金泰沙冰

Open Now

Now Closed

好幾次都想排，但好多人，卻步。終於的起心肝排一次睇下有幾好食。等左40分鐘⋯⋯三串，豬頸肉，酸豬肉，雞翼。見佢個調味醬係紅紅綠綠嘅泰式醬好期待。一拎左，我立即放入口，以免浪費我排左40分鐘嘅氣力。Um，調味同醬汁無乜驚喜，串燒又唔係太熱咁。酸豬肉就特別啲，出面少見，好食嘅，豬頸肉，切得有啲薄，無乜油香，雞翼肉嫩。對比起食過好食嘅串燒，佢未算好好食，正常。花超過半小時去排隊係唔值，或者唔使排我應該都唔會再食因為太普通。

自從屯馬開通去九龍城都方便左唔少，今次就試吓呢一間串燒店🍢🍡他朋友講佢都算係九龍城名物排隊排超耐，好彩今次開舖就嚟都只係排咗三個人姐😂🔥-我哋今次叫咗雞肉，雞中翼，魚餅，司華力腸，印象最深刻係雞中翼同魚餅都算燒得幾香嘅，而且魚餅食落去幾香口糖辣辣地。-雞肉係最普通唔係特別嫩滑都唔係話太特別🧐可能有食過更加好食嘅雞肉😖-整體來講串燒不過不失，啲人話最出名係佢既汁，今次冇緣試到佢嘅酸辣汁食左沙嗲汁，唯有下次再試啦。

“𝐵𝑒𝑡𝑡𝑒𝑟 𝑓𝑜𝑜𝑑, 𝑏𝑒𝑡𝑡𝑒𝑟 𝑚𝑜𝑜𝑑.”大家唔好比佢舖頭名「金泰沙冰」呃左‼️佢個名假架！🤭🤣 佢係一間主打泰式串燒嘅小店🤙🏻 每次去九龍城必食嘅外賣串燒店佢地所有串燒都係即叫即燒 無論幾飽都好 經過都一定要買番串走🤪晏就去會少人過夜晚 夜晚至少排15分鐘串燒選擇都好多 豬牛雞都有 仲有雞嘅內臟除咗串燒之外仲有蝦片同一啲小食賣🤙🏻✨佢有2個醬汁選擇 分別係沙嗲汁同泰式酸辣汁 大大力堆介食辣嘅朋友 一定要食辣汁辣得好過癮好爽😄事關佢會將串燒成串浸落去啲汁度🤣注意 ⚠️舖頭只收現金!———————————————————————————〖 雞全翼🍗 〗💰必食！超大隻 好肥美🐣肉質嫩滑 好juicy😙唔怕乾爭爭 雞皮都燒得好脆而且好有炭火味 超惹味！〖 豬頸肉🥩〗💰豬頸肉肥瘦平均🤪油脂味香！肉質爽滑 咬落好爽口 不過略嫌太細串了🥺〖 雞軟骨🐔 〗💰食落好酥脆好爽口🤪一咬仲好juicy 滿滿雞嘅油脂！ 雞肉好嫩 好有嚼勁 總括嚟講 個泰式酸辣汁辣到個嘴變孖潤腸👄但係辣得好爽好過癮！無辣不歡！佢嘅串燒中上 但加左啲辣汁就將啲串燒升左好多級🤣———————————————————————

九龍城自從有左宋皇臺，的確系方便左唔少。早早去到，好彩唔多人😋😋😋即刻坐低，必叫串燒 牛，雞，豬 - 頸肉。集齊左香、辛、爽口、甜同肉味於一身。點埋個汁，爽左幾下😂次次過黎食都必叫既蒜蓉包呢個一定要熱辣辣食先正，一啖咬落去香脆酥軟，充斥住濃香既奶油蒜味，食到停唔到口下次經過九龍城記住黎試吓啦

嘢食串燒雖然好味（其實食材間間差唔多）重點係個汁，從來未試過佢個辣汁想試吓，叫佢俾少少，黑晒口面，我真係唔知道原來一個汁係咁矜貴😒排晒長龍又點？咁嘅態度我真係想俾咗錢都即刻唔要

嚟到九龍城食泰國菜就梗㗎啦次次食飯前經過呢間串燒都總係見到有人排隊見到啲串燒啲放晒出嚟勁吸引又聞到好香炭燒味有次忍唔住一試究竟見到個名唔好俾佢呃咗以為係賣沙冰其實佢係賣串燒🤣呢度嘅串燒好多款式雞牛豬都有平均都係10幾蚊串都算抵食而且即叫即燒所以要等得耐啲雞肉/雞腎有兩款醬汁可以揀食得辣嘅可以揀辣汁我就揀咗沙嗲汁 推介❣️啱啱燒好嘅串燒熱辣辣當然係最好食！入口好香炭火味第一次食穩陣啲可以叫雞肉啖啖肉 好嫩滑 一啲都唔嚡唔會好膩 冇乜肥膏雞腎口感夠爽口唔會太韌 不過比較普通啲佢個醬汁係比較出色反而串燒本人就不過不失幾好食嘅！過口癮可以一試👅

今日去左金沙冰沙到食串燒，我地去個陣都要排下隊，因為姐姐佢即叫即燒。D串燒大約$14-15一串，禁我地就買左6串。我地叫左兩串雞全翼、一串牛肉、一串雞腎、一串腸仔、一串墨魚丸，佢有兩種醬可以點一種係沙爺醬另一種係泰式秘製辣醬，可以直接淋落去或者叫佢分開裝都得。雞翼、墨魚丸、都普普通通。而牛肉個樣好似好硬，但食落就好淋好嫩口，如果食得辣食佢個泰式秘製辣醬真係一流又辣又爽，不過如果唔食得辣嘅人，都可以試下佢的沙嗲汁好有花生味甜甜地，都係一個唔錯的選擇。而個雞腎都不錯，好爽口都好值得推介。最後個腸仔就好特別，腸仔中間會白飯，而條腸食落去又冇咩肉味，呢個係6串中最麻麻。

去得九龍城10次有10次都一定係食泰國嘢㗎啦由於喺繁忙時間拎咗籌等入座之際大家都好肚餓就決定要幫襯晚餐附近嘅泰式串燒店串燒係即叫即燒好多人一叫就叫10幾串如果趕時間就唔太推薦由於第一次食+一陣仲要食dinner所以都係小試牛刀就好了我自己就叫咗豬頸肉朋友就叫咗豬肉同雞肉食得辣嘅朋友建議揀辣汁程度其實都係微辣至小辣中間辣辣地更加惹味尤其襯係啱啱燒好又有啲熱氣嘅串燒度😂簡直係Perfect match

建議： 記得要哂兩個汁，mix 埋超夾👍 不過食唔到辣既記得要小小小辣🌶話說有一日周末路經衙前圍道，見到有間串燒店排哂隊 (差唔多有20個人排緊)，見到咁誇張，就行過去睇下到底係食咩🤤 原來係間泰式串燒小店。難得平日去到，排龍既人少啲 (都有4,5個等緊🙈) 。決定要一試依間人氣店😋 落單後，再等左差不多20分鐘，終於有得食🤤今次試左：▫️雞腎 (HK$14@)▪️雞軟骨 (HK$14@)▫️酸豬肉 (HK$15@)本身都諗唔到試咩款好，不過見有人推介酸豬肉 🐽好似幾得意，就叫左2️⃣串黎試下。食落唔係太特別，不過就啖啖肉🤭 似係一大舊豬肉免治食串燒除左肉之外，最吸引當然係個汁。汁有兩款：沙嗲汁🥜同泰式酸辣汁🌶️。 兩者睇落好似好稀，不過食落味道都幾濃。由其係泰式酸辣汁，小辣既辣度已經好夠😋如果想要哂兩個汁，又想分開裝，就要叫夠6串。5串既話汁就放埋落袋，沙爹汁配串燒一流👍

外賣串燒為咗食, 排隊係必然嘅最正係個汁有沙嗲 同一個好辣嘅泰式辣汁2個都 好！好！味！沙嗲係勁多花生粒喺入面 好足料串燒款式唔算多雞翼係必食！每次每人都要食2－3隻😍

九龍城人氣小店 金泰沙冰成日聽人介紹，終於試到喇～🥰二話不說揀咗泰式酸辣汁，超惹味，我鍾意！佢個辣味好勁，係可以迴盪好耐，我之後去另一間餐廳食完lunch，一個幾鐘後個嘴唇重有呢個汁啲辣味。🤣串燒係本身熟嘅，落單會再燒返熱，肉質ok，唔係由生燒到熟好似差啲啲，我嫌唔夠燶，唔夠串燒嘅香味。下次叫佢燒燶啲先🙈燒豬頸肉、雞肉串 $12-$14 (我覺得呢2款肉唔算好出色，下次會試吓牛肉同酸豬肉，感覺會好味啲。)

由細細個屋企人已經會帶我去九龍城食飯屯馬線開通之後, 九龍城會再比之前玟加旺九龍城亦都有小泰國既稱號,  差唔多每一條街都係泰國菜而串燒我自己不嬲都有2間心水, 一間係蘭英小食 (不過已經結業)另一間就係金泰沙冰喇, 雖然佢叫沙冰, 不過佢主打都係串燒除左豬牛雞肉呢d常見既串燒之外 金泰仲有: 雞心/ 雞腎/ 雞肝/ 自家製既泰國腸/ 魚餅/ 花枝丸 同雞全翼等等等等值得一提係佢會有糯米飯!!! 買返串串燒再搭糯米飯真係好似去左曼谷咁架惹味醬汁係有兩款, 沙嗲醬同酸辣汁沙嗲醬甜甜地帶花生味酸辣汁就酸中帶辣好惹味食飯前後都啪返串真係唔錯!

久違的【泰式串燒】🍢話說好耐冇食 #金泰 嘅串燒，一來好少咁夜仲係街，二來除咗 #cheatday 都好乖食嘢..但家長仔考埋聽日（今早）就考完啦...咁開心嘅事...賀一賀佢🍻.🍢 #泰式魚餅 ～超香「香茅味」,好似係泰國咁😍🍢 #泰式雞軟骨 ～配埋泰式辣汁,非常惹味,啊會太乾🍢#泰式雞腎 ～ 依舊有咬口又夠味,配沙嗲汁又得👌🏼泰式辣汁都非常唔錯🍢 #泰式牛肉 ～ 金泰最好係牛肉串🙃其他都好乾,冇乜汁😅😅配沙嗲汁...正正正..今次仲買埋蝦片食..原來點沙嗲汁/辣汁都好好味😋是次辣汁係大辣...要幾辣記得講清楚.📌 金泰沙冰 (九龍城) 📍九龍城衙前圍道21號A2舖

金泰沙冰，唔好比佢個名呃左😂佢唔係賣沙冰，而係賣串燒架。呢度既串燒平均都係十幾蚊一串，都幾抵食😚聽聞佢一到夜晚就排曬長龍，好多人等住買佢翻去做宵夜。 1⃣️酸豬肉（$15）第一次食酸豬肉，其實佢係用豬肉碎整成既肉捲，幾特別，配埋佢既沙爹汁同埋辣汁，酸酸辣辣，好惹味好好食😋 2⃣️豬頸肉（$14）豬頸肉油脂香味十足，加上佢地既醬汁食落微辣更加正🤤  

依間小店雖然舖仔細細，但係勝在價錢親民，醬汁一定係串燒嘅精髓🥰而且雖然店名叫金泰沙冰，但係其實成間店得串燒賣㗎咋🤪.1. 豬頸肉($14)//肥瘦肉質嘅分佈幾平均，唔會得肥肉或者瘦肉～一入口肥肉嘅油滋感大爆發😻配埋特製醬酸酸甜甜好惹味🔥✨//Food：🌕🌕🌕🌕🌕🌑 .2. 雞肉($13)// 肉質嫩口，而且做到啖啖肉🐔所有野配埋辣醬真係好正🤪💓//Food：🌕🌕🌕🌕🌗🌑.3. 雞翼($15)// 依個價錢有大大隻嘅雞翼真係幾抵食🥰//Food：🌕🌕🌕🌕🌗🌑.🌿 整體醬汁真係幾出色，而且價錢都算平🧡不過拎上手唔算燒得太熱，如果熱啲會好食啲🥰