金港冰室

Open Now

Now Closed

夜晚收工未食飯，諗住返到屋企附近白撞下。 搵到呢間餐廳係巴士站邊覺得肯得吾錯，入到去叫個咖哩牛腩飯，店員同我講吾飲湯，減三蚊。之後上菜啲牛腩全都係碎黎 得二舊肉全部牛筋，又難食，諗住食飽就算埋單無扣我三蚊，以為我吾出聲，無下次吾會再去

味道差飲品差，環境又熱又迫，員工極有問題。早d見到openrice評價一定唔會食。唔知道點解仲有會生意。員工唔滿意可以串返你，偷偷哋加你單，仲可以hold好耐先比野食你🤗🤗總之唔會再去🙏🙏

入內後發現餐廳的衛生狀況極其差，枱凳黐立立，員工沉迷於玩手機而沒有提供任何幫助給顧客，更常常忘記顧客的訂單。連基本服務水平都無，仲連攞杯水比隔籬枱都打瀉。心諗只係想盡快食完離開。當我埋單時，收銀員（我估是老闆，極有江湖味）的態度極其惡劣，對待顧客呼呼喝喝。他將找回的零錢隨意扔在桌面上，完全不尊重顧客，彷彿對我們的付款心存不滿，可能我是消費太少。如果表達不滿，可能會有事發生。如果你想品嚐這樣一間有著江湖風格的餐廳，可以一試。

個日去光輝圍轉車 見近住巴士站有間叫金港冰室 就諗住入去食個快午餐就轉車走（個日有小小雨 所以要擔遮）入到餐廳後，發現冇傘筒 ，見遮又唔太濕，隨便搵左個位就坐低就卷好把遮放腳邊，點知個店員一句聲都冇出一行過嚟一腳踢開我把遮，喂大佬，你唔鍾意可以出聲架 ，一腳踢埋黎係想點 ，之後仲冇道歉又冇解釋 ，都唔知咩態度，咁我算喇，諗住要趕車快快食個便飯就走，食到一半 ，個店員行過嚟丟底一團紙 又唔講咩事，我食緊野你掉舊垃圾比我做咩__？後尾臨走嘅時候發現佢冇俾單我 ，我打開個團紙先知個張係單 ，咩事我黎食個飯啫，你唔開心唔高興都唔係發個客脾氣架 （全程除左點餐冇同佢有對話過）真心垃圾 ，都唔知為乜 ，比錢買難受，下次不了

8/1/22（星期日）晚在光輝圍，坐車經過好多次金港，今次就試下啦。本身有好多套餐（湯，食物加飲品），小炒又有，碟頭飯，焗飯焗意粉都有。另外有個晚市套餐餐牌，除食湯，食物同飲品，仲有埋糖水。食物有中式同西式選擇。於是就試晚市套餐。中式選擇有五六樣，侍應哥哥推介晚市餐牌既韮菜花銀芽炒豬腩肉，有點豚肉既口感；至於西式就選擇得兩款，就叫蕃茄焗豬扒飯。韮菜花銀芽炒豬腩肉份量大，有小炒既感覺，鑊氣都吾錯，豬腩肉切薄片去炒，入味之餘又無咁油膩，美中不足有數條韮菜花比較老，有「根」。（7/10）蕃茄焗豬扒飯正常份量，夠汁，蕃茄焗到淋淋，豬扒吾太乾，都幾大塊，味道吾錯。呢個餐跟湯同有埋餐包，有啲似花園餐廳咁不過呢度60令蚊一個餐，平好多。（7/10）糖水檸茶檸水吾特別講，正常野。但呢度兩個餐都有糖水，當然要睇吓hea吾hea。結果係吾hea既紅豆🫘西米，糊狀吾浠，吾死甜，仲加少少椰奶在面頭，食完飯有糖水好完美。（7/10）有誠意既街坊茶餐廳，一般60幾到70幾蚊一個餐，合理水平。有機會會黎試其他。

沿路遇上金港冰室，決入去食呢間。餐廳嘅衛生不過不失喇，最特別嘅係呢到有平價扒餐，而且份量十足，兩點後就有供應！價錢由$80幾蚊起！安格斯牛扒餐一份套餐包餐湯、餐包、牛扒、糖水/雪糕，比起出面西餐廳嚟講，價錢平好多而且份量亦都好多！可以同店員講牛扒要幾成熟，如果唔係會出七成熟比你或者更加熟。個人喜愛五成熟配黑椒汁+薯菜，所以就點咗一份！牛扒煎得剛剛好，非常香又多汁！順便一提，冰室格離就係巴士站，交通常方便。

話說同同事下午去食飯 就入去金港求其食個餐 食飯過程都好正常 就普普通通 冇乜特別 咁好啦 同事食飯都會AA制 食完會比番自己個份錢 今次就我負責集齊啲錢去找數 一定有人冇散銀 需要比錢個陣找架啦 比錢個陣 收銀問我洗唔洗找， 我話：要呀 唔該！ 心諗：你唔找錢比我 我點找錢比同事？個男收銀就大大力扔啲銀上個盤度 好明顯態度悔氣 去你度比錢食飯多謝都冇句 食飯 都要受氣？依頭咁多餐廳 你啲野食特別出色？ 點解你收銀收到好似唔洗繼續做落去咁？ 係咪間間食飯都要識得講唔洗找 先會被專重？ 金港憑咩可以咁把炮？ 如果唔想找 下次係門口寫定 「一切消費 不設找續」睇下你夠唔夠膽貼 ！ 唔會再叫同事去金港食飯！

今餐真喺有啲求其，完咗聚會，落返近葵興搵食，沿葵興道行，遇上「金港冰室」就中咗入去，其實，一來都鍾意幫襯冰室，向來都平靚正嘛，二來睇落間鋪幾新淨，又有出爐麵包賣，故都有心支持下啲本土小店。裡面嘅環境都OK嘅，兩邊喺卡位，中間就有少少        二人枱，算喺乾淨企理，卡位加高咗啲白膠板，所以，啲客就好醒目，揀晒兩邊卡位坐，除咗闊落啲之外，彼此嘅距離又隔開啲。調味料放晌枱，而餐具就放晒晌枱邊嘅抽櫃度，但依家嘅常態，為安全起見，就一定叫阿姐俾多杯熱水嚟消毒一下啲餐具。枱邊牆上就貼咗特餐、鐵板套餐出嚟，而另外仲提供午餐，包湯、包嘢飲，定價$48 / $50，都喺一般茶記價位。都研究咗好耐，老婆先搵到啱食，大家最後都喺揀午餐。埋單時晌收銀處見有外賣單張攞，所以，掃瞄貼埋出嚟俾大家參考。節瓜煲豬骨呢個喺是日例湯，味道就無咩驚喜架喇，平平穩穩咁啦，至少唔會「淡茂茂」，飲落都夠火喉，都收貨啦。蝦醬豆卜蒸腩片飯 $48蝦醬蒸豬肉喺好惹味嘅菜式，而呢一道蒸腩片，啲腩片果然堅肥，真喺7分肥3分瘦，比小弟預期中肥，喺啲肥肉部份做得一般，因為咬落去都仍然好「肥膏」，無話蒸一蒸逼出啲肥油，但配上鹹蝦醬都勉強O

今日係光輝圍做完野，12點幾去食飯，見佢近近地，食完一岀去就可以追巴士🤣食物香辣茄子牛肉飯真係好辣🤣好多塊牛肉，唔知係咪早餐沙嗲牛…牛肉好滑呀！茄子都好入味，但汁真係撈飯一流老公話試下炒貴刁，呢個就差左少少…啲河碎晒，又炒得太乾，不過都有好多粒蝦、又有叉燒同蛋絲，咖喱味一般咋…例湯唔覺佢有味精，有蓮藕，見到有肉，成個餐份量好飽環境多卡位嘅，不過條路好窄，咩住個袋又驚撞到人，去嘅時候啱啱lunchtime,都坐滿人，好彩都有位坐。整體都覺得乾淨嘅，佢有個廁所，不過我哋就冇去。服務有禮貌嘅，都知佢哋忙，但你嗌佢，佢會叫你等陣之後好快有人處理你。有班同學仔入到佢等人執枱，但又唔坐低，塞住中間…哥哥仔都好好脾氣叫佢坐下先，讓個位執好晒枱就可以落單！整體黎講都ok嘅