農家意粉

Open Now

Now Closed

最近周圍都無車坐搭 就係附近搵下野食 侍應安排我地坐隔離舖 叫左一份羊扒 一份簿牛扒同一份燒雞 落完單見到隔離枱食淨好多都知伏伏地...之後野食等左成個幾鐘 等到小朋友都扭哂計好啦，之後野食到啦 啲羊就幾乎全熟 牛扒就完全咬唔爛 雞就無乜點食 因為最後先泥 都飽到七七八八 最過份就係個茄汁意粉同茄汁開水無分別 等成個幾鐘比咁既質素我？去大型快餐店食個雜扒都無咁嬲...食到一半都無個侍應就入泥收錢 餐飯就等咁耐 收錢就9秒9收 之後我問下個侍應今日係未多客 真係等好耐 條友好似唔憂做咁 串77話係咁耐架啦 下次唔好泥食啦 我個心真係媽左一聲大家唔介意等個幾鐘同難食兼態度差不防一試

呢日朋友喺長沙灣返工，所以又可以一齊食晏，佢提議試下呢間農家意粉(近嚟討論區有人講嘛)，位置其實離我office唔遠，但九江街一帶唔似有餐廳，主要係車房咁，所以行到去門口都要望多兩眼先確定👀。入去有門牌嗰間舖(正舖)，門口有堆箱😅，開放式廚房都喺埋呢邊，得一個阿叔係到煮緊嘢，另外有一個店員做樓面，唔係好夠人。舖位其實唔係好細，但啲枱櫈擺位好奇怪，好窄好逼咁。企咗陣，店員叫我可以坐過隔離舖，有多啲位，我先發現原來隔離舖都係佢哋。但因為燈光暗，好簡陋，中間放咗張大長枱，側面又有好多雜物書等等，加上無乜冷氣，我以為係未開門嘅小學生補習社🙈。店員遞上幾款餐紙，又係意想唔到，因為係手寫再拎去影印，半張A4紙咁大，心諗不如我幫你用電腦打啦...整得整齊啲同細張啲，可以慳紙啲。呢到有幾個餐牌，有午餐、主菜、今日特價同常餐，花多眼亂@@。其實有啲食物幾張紙都有，都唔知點叫😅。最好笑係午餐F有鵝肝嗰個無寫幾錢，叫人哋猜......哈哈。因為坐咗係隔離舖，所以要自己行過去正舖比點餐紙。另外，之前睇openrice見到有人講等好耐先有得食，果然唔係都市傳說，真係等咗起碼20分鐘，有其他客直頭忍唔住過正舖催🥴

落料好足，次次都食得好飽，我幾鐘意佢隻香草，意粉次次都煮得啱啱好。我住得唔算近，幫襯過十零次，雖然未至於話極好味，但唔知點解隔一排就會口痕想返去食。得老闆一個廚師，講明唔做急單，預咗等30分鐘以上，見過幾次啲客因為等得耐而鬧人（鬧侍應唔應該先俾我地，但其實我地先到），可能有啲食評都係因為咁樣得失啲客。

小弟中文欠佳(外國長大）所以不會寫評語。在此初次投稿是為了支持這家含著童年回憶的味道的餐廳。90年代長大的該記得「農場餐廳」，因亞洲金融風暴而破產。老闆捲土重來，由過億資產的CEO降下到做了廚房和餐廳所有的事情「一腳踢」。為了東山再起，就算失敗了幾次都不放棄。90年代長大的不如與家人重温當年的味道（1），價錢又實惠。厨房只有老闆一個，做的菜又是需要時間、希望大家明白和理解。（能夠快的，他又為何不會？ ）多謝閣下花了寶貴的時間閱讀（1） 我的童年回憶是黑椒牛排意粉

一坐低個老女侍應就甘掉D Meal落張枱，meal又寫得吾清吾楚佢亦吾解釋，問佢嘢冇耐性答人，仲見到佢發左神經甘即塲同隔離枱客嘈，好似鬧個客話佢做乜講粗口，但個客其實吾系鬧佢，系同佢老公講緊嘢，然後個老女侍應答嗲，鬧到枱客走左之餘仲跌左落地拿番揸沙，坦白D嘢又吾好食又貴，牛扒D牛根又多，明明叫6成，佢俾8成我食物差態度差囉，其實附近都有好多嘢食，見佢寫農家意粉諗住好親民而且估系良心食店咪入去試下，點知會糸甘差，唉……好後悔入左呢間嘢食，本來已經黄色暴雨心情好down,遇著間甘既店，認真吾好釆以後吾會再去囉

嗰日咁啱想食意粉，之後見到呢間好似幾唔錯，所以就諗住去試吓呢間好唔好食我係嗌外賣餐嘅白汁肉碎雞扒意粉（$38），打開盒野一開始係有啲驚訝嘅，打開盒野一開始係有啲驚訝😱😱唔明點解係偏綠色嘅醬汁，不過味道又OK嘅，不過成個意粉最唔明嘅係點解要加粟米蓉配落個意粉度，真心兩樣嘢完全係唔match架囉，所以我撥走曬啲粟米蓉，因為意粉同埋嗰個醬汁配埋落粟米蓉度真係好難食，撥走曬之後識嘅話味道就中規中矩囉，希望下一次試另一個會更加好食啦😮😮

今晚同屋企人下午六點十分去左呢間餐廳想食個扒，一個員工或老闆（中老年男士）告知六點半才開，無排隊號碼攞，只叫我地坐隔離鋪位等。我地係第2枱到既客人。坐底寫好坐單比佢。等到六點半打後有個女員工來，話D單同隔離枱撈亂哂，要對過。搞左幾分鐘等上菜。結果鄰座連遅過我地來既人都有得食，我地等左成個鐘（由個女員工來確認單後計起）都未有。我去同個女員工問點解，佢手指指話唔知，叫我問個男員工，跟住個男員工竟然話呢度冇規矩要按落單次序出菜！如果黎呢度食記得預左等到收鋪先有得食！

差，差，差。經過見到係農家菜，感覺應該好食同埋好親民。點知入到去個女人(應該係老板娘)嘅態度好差，好似一副我差左佢錢咁嘅樣。劉德華都有講啦今時今日咁嘅服務態度點得㗎。我黎食餐飯姐，仲要睇你面色咩？以為等左45分鐘有好野食就算，點知…我哋入咗鋪頭想要叫薯仔，但佢話冇。之後再有人入黎叫薯仔，佢又話有喎。諗唔透佢咩道理。我地2個人叫左一塊6安士同9安士肉眼，點知比錯汁都算，有一塊仲要洋蔥溝番茄汁，以為加左錢升級肉眼會好啲，仲差過茶記啲雜排，5成熟似3成熟，啲肉質差又咬吾爛，成舊車軚咁。唉！仲叫左碗未融粉嘅香草忌廉湯，啲湯入面飲到一粒粒未融嘅粉，極度懷疑係用粉沖的，一句難飲到死👎🏻👎🏻👎🏻

好耐都無來這裡食飯對上一次差不多一年前，今日有點時間就來食餐午飯。叫了個8安士牛扒餐配牛肉湯，沙律，配飯牛干菌汁連凍啡。先來餐湯有好重牛肉味有番茄，红蘿蔔，洋蔥，西芹去煲味道不錯如果咸多少少效果更好。氵飲完到燒雞沙律燒雞入味沙律都好食但配搭上點解有粟米蓉？感覺有點格格不入用多片番茄替代粟米蓉合理得多。到牛扒配飯主食牛干菌汁很香飯也夠熱係加分地方，但主食配搭上也怪怪地配菜用莧菜？西餐用莧菜做配菜食落也很怪又有渣食了一啖無食其實用炒洋蔥或切多兩片番茄代替莧菜更好。主食更一個問題係點解又有粟米蓉？汁水已夠多根本唔需要粟米蓉，牛干菌汁係咸粟米蓉係甜兩者根本係相衝。牛扒都煎得啱啱好配上熱飯十分美味。凍啡都O k係唔夠咖啡味。

食店門口放滿又大又靚嘅蕃茄、薯仔、洋蔥及其他罐裝食品，上星期五過咗營業時間，食唔到晚餐，見仲有人喺店內，所以就買咗啲蕃茄、薯仔，同埋超級大嘅洋蔥返屋企，假期煮嚟食，食過真係好好味。嚟到星期一，今日收工就立即過去食店，因為食店唔係好大，只是可容納到十幾個坐位，每次行過想試，一到食飯時都坐滿晒人，晏少少都冇位啊~呢到樣樣嘢都覺得好貼地，餐牌上唔算太多款，但可以自由配搭。叫咗個蕃茄薯仔湯，湯加咗紅蘿蔔，有少許騷味，哈哈…可能加咗羊呱~忌廉湯唔似一般忌廉湯，顏色好靚，又紅又綠，質地較稀重忌廉味。跟住主菜叫咗個牛肝菌汁6安士5成熟牛扒配飯，洋蔥汁龍脷柳帶子配飯。當上菜時，汁係多到見唔到入面係咩㗎~牛扒煮得剛好，配了牛肝菌汁好好味。龍脷柳煎得好好味，魚皮都煎到好脆，但洋蔥汁俾得太多，可能用咗大量蕃茄煮汁做底，再配洋蔥製作成，所以好酸，似大量蕃汁撈飯，因為係食魚，俾少啲汁會更加好啲。最後，檯面有啲Organic嘅飲品，之後仲啲返屋企試吓㖭~

咁夜都要趕個食評出黎並且俾負評，只因為餐廳啲食物同態度都太離譜，實在不吐不快！2月14情人節不想出街比劏客價食情人節套餐，所以外賣了12安士安格斯牛扒配意粉（$88，九成熟）及黑毛豬柳粒配意粉($58)回家慢慢食。7：20pm 落order, 店員稱大概8：20 ok 。今日多人 等一個鐘 合理， 於是俾錢後回家食個餐前蘋果，看着電視等！ 8:20 落去 ，被告知要等多三四個字， 當時已餓到肚扁扁 ，不過算啦照等。8：40再去，被告知，仲未得，等多15分鐘…當時已很想取消order ，但見小店經營亦不好随意取消， 於是再回家邊看電視邊等…來來回回三次，到9：03第四次到餐廳，終於可取安格斯牛扒…以為可以大擦一餐，點知回家打開一看，三塊黑色硬到好似石頭既牛扒，切少少放入口，煎到過晒龍至焦黑並且又咸又苦！我即刻吐出來。一個餓左兩個鐘既人都完全食唔落，可想而知幾難食！再試下混係意粉中既配菜西芹，凍既！完全生既！！即刻！拎去餐廳反映，一餐飯路五次真係破紀錄！店主話同我地更換並好快俾翻我地。因為太餓，於是趕快再回家，坐低一反轉果塊所謂已更換既牛扒，根本就係原本果塊，佢只片走了焦黑的大部分…並將無

呢間家庭式店係深水埗其實都開佐一段時間，今日其實行過見到門口放佐好多大大件既蔬菜，諗主過去望下，結果心血來潮決定直接入去開個餐﹗店面唔算好大，一張巴枱加三張枱，我地算係第三枱客，望下個餐牌，有套餐同自由配塔既方式可以點女朋友揀佐個三文魚意粉配香草汁，再配個忌廉湯。我呢d 肉食系就叫佐個9安士牛扒意粉配牛肝菌汁加三文魚意粉﹗不過等候時間堅長，可能得伯伯一個人煮野，而有個女仔就做樓面，唔太清楚個關係，但都幾得意。先黎係個忌廉湯，幾得意，唔係純白色，味道都帶有小小菜味，幾特別。等多二三個字就黎個意粉了，時間係長d，不過都算值得，因為份量好大而且味道好正﹗幾十蚊有呢個份量同質素真係無得彈。三文魚一d 都唔鞋身，相當嫩滑，意粉個汁都好好味﹗而我個份就再等多二三個字就到，黎到直頭打個佐突，大份到呢~~汁亦都滿瀉，一百蚊都唔使有咁既份量真係有點誇張了，需然時間等得比較耐，但牛扒亦唔會太老，三文魚亦保持水準。係其他餐廰真係未試過用呢個價錢搵到咁有份量同咁高質既意粉。已咁既性價比黎講，店裡面真係不合理地小人，可能因為真係人手問題，令等候時間過長，但呢點我絕對可以體諒。反而咁樣既格局令我更加覺得親切，食得

行完西九龍廣場，諗住去黃金果邊睇下有食乜野晚餐，點知行錯左相反方向，去左九江街！原來衣邊都開左好多間食店！我地本身係比佢擺係出面賣既大洋蔥同大蕃茄吸引左行埋去！諗住買反屋企聽晚煮飯食！點知佢有做埋晚餐，就諗住支持下小店入面地方唔係好多，有3張枱同一張bar枱！都好多人幫襯！牆身係郊外既油畫，好配合佢間鋪頭名「農家意粉）2張簡單既餐牌，其實食物都係差唔多，只係叫法&價錢唔同今日有2款湯㨂，牛肉湯同忌廉湯我地㨂左忌廉湯，濃濃既牛油味，香草同忌廉味！凍冷冷既天氣飲反碗熱辣辣既湯可能係自家經營，貌似爸爸同個女2個一齊做！加上客人比較多，所以上菜比較慢！不過我地都靜靜地耐心等待！講到終於到feel到餓既時候，主菜終於黎喇！我叫左三文魚配香草汁意粉！$48香草味勁濃，有d忌廉味！個汁凍左有d漏！意粉份量岩岩好！$48衣個會價錢，超值三文魚勁厚，煎得剛剛好！蕃茄勁大個！他叫左9安士牛扒 + 三文魚 配牛肝菌汁意粉 $103個汁好濃味，可能太多汁有d漏

地方唔大，全場太約座到10幾人左右，不過都算座得幾闊落😃😃叫左12安士配牛肝菌汁，塊扒真係好厚好大，女仔根本食唔到😂😂😆下次都係叫番6 / 8 安士既扒就夠了！牛扒都唔算好淋，不過味道都幾好！配上好多汁，都唔錯！個餐 $128 , 有忌廉湯, 好大碗呀，味道重奶味甘，仲好稀，麻麻地好飲😆😂最後仲有兩杯o者喱，食到好飽！

今日放假專程上水出深水埗，真心，好食，58元比上水108元d牛排好上百倍，這才叫牛排，牛肝菌汁一流，牛排5成熟，同從前上水一樣，老闆加油，希望好快老闆再系上水開分店