金沙燒味餐廳

Open Now

Now Closed

今天我有事情要處理，特意去了新蒲崗，經過金沙燒味餐廳，發現這裡的價錢相當合理，於是決定進去試試。餐廳的環境輕鬆舒適，讓人感覺很放鬆。我點了幾樣菜式，包括雞翼麵、火腿奄列和油沾多的多士，還有一杯熱奶茶。首先，奶茶的味道非常香濃，喝上一口就讓人感到暖心，特別適合這個季節。多士的選擇也很有趣，我選擇了油沾多，外脆內軟，搭配上香濃的油，更添風味。雞翼麵的味道也讓我驚喜，雞翼外焦內嫩，麵條彈牙，湯底清甜，讓人一口接一口。火腿奄列則是柔軟可口，火腿的鮮味與蛋香完美融合，令人回味無窮。整體而言，金沙燒味餐廳的食物質素和價格都很吸引，讓我感受到物超所值的用餐體驗。我下次一定會再來，期待再次品嚐他們的美味，這次的用餐絕對值得encore！

有人行過見到就入去一試，叫左個燒鵝比飯。一上菜，望到十分震驚！燒鵝比飯竟然淋䓤油，我問點解，個士應話慣性都係咁樣。另外燒鹅脾又鞋又韌，皮起渣，成80幾蚊一個飯，毫無質素可言。做話燒味專門店。成餐飯得個嬲字，實在太難食！以後都不會再光顧！

到了新蒲崗的這間金沙燒味餐廳食 lunch, 當然要試食一吓它的燒味。Lunch Sets 方面, 主要分三大類: 燒味飯、蒸餸飯及西式扒餐。今次, 就揀了「蜜汁叉燒煎蛋飯」- 少飯及走汁。如要加減飯及汁的分量, 跟服務員說聲便可。「蜜汁叉燒煎蛋飯」: 份量十分足料, 每份燒味飯都配上蔥油醬及菜, 煎蛋亦可以撈飯。今次的叉燒是瘦叉, 都幾多大份, 好淋身。如果經過的話, 可以一試。

今日去SPK探朋友，順道食五寶飯，48蚊包埋熱飲，要凍飲就加2蚊，叫做幾平幾大份，算抵食，味道十分普通，比以前食的味道差太遠，唔知間餐廳係轉咗廚師定腦細，舖頭的客响一點鐘左右都坐唔滿，同以前客似雲來差幾遠，包括味道都差咗。落單阿姐服務麻麻，之前食過呢間幾次，都可以揀要燒腩仔同白切雞，阿姐話無燒腩仔，又話唔想寫多隻字所以無白切雞，真係DLLM！上碟啲飯係凍，仲要係冷飯加熱，仲要啲豉油雞係凍，明顯廚房有舊貨要散，算把啦，應該無下次，下次食隔離的䓤油炸髀飯算數。

急急忙忙需要買個外賣快食本來想簡單去便利店搞掂經過見到這間餐廳的門口餐廳 $30一個飯盒 選擇並不少 什麼蒸雞飯 肉餅飯 蒸蛋飯 排骨飯 全部都是$30!! 一於買個試試。✨粟米肉粒飯 $30 只要$30一個飯 賣相並不差 甚至比我想像中的要好 份量好多醬汁肉件都頗多 這價錢 並不會要求有多好食 但味道不差對得住這價錢 醬汁濃度剛好 不會稀巴巴的淡味也不會滿是味精的濃味 只是飯粒較軟 太腍身 口感麻麻 個人覺得這飯盒吃得過 $30喎！飽肚算好食又抵食！

工廠區的確係工廠區，放假嘅時間仲要係夜晚，好多餐廳都閂咗門冇開檔。 做完嘢，想快快食個飯早啲返屋企，見到呢間鋪頭仲開門就走入去炒咗3個小菜食，每款都包埋大大碗白米飯。第一個，豆豉鯪魚油麥菜，無乜豆豉，鯪魚碎晒，但係味道還可以，油麥菜脆口，唔會一pat pat， 淋過頭。👌紅燒豆腐水準一般，冬菇細粒啲，都夠腍同有味，咁嘅價錢，無辦法就要將貨就價 。例湯要比4文，合掌瓜紅蘿蔔湯，鹹咗啲，但係畀錢嘅湯，料多，因為夜晚收檔之前都唔會留過夜，所以啲湯渣幾多。最後係椒鹽豬扒，份量算多，豬扒唔夠乾身，同埋唔係件件腍，有啲硬硬地，味道OK。

喺附近做完運動，口痕想搵野食，順便搵個地方踎下。成條街都係餐廳，有選擇困難症都幾頭痛。不過依間我地都有食過兩次早餐，環境係差啲，但食物ok嘅，所以就幫襯佢嘅tea喇!下午茶都有好多選擇，但我地都係鍾情於沙律餐。我地揀左炸魚柳，炸雞脾沙律餐。因為即炸關係，要等十幾分鐘是常識吧!首先，炸魚柳送到了......想像比真實係有差距本人仲以為係原塊魚柳扒，點知原來係一嚿嚿咋，幸好都唔腥，不過就份量少啲囉！沙律都普普通通，有薯仔、青瓜、紅蘿蔔粒、粟米粒...夠晒凍冰冰食左一陣，雞脾來喇熱辣辣送上，無厚厚的炸粉，食落好似有少許淮鹽味。可惜係細隻左啲多啲肉嘅話，就無得頂了。所以下次如果仲有機會來吃下午茶，都係揀炸雞脾好過!睇番餐牌吖...其實本人覺得炸雞脾配雪菜米粉抵食更多都係$32同價咋!

今日晨早流流經過新蒲崗，想吃個早餐，但周圍都無咩餐廳。點知俾我發現工厦入面有間茶餐廳，有早餐食。唔諗咁多，一於就入去食個快食早餐 🤣好肚餓！早餐主要都係得d出前一丁咁。唔係話好多選擇。但價錢勝在夠平。😊唔要求什麼，正正常常就ok喇！我就叫左香茅雞中翼 煎蛋出前一丁 🍜望落都唔差，個煎蛋都煎得幾靚。同都夠熱。唔似係一早煎落。我個人就鐘意吉穿個蛋黃。等佢流哂落d麵到，令到d麵更加好味！☺👍再配麻油味既出前一丁 無得輸。佢d香茅雞翼都整得幾夠味，而且都幾大隻。幾多肉雞。都唔錯！整體黎講都唔差。

開工食lunch求其搵間茶餐廳就坐低，叫咗個蒸雞飯，咁啲雞好明顯係雪雞，不過調味都唔錯，我覺得佢個豉油都好似做咗少少調味，用來送飯都幾好。咁個熱檸茶就都o近普普通通，正常野咁。呢間雖然唔係超級好食，但都幾抵既。

新蒲崗搵食，其實唔算難，只要夠細心，就一定會搵到好嘢食，好似今次呢間咁，食店處於工廈入面，唔可以有大招牌，如果唔為意，完全會走漏眼。正值下午茶時段，叫咗個 tea set 豬扒撈出前一丁，下午茶餐份量係細尐，豬扒味道唔錯，幾入味，唔會太乾身，一丁軟硬度適中，配埋個撈汁，幾惹味，回顧度高。

lunch time同一理同事食lunch~黎左呢間野到野！1點鐘~食飯時間！都幾多人係門口排隊~諗住都吾會差啦！！點知我叫左個鮮牛肉番茄湯飯。成碗野都係得湯，得約匙飯！牛肉又完全咬吾開既！係個番茄湯最正常！另外叫杯凍菜蜜，好似飲糖水一樣！價錢方面還可以，只係$42連野飲

午飯又同老細和一班同事去頹食，因為我太餓，所以12點幾就叫食飯，跟住老細去公司附近間茶餐廳吃，通常去呢間都係行他們後門，別問我前門是怎樣子。呢間餐廳午餐有十幾樣選擇，食肉獸同事通常叫五寶飯，多料又平。我就偏偏點了蕃茄菠羅牛肉飯，真係好多料，算抵食啦，35蚊多飯多送，就錦數都有十舊蕃茄、牛肉，牛肉細舊左少少，但不韌爽口，菠蘿好甜但得幾舊。汁甜甜酸酸味道不錯。

嚟咗新蒲崗大約一年左右，都冇試過呢間金莎，事關食嚟食去都係果幾間，所以決定今日試吓佢！五寶飯$40紅腸、咸蛋唔太咸（幾好）、薑蓉（無薑味）、燒肉一定要讚（好食）、叉燒太厚、油雞就麻！凍咖啡+$2（一般，但細杯啲唔夠喉）

OMG OMG OMG! What a rip off!!!! This is going to be a short review, basically the story goes like this:This morning I decided to try this place on my way to work. I go in, ask for the usual Chi Daan Zhi (although this time for the first time I had to repeat a few times until I was understood) and I mention no drink and the waitress asked the lady in charge what to charge me, she replies something that sounded unfamiliar, so I asked them to please write it for me and my eyes popped when I see 21H

昨晚在鯉魚門吃過海鮮宴，回家寫下食評後已經是深夜十一時多，上床休息已經是零晨時分。今早依然早起，便遊走新蒲崗 ，順便順道在附近覓食，由於身處工業區，理所當然在這區吃飯。以往都會經常到這區，可是在近幾年來已經甚少來到這一區了，不過面貌卻沒有太大的改變。行到金沙燒味門口，看似是新開的工廠食堂，於是入內嚐試它的燒味飯。在下還未看清楚餐牐裡的食品，便看到了秘製五寶飯，於是點選了這個午餐。說實在的，在下吃燒味飯都未曾吃過五寶飯的，今天難得一見，便可以一嚐滋味如何。進入店舖後，就覺店舖都是細小的，而且坐位間較狹窄，餐桌擺放了調味品後，更見桌面空間更少，想擺放多一個餐也很困難。五寶飯終於上桌，內容包括鹹蛋，燒鵝，白切雞，叉燒及紅腸。先說鹹蛋，是一般的鹹蛋而言，但味並未太鹹。燒鵝的皮下脂肪薄一片，未見太厚，而且肉質較淋。白切雞尚算嫩滑，可能雞肉位處於雞翼附近，未見厚肉。紅腸也是外來貨，都是與一般在燒味店所吃到的分別不大。叉燒色澤較暗淡，肥肉也不是太多，但是仍然滑溜，肉質不硬而且淋。這道秘製五寶飯味道尚可，但是燒味汁卻較少，薑茸則偏鹹了少少，而且沒有薑味。而凍奶茶味偏甜，可能落得太多糖水，導致茶味未夠。