金泰沙冰

Open Now

Now Closed

每次來到九龍城, 吃完晚飯再甜品直落, 本來以為就此結束反歸但臨走前友人都會走來這裡吃幾串串燒才罷休最初幾次只倍君子排隊, 但看下看下越覺越吸引, 忍不住就來試了豬頸肉跟雞心等店只其實非常小, 全部只限外賣, 只裡也只有兩位阿姐在收錢和燒烤落單後才即燒, 所以等上數分鐘全屬等閒之事但豬頸肉燒得十分惹味, 吃起來還帶辛辣感, 肉質十分軟嫩更富油潤而雞心亦能燒至肉厚彈牙雖然巳是宵夜後的宵夜, 但最終也忍不住獨吃了2-3串.

泰式串燒燒雞翼$12(好食指數: 8/10)燒蝦餅$12(好食指數: 7/10)燒豬頸肉$10(好食指數: 8.5/10)燒雞腎$10(好食指數: 7/10)2013-11-16去到大約9：00，好大條人龍出現係小舖前面。雞翼係全翼，燒岀嚟已經香噴噴，酸上泰式酸辣汁，好惹味，越食越辣蝦餅就有啲失望，因為係燒既關係，同炸既好大分別，似魚餅既味道。要讚既係呢個豬頸肉，見到前面好多人嗌就跟住叫，切到好薄又好爽脆，同個酸辣汁好夾，吸哂啲汁雞腎係一粒粒咁，比較un，又無咩辣汁味

九龍城美食真係好多，今日黎到呢度見到串燒癮又起喇，知道呢間舖o既辣汁好美味，於是叫左豬頸肉串同雞肉串，點知姐姐俾錯俾左"雞潤"，仲話我地叫雞潤，叫我地講清楚d，之後好不願意地換雞肉串俾我地，咁o既服務印象分已經減去一半，之後見到側邊有一條條o既肉，問姐姐係咩黎，佢話腍肉囉，再次顯得服務態度唔好，最後我地就叫左呢三串野食   1. 豬頸肉串 最喜歡就係豬頸肉無肥肉，咬落煙煙韌韌，不過呢度豬頸肉係再翻熱，似乎就韌左少少   2. 雞肉串 姐姐好唔願意咁整o既呢串雞肉，令我食o既心情都降低左，雞肉串翻熱再燒後變得乾身，無左原本雞o既味道   3. 腍肉 最覺得特別o既腍肉偏偏令我最失望，腍肉串入面肥肉多過瘦肉，咬落去好淋有種唔太熟o既感覺，整串腍肉就好似食緊串免治肥肉加蒜頭咁，唔係太接受到呢種口感   ##整體黎講只有個辣汁令我滿意，特別夠辣之餘仲辣得好過癮，仲有d椒粒蒜粒係面可見辣o既程度，如果食物質素同服務態度都可以有改善，相信都會好味同食得開心

今日食完清真牛肉館之後行過，聞到好香，忍唔住買咗3串：豬頸肉：好好味，唔硬又多汁，連我個女都話好倉。牛肉：都ok，好味雞肉：明顯無豬頸肉咁好味，可能因為有雞皮，所以有d油膩。下次經過要再食豬頸傜，同埋試吓雞翼先！

尋晚, 約左個FD係九龍城整教會D野, 整完覺得肚有D餓, 係行經九龍城既時候聞到有陣好正既燒烤味~就行去睇下.有間叫金泰沙冰既舖頭~係到燒緊野~佢既餐牌有泰文同繁體中文字～唔駛驚唔識叫～＠＠選擇都幾多架。。都係8$, 10$一串, 一D都唔貴~依間野都幾多人幫親架～我就叫左隻燒雞翼, 嘩, 新鮮燒好, 熱呼呼, 雞肉又嫩~正~另外再叫左個燒蝦餅, 都幾大粒架, 食落又幾彈牙~醫肚一流~^^

差唔多一個月都會幫襯兩三晚外賣串燒. 每次都起碼買7-8串以上. 之前質素一向很好. 女店主又親切有禮. 但近呢幾個月夜晚負責燒果位女店員換左. 買親d雞翼都燒唔熟. 叫佢燒熟d又黑口黑面. 有時心情唔好又唔睬人. 來比錢買o野要睇面色? 無病呀? 叫佢比汁又次次比錯, 本人唔食辣但又比辣我. 人地要多d辣汁又唔肯比人. 好似好珍貴咁, 又唔係您開, 唔洗咁緊張呀?忍您好耐. 以後誓不再幫襯. 其實呢間野d串燒唔錯, 有分店. 如果唔想睇人面色. 可以行去侯王道或太子道分店買. 呢兩間仲可以堂食.

jan 15, 10去食潮菜前自己先嚟走番轉,試埋 : 1) 燒雞翼 (hk$10)-塗上唔辣嘅汁後遞上,直接捏住枝棒拿出嚟影相,燙手到我飛起,真喺如假包換嘅熱棒-佢喺熱,但個皮未燒到去脆嘅口感,不過勝在醬汁調味適中,唔會過鹹,肉絶對無乾到-佢都不乏客源

dec 28, 09同友人接住食串燒,叫咗 : 1) 牛肉 (hk$8)-揀咗唔辣汁-無試到,友人話幾好 2) 豬肉 (hk$8)-都喺唔辣汁-肉質嫩-個汁都夠味,但唔會好鹹/好味精-不錯 3) 腎 x 2 (@hk$8)-友人相呢串配以辣汁,佢話個汁除咗辣味之外,仲帶有酸味,聽落好泰式吓喎-我當然繼續揀唔辣汁啦- 雞腎好爽,不過醃得比較鹹咗d,否則會不錯 4) 豬腩肉 (hk$10)-女店主話佢哋嘅豬腩肉喺帶酸味的-咁特別,所以要試吓-的確喺酸酸哋,可惜又喺鹹咗 * 9龍城之友強調串燒呢間好食,所以當然跟啦 * 不過佢嘅鹹味都幾重手,有機會要試下友人推介過比我嘅雞翼先~~~

吃罷了甜品，剛跟其他食友分手後便跟女友打算步行回家，不過當途經這家小店時便那陣陣燒烤香味吸引過去了.....之前的晚飯已吃過了很多花款的食物，現在來個最原始的<<燒肉腸>>好了。肉腸的外層燒得甘香脆口，內部在咬下去時滲出不少肉汁，十分美味。味道方面有一點近似台灣的的燒香腸，分別在於這條腸的肉比較有咬口，少了那份加功後的感覺，不錯呢~如果各位朋友看到這裡便以為今天已吃飽了，那就大錯特錯......因為，好戲有後頭.......(敬請留意下一篇食評)

晏晝路過買返几串黎食下先...雞腎, 牛肉, 墨丸各一串每樣只有四舊...但係$8 串呀...好似上次0係太子道0個邊食堂食大串d wow...今日試左酸辣汁, 又唔酸又唔辣, 落左好似無落咁沙嗲汁亦略嫌稀左d...行過食一串半串都ok 既, 下次都係去返大鋪食堂食算lu~

上星期去九龍城dinner, 開飯前食左串串燒牛肉嘩~ 好味喎~ 牛肉一d都唔乾不過好細串如果唔係要食飯一定encore呀^.^

食完洋一同牛肉餅都未夠皮，要食泰燒炭做HAPPY ENDING~金泰D豬頸肉真係無得頂，香得黎唔會好肥~配酸汁食..太好味~

五月十日(六)同老婆過左九龍城想食義香既豆腐花，下晝去樓下美心竟然無雞肶賣，實在奇觀，結果只係食左老婆愛心炒烏冬，黎到九龍城立即整番串串燒頂頂肚先！本來想去係開飯睇到既衙前圍道小曼谷分店買，但去到間叫小曼谷既似賣甜品多，唔見有串燒亦唔見得旺場，懷疑係假野無幫襯到！行行下見到平時幫襯開既金泰沙冰都有幾個人買緊，雖然間野唔知點解賣串燒叫沙冰，但比較埋街尾果間又真係佢最多人，所以都係選擇幫襯番佢～燒雞翼($8)個人認為雞翼最佳烹調就係燒，當雞翼燒至皮香肉嫩，配合蜜糖或沙爹，真係人間極品！尼度雞翼燒得唔錯，雞皮燒得香，雞肉保存到肉汁，醃味亦都好入味同好惹味，配合埋佢既沙爹汁，非常正！但今次沙爹汁好似稀過之前，不過已經好正～燒牛肉($8)牛肉配合沙爹係另一個絕佳組合，尼度既牛肉串肉質唔錯，燒得亦好唔會過火，配合埋好味既醃料同沙爹汁，亦都好好！尼度既串燒真係好食過好多乜乜泰國菜館既貴價串燒，而且個汁唔會好重花生味係我鐘意既沙爹醬類型，$8話平唔平但以佢質素同今時今日物價黎講都算抵～

時不時都黎番一串二串. 至愛是牛肉要辣汁.唔知點解openrice寫佢closed咗,但今晚我見佢仲有開,買咗幾串. 至愛串燒牛肉~ 好味,一定要辣汁,唔食辣既我都喜歡食. 曾經介紹過朋友黎食,食完再encore. 不過今日串牛肉好似細串咗. 燒雞翼~燒得香,而且醃得入味,唔駛點汁都一樣惹味.燒豬肉~比牛肉淡口,食落唔似豬肉,要沾汁才有味,一般.燒蝦餅~無甜酸汁,食落味道好假又好寡,唔好味.辣汁仲搵過細細膠袋袋住,幾企理.

常常都會路經此店，夜晚還會見到師傅在馬路旁斬肉串好一串串的串燒，衛生情況實在稍為不足...經朋友介紹，說這兒的串燒好味。抱著好野唔怕食的心理，都不理衛生情況去試個究竟。點了一串牛肉及一串豬腩肉。這兒的汁是較稀的，有陣陣沙嗲味，但不濃，稍為不對味兒。牛肉燒得太乾身，連一點肉汁也沒有，是燒得過火之過。豬腩肉更是變了，酸酸的，噁心呀...絕不再Encore這兒的串燒，真是食到怕怕了。P.S.這鋪頭門口的地面有個Hole，見過D小強進出進入...