金峰靚靚粥麵

Open Now

Now Closed

金峰靚靚粥麵係我食過最好味嘅粥店之一.店外經常大排長龍. 外賣隨時要等半個鐘. 隨機休息. 我都摸過幾次門釘. 好明顯生意好, 唔志在.鋪面環境幾狹窄. 坐得好迫. 非典肺炎之後執過下啲枱. 闊落咗少少.金鋒係傳統粥店. 有各式生滾粥. 食材新鮮. 用咗瑤柱粥底. 好綿, 鮮味! 另外腸粉炸兩炒米粉等等都非常出色. 但係我冇見過人食麵喎. 點解叫靚靚粥麵呢?今日點左皮蛋瘦肉粥. 瘦肉係碎咗嘅滑肉. 唔會又乾又鞋. 掂! 早餐叫多咗杯奶茶. 質素當然係一般般.

🌟🌟🌟🌟滑牛粥 $25一周五日返工，三天都会買这家粥店。早晨空腹一碗暖暖的粥下肚，肠胃極度舒適，而又不会飽到眼瞓，到中午飯點剛剛好又會有点饿。每日有特价粥品，$25一碗。今天嗌左我钟意嘅滑牛粥，牛肉片有很多，每片都是厚厚的，又很嫩。粥的米很小粒，看起来熬了很久。小小的缺點是有点咸，我個人鍾意清淡的。

金鋒峰靚靚粥麵街坊人氣粥麵店，無論任何時候堂食外賣都會排長龍，自從佢裝修完之後就冇去過，今日諗起就去試吓，九點前去到，等咗唔使10分鐘可以入到去，算係好彩😅感覺佢比以前乾淨整齊，廚房比以前更開放，今次坐近廚房位，望到廚房整齊有序嘅每一部份，專門有一人負責茶水，一個負責整腸粉，有一個負責煮粥，一個負責整油炸鬼兼統籌，特別有趣係望到喺一個好細好可愛嘅長形油鍋裏面炸油炸鬼，另外佢每日都有$25特價粥，如果啱你口味就好抵👍🏻試咗佢皮蛋瘦肉粥 $25（今日特價，平日要$32）- 感覺比以前細碗咗，但係粥仍然咁綿滑，亦好足料炸兩 $17- 新鮮整嘅炸兩，油炸鬼仍然鬆脆，真係冇得輸👍🏻👍🏻炒麵 $12- 炒麵比以前細碟，亦覺得冇以前咁有鑊氣😅不過$12就算係咁㗎啦

去柏架山道大潭郊野公園之前, 來這間粥店填飽個肚先呢間粥舖空間細細, 但食物好吃, 粥底綿綿, 炒麵油潤不乾, 蝦米腸粉每條好整齊, 連葱花也切得粒粒均勻, 咸肉糉看得出包得扎實, 綠豆配合咸蛋黃五花腩肉, 咬一口香味溢出, 整體好有傳統粥店味道, 難怪門口常常一堆人排長龍。

今日去完行山，落番黎搵食，朋友話呢間店好出名，好好食，就去左呢到買外買。一去到，已經見到人龍排緊隊買外賣，落單都排左一陣，加埋等拎野食，都用左3-4個字。粥黎講都唔算貴，因為都幾大兜。聽講呢到既豬膶好好食，所以就買左兩碗粥（豬紅豬膶粥，豬心豬膶粥），同一份炒麵，一份炸両。豬心豬膶粥，唔係到到都會有豬心食，所以試下。整體黎講，粥底都唔錯，有陣香味，食落去唔會太粉或者太稀，豬膶確實幾好食。豬紅就同其他店差唔多，冇話特別入味，配料份量方面都可以。炸両要讚一讚，卜卜脆，加埋薄薄既腸粉皮，好食。不過冇留意到佢淨係俾左一包甜醬，唔夠撈，好彩屋企雪櫃仲有甜醬剩，相反辣醬就俾左3包。一間粥店竟然有茶餐廳飲品，幾特別，但反而冇豆漿飲，有點意外。

本來唔打算寫食評，但實在太可怕！😱😱😱想吃粥，但附近最近嘅粥店只有金鋒，沒有別的選擇。老實講，金鋒粥麵嘅食品味道無問題，每日做特價嘅粥賣$25仲好抵食添😋，其他食品如炒麵丶腸粉等，水準亦可以。唯獨負責炸油炸鬼及分單嘅肥哥哥實在太可怕😖，雖然掛咗口罩，但基本上沒有戴上。我吃咗短短15分鐘，佢不停咳及吐痰，令我邊食邊驚到滴汗😥。金鋒一直無食安問題算好好運，希望老闆正視呢個問題，相信生意必定更好！

店仔細細😉每一日都有唔同嘅特價粥😬今日食咗滑牛粥✌🏻足底好濃好綿😝粥嘅份量適中😍😍你一邊會食到個粥底有蝦米同瑤柱🤩整體來講都幾足料🥰尤其是食完個人即刻溫暖返晒暖粒粒😋😋

The small number of reviews here belie the popularity of this place. This place is super packed unless you can at a pretty early hour. Seating is also very limitedThe food here is very good. The main thing here obviously is the congee 粥, but I actually didn’t have any because it’s not my favorite.I instead got the 炸兩 (spelling) and the 腸粉. This is the rice roll with fried dough inside, as well as the rice roll with shrimp. The rice roll here is a little different than those you may have tried in

|街坊粥麵店 充滿人情味｜日日都有好多街坊朝早喺門口排隊買粥麵同一家人分享💯🤭皮蛋瘦肉粥$32⭐️⭐️⭐️⭐️⭐️皮蛋一啲都唔腥 再加埋一絲絲嘅瘦肉 呢間嘅粥品來講我最鍾意就係呢個粥 夠綿！💯炸倆 $17⭐️⭐️⭐️博博嘅腸粉皮包住香脆嘅油炸鬼 加上熱熱嘅甜豉油非常回味🤤🤤凍奶茶 $15地道嘅粥品店都會配有 奶香茶濃 凍到入心嘅一杯凍奶茶🙈

粥店其實日日都有特價，街坊外賣自己帶煲戴，仲會自動加粥。平時服務質素太勁，小小市民當然都不會幫襯堂食。因為疫情，老闆娘終於不再黑面，連收銀姐姐都笑笑口，堂食姐姐傳粥也終於輕輕放下。堂食皮蛋瘦肉粥多蔥，炒麵多芝麻（當然自己加）。滑牛粥也是勁好味道，腸粉當然一直都是現做的好。

餐牌簡潔，地方乾淨，沒有一般的艇仔粥之類的粥品。很多粥都有豬什，故點了及弟粥，吃一口粥覺得粥底綿綿的，但似乎畧為欠缺些米香。材料有豬肚夠淋、豬潤細細片，唔夠爽脆、粉腸無異味，軟淋易咬開、肉片是小小片的，沒什麼味道、豬心硬硬地，粥中唔算多料，粥的份量適中吧！中午飯唔夠飽，叫埋炸両，淋上麻醬，甜醬和芝麻有驚喜喎，油條鬆脆非常，可以用脆卜卜來形容。腸粉外皮亦韌中帶軟。但不知是何種材料或醬料的問題，吃完後非常口渴，灌了不少清水才止得到渴呢！

來到鰂魚涌，都會過來呢間粥店心甘情願地排隊等買碗粥吃，次次幫襯都不會失望，每次來到均見到有不同的特價粥外，粥的水準本身夠穩定，而粥底本身也煮得夠綿夠滑並有米香外，用料也頗多和新鮮，配上不太油膩的炒麵（略嫌不夠芽菜）和混有豉油甜醬的蔥花蝦米腸粉，十分滿足。

平時星期六日如果想食擔定粥同埋腸粉就會選擇屋企樓下的這間粥店。其實睇住宅區來講都算係價錢貴，但係因為都真係幾好食所以每次都有好多人在出面排隊。我最喜歡就是叫齋腸，再加一碗雙拼粥。齋腸我會加很多麻醬甜醬，雙拼粥就全加很多pepper。其實佢的炸兩都很好食，油炸鬼很鬆脆。不過佢以前個老闆娘就好串，因為生意太好的關係。我之前問佢攞多包佢都態度不太好。不過無辦法因為鰂魚涌周圍好吃的逐點並不多，平時每日都有特價粥品但冇得選擇。想去柏架山行山人士可以選擇來這間粥檔食早餐。

爸爸愛吃粥。有時不想煑便在這店買外賣给他。這店的粥水準幾穩定，味道用料不過不失。价錢算合理。服務一般。粥品有很多選擇，每日有一款特价粥如瘦肉粥，牛肉粥，豬紅粥等。正价32元，特价只需25元。如合適我多數揀特价粥，加條10元的特价油條，簡簡單單解決一餐。各式腸粉及炒麵做得不錯。每日有很多在附近工作的上班族及街坊惠顧。這店東主注重work life balance ，每星期休業一天，每年外遊休假數天，並預先在店外告示预告。

往日經過呢間「金峰靚靚粥麵」，經常都見到大排長龍。我呢啲重口味人士對粥品冇話特別喜愛，所以見親條隊都會心諗：粥姐，值唔值得等咁耐呀？.而家終於畀我遇到唔駛等嘅機會，於是就入去試下個粥底係咪真係名副其實咁「靚」先。.見枱枱都有叫炸兩咁滯，應該係必食嘅，然後有個街坊推介豬紅粥，所以我就叫埋啦。.《豬紅粥》$32個粥底嘅質感的確係好綿滑，不過我個人覺得除咗呢樣之外，味道方面冇乜特別。豬紅有啲鬆散，啲粥聽聞係用瑤柱同腐竹嚟煲，但我就覺得冇話特別鮮甜，可能加魚腩魚片嘅話，味道會出啲。.《炸兩》$16相比之下，我覺得個炸兩比較出色。腸粉皮薄，入面包住嘅油炸鬼非常香脆鬆化，放左一陣先食都冇變淋！總括嚟講，炸兩好食，粥底質感綿滑，唔駛點等位嘅話都食得過嘅，但要等好耐嘅話我就唔會再戰。