金利銀輝茶餐廳

Open Now

Now Closed

呢間茶餐廳位置向蘭秀道油站後邊一個唔起眼嘅角位，裝修殘舊，做街坊生意居多，晚飯小炒響美孚買少見少，呢間已經係同區比較好D嘅一間；午餐嚟講我就第一次，以前試過嚟，但剩返D唔好坐嘅出入口位，所以走左，今次完左早餐，啱啱開始午餐嘅時間，搵位好小小，叫左時菜炒牛肉飯，例湯粉葛湯，個湯真係無嘢講，唔凍唔熱，飲左一啖放低喇，反而個時菜炒牛肉幾Ok，似晚飯feel～～即炒，夠蒜蓉香味，四十四蚊都叫做大碟，配埋餐飲。

喺美孚食晏，入左呢間港式茶餐廳是旦食，入到去發覺光猛之餘仲乾淨企理，侍應同客人有傾有講，入嚟時間接近十二點，雖然差不多滿座，但食物上枱井井有條，令人食得放心，叫左個$44午餐－鎮江豬軟骨飯，包埋餐湯同埋餐飲。今日餐湯喺葛湯，但似乎味精重手左，都幾咸。豬軟骨有四至五塊，味道普普通通，純粹鐘意豬軟骨有咬口之餘仲充滿骨膠元，餐飲要左一杯凍鴛鴦，要求走甜少冰，上枱時按要求的一模一樣，留意呢度凍飲唔駛加錢的。

基於交通轉車關係，每周必定有幾日都會經過美孚。今日如常路經此地正值午膳時間，行經一間好幾年無幫襯嘅茶記。街坊生意，門面依舊，睇完水牌牆，見唔覺太肚餓叫個平平地嘅特餐，雞球湯意粉加杯荼走。雞球啖啖肉重估唔到有少少雞味，湯意就煮到同米線無乜分別。茶走有齊香、滑、濃。三十幾銀一個餐，廚房交足功課有凸㗎啦。埋單時見姐姐同櫃檯附近嘅茶客落單，見唔趕時間俾你落埋廚房都無問題㗎。交底咗三十五皮轉身就行，點知姐姐叫住我，找返一蚊俾我，重報多個親切笑容。地區小生意最好賣唔一定係食物有時就係依種鄰舍親切感。

美孚餐廳都唔少，但係好味既早餐就真係唔多！當中最平既就要數到金利喇。三十幾蚊有個多士，粉麵，餐蛋 任選。食既菜式就好正路，但重要既係出品！腸仔餐肉果啲無用不知名野，有廚師腸食，通粉個湯都溝得唔錯，仲有最正係杯嫄茶沖得夠香夠滑，有水準既屋村茶記！

搬進美孚巳經十多年了，經常在這裹進餐！這裹亦是我的Canteen. 近日發現老闆又自創新產品！名為" 蛋白茄粒沙律三文治"！ 老闆每天新鮮制造，三文治内充滿幼滑蛋白粒，新鲜蕃茄。再加上新鮮生菜絲及老闆自家秘制沙律醬，入口凊新香甜！絕對比得上外面連鎖三文治店的出品！加上街坊價錢！33蚊連熱飲！絕對是每天沙嗲牛肉面外一個健康選擇！再加上老闆每天在百忙之中，花盡心思來創作新產品給街坊享用！對於街坊茶餐廳，絕對值得再及回味！

早餐叫茄蛋治，黎左腿蛋治，個阿姐死都話我叫既係腿蛋治 ，唔肯換，態度超差，又唔係平又唔係特別好食，寧願食大家樂好過，起碼唔洗受氣最後同另一個阿姐講，佢肯換，但原本個阿姐仲係度嘈

週末唔可以淨係掛住瞓，間中都要做吓乖乖女陪一陪兩老。平時都係十一點前飲特價茶，自從發現哩間茶餐廳有好嘢，就九點幾就要嚟，因為要食假日特餐，唔早少少就冇得食。早餐時段$33，比一般茶記早餐貴少少，有幾特別呢？一見到哩碗嘢就知有睇頭，鮮茄湯好濃郁，薯仔都煲到好淋，加埋幾件排骨，好豐富。螺絲粉盛載住濃厚嘅蕃茄湯，一啖之後再一啖跟餐的仲有多少腸蛋同奶茶。哩個奶茶都係茶香奶滑之作，難怪次次嚟親都係逼滿人啦～

 如果只得一個人，要解決午餐的需要，那我通常都會選擇吃茶餐廳。金利銀輝茶餐廳最有名的早餐是蕃茄湯螺絲粉，可惜我來不及早餐時段到茶餐廳，所以每次去到都售罄。今次要寫的就是它的午餐，看看有沒有早餐的質素呢！  每天金利銀輝的是日午餐都有不同的款式，是日午餐看來吸引不了我，所以我選擇去看看餐牌。所有炒粉麵飯都會奉送咖啡或茶，美孚區來說，價錢算是合理。  粉葛赤小豆扁豆湯。除了奉送咖啡或茶之外，餐廳還會奉送餐湯，每天都會不同，每天是粉葛赤小豆扁豆湯，味道尚算濃，不會水遼遼，可惜整碗湯太鹹，應該下了不少味精，所以我並沒有喝乾，只好用作濕下個口。  星州炒米 ($46)。不列入是日午餐看的食物通常都會貴一點點。欣賞之處是，星州炒米炒得很乾身，所以吃下去不會覺得很油膩；配料亦算多，有蝦仁、叉燒、蛋皮、韮菜。但是，越吃越不妥，咖哩味越吃越濃，鹹到苦！好明顯咖哩醬炒得不夠均勻，吃到底真的忍受不住，最後吃掉一半後選擇放棄。  凍檸茶 (+$2)。很典型的茶餐廳檸茶，茶味夠濃，喝得出有茶的澀味；檸檬片充足，沒有偷工減料，大熱天時喝一杯凍檸茶真的十分解渴！  總而言之，金利銀輝茶餐廳在味道方面還需

每逢星期六日，一放假，男人更辛苦都好，每朝都一定爬起身落床，走去食呢間嘅螺絲粉，搞到小妹都跟住要爬起身換衫一齊走去食呢個螺絲粉獨特之處，就係佢售完即罄，一個早餐時間可能10點黎食都無，因為好賣到暈 香濃嘅蕃茄湯底份量十足，有新鮮蕃茄，有薯仔，有香葉又有排骨，湯底用豬骨加蕃茄煮理，加上排骨唔UN...螺絲粉唔會煮到焾到爛，好爽口，而且每食一口都掛有香濃蕃茄湯，而每次小妹都會加小小辣椒汁，嘩～即刻昇華到去小辣嘅羅宋湯境界 直係好好味！跟餐仲有腸仔蛋任揀两款，加杯熱飲，28蚊！不得了！每個星期嘅任務完成！

幫襯左銀輝呢間飯堂好耐，之前隔日食一次，而家忙得放假可以食，一星期都至少食一兩次，但今次真係最後一次！有冇人估到呢樣係咩？俾埋餐牌你估！答案係泰式醬爆雞球！驚訝嗎？我明明只係見到炸雞片淋泰式辣醬！是晚去銀輝食，指住個餐牌叫左XO醬爆肥牛同泰式醬爆雞球，前者一般般，但都叫做係醬爆，所以唔評論亦冇影相。食完個肥牛阿姐先上雞，仲大大聲話係西檸雞，我話我指住個餐牌要醬爆雞球，於是佢收返去水吧，水吧入面果個做過救護員既老闆（我知道因為我真係幫襯左好耐，聽過佢講故）夠膽將泰式辣醬淋上面就算，阿姐再送嚟時我即say no話唔好玩我啦！我要泰式醬爆雞球！於是阿姐尷尷尬尬即刻拎返入廚房，擺明心虛啦！後尾阿姐第三次送嚟既就係呢碟野，我問佢醬爆同炸有咩分別，佢答我冇分別，呢度既醬爆就係油炸。我再問佢咁點解XO醬爆肥牛唔係炸佢已經唔理我走左去。咁樣玩客法，以後都唔會再幫襯！

是日早餐, 又回來這裡, 其實是很熱鬧的店子, 早餐時段常常爆滿呢.火腿蛋三文治: 7分, 這天就簡簡單單的來客火腿蛋三文治, 當然要烘底啦, 多士是幾脆身, 熱度對辦, 而炒蛋就稍嫌老了點點.這裡的價位是幾經濟的, 加上食物也有一定質素, 是區內早餐的好選擇.

茶餐廳快餐另一種墮落是把原本的生炸雞肶，改用鹵水雞肶，接到order就放入油內炸一炸，送到你面前通常是吸滿油、深啡色的物體，啃一囗祇有油和鹵水味，令人十分十分沮喪。金利是不知殘存多少間還會生炸雞肶的其中一間，新鮮熱辣一離油窩便送到，燙熱，皮是脆卜卜，油夠熱不油淋淋，雞肶底稍稍炸亁，但咬一口還是有肉汁夾着炸香的雞肉，雞是醃過，咸香而沒有雪味，十分滋味，識貨的姨甥已搶先一步，影相前咬了一囗。

星期日返完教會，被老婆賣甩得小弟一支公，索性返美孚食，又喺搵茶記幫襯食晏兼嘆奶茶嘅時間，想起晌美孚新村內竄埋一角嘅金利銀輝茶餐廳，今餐醫肚就搵佢啦。咪睇佢位置偏偏，都不知幾多街坊幫襯，而晌美孚區，感覺佢算喺幾有活力嘅茶記，首先地方光猛企理乾淨，無論貼晌門口窗外嘅乜餐物餐，抑或裡面放晌枱面嘅餐牌，俾人感覺都喺新簇醒目，唔似其他茶記嗰啲咁殘殘舊舊，沾滿咖啡或茶漬。睇咗數款套餐，最有興趣又最啱食就喺個「假日特餐」，包咗：鮮茄薯仔排骨螺絲粉，牛油方包，再配煎蛋、火腿、餐肉、扎肉、腸仔、紅腸之中任擇兩款，連埋咖啡或茶，逢星期六及假日供應，6:00am-11:30am收$28，之後11:30am-2:30pm加少少收$33，都幾經濟實惠。 鮮茄薯仔排骨螺絲粉 鮮茄薯仔排骨做湯都應該飲唔少，但用嚟撈螺絲粉著實唔錯，歸根究底都喺佢個蕃茄湯夠晒濃郁，鮮紅嘅蕃茄湯酸酸甜甜，茄味非常突出，絕對要一飲而盡，一滴湯都唔好嘥 。雖然薯仔偏少，幸好排骨有三幾舊，比想像中多。 牛油方包．煎蛋．餐肉 食法人人有唔同喜好，有人鍾意逐樣食，小弟就鍾意一次過夾埋番晒成份餐蛋治嚟食，難得煎蛋蛋黃仍然流漿，一口咬落真

第一次来到这餐厅食早餐，真想不到美孚竟有如此一间餐厅，早上点了一个沙爹牛肉麵配以火腿炒蛋，凍奶茶，先讲一下麵先，沙爹牛肉係我係美孚以来最欣赏的一间了，沙爹味濃，牛肉入口即溶，还未入口那沙爹的香味已经令我食欲大掁麵也煮得恰到好处，唔会太淋，令我最欣赏的是炒蛋，蛋炒得很滑，半生熟的炒蛋入口滑嫩，不似其它餐厅般炒得过火，这餐厅的早餐在美孚来说，我本人就觉得是最好的一间了，唯一美中不足的是凍奶茶，茶香不够，茶不够滑，奶又太多，搶过了茶的味道，总括而言，这个早餐都是满意。

難得星期日出街食早餐，難得唔洗帶住啲細路落去，又難得要叫外賣，當然選金利（因為環境較迫，好難帶埋BB車）。去金利，當然食脆豬奶油包。雖然好邪惡（勁多煉奶和牛油），但真的很脆很好味！還有就是要吃薯仔蕃茄豬骨湯通粉，湯底好足料，薯仔煲到林晒，有豬骨食，又唔喊，正！