚊呢個價錢真係超級抵食。

經過較早前熱哄哄豆腐花爭奪戰陣地決定今日終於試到了 最初以為質素同價錢成正比 但原來食落去比想像中食 幾好食 質地幾滑身.因為是外賣 所以要加$1 加埋一碗只係$3 仲有兩溝可選 有芝麻糊 紅豆沙 等等 都係貴多$1 ..如果經過有時間可以排隊一戰 等了約15分鐘

幾時開始嘅呢場減價戰，對顧客來講係好事，但對於商家呢??每碗豆腐花2蚊，10幾年前都唔止呢個價啦。見到『應對挑戰，雙拼豆腐花一律3蚊』唔知點解有啲心酸……真心説話，呢碗2蚊嘅豆腐花，真係又嫩又滑，比起好多10蚊碗嘅好吃好多倍，而且個份量沒有因為減價而減少，抵讚

今日同朋友一齊在荃灣工作完畢， 行去地鐵站途中，突然有2條超長的人龍阻擋去路，正想問点解之際，抬頭見到好大好大寫著。。。 雙併豆腐花一律 $3。。。 超滑豆腐花 $2 。。。哈哈。。。沒有看錯，真的是$3同$2。。。 不過唔好以為超平的價錢，老闆就會偷工減料。當老闆將熱辣辣的豆腐花給我，就聞到香噴噴的豆香味，仲有薑汁，桂花冰糖及冰糖，任你選擇。食落，薑汁味濃厚，豆腐花滑滑，真是色香味俱全，根本不會像價值$2一碗。朋友食的芝麻糊加豆腐花，芝麻糊味道都剛剛好， 不太甜。如果去開荃灣，真的要去試試。