辣媽酸菜魚麵 (元朗安寧路)

Open Now

Now Closed

前日晚餐去左呢間開左唔係好耐既川菜試下～一入去幾乾淨幾寬敞，雖然食客多但好彩唔洗點等就入得。餐牌選擇唔算好多，不外乎湯麵、拌麵、湯飯、炒麵，因為唔食辣又唔食牛，我地各嗌左個風味三絲拌麵同鹽焗手撕雞拌麵。風味三絲炒麵，配料係豬肉片、紫洋蔥同蛋絲，睇碟邊就知幾油。麵既口感似上海擔擔麵，色夠味夠，但偏鹹而且好油膩；配料唔多，除左洋蔥其實得四塊比較大少少既肉片，其餘都係小肉塊，蛋絲得幾條。值得欣賞既係大大碟，一定買到飽肚兩個字，一個大男人食到4/5碟。鹽焗手絲雞拌麵，呢個撈完先記得影相，原先賣相好睇啲既。拌麵係同手絲雞同青瓜絲分開上，等你可以隨自己食法去食，但店員建議拌完先食會好食啲。手絲雞，份量幾足，好重鹽焗味，但都係偏鹹，勝在雞絲肉質嫩滑。青瓜絲，幾新鮮，為偏油既拌醬增添左啲清新解膩既感覺。拌麵都係似擔擔麵既麵，醬汁喺底，面頭配上炸黃豆同肉碎。炸黃豆第一次食，好脆，但無咩味，我都係中意以前食開既炸花生。醬汁同肉碎好鹹，而且偏乾身，拌完個麵都係好乾，口感好糊同偏油。整體黎講都係果句，可以買到飽肚兩個字

根據推介， 點左一個養生老雞雜菌麵。 我必須要話， 碗麵都真心係大碗， 每一啖湯都有藥材嘅味道， 見到蟲草花舖面， 飲完湯可以暖身。 麵質都係特別而且唔錯， 唔係一般食酸辣麵嘅嗰種米線，來得滑身一啲， 但食完都仲係非常頸渴， 有種食完味精嘅感覺。雖然跟餐係可以加錢嗌嘢飲， 但凍飲個樣又望落似糖水溝， 熱飲又好細杯，唔抵。手撕雞算係抵食， 都有幾多可以夾下， 最難得係鋪底啲青瓜好清新， 剛好可以平衡太過濃味嘅湯底至於蒜泥白肉， 呢一個已經係相機先食，未開動前嘅樣， 鋪面嘅醬覆蓋晒四塊肉， 覺得唔多抵食。

係元朗行到咁上下就去左辣媽食米線酥肉,入面係豬肉都算幾香酸菜豬肚面個人認為湯底只是一般冇一種好香既辣味芝麻雞絲醬面份量多但不特別青檸七喜幾好總結如果以米線湯面黎講呢間只算係不過不失

工作中午餐，同事元朗人介紹呢間食店！食店前無車位，我哋泊停車場再行去食！門面光鮮，入內幾田園，竹燈罩、淺色桌椅、牆上有瓷器大碟裝飾，裝修唔娘又保有麵店嘅主題，環境幾舒服！食物選擇多，好多配搭都幾新鮮，樣樣都想試！胡椒脆肚麵（$51）湯底濃而微辣！胡椒香而唔太辣，飲到原雞湯底，又唔會好油膩，酸菜爽脆又唔會過鹹，豬肚入味唔腥，有咬口又唔會韌！麵係似上海幼麵，掛湯唔錯，麵條微彈又滑！好味！健康水果茶（跟麵半價$14）叫了少甜，一個高身玻璃瓶，配鮮黃色果汁，雖然果肉無參考圖片咁大粒，中間夾雜嘅熱情果核爽脆有咬口！酸爽好味！配辣麵一流！同事食：酸菜紅燒肉麵（$45）藍色大海（跟麵半價$11）食物真係出色，湯底、配料足料都好香濃！真係要再來試其他！店員有禮有笑容！仲會解答人客疑問（唔係hea答）落單又會溫馨提示微辣，講清楚怕客人食唔到辣！上菜收碟都有禮！食物同服務都好滿意！

老壇酸菜桂花魚麵- 湯底酸度適中，老壇酸菜紥實無渣，鹹酸度平衡。湯中有冬瓜粒，雖已煮至無味但為每口湯添上滑捊捊的口感，配上蔥花、莞茜及薑粒，感覺清爽。不過，每口湯的餘韻不知何故帶超微苦味- 桂花魚片多骨難清，廚師已盡力處理，惟仍五條漏網之骨。魚味淡薄。- 幼拉麵順滑微彈牙不飽滯，與清爽醒胃湯底搭配*麵碗偏大，有兩個凹位防匙羮及筷子滑落

星期六下午，一起身就同屋企人出外食晏，星屋企人知道附近開左間新鋪，就一齊去試下啦😋原來係食川式菜，又係酸菜魚呀😋餐牌上都有幾多款式ge，不過見到價錢唔會想試第二次，因為都幾貴下我地坐果個位幾得意，面對住廚房出菜位，但都算可以ge👍🏼我地揀左個四川三絲涼麵、酸菜桂花魚麵，飲品係金桔青檸同百香果蘋果綠茶食物同飲品方面，我都覺得做得唔錯，反而欣賞涼麵，食落味道岩岩好👍🏼唔會太濃味，而酸菜魚麵湯底食到幾重胡椒味，可能想除左魚腥味，飲落唔會好咸，算可接受，魚肉就一般，仲會有魚骨，因為預期食落係啖啖肉ge🤔百香果果杯飲品係用罐頭水果，唔係新鮮水果，有點扣分，叫野食再叫飲品，有半價，所以就算佢啦🤣俾錢果度有段小插曲，就係對方找多錢俾我，不過我思路清晰，有同佢講聲🤣無謂貪心依d，人地都係做生意啫，可能新鋪開張無耐，都會有少許混亂，大家就體諒下啦😉