金利銀輝茶餐廳

Open Now

Now Closed

基於交通轉車關係，每周必定有幾日都會經過美孚。今日如常路經此地正值午膳時間，行經一間好幾年無幫襯嘅茶記。街坊生意，門面依舊，睇完水牌牆，見唔覺太肚餓叫個平平地嘅特餐，雞球湯意粉加杯荼走。雞球啖啖肉重估唔到有少少雞味，湯意就煮到同米線無乜分別。茶走有齊香、滑、濃。三十幾銀一個餐，廚房交足功課有凸㗎啦。埋單時見姐姐同櫃檯附近嘅茶客落單，見唔趕時間俾你落埋廚房都無問題㗎。交底咗三十五皮轉身就行，點知姐姐叫住我，找返一蚊俾我，重報多個親切笑容。地區小生意最好賣唔一定係食物有時就係依種鄰舍親切感。