金河小廚

Open Now

Now Closed

普通茶樓飲下茶價錢尚可 要求唔高食物方面都唔差上菜速度都快 但最難頂係室內有人食煙 🚬間唔中就有一大陣煙味傳出黎😵😵有小朋友一齊食野 食得唔舒服拿拿臨食完就走唔會再幫襯

放大假，繼續周圍同屋企人去飲茶， book mark咗呢間好耐。平時只會飲下午茶，但係呢間嘅話茶市最晏都係去到三點，所以今日12:30已經出嚟食嘢。呢度啲食物比較偏淡，但係啲炸物比較出色。個南乳豬手比較出色，夠味亦都好淋滑。韭菜餃同埋鮮竹腐皮卷嘅話個皮都做得好好，可惜尖椒同尖椒同韭菜餃裏面啲鯪魚肉冇魚肉味，腐皮卷嘅話啲餡亦都比較少。豬什粥都幾足料，但係就材料偏細，可能太大塊，煮嘅時候驚會太老身。所以切得比較細，咁我唯有比一個咁合理嘅解釋比佢。蝦餃同埋娥姐粉果啲蝦肉都幾彈牙，同埋有原隻蝦粒，呢方面係幾好嘅。食點心就順便試埋佢啲小菜啦，叫咗個黑椒牛仔骨，$58來講份量係好足料嘅，但係啲牛肉拿得太犀利呢度嘅話係唯一失敗嘅地方。個肉絲炒麵嚟講，個底係幾好，唔見有油，食落亦都唔會膩口。椰汁糕都幾出色幾香，唔會拮落去就散。但係個胡椒豬肚湯鮮竹卷就差少少，有呀嘛神粹但係佢啲胡椒肯定冇拍過先滾，因為完全唔出味。點心價格唔算貴，咁如果唔係食開濃味嘅嘢，呢度都係一個唔錯嘅選擇，因為都坐得舒服又寬敞。

聽說大窩口搬到川龍街百悅坊，就來試下早午茶市。樓面雖然不算大，勝在座得舒適，空間闊落。房間有幾個，人多可以包房。廚房看來乾淨企理，點心即叫即蒸，需要等十多分鐘。點心自家製作，足料新鮮，味道適中。街坊價格，點心價格$19-$32 炒粉麵飯$58起。早茶還有一人和二人特價早餐選擇。有海鮮加工，下次會試下晚餐。

每逢心血來潮想吃海鮮一定想起西貢，鯉魚門、三聖邨等地方。現在不需要去那麼遠，我們到楊屋道輝記海鮮檔買海鮮（平靚正）然後過對面金河小廚加工，已經很滿足。首先我哋叫咗上湯龍蝦伊麵，花龍蝦肉質鮮嫩香甜，龍蝦剛熟每一啖都咁彈牙。 伊面沾上了上湯龍蝦汁，真係每一啖伊麵都啖啖膏/ 肉，十分惹味，完全唔死鹹/味精， 好保留到龍蝦的鮮甜。之後蒸飽魚、蟹、魚都是火候啱啱好，一啲都唔會過老。最後加叫燒乳鴿，皮脆肉嫩，炸得好好肉仲keep都鮮嫩多汁唔柴，非常好吃。整體係覺得海鮮價錢和加工費用非常超值，下次一定和朋友回來再encore.

海鮮輝記海鮮購買，買左$690海鮮，海鮮5.5斤加工費$757，加埋所有嘢$1760，4個大人人均$440。今日坐大廳第三張枱細枱近走廊位，冷氣十足直頭有啲凍，所以溫馨提醒海鮮要趁熱食，員工勤快有禮，菜式鑊氣十足，地方乾淨衛生剛裝修新不久。推薦推薦。2023手8月24輝記海鮮，休漁期第一餐加工。黃皮老虎一斤$198大肉蟹一斤$64大連鮑魚一斤$80錦繡龍蝦(花龍)一斤$200買咗啲四樣嘢抵食 本來想買花竹蝦，見到要$240一斤特大隻，見其他街市$140至$180一斤左右，所以轉會食龍蝦。期待下次，試其他菜式。

齊腳開飯。7月尾新開業，今日1830左右到店不用等位，大廳大概有20張枱，vip房有10間左右(房有低消$3000起，可坐12個人起)。是日晚餐人均530。廚師火候口味十足，產品高水準，尤其豉油王蝦，避風塘鮑魚仔，冰火魷魚最岀色，而家炸子雞汁水賣相爭啲，豉椒炒蟶子個味道淡左啲(但個煎米粉好食香脆)。自購海鮮，購置楊屋道街市草蝦(街市叫九節蝦)1斤4两$140。鮑魚仔1斤$80聖子1斤8两$150花螺1斤8两$150北寄貝1斤2兩$80海鮮加工費$820，平均一斤$120左右。