遊食手打烏冬 (Closed)

生日所以食左好多野~石燒烏冬︰好味，烏冬放石頭鍋內，夠香又夠熱，材料也算足，雖然冇咩汁，但都覺得幾好味醬油叉燒烏冬︰以為係醬油湯底，點知係豬骨湯底，烏冬依然好味，但叉燒太瘦，不好吃刺身拼盤(細)︰份量就夠大啦，不過唔係好新鮮，而且未食已經睇得出大蒜餃子︰煎得幾香脆，食到有肉，唔會一pat pat燒羊胺︰其實我唔知道這是羊的什麼部份，但佢燒得煙煙勒勒，好正栗子布甸︰係日本先生送的，睇落係普通芒果布甸，原來係栗子整的!好滑又煙勒，好好味呀~總括來說，一定會再黎，但只會食烏冬或小食

上次拍拖周年紀念食完, 我同女友都覺得唔錯好食但又唔貴所以今次女友生日都再去食1. 刺身三文魚: 新鮮, 同酒店果d有得比螺片: 一般, 冇乜特別甜蝦: ok, 會再食八爪魚: 唔係普通八爪魚, 超爽口, 但唔平同份量少, 試一次算啦2. 壽司山葵甜蝦: 其實主要想食佢d山葵, 都係唔錯, 但之後發現原來有得就咁叫山葵八爪魚, 下次試下先3. 熟食竹輪芝士天婦羅: 一般, 唔抵羊鞍: 一般, 唔抵4. 烏冬地獄烏冬: 牛肉太韌, 下次試下第二款5. sake熱既, 唔記得名, 味似米酒, 下次試下燒酒conclusion:唔可以話好抵, 只可以話係適當, 但食物質素唔錯

早幾日同2個女仔黎食野,一行3人...大約10點到..見到佢有個咩什錦烏冬火鍋咁既野..好似大約..158 (係果個烏冬火鍋餐入面最平架囉)咁叫左3客壽司.好似20蚊一客到啦...一個烏冬火鍋餐..諗住3個女仔百幾蚊一個烏冬喎!!!叫埋d小食應該夠食啦!!再叫左一個燒鯖魚同什麼炸芝士雪魚雲吞..好似大約係58蚊定48蚊咁上下..咁等左10-5分鐘到啦我諗先黎一個...爐+..(爐都唔幫你開果隻).一打開個蓋.嘩..清湯一煲...跟住..過多5分鐘到啦我諗...大大碟既炸芝士雪魚雲吞黎啦..真係你估都估唔到呀..得果5塊..真係大碟到你唔信呀..如果唔係見到個炸雪魚雪吞,好似街邊d10蚊5件炸雲吞咁既樣...爭d以為去左d咩咁high既餐廳..食落去..值成10蚊一粒既炸雪吞..豪無驚喜..淨係知入面d芝士雪魚好少唧..超唔值...我記得係別府食果個炸芝士雪魚又大件..又平佢好多囉..跟住黎左d壽司..一睇.個20元的鮮帶子壽司好似縮水咁= = 食落..豪無鮮味..其他2碟我無食.不過都唔方好架啦= =跟住又等左成5分鐘..個清湯煲..仍然係清湯..火材料都係仲未到..但見到隔離2檯(仲

一間標榜手打烏冬的店，價錢相宜，試試是龍是鳳。我倆很難得放下對烏冬的成見，在不欣賞這款日本麵條的情況下，也破格來了吃一次。1)海賊汁鐵板炒烏冬點菜時不停詢問海賊汁是甚麼，還是給繞圈子，問非所答。吃起來照計應該是普通的鐵板燒汁，炒烏冬十分普通，不見得分外彈牙，一般在超市買的烏冬包也可做到。整個鐵板上最好吃的，要數鰹魚超薄切，在熱力中左搖右擺。2)天婦羅冷烏冬冷烏冬與天婦羅分開上，冷烏冬用竹製的筲箕盛載，很有鄉土風味，麵上放了幾條紫菜，啎錯，少少煙韌少少彈牙。天婦羅蝦雖小，也炸得似模似樣。既然標榜手打烏冬，當然不能有閃失。3)壽司點了魶魚、三文魚及加州卷，全部都一般。魚啎夠新鮮，加州卷包得不好，很易散開。最不爽的是不能拍照！不能理解這是甚麼心態，手打烏冬也有專利、也有版權的嗎，真的很無聊。就算再好食，也沒有下次，雖然店員禮貌勸喻，但就是不爽，埋單時一毫子小費也沒有畀！

其實食過幾次,大睇都唔錯,但佢唔係隻隻udo都係咁好咬感,最鐘意係佢個杯杯黑udo salad.超正咬口,同埋個汁好夾到D udo.除左udo佢既燒炸物都唔錯,但係sushi就麻麻,可能唔係做sushi既店啦,所以我suggest佢地放多D心機做好udo.呢到價錢係一流,十分大眾化,除左我以上提過既salad係比較貴($20...portion比較其實為小),通常都比較抵死,加上開係尖沙咀好就腳,咁既價錢同Quality係物出所值.另一心水作係番茄肥牛udo,湯底酸酸辣辣,加上肥牛,岩晒我胃口.唯一係服務強差人意,有待改進!

28 September 2006 (Thur) - 晚飯又係去完旅行至寫，真係又唔記得食咗幾多錢，只知友人話呢度係食手打烏冬，我哋就真係一人叫咗個烏冬，真係幾好，又煙靭，果然手打都係好味既！！價錢都OK，但係服務好似麻麻，因為叫極都冇人理，可能夜，個個趕收工，又要執嘢，所以將我哋拋諸腦後．．．唉，想搵啲又平又服務好既地方真係買少見少～～

同上司食ｌｕｎｃｈ，分量比較少．．食完仲有ｄ餓．．可能我大食卦～　＝＝ｄ湯好清．．．唔會好似味千拉麵咁濃～我叫左個肥牛烏冬，仲有個少食添，同埋一杯野食　ＳＥＴ　ＬＵＮＣＨ　＄６０倒　因為上司係日本人卦．．．佢就覺得好味．．不過可以一試既係佢Ｄ烏冬～　係用手打嫁好似．．都幾得意既．．．．

我食過2次。一次同男友，一次同女友最中意食番茄鳥冬~可能中意飲個湯啦~小食就好一般~有食過魚生我女友食魚生後即晚痾，我就無野丫~(吳知點解)食下無妨既

6/9(三) 6pm今日放工時間比平日早,見有餘暇,返學前相約男友食晚飯.選擇此店的一大原因是就腳及其被雜誌吹捧多時的手打烏冬,結果卻是意想不到的差劣!未到6時,食客小貓三兩隻是理所當然.環境方面跟一般港式日本店大相逕庭,指定的木枱椅,燈光昏黃,尚算企理乾淨.翻閱餐牌,食物屬大路.點了三文魚壽司$10,叉燒拉麵$38,煎大蒜餃子$28,黑烏冬沙律$20.三文魚壽司--飯粒散爛,三文魚色澤暗淡,吃落亦是預期的淡口,完全吃不出鮮味.叉燒拉麵--湯底淡如白開水,叉燒呈深褐豬肉色,肉質同樣嚡口非常,較可取的是口感彈牙的烏冬,不足的是欠缺,麵粉香!煎大蒜餃子--中型餃子5隻,餃子皮口感全無,容容爛爛且偏硬,豬肉餡亦如事.黑烏冬沙律--用膠杯盛上,先由男侍應代為搖勻.沙律配料是常見的蕃茄,生菜,粟米,黑烏冬比白的更煙韌有口感,加入千島醬感覺格格不入!服務方面除經理外,全是年青侍應,當我正在拍照時,一名男侍應匆著我們而來並阻止我拍照,其後整頓飯我們恍如置身監倉,全程被監視.我當然見機行事,攝得大部分食物照!這頓皇家飯盛惠$94,又可去少間!

早前同食友傾開遊食的「得獎菜」，是罵聲四起，今日食完蓮子拔絲當午餐後，路過順便試下烏冬，看看案情是否於食友所說般嚴重。叫了肥牛烏冬，先吃一口烏冬，外滑而麵芯煙韌，獨欠麥味，味道大蓋是被鹹而微鮮的昆布湯蓋過，與富久保及手打烏冬屋比味道及口感輸了一截，然而卻是本地難得的手打烏冬店，水準與初開店時有些少出入，是意料中事，亦可接受。來到遊食，「得獎菜」是可免則免，還是傳統一客手打烏來得要好。P.S分數是給烏冬的

從來唔知呢度有野食，今次都係朋友話雜誌介紹，所以去試。價錢唔算貴，都食得過，我地7:00P.M.入去都無咩人，不過我地9:30左右離開時，就開始要等位。食物味道不過不失啦，而份量都算少，不過我地淨係得女仔，唔係好大食。環境都舒服，同朋友一邊食一邊傾計，都幾好。

我和男友在此店食lunch,叫了2個烏冬套餐包飲品,鳥冬口感不錯很彈牙,但份量太少,我食完都覺得不飽,男友更加不飽,之前曾經食過套餐有2件壽司頂肚,但現在需要加錢,不底食.

食左個沙律冷烏冬, ok啦, 我本身十分喜歡沙律, 咁就覺唔錯囉, 不過就一定唔係outstanding.食左個鴨胸薄餅, 仲話係推介, 我覺得又咸又膩, 芝士多到好似唔洗錢咁, 又唔match個料同個餅底, 個餅底仲係好"loan"有苦味, 好係第一次上家政堂整既失敗作品咁...咁都要每人四十幾蚊, 有乜理由?

星期五放學後, 又有下半場, 趕時間直出尖沙咀.自己又未食野, 又約左人在寶勒巷, 剛巧見到此店大大的霓虹招牌, 就入了來.環境不是大好, 檯與檯之間好窄, 就算打對面都一定會撞腳; 又沒有禁煙, 幸好沒有太多人在抽煙.飯和壽司一律out, 就要個滑蛋豬扒烏冬+ 煙肉蕃茄串.蕃茄串兩串共有六件, 味道唔錯, 煙肉燒得香又唔乾, 可能是蕃茄的關係, 蕃茄是車厘茄, 但比我平時見的大一點.滑蛋豬扒烏冬黎到, 先吃之前給過往的食評彈到體無完膚的豬扒, 又幾脆, 粉唔算厚, 而且熱, 吃得出是剛炸的. 除了烏冬, 還有金菇, 冬菇絲, 金筍等.滑蛋也熱燙的, 不過個湯底就爭些少; 呷了一口, 雖不是不冷不暖, 但明顯唔夠熱; 主角烏冬唔算十分出眾, 不過型狀和味道和一般一包包的烏冬又是不同, 算是不錯.待應已變成清一色男士, 服務都ok, 沒有黑面的情況, 不過入面製烏冬果位師傅就似乎黑左d, 希望唔會影響品質啦.一共七十大元, 算是幾抵食, 有機會會再來的.

一段時間沒來了, lastnight和舊同事聚聚, shopping後也餓了, 便醒起這裡. 我又掛念煙韌的手打烏冬!三人叫了:-麻辣雞肉手打烏冬-青菜手打烏冬-天婦蘿手打烏冬-煎餃子-酒煮蜆配料都好新鮮..比起早排好多了..但要保持水準啊!