金泰沙冰

Open Now

Now Closed

九龍城呢間街坊串燒小店🍢，每次經過我都會幫襯，因為每次路過都會俾佢燒串燒嘅香味吸引着😚～尤其是放工時候真係好多人幫襯所以等候嘅時間都比較耐少少～/🐷燒豬頸肉 $13豬頸肉燒得爽滑，咬落油脂香味十足，配上惹味花生沙嗲醬，一絕呀！🐔燒雞全翼 $15燒雞翼我鍾意食🤣，雞皮燒得脆脆肉汁鮮嫩，必叫！食得辣真係加埋佢個酸辣醬汁，好夾😋～🐥燒雞腎 $13諗住叫燒雞心但已經賣晒啦，所以叫雞腎😝，燒得啱啱好口感爽脆，不錯👌🏻～

九龍城嘅街坊小店，以泰式串燒為主🥰本身自己好鍾意食泰國野，又見呢間好多人推介，所以就決定試下😗好細間舖，但人龍不斷，做到老闆娘都冇停過手🥶果然冇令我失望💛.🍢酸豬肉、豬頸肉、雞腎以上嘅順序係跟我自己嘅喜好排列🥳酸豬肉係佢地最出名嘅，真係幾好食，加埋佢地個醬汁，酸酸辣辣超級惹味🤩豬頸肉同雞腎其實冇乜特別，不過都好食嘅🤪一串嘅價錢平均$15左右，都算係公價黎🤣.🍽味道: 3.5/5🏙環境: 3/5👨🏼‍🍳服務: 3/5💧衛生: 2.5/5💰價錢: 3/5

專門來九龍城就是想試試這家名為沙冰的燒烤店，小小一家門店，倒是人頭攢動，我點了四款，斯華麗腸，雞翅，豬肉串和豬頸肉，除了泰國豬肉串很好吃，別的就沒那麼出眾，不值得準門來打卡，而且醬料是稀稀的，不是我想的那種厚醬

放工時間好多人排隊，都要等一陣燒返熱啲串燒，又有啲人大量買外賣，所以要等等等叫左一串酸豬，覺得酸豬肉唔夠酸入面好肥，如果啲肥肉細粒啲碎啲就好好就好在啲沙嗲汁夠濃香又唔會太鹹

每串串燒都係10幾蚊左右，比起泰國餐廳嘅串燒，我覺得真係相當抵食，有時行過都會買返幾串做宵夜，相當唔錯！除左豬、牛、雞肉串燒之外 ， 都有好多其他如雞腎、雞肝，還有司華力腸等等。醬汁有兩款，一款係濃郁沙嗲花生醬，味道唔算重，另一款就係辣混醬，酸辣汁加蒜葱，味道十分香濃，啱啱一食落口都唔會覺得太辣，但係後勁辣味就辣得刺激，我呢啲唔係太食得辣嘅人，真係頂唔順啦，真係會辣到冇咗味覺。食得辣嘅人一定唔可以錯過呢一隻混醬！所以我就平時食開沙嗲花生醬，香得來帶啲甜味。今次係男朋友路過九龍城外賣返嚟俾我食，佢就嘗試揀咗新口味，一食真係不得了，嗰種辣味真係頂唔順啦～但係整體來講佢嘅串燒肉類得好夠味，無論豬雞牛都做得唔錯，自己就個人偏向食牛，鋪頭處理得好嫩。幫襯左十幾年，十分推薦

有少少肚餓，去九龍城「金泰沙冰」食個串燒先🍢🍡好耐冇去食啦😋梗係叫「大辣」🔥牛肉🍖 okay la,似泰國食既牛肉串雞肉🍗 都夠嫩,唔會乾身,juicy 既,不過Vienn個人比較唔好食雞肉串燒，都覺得可以接受雞腎🍢 呢個真係有警喜 #索索聲！好爽、好多汁、好脆啊！必叫！勁推薦⭐️⭐️⭐️⭐️⭐️如果大家經過九龍城，又有少少掛住泰國串燒，就來 金泰沙冰 食下啦❤️ 至少唔伏，食得「辣」既個「大辣」只屬小辣！👌🏼#麻辣女子二人組 由於Kristy 有野做，所以暫時屈就下見住Vienn先啦～金泰沙冰 (九龍城)地址：九龍城衙前圍道21號A2舖#TR90達人 #怎吃也不胖 #食到這世界邊端的盡頭

琴晚去開九龍城，之後同女朋友去朋友屋企食飯。。。食完見8點幾仲早就周圍睇下，因為太耐無嚟啦行行下醒起，去睇下以前經常食檔串燒有無係到都好wo 去到見到風彩還在，都係有人排隊不過好彩幾個姐唔太多。。去到都係先落order，不過食完飯就食唔到多了，一串豬頸肉一串雞翼 之後等左大概2-3個字就有得拎 其間仲過左2個鋪位飲定涼茶 串燒好看，就算店得一個人都好快手！如果無記錯仲係以前個姐姐串燒夠味！辣汁好好食，不過女朋友話好辣。。我又唔覺 雞翼皮仲好脆！估唔到咁多年質素都無變，真係好懷念吖

又係去九龍城，今次就係去金泰食串燒。金泰有兩間店，一間叫金泰沙冰，另一間就叫金泰燒烤。金泰沙冰只可以外賣，金泰燒烤就可以堂食。由於時間關係，今次就揀咗金泰沙冰點咗三款串燒。分別係牛肉、花枝丸、同埋酸豬肉。三款串燒都好好食，燒嘅時間配合得好，食落去唔會好乾、好老。特別想講吓酸豬肉，呢款串燒係其他店係好少見。佢哋係將豬肉腌好再整成卷狀。辣醬都好特別，醬汁有少少酸、辣，用咗青檸、辣椒去調過，比重剛剛好，食落去串燒本來嘅味道唔會俾醬完全俺蓋，味道好豐富😋。

覓食九龍城第一站梗係拮番串串燒食啦原本想食近馬路嗰間既，因為有好多朋友都話好食，又可以座低食呀嘛，但係姐姐話六點鐘先有得食啵依家先四點乍啵太肚餓嘅關係梗係唔等啦🥺🥺🥺於是我哋就轉戰第二間串燒鋪頭，不過就係外賣嘅，冇得坐低舒舒服服咁食我哋食咗牛肉串啦雞腎串啦同埋雞肉串，店員會問你要唔要辣㗎我就話牛肉配泰式辣汁，雞腎同雞肉就配沙嗲汁啦首先試吓個牛肉先，個汁係幾fresh既，但係個牛肉串好似燒得唔夠熱，嗰心只係微温乍

食完黃明記唔夠滿足，fiancé提議食串燒，佢立即上高登搵到呢間🤣即刻行過去！我都估到係成日見擠滿人個間，果然係正呀！見到有泰國香腸，好特別未見過，不過望個樣唔吸引無叫到，穩陣啲叫左牛肉同豬頸肉各一串。本身啲串燒係燒熟左，再燒返熱，店員問要唔要辣，我話要，但就無俾沙嗲汁我，下次要學其他人咁混醬先得！牛肉好淋有汁唔會燒到乾憎憎，好濃牛味。豬頸肉又係多汁，配埋啲又酸又辣好泰國風味既醬汁真係無得輸！必會再黎！！試下混醬既串燒重有蝦片賣色彩繽紛幾靚🤣

見到間鋪頭名叫「金泰沙冰」就以為佢地係賣沙冰，咁你就錯啦，呢間其實係專賣泰式串燒架🤣～ 呢間串燒只開夜晚，每串都只係$12-13，所以係宵夜抵提食之選👍🏻。司華力腸、雞肉、雞腎、蝦餅都係我嘅最愛。每款都係燒到岩岩熟，而且都係外脆內嫩，而且仲保持有肉汁，真係好正🤤。串燒當然會有醬汁啦！有唔辣嘅🥜花生沙爹汁同辣嘅酸辣汁。兩款都係自家製，我最愛一定係酸辣汁，有紅青辣椒🌶️，辣得過癮之餘，酸酸甜甜嘅味道更可以解膩～

以前讀中學既時候差唔多日日放lunch都會去九龍城食蘭英/金泰/魚生飯/撈麵等一大堆又平又好食既街邊檔。放學後補完習又會去金泰食番幾串串燒先走。畢左業雖然少左去九龍城，但每次去都必定會幫襯金泰同蘭英，特別係呢排天氣凍凍地，食番幾串串燒真係正到冇得頂！作為一個極長情既人，我次次黎都係叫豬頸肉同雞腎，一串只係$12，但比我既滿足感係遠遠多過一個$120既餐☺️☺️☺️ 豬頸肉啲肉係永遠都咁滑咁好食，而串雞腎亦永遠都係咁香口☺️希望金泰長做長有，質素永遠都keep到啦🙏🏻

金泰沙冰賣嘅串燒性價比好高，大部分都係$12一串，雖然份量唔大，不過勝咗食少少，乜都可以試。去到當然要排隊啦，不過都幾長，排到格離兩個舖位，要等十分鐘，點咗嘢食再等十分鐘先拎到。推介豬頸肉同雞腎，件數唔多，兩種醬汁都有落，兩種都好香口，好嫩口。

吃過清真牛肉餅後 黎到九龍城 點都要試下泰國串燒離遠見到呢間大排長龍 隨即聞到陣陣燒野食嘅味道令人食指大動立即走過去排隊搵食大家預咗要等耐d Order 咗牛肉，豬肉同雞心加上沙嗲汁同辣汁 三個字 無得頂

金泰沙冰地址 位於九龍城衙前圍道21號A2舖，這外賣串燒店我已經幫襯了多年，每次經過都一定要買幾串，這小店由一位泰藉姐姐主理，即點即燒，因此有時候也需要排隊輪候，而點餐後也需要輪候5至15分鐘，因此必須要充滿耐性★多款串燒價錢由$12-13香腸 鹹酸肉 雞翼 珍寶腸 墨魚丸蝦餅 魚餅 豬頸肉 豬肉 牛肉雞肉 雞腎 雞肝 雞心(可選擇 辣汁 或 沙嗲汁)★酸辣鳳爪$30★芒果糯米飯$28今次，我點選了三款，分別係雞翼、墨魚丸及牛肉，三款都好好味，肉類一啲都唔嚡口，唔會燒到好硬，肉汁也頗多的，我估計大概是醃肉的時間頗長，因此很入味；辣汁味道好似生蝦汁，而沙嗲汁花生味濃略甜，因此我建議先食辣後食甜會比較好♥︎下次經過不妨買幾串試吓，真心覺得超正♥︎