金百味

Open Now

Now Closed

之前外賣點過 覺得好食所以今次來現場食。事先都知道沒有位置可提供，但見到有檯放在外面都問下能否坐被告知坐公園食。同行男朋友買了炒米粉 茶葉蛋我買了小米 腸粉 和海石花飲料炒米粉男朋友吃了一口就吐了出來，因為是冷的。正當我打算吃腸粉時發現漏了醬汁 男朋友已經不是太開心 返回告知商店處理了之後變回正常溫度且拿了漏掉的醬汁終於可以食的時候 發現米粉完全沒有味道我也嘗試了 確實真的很難吃 又乾又沒味我就叫男朋友吃腸粉 吃吃下發現有頭髮對比了發現不是我們的….我真的瞬間沒有胃口了。花了差不多100多我們是來填飽肚子的不是尋找不開心的。到返回商店告知這些種種的問題後，店家檢查完腸粉後 只是輕輕說重新煮過一份腸粉。對於米粉味道沒有任何表示。對於二次消費的我來說真的非常失望 我們錢花了 肚子感覺不到吃了什麼 。以後不會再來

超抵食勁方便一出天后港鐵站就可以見到的「金百味」外賣店太多選擇，最後原本想食牛雜、三絲炒米和香辣魚皮的，但係全部都沽清（當時只係中午一點幾）🥲只好選其他牛肉腸～即叫即蒸熱辣辣的米漿腸粉，牛肉香腍，夾雜香蔥調味，最後還灑上菜脯粒，增加口感😋豬潤腸～即拉腸粉份外香滑，包住滿滿爽口的豬潤和生菜絲👍牛肉餅湯～牛肉餅香口Q彈，湯底清甜🥰小米餃～潮汕特色小食，餃皮煙韌，餡料豐富，一口一個，仲有自家製辣椒醬👍

天后地鐵站一出就見到依間新開咗唔係好耐嘅簸箕腸粉店，喺香港好似第一次見到呢種古早烹調手藝嘅腸粉😍試咗牛肉腸，叉燒蛋腸，雞蛋腸同糯米雞腸粉全部即叫即制，蒸出嚟嘅腸粉份外香滑，有陣陣嘅竹子香。店員將米漿倒喺平滑嘅簸箕上，再將米漿360度搖勻，製作出嚟嘅腸粉又薄又滑。每份都加咗芽菜絲，香蔥碎，生菜碎，菜譜碎，加埋自家製嘅調味甜豉油，非常好食。食到停唔到口，不一會已經爬晒三份腸粉。🤭🤭🤭糯米雞大大隻夠飽肚，裏面有臘腸肉，鹹蛋黃，豬肉粒，雞翼，然後用荷葉包起蒸，令糯米雞整個飯香軟入味。

老闆人很好 腸粉粉漿每天自家製磨有誠意，即叫即做雞蛋腸粉，加上醬汁。菜浦和老闆自家製辣椒醬好吃。。比較喜歡叉燒雞蛋腸粉小食種類比較特別 特色飲品，蜂蜜味很好，夏天解渴一流

本身住呢區，見呢間小店都開業咗一段時間，由朝到晚都有人幫襯，就決定俾次機會大家試一試佢。老闆非常熱情，主動推介咗呢款腸粉，仲同我講一定要加雞蛋先好食，就點咗佢。佢同出面啲腸粉最大分別係口感異常豐富。咬開裡面有生菜、芽菜、芫茜、蔥同主角豬潤。豬潤入味唔腥，非常入味，老闆話每朝攞新鮮料返嚟泵水同過水，好有心。上面會淋上一層煮過嘅甜豉油同熟油，再灑上菜甫，如果食辣嘅強烈建議要加佢地秘制辣醬，配方問咗老闆幾次都唔肯講，但我俾10/10。惟獨怕油膩嘅朋友可以同佢講要少油同埋冇堂食。

星期六係銅鑼灣附近行完街，經過天后地鐵站見到有間外賣小店幾好生意咁，就行去睇下 。原來佢係賣特色潮汕小食，就買啲返屋企試下 。✨筲箕牛肉腸呢個腸粉嘅特點在於皮係即場石磨，而且即叫即整。米漿倒入筲箕後再蒸，皮簿而有嚼勁。✨牛肉餅湯呢碗湯嘅牛肉餅爆汁，肉味濃郁。如果鍾意牛肉真係值得一試。✨小米開頭都唔知係咩，外型似迷你粉果，皮煙煙韌韌，入面有啲蝦米同肉，幾得意 。✨三絲炒米粉呢個炒米料都幾多，見到有唔少火腿絲，口感豐富。

返公司之前，同事落單，一齊買早餐！大家決定試試依間呢度嘅選擇，要創造一個豐富早餐，簡直係易過借火！有即叫即整嘅腸粉！粥、炒麵、炒米粉、粢飯、蒸包等等，正！腸粉即叫即做，超級靚仔！每一份腸粉仲配一大包豉油，豉油唔會好鹹，不過落一半就剛剛好。我哋就揀咗叉燒腸同埋牛肉腸☺️☺️雖然係腸粉，但食落非常惹味！好香！仲有少少生菜、芽菜，旁邊有少少甜甜地嘅菜脯，口感好豐富，一啲都唔單調，仲非常飽肚添！是日靚粥係排骨粥，鹹排骨好好食😋同事份炒米粉賣相亦非常出色😋😋好多蔬菜配料，又有雞蛋，成件事好有營養😆😆小店出品，確實唔錯，值得多多支持，大家都決定第二日早餐encore😎😎

外賣店喺正天后地鐵站對出，基本上返工放工嚟都非常之方便！今次晏咗嚟好多嘢都賣晒，我哋叫咗牛肉腸粉❤️三絲炒米❤️糯米雞❤️香辣魚皮❤️買完對出仲有好多位可以坐喺度慢慢食，而當中我最鍾意嘅就梗係香辣可口又彈牙嘅魚皮，仲有佢哋自家製滑捋捋嘅牛肉腸粉，牛肉味濃！另外再加多份糯米雞同一啲都唔油膩嘅三絲炒米粉，食落勁飽肚，勁滿足，價錢亦都非常之抵食，呢度嘅份量三個人食嘅話都仲可能有突！而且除咗呢啲之外，仲有其他包點類等小食！

啱啱做完運動，經過呢間小食店因為好多嘢食都賣晒，老細推薦我食牛肉腸（如果要走蔥嘅朋友，記得同老細講）佢嘅腸粉加埋配料，再加上佢嘅靈魂辣椒油，簡直不得了老細話佢嘅米漿都係自己磨辣椒油都係佢自己整老細驚我焫親手，仲要整兩張紙巾墊住拎俾我我下次一定會早啲嚟試埋佢其他嘢食🥰

今日早咗收工，又未到晚飯時間，但又餓餓地想搵啲嘢食..經過天后地鐵站，附近有間新開嘅小食店，主打我最愛嘅筲箕腸粉💡即刻拉埋個同事買多幾樣一齊食🥢🔹叉燒腸粉人手即時製作嘅筲箕腸粉透薄軟滑，包裹著滿滿叉燒粒，充滿蜜汁香！特別一讚腸粉皮滑溜好Q彈，熱辣辣即製即食滋味滿分💯🔹肉鬆粢飯粢飯選用糯米，粒粒分明，粘軟有口感～咬開內餡有鹹香榨菜、酥香肉鬆等，飽肚又惹味😚🔹茶葉蛋茶葉蛋味道鹹淡適中，蛋白軟嫩Q彈滿滿茶香，相當入味👍🏻👍🏻🔹三絲炒米意猶未盡愈食愈肚餓😂一於叫多個炒米粉開心share！米粉炒至乾爽又彈牙，加入雞蛋、蘿蔔絲、椰菜等配料，香氣十足💁🏻‍♀️金百味✨📍天后留仙街3號雅景樓地下A3號舖

尋日經過天后留仙街，見到一到間中式小食店-金百味已經開張，所以今朝就疊埋心水試佢啲嘢食做早餐。新鮮牛雜（$43）：有大腸，牛肚，牛腩同埋蘿蔔。牛雜冇內臟既異味。炆既時間夠，好易咬開。個汁都好味。牛肉腸（$31）：新鮮即蒸。牛肉新鮮，咬落有彈性同有肉汁。肉鬆粢飯（$22）：內涵有肉鬆味菜同埋油炸鬼，口感豐富。粢飯飯質軟熟。小米餃（$29）：第一次食呢個小米餃。估唔到幾得意。個皮煙煙韌韌，包住豬肉餡，一口一個。豬肉肉餡既調味幾香。

💖經過天后呢間外賣🥡小店，見食物種類幾多，牛雜魚皮腸粉粥包麵點心等等都有，就係地鐵站出口對面，即刻買返去食下。1⃣️香辣魚皮🐟 $51💖好惹味送飯🤤，魚皮咬落Q彈，滿滿膠原蛋白，切成細塊更易入口。調味嘅汁香辣得黎唔麻，配上爽脆嘅青瓜絲🥒同炸花生🥜，口感更豐富。2⃣️牛肉腸🐮 $31💖早餐一流，腸粉皮滑溜唔厚重。內餡嘅牛肉份量唔錯，肉質嫩唔老，夾雜香蔥調味，搭配鹹香嘅鼓油。3⃣️糯米雞🐔 $28💖份量幾大！糯米軟綿，食落香口入味，帶啲鹹香同荷葉清新但唔油膩，有大件香滑雞塊同冬菇🍄。4⃣️皮蛋瘦肉粥🥣 $24💖我嘅至愛😽，口感軟糯棉滑，有大件滑溜嘅豬肉同鹹香嘅皮蛋，加上白胡椒提味。💖佢哋最出名嘅係牛雜，下次掃街再黎試下。老細態度好，做嘢快手，推薦👍🏻。

呢間外賣小食店，就喺地天后地鐵站A1出口嘅斜對面，店舖營業時間為早上7點至晚上7點。小店有多款中式包點、提神早餐、即叫即整嘅腸粉，仲有好款唔同美食必叫招牌 [ 新鮮牛雜 $43 ] 裡面有牛嘅唔同內臟，煮到好入味，牛味味道較濃，仲有配搭埋入哂味嘅蘿蔔，一碗勁大碗，樣樣都好爽口，食到停唔到口熱辣辣嘅 [ 肉鬆粢飯 $22 ] 粢飯包得厚實，入面嘅餡料有卜卜脆油條、肉鬆、炸菜，塞到滿滿，口感豐富，食落有層次感，真係好正即叫即蒸嘅 [ 叉燒腸 $28 ] 仲有幾款唔同口味選擇，傳統做法好特別，將米漿倒入個竹筲箕內，再加上叉燒粒、青菜、蔥，係腸粉面層放上菜脯粒，腸粉口感軟滑帶米香，食落非常好味[ 糯米雞 $29 ] 用荷葉包著糯米，中間放咗原隻雞翼，入面仲有臘腸、豬肉等餡料，濃汁，糯米煙韌，餡料豐富，份量滿足。好入味嘅 [ 茶葉蛋 $6 ] 連蛋黃都好入味，兩隻真係唔夠喉

金百味 (天后)天后留仙街3號雅景樓地下A3號舖在家睇盛事，香港隊對beckham 國際邁阿密，美斯帶領的球隊，門票太天價4000幾唔值，叫了幾個朋友上來屋企，睇電視直播。買了些小食同啤酒，邊食邊睇！messi 無落場我地都少爆了個球賽安排。講返野食，買了叉燒腸 ，牛雜，小米餃 ，栥飯，每樣只係廿幾蚊，好抵食，開波4:30當作下午茶。叉燒腸即拉，腸皮幾彈滑，落埋甜鼓油，加蔥花無敵組合牛雜一碗修面，屋企再加辣油，惹味開胃，3個男人一致覺得正。有牛柏葉，腸，肝等栥飯好重口，入面有肉碎榨菜油炸鬼，幾飽肚下小米餃見細細粒，佢個皮是比較厚實像魚皮餃，餡料為豬肉碎。

金百味😘😘😘新鮮巧手小店天后上完堂、地鐵附近留仙街、小食打卡點、新開張外賣小食店、即叫即蒸、熱辣辣腸粉、多款味道！仲有好多精美美食！等候食物其間、人流川流不息！牛肉腸粉$28…. 多款口味、即叫即蒸、製作用具比較特別、用竹籠、傳統用具、頗特色、效果唔錯👍🏻⋯⋯腸粉米漿、白白滑滑！牛肉香腍！灑上菜脯粒、提升味蕾口感、配搭特色又好味😋小米粿$26/10粒⋯潮汕特色小吃、粿皮勁道Q彈、薯粉製作、晶瑩剔透、餡料豐富、煙煙韌韌有口感、配埋小店自家炮製的辣椒醬、yummy yummy😛新鮮牛雜$40⋯東南亞、廣東、香港常見小吃、由牛嘅內臟煮成、包括有牛肝、牛肺、牛腎、牛腩等等、滷水汁調味、炆至入味、濃濃郁香牛撲鼻！食唔停🉐口！生菜底吸晒牛雜汁、爽呀！糯米雞$28⋯ 糯米雞是源自廣東的一種點心。製法是以荷葉包著糯米，中央放雞肉、豬肉、臘腸等餡料、材料十足、濃汁、糯米煙韌、飽肚滿足😌*早上七點已開始營業*好多精美中式飽點、燒賣、魚旦、早餐可以好多選擇🤣金百味天后留仙街3號雅景樓地下A3號舖港鐵天后站A1出口、步行約二分鐘