Video
5-min walk from Exit B3, Sai Ying Pun MTR Station
continue reading
Telephone
31074003
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
我同個仔last minute入去問仲有冇下午茶，姐姐們勁好人，仲有兩分鐘拿拿臨我幫你入咗單先，叫咗兩個餐，一個豬扒包餐配熱檸水，一個星洲炒米餐配凍奶茶，以下午茶食品質素嚟講38蚊下午茶真係超值，最主要杯奶茶係得嘅，奶茶愛好者除咗群記多一個選擇！服務方面姐姐們都好細心，同細路仔講杯檸水好熱㗎，要小心d，之後又拎杯凍水嚟比佢溝凍少少，以呢個服務標準已經係喜出望外，都唔明點解咁多差評，建議大家可以試試再自行判斷。
continue reading
隔一段時間再去，有驚喜👍👍近2星期去了8次用膳，包括午餐＆晚餐，食物質素好咗，奶茶好飲，例湯唔錯，晚飯小菜或午餐都好味，同初初開有分別，$55 -$58午餐 有湯+飲品+主食，好抵食，一分錢一分貨，唔會過高要求，最緊要奶茶好👍
continue reading
肉燥雞扒飯係甜嘅都唔緊要，仲要甜到飛起，食咗兩啖就頂唔順，雞扒又唔新鮮煎得又唔好，第一次試，都係最後一次…啲野食價格唔貴，但唔好食，服務算ok，環境唔錯，都好乾淨，幾市正。
continue reading
冇試過依間茶餐廳，諗住試吓，食個早餐衰極都有限去到落單都正常，跟住等咗15分鐘之後先同我講其中一樣材料唔夠，又冇話補其他嘢俾我，咁我轉左食其他。等咗一陣，阿姐攞嘢嚟，錯order，又唔知枱號，來回問我幾次，語氣又差，自己又唔睇單。就咁隊啲嘢食上嚟問係咪我嘅，我表示(?) 我點知你個兜係乜嘢嚟嘅啫，而家我返工定你返工？嘢食係正常，奶茶冇茶味成間嘢小過10個人，人就一定唔多，但係冇人知道發生咩事咁樣(同場加映隔籬枱凍熱飲又落錯，廚房一拎出嚟呀姐就大叫邊個叫左 XXX) 🤣🤣🤣🤣
continue reading
有3件事件，令我俾呢個負評。3件事都係同一個原因: 就係個後生仔差到嘔嘅態度！我唔知佢係咪太子仔，佢有份寫單，但得佢可以收錢。（1）叫野食我問：轉出前一丁得唔得？佢：（用一把就死嘅聲同樣）得….～你加錢咪得囉….我問：(心諗咩態度)加幾錢？佢：…好似$5（2） 拎隔離枱碗麵俾我個火腿蛋同面包嚟先，個丁麵都等左陣。個丁麵嚟到問係咪我叫左（佢地個個員工都勁混亂，拎住啲野食野飲周圍問啲客係咪佢嗌）佢又唔俾碗面我，無啦啦放左去隔離枱，之後將隔離枱放左唔知幾耐果碗轉俾我咩事？？？ 仲同我講：佢未食過架。咁你要唔要丫？我O左咀3秒望住佢，佢話：唔要整過碗囉。(其實係佢自己搞亂左2枱嘅普通公仔麵同丁麵)之後我要追第2個女員工，再隔左陣先嚟。(3) 埋單我企左喺counter，見佢忙緊，已經無叫佢，等佢佢隔左陣先行過嚟，佢一嚟丁勁晦氣！問我: 點呀？要咩？我話: ……………. 埋單…..無論野食正常與否，我都不會再幫襯。請問而家係咩事？唔想做就唔好開門做生意啦！
continue reading