金利銀輝茶餐廳

Open Now

Now Closed

因為進修要上堂, 所以有時放左工就過黎食左野先番學。金利銀輝真係有驚喜!我黎過5-6次, 次次叫碟頭飯都好有鑊氣! 上星期食左碗餐旦面, 貴囉....要成$31蚊, 不過隻旦煎得好香係真!我係湯怪, 例湯都一定唔會放過, 有時要問阿姐先有, 不過真係幾好味, 足料煲, 夠火喉, 不過2次飲木瓜雪耳湯, 又冇木瓜味, 更加唔見有雪耳。有次LUNCH過來食野就太多人了, 另外, 唔知係咪碟頭飯太好味, 又有蒸魚個D住家餸, 晏就同夜晚都好多上年紀男人黎食飯, 一個女仔黎食野就會比人眼甘甘望, 令人尷尬。

星期六放工，沒有跟同事們吃午飯，因我一心去朋友介紹的滄浪亭試試。誰知道，排隊等位的人眾多，以我的性格，是絕對不會花時間等候，唯有另找地方醫肚，輾轉來到了金利銀輝茶記。隨便的在午市套餐中選了一款，是最普遍的牛扒紅腸飯。飯是我最不喜歡吃的軟飯，還好蒜茸汁的蒜香能補救番少少。至於牛扒，韌的可憐，幾經辛苦跟它搏鬥一番，最終我還是要認輸，把幾片紅腸吃完便算了。凍奶茶相對好得多，起碼夠茶味。雖然有杯好茶，但吃不飽的走出來，依然不太滿足。

在美孚住了十几年，都不知道金利銀輝，　可能我们住的离这里较远。在开饭网看到不少好评，今晚与父母前往一试。７点钟几乎满座，可见受欢迎。伙计招呼远较一般茶餐厅热情，详细介绍今天的海鲜。老爸不吃肉，我们叫了酱油炸黄花鱼，鱼香茄子煲，金银蛋苋菜，三样味道都很好。例湯汤料十足。炸黄花鱼很够火候，鱼香茄子用的酱料正宗，香气扑鼻。很少吃饭的我破例吃光整碗饭。三人总共２００元。想不到美孚竟然有这么美味而实惠的茶餐厅。以后肯定会常光顾的。

這個蕃茄湯螺絲粉只在假日早餐先有售 .... 有時晏左去都會賣哂架~ 個湯底好濃郁, 再加埋豬骨薯仔 .... 好正又好飽! 油占多都好食, 通常唔食咁多就order佢架啦! 梗係唔少得一柸香濃熱奶茶啦~~~

兩點半開始下午茶餐, 兩點零都可以叫架啦 .... 每日都有3款炒野, $27 + 熱飲/each, 今日揀了味菜牛肉炒河 - 味道唔錯, 多D味菜更加好 ; 豬扒炒烏冬 - 炒得濕左小小, 豬扒大舊左D, 切細舊D容易食~

My first time to introduce this 蛇竇 was on Oct 7, 2006. I am surprise that this local tea house is still survive in Mei Foo. Having a lunch or dinner is a "must" when I return to HK. I choose a lunch set - Yangzhou fried rice with hot tea. The Yang Zhou fried rice had a lot of food, such as BBQ pork, shrimps, ham, and spring onion. It has so-called "鑊氣" which tells the difference. If the chef can add tiny bit more salt or chicken powder, that would be one of my "full mark" fired rice. The

回到家, 才知道是日屋企冇人. 沒住家飯食時, 當然係美孚找找有什麼地方未食過. 美孚不大, 但當中真的有好多食肆. 再加上Manhattan Hill 既商場開張, 基本上, 食在美孚, 選擇只會有增無減.身在萬事達廣場, 心想, 蘭秀道有一間係OR獲得不少好評既茶記, 是日天時地利人和三樣齊哂. 今日唔試下金利銀輝, 等下次就唔知要等到幾時.9點多, 電視正播著宮心計, 而近電視的位子, 早已被劇迷霸著. 自己只能找個地方遠眺. 未看清楚Menu, 例湯己經先到, 美味的合掌瓜湯. 而且夠熱夠老火. 不過, 係嫌佢少少味精姐.點食, 一個人始終都係碟頭美食. 就叫下大字報上的梅菜扣肉飯. 那梅菜扣肉值得一讚, 濃烈的正宗味道, 半肥瘦的腩肉. 又淋又入味. 而且梅菜味香, 食梅菜扣肉, 最重要, 就是香梅菜味, 帶入汁中. 客家餸, 味濃, 汁又夠好味, 是送飯最佳選擇呢. 而且, 扣肉處理得好好, 因為食落, 肉雖肥, 但唔覺, 亦沒有脂肪粘著個口.食飽, 找數時, 行到 cashier, 精彩的宮心計, 有 d 位, 真的能令人停一停, 睇埋先走.

列湯 - 南瓜排骨雞腳 - ok生菜鯪魚球豆腐煲 $48 - 鯪魚球彈牙 咸魚茸煎肉餅 $43 - 好香夠哂味 跟兩個白飯 Total: HK$91

最近幾個月經常來這店吃早餐,通常我都會叫火腿公仔麵(亦可選通粉/米粉),再配兩樣食物(煎蛋/火腿/紅腸/腸仔/紮肉,任選兩樣),另有一件牛油方包和一杯熱飲;公仔麵質素不錯,自選個兩款食物都OK,同埋真係好大份,我見好多工友都會來吃;仲有每次我大約早上八時去到,都見到兩三個軍裝警察叔叔在吃早餐,大家不妨留意下

以前呢度係我同老公嘅食堂...但最近一年水準一直下降...上星期, 點了一個炒米粉...黎到, 以為係一個湯米...食入口, 一d味都冇...食左一半, 就忍唔住埋單走喇...極失望...

在美孚圖書館聽完講座後，奴隸獸就嚷著肚子餓，主人決定在這茶餐廳食個下午茶餵飽奴隸獸。我們點了兩款下午茶套餐：1. 五香肉丁炒飯 + 熱咖啡（HK$26）：簡簡單單的炒飯，配料份量不算多，但飯炒得均勻，食落香口惹味，完全保留了五香肉丁的精髓。2. 沙爹牛肉包 + 紅豆涼粉冰（HK$24）：首先是沙爹牛肉包賣相，沙爹汁出奇地深色，其次，味道只有鹹味，亦沒有沙爹味，食落似老抽牛肉包多 D。紅豆冰的味道亦強差人意，紅豆不夠腍，冰及奶都不夠。這茶餐廳的食物味道，水準有很明顯的差別，笑定喊呢？那就要看你的彩數喇！

出完街返來, 又未正式食個lunch, 就來嘆番個下午茶先~揀左個豬扒包 set ($19), 佢地採用軟身餐包 + 生菜絲 + 蕃茄 + 豬扒 -- ok播~再加埋柸香濃奶茶, 已經滿足囉~~~ 係熊熊大佬沖特別正!

今晚屋企冇煮飯, 又懶落街食, 就叫左3個飯盒菜遠斑腩飯 - 腩斑幾新鮮, 又唔多粉包住炸~ 楊州炒飯 - 炒得香口又乾身魚香茄子飯 - ok播~份量夠又熱騰騰~

到這兒吃份週六茶餐，點了個炒飯，配凍飲 $28。那個「蝦醬生肉炒飯」炒得很香，配料亦多，很惹味。凍檸檬茶幾大杯，茶膽配得幾好，作出來的凍檸檬茶都好飲過人。翌日跑來外買了個湯飯午餐，配冷熱飲品同價 $29。那個「鴨腿湯飯」亦是真材實料，配料有冬菇和大芥菜，份量巨型，味道好好，那個湯底亦是少味精。凍檸檬茶依然好飲。

舊病復發，被迫在家休養，吃藥吃得瘟瘟頓頓，今天決定落街吸外邊的空氣。沒什麼胃口卻自知是肚子餓，好茅盾啊！見這間偏僻的茶餐廳，遂入去幫趁個午餐，午後兩點三，僅半滿。坐在卡位，點了客午餐（$29）。湯係「蓮藕湯」，主食係「時菜什燴湯飯」，飲料係「凍檸檬茶」。湯略鹹但味道OK。湯飯料多夠熱，豬潤、豬肚、雞脾肉、豬肉片量足好味。就連杯茶都係濃郁紅茶。居然係好味道！真令我驚訝。