Video
Read full review
2023-06-01
296 views
【北區】【越來越愛】今日係一個好特別嘅日子，對大家嚟講可能係好普通嘅一日，但係對我嚟講意義深遠。雖然已經事隔七年，但係當日嘅每一個畫面，每一個細節，喺我腦海裡面都縈繞不散。每次經過返嗰啲位置嘅時候，每次我都勾返起啲回憶。嚟到呢個我從來都未見過嘅祥龍圍邨，第一次見識上水啲新公屋，佢有兩間餐廳，大家樂我就唔食啦，剩返呢間就好似係越北牛肉粉啲副線，招牌個「越」字好似，不過我冇刻意去搵，反正我只係入去食嘢，冇乜嘢想調查。第一次去叫咗個下午茶嘅「焗澳門豬扒包、煎蛋伴野菜沙律及美國薯條」，我明知自己會去唔止一次，所以只係食咗呢份，好麻麻，水準話你知點解佢有四樣嘢都只係 $33，加 $19 要嘅「珍多冰」簡直後悔，咁就剁我 $52。唔好食都冇辦法，我想寫吖嘛，第二次去叫咗個細碗嘅「越式爽腩生牛肉湯河粉」，真係乜菜都冇，啲牛腩係車仔麵嗰啲，食完喺返晒牙罅度嗰隻。生牛肉亦都唔係大家諗緊嗰啲肥牛、牛肉片之類，不過冇啲牛腩咁差我就算。今次呢碗 $42 又唔算好貴，加 $3 要杯「凍咖啡」夾埋先 $45，一啲都唔過份喎咁，而且杯凍啡幾好飲，挽回咗唔少分數。我覺得呢間都係當佢茶記咁，食份熱辣辣炒嘢配杯普通嘢飲算
嚟到呢個我從來都未見過嘅祥龍圍邨，第一次見識上水啲新公屋，佢有兩間餐廳，大家樂我就唔食啦，剩返呢間就好似係越北牛肉粉啲副線，招牌個「越」字好似，不過我冇刻意去搵，反正我只係入去食嘢，冇乜嘢想調查。
第一次去叫咗個下午茶嘅「焗澳門豬扒包、煎蛋伴野菜沙律及美國薯條」，我明知自己會去唔止一次，所以只係食咗呢份，好麻麻，水準話你知點解佢有四樣嘢都只係 $33，加 $19 要嘅「珍多冰」簡直後悔，咁就剁我 $52。
唔好食都冇辦法，我想寫吖嘛，第二次去叫咗個細碗嘅「越式爽腩生牛肉湯河粉」，真係乜菜都冇，啲牛腩係車仔麵嗰啲，食完喺返晒牙罅度嗰隻。生牛肉亦都唔係大家諗緊嗰啲肥牛、牛肉片之類，不過冇啲牛腩咁差我就算。
今次呢碗 $42 又唔算好貴，加 $3 要杯「凍咖啡」夾埋先 $45，一啲都唔過份喎咁，而且杯凍啡幾好飲，挽回咗唔少分數。我覺得呢間都係當佢茶記咁，食份熱辣辣炒嘢配杯普通嘢飲算喇，啲所謂特色嘢根本係呃生客。
喺公司打呢篇嘢都係斷斷續續咁打，七年前嘅呢啲時間我都係喺一個曖昧嘅階段裡面，諗返起都冇乜點。因為我知道佢係我要搵嘅人，唔好拖時間就盡快處理好咗件事。喺呢啲咁唔恰當嘅回憶深陷時段先見到女同事，扮做嘢算。。。
（地址：上水祥龍圍邨地下祥龍薈 5 號舖）
Post
