輕鬆飲 (Closed)

每次見到佢條龍都真係好長尋日終於排一次隊買杯唻飲螢光色的....感覺上好重色素......少甜都ok甜士多啤梨味唔重不過不失買既時候店員好笑容好親切會問埋使唔使少冰少甜佢唔問真係唔會記得-.-咁大杯係抵既, 不過要排隊就唔會買la..

剛從台灣回來.. 很懷念台式飲料.. 見網上面咁多好評,所以今日特地去輕鬆飲唸住去回味下台灣的飲料排佐半個鍾, 叫了奶綠+珍珠,去冰,半糖, 原本想7分糖(即係少糖),但佢冇得咁叫。叫完之後要o係旁邊再等5min... 終於到我o地... 好開心咁拎佐即刻飲..見到個杯o野係綠色都覺得怪怪地.. 因為奶綠雖然叫奶綠但正常都係啡色的飲佐一啖真係吐都吐唔切...奶綠即係綠茶+奶精.. 台灣的綠茶一係用冷泡的方法,或好似紅茶咁泡好, 但輕鬆飲只係用綠茶粉, 唔單止飲到果d粉,仲俾我飲到有沙!!!! 半糖佐仲係咁甜.. 都唔知正常糖會甜都點...總括而言, 輕鬆飲只係抄到台灣飲料台的700cc size, order 方式 and menu... 但飲料的做法完全唔係果回事。如果要同happy lemon 比較... 雖然happy lemon 貴d.. 但好飲好多。

每一次出MK你總是會想買一杯飲品揸係手行完家樂~想去對面既輕鬆飲買杯波霸奶茶如果唔係星期六日都好D如果係大家要有好好既耐力去等了~因為個條隊同椰汁大王有得揮~叫左比你票又唔係即刻有啦~700CC 一杯都只係10蚊~好平~個$=台灣個價~抵~而且個奶茶都係好飲嫁~D用料都跟得幾足~而且大家千萬要叫大珍珠小珍珠唔係幾好咬~其他的多多都好似幾好飲下次可以去試試~

認識輕鬆飲因為男朋友之前飲過 , 至此每次經過旺角他也要買一杯 , 應該是兩杯現在我也是Fans之一 , 男朋友推薦柚子冰沙$14 , 他說很重柚子味而且很解渴消暑 , 他每次也只飲這款不怕飲厭嗎?! 我就喜歡新嘗試 , 飲過覆盆子多多$12微酸很醒胃 , 而芒果多多$14就很甜反而芒果味不是很特出 , 還有很多很多款式我還未嘗試 , 下次一定要試下招牌波霸奶茶$10 , 上次光顧還有印印咭 , 買一杯蓋一個印 , 蓋滿十個印就有一杯$20以下贈飲一杯!更抵飲喔 ! P.S. 其實這裡的飲品偏甜 , 所以每次也是少糖 !

之前1直想試下.但次次都排哂長龍..今日.同朋友仔好有恆心咁排.因為真係好想飲野.加上佢價錢$10幾蚊大大杯!真係抵飲過happy lemon-v-''排完1輪買.仲要等拎杯野飲..我諗大約等了10-15mins..但1飲杯野真係覺得值呀 !朋友叫了珍珠奶茶$10.好味呀.好香茶味!我自己就叫左杯巧克力珍珠奶茶! $12好香好重巧克力味!! 岩哂我鍾意巧克力ga人勁正!d珍珠好有口感!$10幾蚊杯.抵飲呀!! 好過飲氣水-v-

每次行經輕鬆飲，都必然有一大堆人排隊。好奇+無聊之下，今日亦去了試一試。購買步驟為：排隊 -> 購票 -> 等叫號碼 -> 飲不知當時算是多人還是少人，整個過程就用了廿分鐘...要了一杯朱古力波霸奶茶。很甜，沒有茶味，甚至朱古力味六不太香濃。唯一可取的，是大大杯都只需用12。如果你問我，店舖成功的原因，我的答案會是「狹小的鋪位，短拙的人手」。飲品質素實屬一般，只是因為大排長龍，便做成一個很受歡迎的感覺，最後就變成真的很受歡迎了，亦因此而累積了一大堆fans。總結：以二十分鐘去買一杯飲品，值不值得，見人見智。

I had been a fans of 輕鬆飲 for a long time. Eventhough we need to line up for a long time, we still loves it. MY friends, who is a taiwanese loves it a lot too. He said that it's just the same taste as what he drink in Taiwan.

每次去完mk都會想飲返杯珠奶架因為尋日先去完快樂檸檬飲珠奶 所以 , 我今日決定飲其他未試過既野飲 !!今次叫左杯紅豆奶茶飲!!好好味呢紅豆都幾大粒 , 而且好好味 , 今次已經叫左少甜 , 但都甜左少少呢!可能係因為煮紅豆個時有洛糖水???我唔知道呀~~~~下次飲悶左珠奶 要再飲紅豆奶呀!!!!

吃完飯見輕鬆飲的門前只有數人，於是決定跟隊去買杯來試試。見menu上的價錢真是便宜得令人吃驚，$10就有700cc，女孩仔一個人很難飲得完。我叫了一個招牌波霸奶茶，服務員的禮貌ok，還細心的問是否要少甜或少冰。既然第一次來，就要standard的什麼都不要改。人不少，但等了3分鐘左右便拿到飲品。一拿到手馬上大大的喝一口，Oh my god！！！ 甜到我打冷震！難怪他問我是否要少甜。至於珍珠呢，口感稍遜，算是可以接受。我想價錢絕對是這家店在旺角這麼受歡迎的原因，價錢和一般小吃店相若，款式多十倍，份量大一倍，自然吸引大量顧客。不過我都是喜歡Happy Lemon的烤珍珠奶茶多一點，喜歡它有茶味，珍珠也比較有咬勁。可是輕鬆飲附近的那一家明顯已在這一仗打輸了，關門大吉去也。題外話：這家店的營利應該不錯，他們的制服是大馬logo的Polo shirt，勁！

祖安陪我剪完頭髮後, 我就提議去試下<輕鬆飲>0既珍珠奶茶. 去到有十幾人排隊, 原來真係咁多人0架??? 既然0黎到, 就排下啦, 不過最後我地都排0左成十五分鐘呀, 真係無得輕鬆呀, 哈哈!!! 1. 招牌波霸奶茶 ($10) ~ 買0左返0黎之後, 更係即時俾祖安飲啖下0下火先啦, 佢飲0左之後, 面容都寬容0左, 祖安話d奶茶都幾特別, 味道同其他都有d唔同. 至於我覺得d珍珠, 口感真係一流, 入口雖"淋", 但竟然有好煙韌0既感覺, 排咁耐都真係值得的!!!P.s. <輕鬆飲> 有購買十杯送一杯0既優惠, 而且無時限, 聽落去都真係好吸引, 唔知呢個係唔係咁多人排隊0既原因之一呢???整體評價：排咁耐, 都值得, 下次會再輕鬆!!!

見到前面有人叫左玄米xx沙冰...叫傻佬想飲咩...佢真係唔叫珍珠奶茶...叫呢個...好la，我就你....叫左，可能我對其他茶的接受度唔高，總係覺得有d怪怪地，呢杯野重要$14元...><好la...我下次再給機會你!!!給你喊係因為呢杯唔好飲，係唔好飲呢杯..

之前買親都同老婆一人一杯 ,今日兩份飲一杯 , 明智的 =) 因為得返大杯 ,$15 , 葡萄柚多多 + 彩虹水晶 ~ 半糖正常冰上次飲過覺得好味 , 今次老婆覺得都係好甜 , 我覺得 OK , 彩虹水晶加 3 蚊有好多 , 好好趙好好味 ^^記得之前老婆飲過香芋奶茶無叫少甜 ,甜到飲唔到跟住我地返轉頭同個哥哥講 , 佢就叫人再整過比我地 , 都幾好人 除左葡萄柚多多 , 印象中朱古力奶茶加魔力水晶同埋梅子冰沙都好好味, 仲爭一個就夠 20 個印下次試下粒粒草莓冰沙先 =)

$10 好大杯, 嗌岩自己味就得!推介波霸奶茶!a very long queue, if you cannot stand the heat, then don't. I was lucky because no one was queueing when I got my drink.

星期日晚0係朗豪坊睇完戲黎左買野飲﹐幾次經過都好多人呢﹗今次都唔例外﹐不過都算幾快﹐5分鐘度就排到去喇﹗同男朋友買左杯招牌波霸奶茶半糖黎飲﹐不過都係覺得甜左D﹗我諗微糖會好D﹗原來仲可以嗌少冰﹗我地無嗌到﹐所以D冰都有好多下.. 佔左杯既一半.. ﹕( 其實味道普通啦.. D 珍珠既質感都OK﹐奶味重D會更好. 要排隊既話未必會再試喇.. 不過距地D飲管有膠袋封住﹐好衛生0甘﹐幾好﹗D店員都好好禮貌呀! ^ ^

每一次經過都好多人, 個晚都男朋友食完飯想買野食之際又再次經過, 雖然見到好多人已經排緊隊, 即管排隊試下.. 雖然條對唔係好長, 不過個收銀個人真係好慢, 等左十分鐘先到我地.. 之後行埋去先同我地講話所有珍珠沽清, 搞到一心想試珍珠奶茶的我有點失望.. 最後叫咗個寒冰珍奶茶同蜂蜜綠茶.. 個人問我駛唔駛少甜少冰, 我話唔駛, 因為自問自己都飲得幾甜.. 等咗十五分鐘先等到呢兩杯野飲.. , 一飲, 好似飲緊糖水一樣.. 甜到漏... 搞到要等D冰溶咗D再飲先OK....最後仲要俾男朋友話等成半個鐘等一杯咁的野飲.. 以後都唔會再排隊買.. 寧願俾貴D去仙跡岩.. OR行遠少少去買HONEYLEMON好過...