越來越愛

Open Now

Now Closed

外賣貴妃雞河粉， 會湯粉分装 ，唔怕浸淋，而河粉有韌度，可口； 貴妃雞皮滑肉入味， 越式湯頭香濃好味， 配有洋蔥芽菜 ，而青檸及辣椒粒自加。價錢唔貴，實屬抵食。椰子菠蘿沙冰不會死甜， 感覺新鮮。

唔係第一次去買早餐，之前嗌嘅蛋治係勁飽滿足料，覺得都值30幾蚊，所以再幫襯但今次真係極度失望D蛋少到，咬好多啖都係食緊齋包33蚊一份早餐，食到一肚氣！嚴重偷功減料！

因朋友關係，近來經常到達祥龍圍村、北區醫院一帶。傾吓傾吓，又到午飯時間，坦白講呢帶餐廳真的只有寥寥數間，選擇很少。Big_Big_Foodie基本上已經試勻附近餐廳，決定將呢一間越南餐廳介紹俾大家。越式火車頭河粉 60我本人比較喜歡吃檬粉，所以點了越式火車頭湯檬，當中包含生牛肉、扎肉、牛腱、牛丸、豬肉丸及雞絲，湯底清甜，份量十足。青檸同辣椒另上，大家可以按自己喜好添加。順化香茅豬扒撈檬 57另一次到訪，點了順化香扒豬茅撈檬。豬扒有兩大塊，有咬口，香脆。檬粉的份量多到嚇死人，真係食到頂住心口，枱上撈檬越南酸汁，比我用了一大樽才食完😂，可想言之份量有幾誇張。Oreo 拿鐵沙冰 30呢度有不少特色飲品，最重要，是跟餐叫選特色飲品可以正價六折。點了一杯Oreo拿鐵沙冰，很大杯，又不是死甜，坦白講味道非常不錯👍🏻如果經過這邊，不妨選擇這浩瀚美食沙漠帶中的唯一綠洲🤭。@Big_Big_Foodie

喺附近做完野近近哋去咗越南餐廳食飯中午嘅時間都幾多人, 要等咗差唔多五分鐘先有位越式火車頭河粉(轉檬粉)超級多餸一碗麵, 有 札肉、生牛肉片、雞絲、牛展、豬肉丸同牛丸, 湯底有濃厚嘅牛骨味, 裏面仲有洋蔥、芽菜, 芽菜條條都好肥大, 咬落去超級爽脆, 肉方面都係好味嘅, 食完唔會黐牙跟餐嘢飲：凍檸茶正正常常唔會太甜, 亦唔會係超級多冰嗰隻調味料：青檸、辣椒有啲辣椒仔同埋有半塊青檸另上, 鍾意食辣嘢嘅朋友記得加多啲辣椒咗碗湯度啦！我就加到三四粒就覺得好夠辣！

【北區】【越來越愛】今日係一個好特別嘅日子，對大家嚟講可能係好普通嘅一日，但係對我嚟講意義深遠。雖然已經事隔七年，但係當日嘅每一個畫面，每一個細節，喺我腦海裡面都縈繞不散。每次經過返嗰啲位置嘅時候，每次我都勾返起啲回憶。嚟到呢個我從來都未見過嘅祥龍圍邨，第一次見識上水啲新公屋，佢有兩間餐廳，大家樂我就唔食啦，剩返呢間就好似係越北牛肉粉啲副線，招牌個「越」字好似，不過我冇刻意去搵，反正我只係入去食嘢，冇乜嘢想調查。第一次去叫咗個下午茶嘅「焗澳門豬扒包、煎蛋伴野菜沙律及美國薯條」，我明知自己會去唔止一次，所以只係食咗呢份，好麻麻，水準話你知點解佢有四樣嘢都只係 $33，加 $19 要嘅「珍多冰」簡直後悔，咁就剁我 $52。唔好食都冇辦法，我想寫吖嘛，第二次去叫咗個細碗嘅「越式爽腩生牛肉湯河粉」，真係乜菜都冇，啲牛腩係車仔麵嗰啲，食完喺返晒牙罅度嗰隻。生牛肉亦都唔係大家諗緊嗰啲肥牛、牛肉片之類，不過冇啲牛腩咁差我就算。今次呢碗 $42 又唔算好貴，加 $3 要杯「凍咖啡」夾埋先 $45，一啲都唔過份喎咁，而且杯凍啡幾好飲，挽回咗唔少分數。我覺得呢間都係當佢茶記咁，食份熱辣辣炒嘢配杯普通嘢飲算

未見過牛肉檬嘅牛肉係有汁，只知係牛肉處理後再走油上碟，仲係個檬熱嘅，佢哋話係正宗喎，奇聞，無下次，可能係我有生之年最難食嘅檬粉，重要足足等咗25分鐘，當時係非繁忙時段。

坐左十五分鐘有嗌叫餐都冇侍應採我，但好明顯客人唔多，叫餐嘅時候態度差到🙄️，成個西樣好唔耐煩，食嘅河粉入面竟然有兩條長頭髮，冇幾耐仲搵到眼睫毛，嘔心到，抹檯嘅時候用抹隔離檯嘅毛巾一條咁掃過去，個藍色手套攞杯攞碟執客食完嘅碗又去收銀攞住張單掂黎掂去，張凳有啲不明液體，永遠唔會再去食

話說嗰日肚餓 諗住食大家樂 不過見大家樂多人就走咗入嚟食 食咗個辣嘅炒蛋飯 咁我落單嗰陣就問個侍應 話可唔可以唔好咁辣 佢個服務態度西到 仲話係咁辣就咁辣㗎喇冇得少辣㗎喎 咁我都算啦照嗌咗啦 咁個味道當然係好難食啦 一大碟飯得個細細隻蛋 之後最搞笑嘅就係 呢個咁嘅服務態度。 呢個食物。 質素要收我10%服務費

一世唔會幫襯垃圾侍應個講野有大陸口音嘅侍應掛住傾計，係佢側邊講左兩三次唔該拎外賣，佢眼尾望你一下，之後理你都廢是，下次係咪可以直入拎左人個外賣都得呢？還掂都冇人彩你啦！地下濕成個門口收銀地下都濕哂，一入去已經心諗做乜野食物貴又唔好食鮮茄焗飯得四分一隻蕃茄，好野，成個飯要成50幾蚊冇野飲，性價比真係一流！從來冇嬲到要寫衰間餐廳，我今次就寫夠200字俾埋劣評，俾人censor一次再改，都要等多啲人知道唔好中伏奉勸大家唔好俾錢買難受

餐廳係食越南菜不過有八成嘅嘢似係普通港式茶餐廳早餐午餐晚餐都試過應該冇楓會再食了似係一間大陸東門一間餐廳裝修幾好 不過清潔就明顯唔夠食隔離大家樂會穩陣d係甘先啦 唔會有下次架啦

夜晚晚唔知食咩好，行過見到呢間越來越愛就入去試下。 餐牌有好多選擇，睇左一輪，決定試下佢個咖哩滑雞煲連白飯⋯⋯上枱嗰下，見佢個賣相都ok, 底部仲有個火爐仔暖住個雞煲，可以食都尾都係熱辣辣嘅。 但點都估唔到，呢個咖哩滑雞煲竟然色，香，味都唔俱全！我從來未食過無咖哩味嘅咖哩，唔單止無咖哩味，成個咖哩煲竟然可以咩味都無，連最基本嘅咸味都無！ 我諗個廚師應該連鹽都無落，因為成個煲都係淡茂茂。 除咗超級勁難食之外，我都諗唔到可以點樣形容佢！

個椰汁雞 成8x蚊， 夠膽死用3，4隻雞亦碎上，雞亦碎左幾尖先得架？ 個汁又唔好食， 個魚露比目魚無啦啦有個唔知咩橙色汁，煎香左加魚露咪ok囉, 但佢2完全唔係個回事， 係個米卷叫做ok （＄4×）， 但個魚露汁都係得個酸字， 唉～ 個炒芥蘭少得麻麻， 唔明點解樣樣收＄8x俾d咁既野人， 試一下次無下次

北區醫院附近得大家樂同呢間越嚟越愛。同屋企人覆完診唔方便去太遠，所以去咗呢間越南餐廳食個下午茶醫肚。下午茶三十幾至四十幾蚊，價錢中等。服務正正常常。我叫個包餐有薯條、沙律、包同飲品，大大份味道唔錯，$33都算抵食。佢嘅河粉有得揀大碗或細碗都幾好。

之前有同媽咪食過，因為佢近屋企。但都有一段時間無泥。今日再次過泥呢頭食午餐。。。。。就決定以後唔再泥。一入座時，已經見到餐廳員工「懶」係衛生帶手套🧤。但發現帶住手套送餐，帶住同一對手套清理餐枱。當中仲會徒手執起枱上既食物。清理完餐枱上既碗碟，食物，就抹枱，都係帶住同一對手套。清理完，又送餐。。。望到整個情形，真係有小小嘔心。我叫左個雞絲撈檬。成碗粉，得幾條雞絲，一啲發啡黑既生菜。。。。整體上，我覺得自己食緊尋晚煮淨既檬粉，㕑房無乜餸，亦無新鮮菜，得雞絲2條。。。。成個午餐，主要係食一個好dry既檬粉。。。。。呢個餐廳，唔會係「越來越愛」。。。因為整體質素係「越來越差」

除左泰妃雞飯，全部都失望🤦🏻‍♂️🤦🏻‍♂️🤦🏻‍♂️呢間野選擇都幾多，但服務唔得，侍應好似聽唔到野咁。😡三個人分別叫左泰妃雞飯、咖哩牛筋腩飯同黑椒豬頸肉焗飯。泰妃雞最好，黃飯同雞都好味；咖哩牛筋腩飯個咖哩汁堅唔得，無咖哩味；最差係豬頸肉焗飯，因為焗飯所以已經等左最耐，點知！黎到個飯完全係焗既感覺，係黑椒汁淋喺飯上面，只不過用錫紙盒裝住，扮焗飯！好廢既焗飯，重要叫客人等咁耐🤬🤬🤬