都匯漁港

Open Now

Now Closed

主旨：投訴侍應態度不佳尊敬的管理層您好！我希望透過這封信表達我對於在貴酒樓用餐時所遇到的令人失望的服務經歷。在 2024-7-31當天，下午茶時段 我和家人選擇到貴酒樓用餐，但我們的用餐體驗卻受到一名侍應的惡劣態度影響。當我詢問菜單上的幾道菜品時，該侍應不僅語氣冷淡，還顯得非常不耐煩，讓我感到非常不舒服。隨後，我們在點餐過程中多次要求澄清，但該侍應並未耐心解答，反而用輕蔑的語氣回應。我們下單後侍應阿姐 （黑色衣服）抌張單喺枱面 篤住張單你盲㗎唔識字 選擇兩種食品太過分，嚇親老人家我理解餐廳的工作壓力，但作為服務行業的從業者，良好的態度和專業的服務是非常重要的。客人應該能夠在用餐的時候享受愉快的氛圍，而不是受到侍應的負面情緒影響。這次經歷令我對貴酒樓的服務質素產生了質疑，未來是否還會選擇來這裡用餐也成為了一個問題。我希望貴管理層能夠重視這個問題，並對相關的工作人員進行適當的培訓，以提升服務水平。相信改進後的服務會讓來自各地的顧客有更好的用餐體驗。

甘岩行街 第一次係呢間野同老人家去飲茶點心紙上面寫住幾樣嘢，選兩樣嘢我冇睇清楚揀左三樣嘢點知個阿姐抌張單喺枱面 篤住張單唔講嘢嗰吓我都唔知發生咩事以為三樣嘢唔得諗住拆咗佢點知佢一開聲講你盲㗎唔識字 揀兩樣嘢 佢意思叫我再揀多一樣，total四樣嘢 啲態度差到一個點啲嘢又難食，態度又差喺香港飲茶，真係第一次遇到咁態度

7月6日揾食肥華，選擇在呢間，飲早茶主埸酒樓，和一班小學校友食晚飯，肥華深信一個成功嘅飯局，個主因並不是，餐枱上嘅菜餚，而喺飯局内嘅氣氛，而今晚出席呢個，老同學敍會飯局嘅，同學仔，大家互訴小學時，在校内嘅，趣事，瘀事，逸事，甚至情史，大家都一下子，腦海都係，五十多年前童年時回憶。而今晚此酒楼，亦提供到舒適場地，OK嘅食品及優質服務，給客人享用，可說是為此成功飯局，錦上添花，令到今晚出席一 眾同學，包括，揾食肥華及靚媽，都有一個歡樂偷快嘅晚上👏👏👏👍👍👍。

同屋企人去附近酒樓食晚飯，宜家做緊晚市優惠，晚市特價4選1，真係幾抵食架，88蚊有乳豬食或者19.8一隻乳鴿，好耐都未食過乳豬就試下啦～⭐️乳豬（例）雖然望落去幾細碟，但佢比既部位肥瘦適中，咬落去皮脆肉嫩，舊舊都好好食😂如果份量多d就好，乳豬係按人數決定份量，2個人食都係比例牌，多d人食會大份d⭐️上湯西澳龍蝦伊麵龍蝦好新鮮，肉質爽口彈牙，咬落去仲有肉汁，真係要讚下呢度個廚師，伊麵煮得好好食，個汁吾會好油膩，保留到龍蝦既鮮味，會再encore總體而言，酒樓食物質素好好，職員都會介紹下果日有咩好食，上菜速度快，可惜酒樓響屋村商場裡面，仲要行樓梯上去先到，比較靜。

今晚家庭敍會，相約在都匯漁港晚膳，此酒樓在屋邨樓下，面積相當大，客人並不多，坐得相當舒服。酒樓提供很多優惠，有孖寶，三寶等等，燒鹅，雞，乳豬及及乳鴿也有特價，我們一行8人，叫了一隻燒鹅，咕嚕肉，時菜牛肉，魚香茄子四個菜也吃不完，餘下燒鵝打包。燒鵝好抵食，只須298，雖然不很大隻，但味道相當好，唔會太肥，肉質也很嫩，唔錯。

12月3O日大約早上10點半左右，揾食肥華又同靚媽，到主埸飲茶順便食埋午飯，可能受到香港人，鍾情於北上消費風氣影响，肥華呢個主場，出到孖寶及自行配撘特價餐，唻招客，此店場面仍然未見熱鬧，吉枱甚多，香港食店慘淡經營情况，可見一班！以今時今日，在酒楼食一碗柴魚豬骨粥，一碟生竹牛肉，一碟瑞士汁炒牛河，一隻生炸BB鴿，再加一碟白西生菜，連埋兩位茶錢加一，埋單唔使$200蚊，都留唔到港人在港消費，認為唔低，真係肥華都冇計‼️

在此主場飲早茶和食晏時，食過多次腐乳通菜，發覺此店嘅腐乳醬非常惹味，十分出色，肥華心諗，如果食羊腩煲有咁正嘅，腐乳醬配合，個食味一定係，無懈可擊，10月24日知道此店已推出，羊腩煲，揾食肥華急不及待，捉埋靚媽去食呢個最佳配搭，可能希望越大，失望越高，雖然個腐乳醬依然出色，但主角羊肉，則味淡及唔夠淋，所以今餐呢個羊腩煲，祇值C+評分，反而呢餐兩個配角，蒸海班仔及燒雞，味道甚佳，篜魚火候啱啱好，燒雞上枱熱辣辣，呢兩味配角都有A級水平，搶盡主角羊腩煲風頭，不過以今晚嘅消費唻講，有酒，有菜，有肉，有魚，有靚媽陪食飯，呢餐晚飯，肥華俾👍👍👍

9月7日揾食肥華連同靚媽外家親人，一行六人在此間酒楼，提早食中秋節團圓飯，其實此間酒楼已成為肥華和靚媽，飲早茶嘅主場，今次特登吹雞唻食晚飯，就係要試吓佢嘅晚飯特價套餐質素，有冇早茶啲食品咁得，今次肥華拍板點咗半席$938元包茶位及加一，嘅鮑魚龍皇宴，而此席食品質素在坐各人都說Ok，加上份量十足又冇收開瓶費，最後埋單，搭棚計数，每個人頭都係$16O左右，呢餐中秋團圓飯，都可以講得係平，靚，正，講唔定此店日後，會成為肥華宴客嘅主場👍👍👍

自從啲細細隻嘅平價鮑魚仔，推出香港市埸，更打入香港飲食業後，令到尋常百姓食原隻鮑魚，已不是六七十年代，被視為衹有富有人仕，才能享有的高級食肆美食，而家連街坊茶楼及酒家，在早，午，晚三個用餐時段，都有呢類以鮑魚作排頭，的食品奉客，7月14日揾食肥華和靚媽，就係為咗食一碗，鮑魚雞件粥和鮑魚浸湯餃，而到此屋邨酒楼飲早茶，因此店早茶時段至有嘅，嗰個至尊自選孖寶就有呢兩款，鮑魚點心及粥類供應俾客人選擇，而且收費相宜味道OK，所以呢個，鮑魚孖寶早餐值得肥華向各位粉絲推薦

放工一身攰 天氣又悶熱再鬱係廚房都攪唔掂 一於出去食啦一般傾向中餐 貪佢坐得舒服 路過覓食 見到 嘩 片皮鴨呀$78咋 加多$10仲可以帶埋個鴨殼走 點左個楊州炒飯再來個魚香茄子好送飯 話時話茄子送炒飯味道唔錯 今餐真係又食又拎 大滿足

如天氣許可，此間上年才在鳳德商場，插旗嘅酒楼，在咁短時間，已成為揾食肥華和靚媽，在所住地區飲早茶，食午飯嘅首選之食店，4月2O日，肥華又和靚媽到此酒楼，食佢個自選原隻鮑魚滑鷄粥及原隻鮑魚灌湯餃，早晨至尊自選孖寶點心，名符其實此两款點心食品，都係有原隻鮑魚奉客，而味道和份量亦OK，用$5O多元價錢，食到呢兩款食物可說超值，而今日肥華所點嘅其他食品，成哥义燒飯，桂林牛肉腸及皇鮮竹卷，味道和價錢亦對得起，食客有餘，難怪在短時間內此酒楼已成為一間，人氣食店👍👍👍

環境企理 座位間格濶落 今日點左個懐舊簿罉 香菇燒賣 酥炸魷魚 燒腩仔配湯米粉 甜品 ：千層薑汁糕 燒賣有水準 炸魷魚脆口 但粉漿少少厚 燒腩都脆皮 但有少許豬騷味 薑汁糕薑味十足 夠煙un 彈牙好味

11月16日揾食肥華與靚媽到此間在鳳德村商場，開業不久之酒楼飲早茶，此店雖是新開食店但已有一班捧場客，故場面頗為熱鬧，肥華和靓媽要與其他茶客搭枱才可飲到此餐早茶，至於食物方面首先上枱係鳳爪排骨飯，肥華嫌個飯底唔夠乾身，飯粒偏軟爛，鳳爪和排骨就係一般酒楼水準，呢盅飯衹值C级評分，正當肥華對此店食物略為失望嘅時候，跟住而來的點心卻為此店挽回不少面子，尤其是個早茶話事孖寶，可以選擇蝦蛟皇和燒賣皇各一籠更是超值之選，至於碗豬骨粥及炸雲吞，鷄飽仔，都有B级評語，加上此店奉客茶葉水準不俗，以後肥華又多一處選擇飲早茶嘅地方😋👍😋👍

今日（24/10/2022）放假，來食番個下午茶。酒樓設在二樓，二點三到，唔駛等就有位，內裡十分光猛，但枱與枱之間太密，被安排的枱與鄰枱只有一膠板之隔，好唔好彩，鄰枱坐了二個說話好大聲既人，好嘈。下午茶點心紙選擇都多。點了家鄉煎釀尖椒，煎得香口八珍豬腳薑，醋比較甜，豬腳有些硬，再煲下應該更好食蟹籽燒賣皇，足料蜆芥鯪魚球，當中一粒放咗一段時間，唔熱，其餘都熱辣辣黑椒蒸牛肚，好淋，但個汁唔好味瑞士汁干牛河，炒得干身，牛肉就麻麻埋單$238

開業好似有個幾兩月咁上下，竟然無一篇食評。增添一份神秘感🤓重陽節公假朝早，決定身先士卒。為鳳德人謀福祉去試伏🤩上到去walk-in 10點15分左右，等左10分鐘鬆d有枱佢裡面原來幾光猛，碗碟算幾乾淨，唔會油立立。初步印象比想像中好原來佢有朝早特價孖寶野。但去到10點25分就last order 我地咁岩坐低就無了。😅比大家參詳下點心紙兩個人叫左5樣野 鮮蝦菜苗餃，鳳爪，粉果，咸水角，炸雲吞我本身唔抱期望去食。味道中等以上少少。菜苗餃同雲吞幾好。其他就正常發揮。無特別160蚊兩條友,以公假黎講都可接受。出到去11點9左右埋單個下。都好多人等緊位。順帶一提，我諗住用tap and go,原來唔得，唯有用Alipay 總結：可以一戰😌安全🫡