Video
5-min walk from Exit A4, Sheung Shui MTR Station
continue reading
Payment Methods
Above information is for reference only. Please check details with the restaurant.
事緣上完深圳落番來～否則無乜幾何會在上水搵食。不是友人帶路，都係不知在街市熟食檔剧扒打聽後～原來這家就是以前很愛吃的農場餐廳的老闆開的滄海遺珠 。老闆在這個小小地方東山再起，其實以這個地方吃扒價錢一點也不算便宜，不過友人帶得我來，即管試下，我地一個叫左羊架意粉，一個叫了大蝦牛扒火雞意粉～賣相不錯，份量也很足，大蝦很新鮮，牛扒叫了7成熟，不過有點un, 羊架其實做得不錯，如果愛吃羊的話是不錯因為有點蘇呢⋯其實整體上是不錯的，食完飽到傻～說實話，比起金x餐廳，粗制濫造，這家確是很好了！可惜都是敵不過地產霸權，租金太高昂令小店難以經營，實在有點可惜！
continue reading
係新年,好多食市都唔開門~攪到我地呢D 係初五開工既人仔都唔知有飯食有同事提議不如去上水街市打個轉啦~去到個街市又估唔到咁多人係度~因為我地成10個人開飯~好多地方都冇咁多張(木台)行行下見到呢間野~又有兩張大台~就唔理咁多坐左先講一坐底就見到一張以手寫既餐牌~雖然係手寫都睇得明佢講咩既~以$38 既餐有包有湯有飯食~都算係咁架啦~好似熱飲加$6 ,凍飲加$8 的~~咁轉眼有個男人黎落單啦~我地講左九千幾次都係落唔掂份單~我地都唔係講中文餐名架啦~讀英文字都係唔明=口=fine~呢個絕對唔係問題~佢話要15mins,叫我地飲住湯先啦~同事話紅湯又濃又"傑"又咸~飲左一陣都放棄了白湯更出事-口-唔知係唔係落左十斤鹽~咸到連想飲落去既動力都冇埋第一個黎既就係同事既茄汁牛利飯/意粉~首先唔知係唔係佢地真係太有錢~~即情將茄汁變左一堆未開既茄膏直情上碟~(唔知大家知唔知~其實有陣時我地食既茄汁~係廚房黎講係要一罐茄膏加水加糖溝番開先出得街)而今次我同事食既茄汁就係一pet 未開既茄膏上碟~其實它家既牛利都幾好手,只係d 茄膏出事~因為它既酸又咸~最重要係冇水飲呀嗎大佬~真係有同事食左半碟放底左啦之後就不斷黎錯野,不斷唔記得我地叫左d 咩啦~不斷上d 唔係我地既單啦~最後....小妹叫左一碟黑椒豬手配牛肉(牛扒)意粉~因為我唔食辣,叫老闆轉其他汁啦點知同佢前後講左5次我要c餐意粉轉蒜容汁~最後黎既都係茄汁牛利意粉都算數啦~趕時間番公司,唔理咁多食左先算啦!最後我連牛利都係搵d 冇掂茄膏黎食,所以意粉我都係食左半碟咋~番到公司即刻搵水飲啦真係救命但係真心唔會有下次囉~~~~大家可能話點解我講到咁唔得,點解唔叫野飲?因為個老闆唔比我地落野飲囉~佢話沖唔切啵吹脹~你話有個包都好呀!!! 最爆都係~埋單個陣問番我地有冇飲野,有既木台面就有杯啦~又係你叫我地唔好落野飲既~又問番我地有冇飲野=口=一句吹脤~
continue reading
今天一點去到，只有三幾個人，我兩人坐底後女侍應表示落單可能要等半小時左右，我們都冇問題便落單，可惜等了成五十分鐘還未有做出未，再三問女侍應都是答等陣，後來發現之後來的都有餐出來，再問女侍應佢話唔食可以取消，當時我都火起已冇心情食就話取消啦！走前還要為一杯未飲過的涷檸茶比8蚊，呢D咁嘅服務態度我真的祝佢生意興隆，我自己一定唔會有下次。
continue reading
3-6-2013(一）是日，和媽媽來到上水廖萬石堂逛遊，吃個下午茶後，媽媽先行回家，而我一個人再在附近繼續影街道相。影相完畢，特意來到 農家意粉餐廳 吃晚飯。很多香港人或許也聽聞此店老闆的過去事蹟：高峰期他曾坐擁 48 間 農場餐廳，但後期受到 97 金融風暴影響要破產，店舖全線結業。2009 年，他捲土重來，在 石湖墟市政大廈 的熟食中心內開設檔位，並改名為 農家意粉餐廳 。中學時期， 農場餐廳 在青衣美景花園內有分店，居住於附近的我經常幫襯， 非常懷念當年鋸扒的味道及記憶。是次到來，志在尋回昔日的記憶！點叫了是日的 精選晚餐：茄汁大蝦肉鴛鴦扒($88)、雜果燒雞沙律(另加 $9)、凍檸茶 (另加 $8)，奉送蒜茸飽、羅宋湯及曲奇餅。 失望、失望、很失望。。。 茄汁大蝦肉鴛鴦扒：鴛鴦扒是豬扒和牛扒，由於我不吃牛，所以改了兩塊也是豬扒。看見賣相已為之一嚇，豬扒真的如紙一般的薄透，完全像沒有重量般，輕得用叉子把它叉起也跌下來兩次 。 豬扒味道完全不對辦，店員是否沒做鬆肉的步驟？ 肉質很老兼鞋身、沒有肉汁； 那隻大蝦更過份，應用「小蝦」來形容它會較為貼切，體積真的小得可憐！肉的份量顯然不多！唉！茄汁頗酸，猜估店員應沒有下適量的糖份去中和當中的酸性！ 差！雜果燒雞沙律：份量十足，但吃下數口便被迫放棄全碟了 。雞肉鞋身，沙律也完全是在溫熱狀況！另外，自己可能對某些文字的意思有所曲解！當我看見餐牌寫上 曲奇餅 三個字，我即時想到是蛋糕，想到有曲奇味蛋糕作甜品也不錯！唉！怎知，原來真是 曲。。奇。。餅。。 啊！店舖內擺放著十多罐雜嘜曲奇，每位光顧的客人都會奉送一格(共三件)。我的思想真的有點壞：看見那十多罐雜嘜曲奇，令我聯想到，是否農曆新年的送禮所剩下來，掉就浪費，那就每位客人均奉送一格呢？我看見鄰台的食客，看見他們收到曲奇餅後大笑了數秒，而我則 O 嘴了 ！埋單共 $105，這樣的素質。。。價錢十分，十分之昂貴啊！試過一次便算了！ 唉！難尋回昔日的良好印象。。。
continue reading
牛扒拼雞扒 配薯仔 牛肝菌汁跟餐送羅宋湯 蒜蓉包羅宋湯: 辣+咸蒜蓉包: 烘燶麵包牛扒: 火煱肥牛般薄雞扒: 乾+雪味薯仔+配菜: 凍雞扒牛扒都係煎定配菜又凍既食物唔夠熱誠意欠奉街市熟食中心環境一般亦唔預有service可言水都無杯埋單時竟然收加一服務費真係O左嘴
continue reading