醉權

Open Now

Now Closed

和男朋友到元朗走一趟 見到報章雜誌推介便到此一試 叫左個雙拼藥膳台灣麵 揀左醉雞同醉鮑魚做餸 藥膳湯偏淡口 如果唔喜歡太濃烈藥材味嘅朋友可能會喜歡呢個味道 不過個人就覺得可以再濃啲 至於醉雞 雞滑又厚肉 皮同肉中間帶啫喱狀😛所浸嘅醉雞汁 酒味出 部份位置吃下去會有接受到的甘苦嘅味道 鮑魚聲稱是八頭鮑 口感非常嫩滑 但酒味稍為偏濃 甘苦味會更出 如果是浸過夜的處理方法 會建議減少酒的份量 咸味則剛剛好小店有心機 店員都好有善不過食物仲有進一步的空間👍🏻

夠鐘晚飯但又唔係好餓，無意中搵到醉權，見d野又幾啱食，感就去左。一心想食醉鮑魚，不過去到已經賣曬，好失望。於是就叫左其他招牌菜。雙拼 醉雞拼豬頸肉豬頸肉不過不失，啖啖肉冇乜肥膏，非常諗，配上泰色酸辣醬幾好食。 但醉雞唔太入味，d酒香味唔夠，食落只得苦味，勝在啖啖肉，唔係比埋d骨位。醉雞腎&醉雞蛋雞腎雖然都唔夠入味，勝在夠爽口，好清爽，係細粒左d。而醉蛋就比較入味，仲要係流心蛋好正。醉豬耳豬耳非常爽口，表皮亦沾上酒，幾入味。藥膳湯面藥膳味濃，湯底微甜，幾好飲，幾啱胃口，感覺好暖胃。蠔油菜心全店最出色竟然係佢，好清甜，無渣，好好食，真係估佢唔到。

路過呢間新開小店，聞到好香藥材味同酒糟既味道，被佢既香味吸左入去。個日係平日晚上7點幾左右，已經好多野都賣哂，米粉、河粉⋯⋯乜都無！得返台灣麵，心諗是旦啦，都坐底左。店員推介藥饍湯，咁就試下啦，湯底幾濃當歸味既，都ok，感覺好似好補咁，不過同個台灣麵唔太夾。入多兩個客，聽到連藥饍湯都賣哂😳呢度招牌係醉雞，聞到酒味幾香既，但食落隻雞好似無醃過咁，無乜味，好麻麻。試埋佢個醉鮑魚，細size又賣哂，要加錢叫大size。其實試左個雞覺得無乜味，都預左鮑魚都一樣㗎啦，鮑魚仲難煮得入味！不出所料，都係完全唔入味既！總括而言真係麻麻地，7點幾就乜都賣哂，都唔知佢點預份量，點做生意既。我地只係一餐飯既時間，已經有兩、三枱人因為咁樣，坐底左都起身走人！自己倒自己米🤷🏻‍♀️

男朋友唔知係邊樹見到介紹呢間新既鋪頭，專賣醉雞，佢話好想試下，於是特登出元朗。😄佢冇招牌，勁唔明顯，搞到我地搵左一陣先見到間野係邊。😂鋪頭細細，有4-5張枱左右，要坐得迫少少。－餐牌非常簡單，基本上都係醉乜醉乜。果到都幾多人，唔知係咪廚房唔夠人手，所以叫完野等左好耐先上菜。😵梅菜豬肉雲吞好少見到有梅菜豬肉做餡既雲吞，叫黎試下。果然冇失望，好大隻，係屋企食到既梅菜豬肉味道。😍—醉雞腎、醉雞蛋雞腎好爽口，雞蛋好入味。—醉豬潤呢間既酒味好濃，濃到有少少苦澀味，男朋友頂唔順，但藍妹覺得還可以。🤔藍妹好似未食過醉豬潤，估唔到好正，超鐘意豬潤既口感，份量勁多，係食唔哂嫁。😲—醉雞、炭燒豬頸肉河粉（藥膳湯）因為兩樣都想試，所以叫左雙拼麵。醉雞同預期既一樣，雞肉滑嫩，而且入味。☺️至於炭燒豬頸肉，都幾有驚喜。脂肪既分佈好均勻，食落去好嫩，但同時保持到彈性。😋藥膳湯好香既藥材味，唔會苦。—山長水遠去到，總算冇失望。雖然酒既味道太濃，但如果好鐘意用酒煮既野，應該會食得好開心。😍

今日試左醉雞、醉鮑魚、醉雞潤、醉雞腎同醉雞蛋，估不到醉雞腎驚喜最大，酒味夠濃之餘亦超入味，配埋雞腎個口感超正！等候時間唔耐，好快上台，藥膳湯底還可以，當然可以濃啲仲好。會再幫襯

專程來試試這小店，我們點了醉雞，豬頸肉，還有醉鮑魚。店員說明烹煮需時，店面不大，大概可以坐十人左右。我們等了約30分鐘，食物才送到來。食物全用膠碗盛載，我覺得十分不環保。試試食物的味道，份量都偏少，同行男士表示不太飽肚。雖說是醉雞，但基本上吃不出酒味，反而鮑魚的酒味還比較上濃郁一點。豬頸肉算是普普通通，不過不失。我們配的是河粉，理應不太難煮，吃下去卻又硬又“鞋”，感覺是還未煮熟。湯底可選清湯或是藥膳湯底，我們選了藥膳湯底，但味道偏淡。

之前睇過電視介紹過醉權，就一直都好想黎試下，全因爲流浮山嘅新鮮8頭鮑吸引，賣點係新鮮不留過夜，每日限量供應80隻。最緊要係價錢好抵食，半隻手掌大嘅醉鮑魚，只賣$38咋！勁鮮甜好入味，好爽口！呢度嘅麵湯底有兩款，有清雞湯同埋藥膳湯底，湯底材料相當豐富，好足料，食完好想飲埋啲湯！另外仲嗌左醉雞翼，好香口好好食！加埋呢度嘅自家製辣椒油，味道更加惹味！不過呢度地方唔算坐得好舒服，食得唔算好自在，不過都還可以接受嘅！

牆身寫住即刻制作，要耐心等候，13:06入咗單，耐心等候下等咗碗麵40分鐘，連門外遲來買外賣的都有得拎了。一問之下，冇入單。碗麵13:40先到。藥膳湯淡而無味，要落豉油嚟增加咸味。醉雞唔醉。午膳要趕返工的不要來了，免得遲到。盛載食物的堂食器皿也是外賣的器皿。覺得整體都很中伏。

晚上6:30去到叫醉鮑魚無，限定醉蝦無，藥膳湯底無，台灣麵、河粉都無！咸蛋雲吞無曬，即包要得20分鐘🙄落左單，坐低仲話唔知我落單份醉雞有無得食O曬咀！最尾等左差不多二十分鐘先話有得食醉雞中途等到想放棄咁滯！因為落左單都唔知有無得食！第一次食野咁徬徨點知黎到勁失望😞雞無雞味，又無花雕酒味！叫蝦子撈麵+$16，無蝦子，但個湯送一粒咸蛋雲吞！真係咸蛋黃包既雲吞，但無咸蛋味！勁啊！唔會再幫襯😑新店開張都準備不足！仲要「百無」又唔係好食

上個星期見到啲網友都介紹過好幾次嘅新餐廳👉🏻醉權醉權✊🏻招牌菜係食醉雞🐔同醉鮑魚🐟的，呢啲咁有特色嘅小店緊喺要去一試喇🤓麵類🍜有單拼/雙拼選擇，可以選醉雞🐔/鮑魚🐟/ 炭燒🐷豬頸肉，而湯底可選清湯 / 藥膳湯底，而小食方面都有多款選擇鮑魚🐟仲有6頭同8頭可選，而本身跟餐係set好咗係跟6頭鮑，如果想要8頭跟餐➕$15就得👍🏻👍🏻店員好有禮貌，仲問返我哋有覺得啲味道點？藥膳湯加咗麵底有啲淡，醉鮑魚🐟就爽口，醉雞🐔嫩滑，酒味唔會太濃而蓋過食物本身嘅味😋繼續支持小店