赤坂日本料理 (Closed)

呢幾日天氣凍,本來想去食ga,打電話booking話執左笠啦!

2/1(三) 7:15pm友人相約下,結伴到此隱蔽日式火鍋店嚐其任食火鍋.一行七人七時多抵達,店子跟一般港式日本料理沒大差別.晚飯時段,食客寥寥無幾,顯然地點是其致命傷.我們被安頓於廂房內,內附廿呎不足的雪花舊電視,而且坐得略嫌迫狹,怎看也非新店格局;再察看師傅的制服方得悉是朗田一族.這裏主打的是$99任食特級肥牛及美國肥牛,自己完全陪吃的心態.不啫牛的我得點其他的火鍋料如鮮蝦,三文魚頭,豆腐,丸類及各菜類等,說實話選擇並不多,但用料滿新鮮的,友人們肆意吃下五六回特級肥牛,肥牛質素頗令友人樂道,盛讚值回票價!$99任吃兩小時,嗜牛者應該一試!

選擇了雪花肥牛火鍋. 這樣的價錢, 食物的質素尚算不錯. 海蝦新鮮, 蟹肉和豆槳湯底都幾好. 雪花肥牛配上額外叫的麻醬特別好食!

昨晚工人休息,又不想自己下廚,兩公婆餓得要死,很想食熱的飯類飽肚餐,便火速落街醫肚,沒有刻意地便走入了赤板日本料理,一心以為日本料理差極有限,兩人一進去,莫講沒有聽見醉人的日本歡迎語,連最基本的招乎也沒有,我只見侍應忙於傳菜,視我們如不見,直至我等到櫃面的經理講完電話後,我跟他說兩位,他愛理不理地指我們到某張檯後便消失了,坐下後才發現大部份客人都是食火鍋,我們昨晚目標並非火鍋,故再行到櫃面問那經理此店除火鍋外有何其他食物,一位站在經理後的侍應愛理不理的反問我想食甚麼,我唯有說想食飯,他們似乎不在乎我們選擇了他們的店子,沒有給予任何正面反應地另我們一氣之下跑了,經此不愉快的經歷,如無意外應該不會有機會再踏足此店,連最基本應有的服務也沒有,請不要再投訴澳門的經濟已超越香港了,是否不明白我在說甚麼,只要你往澳光顧一間略為有水準的餐廳,便知甚麼是賓至如歸!

尋日行完黃埔5點幾,一心諗住搭船去北角擦羊肉,點知行到郎田門口俾個廣告吸引咗,$69任食2.5小時火煱,又見有羊肉食喎,猶豫咗好耐終於走入去試下<環境> 我哋揀咗最角sofa位,坐得一d都唔迫,抽風系統好<服務> 超級好尤其戴眼鏡男侍應,真係服務一流,又細心,會不停加茶加湯,又會留意下有無gas<食物>**湯底~有豬骨湯、火辣泡菜湯、咖喱濃湯同日式清湯,我哋揀咗豬骨湯,味道唔錯,refill果d都係豬骨湯**配料~美國肥牛、鴨胸肉、鴕鳥肉、豚肉、羊肉(超羶,正!)、雞肉、雞翼、牛舌(好味)、三文魚頭、八爪魚仔、魷魚鬚、青口肉、鮑魚片、鮮蟹肉、魚柳、海蝦(烚咗好耐都彈牙)、鳴門卷、豬皮、牛栢葉、魚皮餃、豬大腸、豆腐、烏冬、公仔麵、丸類、菇類、菜菇、芋絲、紅蘿白、腸類......種類唔算多,但質素ok醬油每款$5,但幾大碟,可以share另加可樂2罐二人共消費:$202

一大班人仕食, 有coupon 送帶子. 雖平, 但味道一般, 湯底唔掂, 令人覺得似港式邊爐

食左$99果隻雪花牛, 點知仲瘦過普通肥牛,又鞋.佢張order 紙都無講到原來$99果隻任食叫既湯底同平既唔同, 於是我地傻下傻下choose 左清湯底, anyway 逐樣comment 下先:－食物種類：唔算多,自取既有烏冬,拉麵,即食麵,金菇,秀珍菇,冬菇,魚蛋,貢丸,龍蝦丸,脆皮腸,墨魚丸,兩款菜,粟米,落紙order既當然有肥牛同雪花牛,仲有鴕鳥肉,鴨胸,鷄翼,豬大腸,魚餃,牛舌,蝦,魷魚so,鮑魚片等服務:都ｏｋ，不過就有唔周到既地方，例如我地點左售罄果d食物，佢無即時話番俾我地聽，又無解釋個任食點既詳情，例如個任食係有雪糕送ga，都唔見佢張order紙或餐牌有講，佢又唔俾我地知地方：好細, 兩個人黎食都ok,佢地會俾四人枱,不過人多可能要等啦, 仲有佢地連toilet外既走廊有枱都俾客坐,想去食既最好book定枱,以免坐d唔好既位

平安夜不想周圍迫，最好的就是去些冷店。見這裡僻處一隅，又自稱有和牛任食火鍋，正襯這天轉冷的天氣。一心來試和牛，也原諒了其他配菜大路和選擇有限。只是當端上的牛肉分明是普通肥牛時，多少有被騙的感覺。幸好侍應服務尚算不俗，湯底味道亦不差，加上加的是湯不是水，亦送上了味道不俗的刺身，苦臉還是談不上的。然而要長治久安，還得認真跑出一個特色來，否則在此角落，能否維持亦是一大疑問。

去到心大心細食肥牛定係雪花肥牛，但係只係相差30蚊左右，所以叫0左食雪花肥牛。之後發覺兩種牛分別得好大，雖則雪花肥牛，無雪花，但係至少肥瘦適中。我同我女友偷睇隔離食肥牛的，d牛肥到.........好似無叫錯食雪花。除0左寫紙仔叫0野食外，仲有d平0野可以自己攞。寫紙仔的，0黎得好快，真係差唔多即叫即到，讚。雪花肥牛外，駝鳥肉都真係唔錯。記住呢到有加一的

我地假日去,所以每位加10大元,即109大元一位,雪花肥牛好食好多!兩個人食左兩碟雪花肥牛飽到上心口，因為仲有其他食物,如龍蝦丸,牛丸,豬肉丸，獅子狗,蟹柳棒，冬菇，蘿蔔，南瓜，芧絲，青口，鮑魚片，八爪魚，墨魚,烏冬，小棠菜,ꅁ生菜,椰菜，黃牙白等等,ꅁ有d吾記得lu,總之食到肚要爆開咁啦!

擒日睇雜誌見到這個放題的廣告經已心郁郁想去試…今日有同事撩起想去打邊爐，於是就兩話不說即刻試下這間﹗佢分別有兩款放題選擇，一種係$69食美國肥牛的，另一種係$99食雪花和牛，見除左個湯底同牛肉有分別外，其餘食的配料都係一樣，於是貪平試下$69的(正確嚟講係$79，因為星期五要加多$10)﹗我地選了個kimichi湯底，雖然內無kimichi，不過個湯好入味，又辣，正正﹗最初見到張點菜紙，咦？﹗又話有0幾種配料，點睇張紙都係得2、30種咋喎，問番d待應，噢﹗原來有d蔬菜、丸類、麵類放係中間等自己self-serving…雖然話係平d的牛肉，但係都幾好味，而佢有部分配料，如蟹柳、魚塊、飽魚片…似乎係平時食壽司個d料，所以比較好食﹗好滿足的一餐﹗正﹗唔知係咪這個promotion好新，而佢個位置又較為隱閉(係郎田的隔離，不過個門口唔係係外圍的)，所以比較少人食﹗

有次Hang Seng 個VISA 有做special... 全單6 折。咁咪同屋企人去試囉。無諗住點樣，純試...但係出奇的好喎，sashimi 都幾鮮，個ikura 三文魚子sushi 得喎，唔差的。不過無折就貴左d，所以還是等有折就會再去!Service 幾好。Washroom 都OK。

住黃埔有八五折，叫個二人套餐都係400蚊～食物方面出奇地好：蟹子沙律：加左芒果，普通但達到水準原板海膽：無要求佢係日本貨色，幸好色澤ok，食落唔會太腥活魚刺身：原價都要二百幾蚊，有拖羅，肥大的赤貝及甜蝦，另外成條活魚起左出唻，真係幾新鮮及好味牛油果軟殼蟹卷：老公笑說全部都係我的朋友（因全都鐘意食），雖然軟殼蟹唔係熱，但仍然香脆（好過和民果個多多聲！），味道香口串燒：牛舌，羊架及露筍豬肉，全部的味道都唔會過咸或淡，但食到呢度我已好飽啦雜錦天婦羅：天婦羅最緊要係炸粉果part，呢度個炸粉雖然唔係最好，但都有鬆化的感覺。立魚稻庭烏冬：確定湯底唔係味精湯底（食左我唔會口喝），有魚鮮味，但烏冬太淋，似上海麵多ｄ～～最後加多個紅豆雪糕，埋單時仲比左張VIP比我，以後食野都有八折啦！！唯獨裝修方面略為普通，而且衛生方面可略加改善

我覺得大致上都o.k